June 19, Chandigarh
ਉੱਤਰਾਖੰਡ ਸੂਬੇ ਦੇ ਗੁਰਦੁਆਰਾ ਨਾਨਕ ਮਤਾ ਤੇ ਡੇਰਾ ਕਾਰ ਸੇਵਾ ਮੁਖੀ ਬਾਬਾ ਤਰਸੇਮ ਸਿੰਘ ਹੱਤਿਆਕਾਂਡ ਦੇ ਮੁੱਖ ਮੁਲਜ਼ਮ ਸਰਬਜੀਤ ਸਿੰਘ ਮੀਆਂ ਵਿੰਡ ਨੇ ਖੁਲਾਸਾ ਕੀਤਾ ਕਿ ਬਾਬਾ ਤਰਸੇਮ ਸਿੰਘ ਦੀ ਹੱਤਿਆ ਦਿਲਬਾਗ ਸਿੰਘ ਨਾਂਅ ਦੇ ਇੱਕ ਵਿਅਕਤੀ ਦੀ ਧੀ ਨਾਲ ਕਈ ਸਾਲ ਪਹਿਲਾਂ ਹੋਈ ਇੱਕ ਕਥਿਤ ਵਧੀਕੀ ਦੇ ਬਦਲੇ ਵਜੋਂ ਕੀਤੀ ਗਈ। ਪੱਤਰਕਾਰ ਰਿਤੇਸ਼ ਲੱਖੀ ਨਾਲ ਟੈਲੀਫੋਨ ਉੱਤੇ ਕੀਤੀ ਗੱਲਬਾਤ ਦੌਰਾਨ ਤਰਨ ਤਾਰਨ ਦੇ ਮੀਆਂ ਵਿੰਡ ਦੇ ਰਹਿਣ ਵਾਲੇ ਸਰਬਜੀਤ ਸਿੰਘ ਨੇ ਦੱਸਿਆ ਕਿ ਇਹ ਸੱਤਿਆ ਦੀ ਸਾਜਿਸ਼ 2011 ਵਿੱਚ ਹੀ ਕੀਤੀ ਜਾਣੀ ਸ਼ੁਰੂ ਹੋ ਗਈ ਸੀ ਲੇਕਿਨ 2024 ਦੇ ਵਿੱਚ ਬਾਬਾ ਤਰਸੇਮ ਸਿੰਘ ਨੂੰ ਕਤਲ ਕੀਤਾ ਗਿਆ।
ਸਰਬਜੀਤ ਸਿੰਘ ਨੇ ਦਾਅਵਾ ਕੀਤਾ ਹੈ ਕਿ ਬਾਬਾ ਤਰਸੇਮ ਸਿੰਘ ਦੀ ਹੱਤਿਆ ਦਾ ਕਾਰਨ ਸਿਰਫ ਅਤੇ ਸਿਰਫ ਦਿਲਬਾਗ ਸਿੰਘ ਦੇ ਪਰਿਵਾਰ ਨਾਲ ਹੋਈ ਵਧੀਕੀ ਅਤੇ ਦਿਲਬਾਗ ਸਿੰਘ ਨਾਲ ਉਹਨਾਂ ਦੋਵਾਂ ਦੀ, ਯਾਨੀ, ਸਰਬਜੀਤ ਸਿੰਘ ਅਤੇ ਅਮਰਜੀਤ ਸਿੰਘ ਦੀ ਜਾਨ ਪਹਿਚਾਣ ਹੋਣਾ ਸੀ। ਦਿਲਬਾਗ ਸਿੰਘ ਦੇ ਪਰਿਵਾਰ ਨਾਲ ਹੋਈ ਵਧੀਕੀ ਬਾਰੇ ਕੋਈ ਵੀ ਵੇਰਵਾ ਸਰਬਜੀਤ ਸਿੰਘ ਨੇ ਨਹੀਂ ਦੱਸਿਆ ਲੇਕਿਨ ਦਾਅਵਾ ਕੀਤਾ ਕਿ ਉਸ ਸਮੇਂ ਦੀਆਂ ਪੰਚਾਇਤਾਂ ਅਤੇ ਇਲਾਕੇ ਦੇ ਲੋਕਾਂ ਨੂੰ ਇਸ ਘਟਨਾ ਬਾਰੇ ਜਾਣਕਾਰੀ ਸੀ। ਬਾਬਾ ਤਰਸੇਮ ਸਿੰਘ ਵੱਲੋਂ ਗੁਰਦੁਆਰਾ ਨਾਨਕ ਮਤਾ ਵਿੱਚ ਸਕੂਲੀ ਬੱਚਿਆਂ ਦੇ ਨ੍ਰਿਤ ਕਰਾਉਣ ਜਾਂ ਹੋਰਨਾਂ ਇਲਜ਼ਾਮਾਂ ਕਾਰਨ ਉਹਨਾਂ ਦੀ ਹੱਤਿਆ ਦੀ ਗੱਲ ਨੂੰ ਸਰਬਜੀਤ ਸਿੰਘ ਨੇ ਨਕਾਰਦਿਆਂ ਹੋਇਆਂ ਕਿਹਾ ਕਿ ਬਾਬਾ ਤਰਸੇਮ ਸਿੰਘ ਦੀ ਹੱਤਿਆ ਦਾ ਕਾਰਨ ਸਿਰਫ ਦਿਲਬਾਗ ਸਿੰਘ ਦਾ ਮਾਮਲਾ ਰਿਹਾ।
