ਬਿਓਰੋ। ਡਰੱਗਜ਼ ਕੇਸ ਵਿੱਚ ਸਾਬਕਾ ਮੰਤਰੀ ਬਿਕਰਮ ਮਜੀਠੀਆ ਖਿਲਾਫ਼ FIR ਦਰਜ ਹੋਣ ਤੋਂ ਬਾਅਦ ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਪਹਿਲੀ ਵਾਰ ਆਪਣੀ ਸਰਕਾਰ ਤੋਂ ਖੁਸ਼ ਨਜ਼ਰ ਆ ਰਹੇ ਹਨ। ਹਾਲਾਂਕਿ ਸਿੱਧੂ ਨੇ ਇਸ ਪੂਰੀ ਕਾਰਵਾਈ ਦਾ ਸਿਹਰਾ ਆਪਣੀ ਜਿਦ ਵਿੱਚ ਬਦਲੇ ਗਏ ਸੂਬੇ ਦੇ DGP ਦੇ ਸਿਰ ਬੰਨ੍ਹਣ ਵਿੱਚ ਵੀ ਵਕਤ ਨਹੀਂ ਲਗਾਇਆ। ਲਗਾਤਾਰ ਮਜੀਠੀਆ ਦੀ ਗ੍ਰਿਫ਼ਤਾਰੀ ਦੀ ਮੰਗ ਕਰਦੇ ਆ ਰਹੇ ਸਿੱਧੂ ਨੇ ਕਿਹਾ ਕਿ ਇਹ ਇਮਾਨਦਾਰ ਅਫਸਰਾਂ ਨੂੰ ਕਮਾਨ ਦੇਣ ਦਾ ਹੀ ਨਤੀਜਾ ਹੈ।
ਸਿੱਧੂ ਨੂੰ ਇੱਕ ਤੋਂ ਬਾਅਦ ਇੱਕ 3 ਟਵੀਟ ਕਰਕੇ ਇਸ ਕਾਰਵਾਈ ਨੂੰ ਲੈ ਕੇ ਨਵੇਂ DGP ਸਿਧਾਰਥ ਚਟੋਪਾਧਿਆਏ ਦੀ ਪਿੱਠ ਥਪਥਪਾਈ। ਨਾਲ ਹੀ ਸੂਬੇ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ‘ਤੇ ਹਮਲਾ ਬੋਲਣਾ ਵੀ ਨਹੀਂ ਭੁੱਲੇ।
‘ਬਾਦਲ ਤੇ ਕੈਪਟਨ ਚਲਾ ਰਹੇ ਸਨ ਕਰੱਪਟ ਸਰਕਾਰ’
ਆਪਣੇ ਪਹਿਲੇ ਟਵੀਟ ਵਿੱਚ ਸਿੱਧੂ ਨੇ ਕਿਹਾ, “ਬਾਦਲ ਪਰਿਵਾਰ ਅਤੇ ਕੈਪਟਨ ਵੱਲੋਂ ਚਲਾਏ ਗਏ ਕਰੱਪਟ ਸਿਸਟਮ ਦੇ ਖਿਲਾਫ਼ ਸਾਢੇ 5 ਸਾਲਾਂ ਦੀ ਲੜਾਈ ਅਤੇ ਮਜੀਠੀਆ ਖਿਲਾਫ਼ ED ਅਤੇ STF ਦੀ ਰਿਪੋਰਟ ‘ਤੇ ਕਾਰਵਾਈ ‘ਚ 4 ਸਾਲ ਦੀ ਦੇਰੀ ਤੋਂ ਬਾਅਦ, ਆਖਰਕਾਰ ਹੁਣ ਇਸ ਮਾਮਲੇ ‘ਚ ਇਮਾਨਦਾਰ ਅਫ਼ਸਰਾਂ ਨੂੰ ਕਮਾਨ ਦੇਣ ਦੇ ਚਲਦੇ ਇਹ ਪਹਿਲਾ ਕਦਮ ਲੈ ਲਿਆ ਗਿਆ ਹੈ।“
After 5.5 Years of fight against Corrupt System run by Badal Family & Captain and delay of 4 years without action taken on ED & STF Report against Majithia. Finally now, after pushing for credible officers in positions of power and influence first step has been taken !!
