ਬਿਓਰੋ। ਭਾਰਤ ਤੋੰ ਵੱਖ ਦੇਸ਼ ਖਾਲਿਸਤਾਨ ਦੀ ਮੰਗ ਕਰਨ ਵਾਲੀ ਇਸ ਸੰਸਥਾ ਨੇ ਇੱਕ ਵਾਰ ਫਿਰ ਸੰਤ ਜਰਨੈਲ ਸਿੰਘ ਭਿੰਡਰਾੰਵਾਲੇ ਨੂੰ ਆਪਣਾ ਆਦਰਸ਼ ਮੰਨਣ ਵਾਲੇ ਨੌਜਵਾਨਾੰ ਦੀਆੰ ਭਾਵਨਾਵਾੰ ਨਾਲ ਖਿਲਵਾੜ ਕਰਨ ਦੀ ਨਾਕਾਮ ਕੋਸ਼ਿਸ਼ ਕੀਤੀ ਹੈ ਅਤੇ ਇਸ ਵਾਰ ਹਿਮਾਚਲ ਪ੍ਰਦੇਸ਼ ਦੀ ਰਾਜਧਾਨੀ ਸ਼ਿਮਲਾ ਵਿੱਚ ਖਾਲਿਸਤਾਨ ਦਾ ਝੰਡਾ ਫਹਿਰਾਉਣ ਦਾ ਨਾਕਾਮ ਸ਼ਗੂਫਾ ਛੱਡਿਆ ਹੈ।
ਦਰਅਸਲ, ਹਿਮਾਚਲ ਪ੍ਰਦੇਸ਼ ਵਿੱਚ ਮੁੱਖ ਮੰਤਰੀ ਜੈਰਾਮ ਠਾਕੁਰ ਵੱਲੋੰ ਸੰਤ ਭਿੰਡਰਾੰਵਾਲੇ ਦੀ ਤਸਵੀਰਾੰ ਅਤੇ ਤਸਵੀਰਾੰ ਲੱਗੇ ਝੰਡੇ ਬੈਨ ਕਰ ਦਿੱਤੇ ਗਏ ਹਨ। ਨਾਲ ਹੀ ਪੁਲਿਸ ਨੂੰ ਸਖਤ ਹਦਾਇਤ ਦਿੱਤੀ ਗਈ ਹੈ ਕਿ ਜੇਕਰ ਕਿਸੇ ਵਾਹਨ ‘ਤੇ ਸੰਤ ਭਿੰਡਰਾੰਵਾਲੇ ਦੀ ਤਸਵੀਰ ਮਿਲਦੀ ਹੈ, ਤਾੰ ਉਸ ਨੂੰ ਤੁਰੰਤ ਹਟਾਇਆ ਜਾਵੇ। ਅਜਿਹਾ ਨਾ ਕਰਨ ‘ਤੇ ਚਲਾਨ ਵੀ ਕੱਟੇ ਜਾ ਰਹੇ ਹਨ। ਹਿਮਾਚਲ ਪ੍ਰਦੇਸ਼ ਸਰਕਾਰ ਦੇ ਇਸ ਫ਼ੈਸਲੇ ‘ਤੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਵੀ ਸਖਤ ਇਤਰਾਜ਼ ਜਤਾਇਆ ਹੈ ਅਤੇ ਫ਼ੈਸਲਾ ਵਾਪਸ ਲੈਣ ਦੀ ਮੰਗ ਕੀਤੀ ਹੈ।
ਸੰਤ ਭਿੰਡਰਾੰਵਾਲੇ ਦੀਆੰ ਤਸਵੀਰਾੰ ‘ਤੇ ਬੈਨ ਲਗਾਉਣ ਦੇ ਇਸ ਮਾਮਲੇ ਵਿੱਚ ਹੁਣ SFJ ਨੇ ਬਲਦੀ ‘ਚ ਤੇਲ ਪਾਉਣ ਦਾ ਕੰਮ ਕੀਤਾ ਹੈ ਅਤੇ ਖੁੱਲ੍ਹੇਆਮ ਹਿਮਾਚਲ ਦੇ ਮੁੱਖ ਮੰਤਰੀ ਜੈਰਾਮ ਠਾਕੁਰ ਨੂੰ ਤਖਤਾਪਲਟ ਕਰਨ ਦੀ ਧਮਕੀ ਦੇ ਦਿੱਤੀ ਹੈ। ਇੰਨਾ ਹੀ ਨਹੀੰ, ਪੰਜਾਬ ਦੇ ਨੌਜਵਾਨਾੰ ਦੇ ਨਾੰਅ ਆਏ ਇਸ ਭੜਕਾਊ ਵੀਡੀਓ ਵਿੱਚ ਇਸ ਕੰਮ ਲਈ 50 ਲੱਖ ਡਾਲਰ ਖਰਚੇ ਜਾਣ ਦੀ ਗੱਲ ਵੀ SFJ ਚੀਫ ਵੱਲੋੰ ਕੀਤੀ ਜਾ ਰਹੀ ਹੈ। ਸੀਐੱਮ ਨੂੰ ਦਿੱਤੀ ਧਮਕੀ ਵਾਲਾ ਇਹ ਬਿਆਨ ਇਸ ਲਈ ਵੀ ਅਹਿਮ ਹੈ, ਕਿਉੰਕਿ ਇਸ ਵਿੱਚ ਦੇਸ਼ ਦੀ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾੰਧੀ ਅਤੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਬੇਅੰਤ ਸਿੰਘ ਦਾ ਵੀ ਜ਼ਿਕਰ ਹੈ, ਜਿਹਨਾੰ ਦੀ ਮੌਤ ਅੱਤਵਾਦੀ ਵਾਰਦਾਤਾੰ ਵਿੱਚ ਹੀ ਹੋਈ ਸੀ।
ਇਹ ਬਿਆਨ ਸਾਫ਼ ਤੌਰ ‘ਤੇ ਦੇਸ਼ ਦੀ ਭਾਈਚਾਰਕ ਸਾੰਝ ਨੂੰ ਵਿਗਾੜਨ ਦੀ ਕੋਸ਼ਿਸ਼ ਵੱਲ ਚੁੱਕਿਆ ਇੱਕ ਕਦਮ ਹੈ। ਸਿੱਖਸ ਫਾਰ ਜਸਟਿਸ ਵੱਲੋੰ ਦਿੱਤੇ ਜਾਣ ਵਾਲੇ ਭੜਕਾਊ ਬਿਆਨ ਕੋਈ ਅੱਜ ਦੀ ਗੱਲ ਨਹੀੰ। ਪਿਛਲੇ 4 ਸਾਲਾੰ ਤੋੰ ਨੌਜਵਾਨਾੰ ਨੂੰ ਭੜਕਾਉਣ ਵਾਲੇ ਅਜਿਹੇ ਹੀ ਬਿਆਨ ਲਗਾਤਾਰ ਦਿੱਤੇ ਜਾੰਦੇ ਰਹੇ ਹਨ। ਅਜਿਹਾ ਹੀ ਇੱਕ ਭੜਕਾਊ ਬਿਆਨ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ‘ਆਪ’ ਕਨਵੀਨਰ ਅਰਵਿੰਦ ਕੇਜਰੀਵਾਲ ਦੀਆੰ ਉਹਨਾੰ ਤਸਵੀਰਾੰ ‘ਤੇ ਵੀ ਸਾਹਮਣੇ ਆਇਆ, ਜਿਹਨਾੰ ਵਿੱਚ ਮਾਨ 2022 ਦੀਆੰ ਪੰਜਾਬ ਚੋਣਾੰ ਵਿੱਚ ਜਿੱਤ ਤੋੰ ਬਾਅਦ ਕੇਜਰੀਵਾਲ ਦੇ ਪੈਰੀੰ ਹੱਥ ਲਾ ਕੇ ਉਹਨਾੰ ਦਾ ਅਸ਼ੀਰਵਾਦ ਲੈ ਰਹੇ ਹਨ।