ਸਰਬਜੀਤ ਸਿੰਘ ਨੇ ਦੱਸਿਆ ਕਿ 2011 ਵਿੱਚ ਉੱਤਰਾਖੰਡ ਸ਼ਾਹਜਹਾਨਪੁਰ ਉੱਤਰਾਖੰਡ ਵਿਖੇ ਇੱਕ ਬੈਂਕ ਡਕੈਤੀ ਮਾਮਲੇ ਦੇ ਵਿੱਚ ਜੇਲ ਕੱਟ ਰਹੇ ਸਰਬਜੀਤ ਅਤੇ ਉਸਦੇ ਕੇਸਵਾਰ ਅਮਰਜੀਤ ਸਿੰਘ ਦੀ ਮੁਲਾਕਾਤ ਦਿਲਬਾਗ ਸਿੰਘ ਨਾਲ ਹੋਈ ਜਿਸ ਨੇ ਆਪਣੇ ਪਰਿਵਾਰ ਨਾਲ ਹੋਈ ਇਸ ਵਧੀਕੀ ਬਾਰੇ ਦੋਵਾਂ ਨੂੰ ਜਾਣਕਾਰੀ ਦਿੱਤੀ। ਸਰਬਜੀਤ ਸਿੰਘ ਮੁਤਾਬਕ ਅੱਜ ਤੋਂ ਡੇਢ ਸਾਲ ਪਹਿਲਾਂ ਹੀ ਉਹ ਬਾਬਾ ਤਰਸੇਮ ਸਿੰਘ ਨੂੰ ਕਤਲ ਕਰਨਾ ਚਾਹ ਰਿਹਾ ਸੀ ਲੇਕਿਨ ਇਸ ਸਾਲ 29 ਮਾਰਚ ਨੂੰ ਉਸਨੇ ਅਮਰਜੀਤ ਸਿੰਘ ਦੇ ਨਾਲ ਰਲ ਕੇ ਬਾਬਾ ਤਰਸੇਮ ਸਿੰਘ ਦੀ ਹੱਤਿਆ ਕਰ ਦਿੱਤੀ।
ਸਰਬਜੀਤ ਸਿੰਘ ਨੇ ਦੱਸਿਆ ਕਿ 2011 ਵਿੱਚ ਹੋਈ ਇੱਕ ਬੈਂਕ ਡਕੈਤੀ ਮਾਮਲੇ ਵਿੱਚ ਉਹ ਅਤੇ ਅਮਰਜੀਤ ਸਿੰਘ ਜੇਲ ਵਿੱਚ ਸਨ। ਜ਼ਿਕਰ ਖਾਸ ਹੈ ਕਿ 29 ਮਾਰਚ ਨੂੰ ਹੋਏ ਬਾਬਾ ਤਰਸੇਮ ਸਿੰਘ ਹੱਤਿਆ ਮਾਮਲੇ ਵਿੱਚ 8 ਅਪ੍ਰੈਲ ਨੂੰ ਹਰਿਦੁਆਰ ਵਿਖੇ ਹੋਏ ਪੁਲਿਸ ਮੁਕਾਬਲੇ ਵਿੱਚ ਬਾਬਾ ਤਰਸੇਮ ਸਿੰਘ ਦੇ ਸ਼ੂਟਰ ਅਮਰਜੀਤ ਸਿੰਘ ਦੀ ਮੌਤ ਹੋ ਗਈ ਸੀ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਦਿਲਬਾਗ ਸਿੰਘ ਅਤੇ ਅੱਧੇ ਦਰਜਨ ਤੋਂ ਵੱਧ ਹੋਰ ਮੁਲਜ਼ਮਾਂ ਨੂੰ ਪਹਿਲਾਂ ਹੀ ਗ੍ਰਿਫਤਾਰ ਕਰ ਲਿਆ ਸੀ ਲੇਕਿਨ ਹੱਤਿਆਕਾਂਡ ਦਾ ਮੁੱਖ ਸਾਜਿਸ਼ ਕਾੜਾ ਅਤੇ ਮੋਟਰਸਾਈਕਲ ਚਲਾਉਣ ਵਾਲਾ ਸਰਬਜੀਤ ਸਿੰਘ ਮੀਆਂਵਿਡ ਅਜੇ ਵੀ ਉੱਤਰਾਖੰਡ ਪੁਲਿਸ ਦੀ ਗ੍ਰਿਫਤ ਤੋਂ ਬਾਹਰ ਹੈ। ਇਥੇ ਇਹ ਵੀ ਦੱਸਦਾ ਜਰੂਰੀ ਹੈ ਕਿ ਸਰਬਜੀਤ ਸਿੰਘ ਦੇ ਮੀਆਂ ਵਿੰਡ ਸਥਿਤ ਘਰ ਦੀ ਖੁਰਕੀ ਲਈ ਬੁਨਿਆਦੀ ਕੀਤੀ ਜਾ ਚੁੱਕੀ ਹੈ।
ਆਪਣੀ ਗੱਲਬਾਤ ਦੌਰਾਨ ਸਰਬਜੀਤ ਸਿੰਘ ਨੇ ਪੁਲਿਸ ਸਾਹਮਣੇ ਸਰੰਡਰ ਕਰਨ ਦੀ ਇੱਛਾ ਦਾ ਵੀ ਇਜ਼ਹਾਰ ਕੀਤਾ।
ਪੂਰੀ interview ਸੁਣਨ ਲਈ ਯੂਟਿਊਬ ਲਿੰਕ