— Navjot Singh Sidhu (@sherryontopp) December 21, 2021
‘ਉਹਨਾਂ ਦੇ ਮੂੰਹ ‘ਤੇ ਚਪੇੜ, ਜੋ ਸਾਲਾਂ ਤੱਕ ਸੋਏ ਰਹੇ’
ਸਿੱਧੂ ਨੇ ਕਿਹਾ, “ਫਰਵਰੀ 2018 ਦੀ STF ਰਿਪੋਰਟ ਦੇ ਅਧਾਰ ‘ਤੇ ਪੰਜਾਬ ਪੁਲਿਸ ਦੀ ਕਰਾਈਮ ਬ੍ਰਾਂਚ ਵਿੱਚ ਡਰੱਗ ਮਾਫੀਆ ਦੇ ਮੁੱਖ ਦੋਸ਼ੀਆਂ ਦੇ ਖਿਲਾਫ਼ ਕੇਸ ਦਰਜ ਕਰ ਲਿਆ ਗਿਆ ਹੈ, ਜਿਸਦੀ ਮੈਂ 4 ਸਾਲਾਂ ਤੋਂ ਮੰਗ ਕਰ ਰਿਹਾ ਸੀ। ਇਹ ਉਹਨਾਂ ਤਾਕਤਾਂ ਦੇ ਮੂੰਹ ‘ਤੇ ਚਪੇੜ ਹੈ, ਜੋ ਪੰਜਾਬੀਅਤ ਨਾਲ ਜੁੜੇ ਮੁੱਦਿਆਂ ‘ਤੇ ਸਾਲਾਂ ਤੱਕ ਸੋਏ ਰਹੇ।“
An FIR has been registered in Punjab Police Crime Branch against the main culprits of Drug Trade on basis of February 2018 STF report, wherein i demanded this 4 years ago – It is a slap on the face of all those powerful who slept for years on issues at the heart of Punjab’s soul
— Navjot Singh Sidhu (@sherryontopp) December 21, 2021
‘ਇਹ ਸਿਰਫ਼ ਪਹਿਲਾ ਕਦਮ, ਸਜਾ ਬਾਕੀ’
ਇਸਦੇ ਨਾਲ ਹੀ ਸਿੱਧੂ ਨੇ ਕਿਹਾ ਕਿ ਡਰੱਗ ਮਾਫੀਆ ਦੇ ਖਿਲਾਫ਼ ਉਹਨਾਂ ਦੀ ਇਹ ਲੜਾਈ ਉਦੋਂ ਤੱਕ ਜਾਰੀ ਰਹੇਗੀ, ਜਦੋਂ ਤੱਕ ਇਸ ਨੂੰ ਪਨਾਹ ਦੇਣ ਵਾਲਿਆਂ ਨੂੰ ਸਜਾ ਨਹੀਂ ਮਿਲਦੀ। ਉਹਨਾਂ ਕਿਹਾ, “ਜਦੋਂ ਤੱਕ ਮੁੱਖ ਦੋਸ਼ੀਆਂ ਨੂੰ ਮਿਸਾਲੀ ਸਜਾ ਨਹੀਂ ਮਿਲਦੀ, ਉਦੋਂ ਤੱਕ ਇਨਸਾਫ਼ ਨਹੀਂ ਹੋਣਾ। ਇਹ ਸਿਰਫ਼ ਪਹਿਲਾ ਕਦਮ ਹੈ। ਅਸੀਂ ਉਦੋਂ ਤੱਕ ਲੜਦੇ ਰਹਾਂਗੇ, ਜਦੋਂ ਤੱਕ ਇਹ ਸਜਾ ਪੁਸ਼ਤਾਂ ਲਈ ਮਿਸਾਲ ਨਹੀਂ ਬਣ ਜਾਂਦੀ। ਸਾਨੂੰ ਇਮਾਨਦਾਰ ਲੋਕਾਂ ਦਾ ਸਾਥ ਦੇਣਾ ਚਾਹੀਦਾ ਹੈ। ਤਸਕਰਾਂ ਤੇ ਉਹਨਾਂ ਦੇ ਰਾਖਿਆਂ ਦੇ ਖਿਲਾਫ਼ ਲੜਨਾ ਚਾਹੀਦਾ ਹੈ।”
Justice will not be served until main culprits behind Drug Mafia are given exemplary punishment, this is merely a first step, Will fight till punishment is given which acts as deterrent for generations. We must choose honest & righteous & shun drug traffickers & their protectors.
— Navjot Singh Sidhu (@sherryontopp) December 21, 2021
ਸਿੱਧੂ ਦੀ ਜਿਦ ‘ਤੇ ਹੀ ਬਦਲੇ ਸਨ AG, DGP
ਕਾਬਿਲੇਗੌਰ ਹੈ ਕਿ ਪੰਜਾਬ ਵਿੱਚ ਤਖਤਾਪਲਟ ਤੋਂ ਬਾਅਦ ਨਵਜੋਤ ਸਿੰਘ ਸਿੱਧੂ ਆਪਣੀ ਮਰਜੀ ਮੁਤਾਬਕ ਅਫਸਰਾਂ ਦੀ ਨਿਯੁਕਤੀ ਚਾਹੁੰਦੇ ਸਨ, ਪਰ ਮੌਜੂਦਾ ਸੀਐੱਮ ਚਰਨਜੀਤ ਚੰਨੀ ਨੇ ਸਿੱਧੂ ਦੀ ਮਰਜੀ ਨੂੰ ਦਰਕਿਨਾਰ ਕਰਦਿਆਂ ਆਪਣੀ ਮਰਜੀ ਨਾਲ ਐਡਵੋਕੇਟ ਏਪੀਐੱਸ ਦਿਓਲ ਨੂੰ ਐਡਵੋਕੇਟ ਜਨਰਲ ਅਤੇ ਇਕਬਾਲਪ੍ਰੀਤ ਸਹੋਤਾ ਨੂੰ ਸੂਬੇ ਦਾ DGP ਨਿਯੁਕਤ ਕਰ ਦਿੱਤਾ। ਇਸੇ ਦੇ ਰੋਹ ਵਜੋਂ ਸਿੱਧੂ ਨੇ ਅਸਤੀਫਾ ਤੱਕ ਦੇ ਦਿੱਤਾ ਅਤੇ ਆਪਣੀ ਗੱਲ ਮਨਵਾਏ ਜਾਣ ਤੋਂ ਬਾਅਦ ਹੀ ਅਸਤੀਫਾ ਵਾਪਸ ਲਿਆ। ਇਸਦੇ ਕੁਝ ਹੀ ਦਿਨਾਂ ਅੰਦਰ ਸਿੱਧੂ ਦੇ ਕਹੇ ਮੁਤਾਬਕ ਐਡਵੋਕੇਟ ਡੀ.ਐੱਸ. ਪਟਵਾਲੀਆ ਨੂੰ AG ਅਤੇ ਬਾਅਦ ਵਿੱਚ ਇਕਬਾਲਪ੍ਰੀਤ ਸਹੋਤਾ ਦੀ ਥਾਂ ਸਿਧਾਰਥ ਚਟੋਪਾਧਿਆਏ ਨੂੰ DGP ਲਗਾ ਦਿੱਤਾ ਗਿਆ।