2022 ਦੀਆੰ ਪੰਜਾਬ ਚੋਣਾੰ ਦੌਰਾਨ ਹੀ ਦੇਸ਼ ਦੇ ਪ੍ਰਧਾਨ ਮੰਤਰੀ ਦੀ ਸੁਰੱਖਿਆ ਦਾ ਮਾਮਲਾ ਵੀ SFJ ਦੇ ਭੜਕਾਊ ਬਿਆਨਾੰ ਦੀ ਲੜੀ ਵਿੱਚ ਇੱਕ ਤਾਜ਼ਾ ਮਿਸਾਲ ਹੈ, ਜਿਸ ਵਿੱਚ ਪਹਿਲਾੰ ਤਾੰ SFJ ਚੀਫ ਗੁਰਪਤਵੰਤ ਪੰਨੂੰ ਪੀਐੱਮ ਨੂੰ ਜੁੱਤੀ ਵਿਖਾਉਣ ਵਾਲੇ ਨੂੰ ਇਨਾਮ ਦੇਣ ਦਾ ਐਲਾਨ ਕਰਦਾ ਹੈ, ਤੇ ਬਾਅਦ ਵਿੱਚ ਮੁੜ ਇੱਕ ਬਿਆਨ ਜਾਰੀ ਕਰਕੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਨੂੰ ਨੰਗੇ ਪੈਰੀੰ ਮੋੜਨ ਦਾ ਦਾਅਵਾ ਕਰਦਾ ਹੈ।
ਸਿੱਖਸ ਫਾਰ ਜਸਟਿਸ ਦੇ ਭੜਕਾਊ ਬਿਆਨਾੰ ਦੀ ਗੱਲ ਹੋ ਰਹੀ ਹੈ, ਤਾੰ 26 ਜਨਵਰੀ ਨੂੰ ਲਾਲ ਕਿਲ੍ਹੇ ‘ਤੇ ਕੇਸਰੀ ਝੰਡਾ ਫਹਿਰਾਉਣ ਦਾ ਦਾਅਵਾ ਕਰਦੇ ਬਿਆਨ ਦੀ ਚਰਚਾ ਵੀ ਜ਼ਰੂਰੀ ਹੋ ਜਾੰਦੀ ਹੈ। ਇਸ ਬਿਆਨ ਵਿੱਚ SFJ ਚੀਫ ਸਿੱਧੇ-ਸਿੱਧੇ ਭਾਰਤ ਸਰਕਾਰ ਨੂੰ ਇਹ ਚੇਤਾਵਨੀ ਦੇ ਰਿਹਾ ਹੈ ਕਿ ਨਾ ਤਾੰ ਲਾਲ ਕਿਲ੍ਹੇ ‘ਤੇ ਤਿਰੰਗਾ ਫਹਿਰਾਉਣ ਦਿੱਤਾ ਜਾਵੇਗਾ ਤੇ ਨਾ ਹੀ ਕੋਈ ਪਰੇਡ ਹੋਵੇਗੀ।
ਰੂਸ ਤੇ ਯੂਕ੍ਰੇਨ ਵਿਚਕਾਰ ਛਿੜੀ ਜੰਗ ਦਾ ਵੀ ਸਿੱਖਸ ਫਾਰ ਜਸਟਿਸ ਨੇ ਆਪਣੇ ਮਨਸੂਬੇ ਲਈ ਖੂਬ ਸਹਾਰਾ ਲਿਆ ਅਤੇ ਮਾਰਚ, 2022 ਵਿੱਚ ਯੂਕ੍ਰੇਨ ਦੀ ਹਮਾਇਤ ਕਰਦਿਆੰ ਇੱਕ ਵਾਰ ਫਿਰ ਭਾਰਤ ਦੀ ਭਾਈਚਾਰਕ ਸਾੰਝ ਨੂੰ ਤੋੜਨ ਦੀ ਨਾਕਾਮ ਕੋਸ਼ਿਸ਼ ਕੀਤੀ। SFJ ਨੇ ਭਾਰਤੀ ਫੌਜ ਦੇ ਸਿੱਖ ਫੌਜੀਆੰ ਨੂੰ ਖਾਲਿਸਤਾਨ ਲਈ Sikh regiment ਜੁਆਇਨ ਕਰਨ ਦਾ ਸੱਦਾ ਦਿੱਤਾ ਅਤੇ ਇਥੋੰ ਤੱਕ ਕਿਹਾ ਕਿ ਭਾਰਤ ਨੂੰ ਅਜ਼ਾਦ ਕਰਵਾਉਣ ਤੋੰ ਬਾਅਦ ਹੁਣ ਇਹਨਾੰ ਫੌਜੀਆੰ ਦਾ ਮਕਸਦ 2022 ਵਿੱਚ ਪੰਜਾਬ ਨੂੰ ਅਜ਼ਾਦ ਕਰਵਾਉਣ ਦਾ ਹੈ।
ਕਿਸਾਨ ਅੰਦੋਲਨ ਦੌਰਾਨ ਚਰਚਾ ਵਿੱਚ ਆਏ ਪੰਜਾਬੀ ਅਦਾਕਾਰ ਦੀਪ ਸਿੱਧੂ ਦੀ ਸੜਕ ਹਾਦਸੇ ਵਿੱਚ ਹੋਈ ਮੌਤ ਨੂੰ ਵੀ SFJ ਨੇ ਆਪਣੇ ਇਸ ਨਾਕਾਮ ਮਨਸੂਬੇ ਲਈ ਇਸਤੇਮਾਲ ਕੀਤਾ। ਦੀਪ ਸਿੱਧੂ ਦੀ ਮੌਤ ਨੂੰ ਸਿਆਸੀ ਕਤਲ ਕਰਾਰ ਦਿੰਦਿਆੰ SFJ ਨੇ 19 ਫਰਵਰੀ, 2022 ਨੂੰ ਰੇਲਾੰ ਰੋਕ ਕੇ ਪੰਜਾਬ ਬੰਦ ਦਾ ਸੱਦਾ ਦੇ ਦਿੱਤਾ।
ਬਹਿਰਹਾਲ, ਇਹ ਸਾਰੇ ਭੜਕਾਊ ਬਿਆਨ ਮਹਿਜ਼ ਸਿੱਖਸ ਫਾਰ ਜਸਟਿਸ ਦੇ ਨਾਕਾਮ ਸ਼ਗੂਫੇ ਸਾਬਿਤ ਹੋਏ। ਪਰ ਬਾਵਜੂਦ ਇਸਦੇ ਭਾਰਤ ਦੇਸ਼ ਦੀ ਏਕਤਾ ਅਤੇ ਅਖੰਡਤਾ ਨੂੰ ਤੋੜਨ ਦੀ ਇਹ ਕੋਸ਼ਿਸ਼ SFJ ਵੱਲੋੰ ਲਗਾਤਾਰ ਕੀਤੀ ਜਾ ਰਹੀ ਹੈ ਅਤੇ ਵਾਰ-ਵਾਰ ਭੜਕਾਊ ਬਿਆਨ ਜਾਰੀ ਕਰਕੇ ਭਾਰਤ ਖਾਸਕਰ ਪੰਜਾਬ ਦੇ ਨੌਜਵਾਨਾੰ ਨੂੰ ਭੜਕਾਉਣ ਦੀ ਕੋਸ਼ਿਸ਼ ਹੋ ਰਹੀ ਹੈ। ਬੇਸ਼ੱਕ ਭਾਰਤ ਸਰਕਾਰ ਵੱਲੋੰ ਵਾਰ-ਵਾਰ ਇਹਨਾੰ ਕੋਸ਼ਿਸ਼ਾੰ ‘ਤੇ ਲਗਾਮ ਲਗਾਉਣ ਲਈ ਕਦਮ ਚੁੱਕੇ ਜਾ ਰਹੇ ਹਨ, ਪਰ ਵਿਦੇਸ਼ੀ ਧਰਤੀ ਦਾ ਸਹਾਰਾ ਲੈ ਕੇ SFJ ਅਤੇ ਇਸਦੇ ਕਾਰਕੁੰਨ ਪੰਜਾਬ ਦੇ ਨੌਜਵਾਨਾੰ ਤੱਕ ਅਸਾਨੀ ਨਾਲ ਪਹੁੰਚ ਰਖਦੇ ਹਨ।
