October 16, 2022
(Mohali)
ਪੰਜਾਬ ਪੁਲਿਸ ਨੂੰ ਇੱਕ ਹੋਰ ਵੱਡੀ ਕਾਮਯਾਬੀ ਹੱਥ ਲੱਗੀ ਹੈ। ਮੋਹਾਲੀ ਪੁਲਿਸ ਨੇ ਬੰਬੀਹਾ ਗਰੁੱਪ ਦੇ ਵਿਦੇਸ਼ ਵਿੱਚ ਬੈਠੇ ਸਰਗਨਾ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਦੇ ਤਿੰਨ ਸ਼ੂਟਰ ਹਥਿਆਰਾਂ ਸਮੇਤ ਗ੍ਰਿਫ਼ਤਾਰ ਕੀਤੇ ਹਨ। ਗ੍ਰਿਫ਼ਤਾਰ ਮੁਲਜ਼ਮਾਂ ਦੀ ਪਛਾਣ ਮੋਹਾਲੀ ਦੇ ਕੁਰਾਲੀ ਦੇ ਗੁਰਜੰਟ ਸਿੰਘ ਉੱਰਫ ਜੰਟਾ, ਗੌਤਮ ਕੁਮਾਰ ਅਤੇ ਰੋਪੜ ਦੇ ਗੁਰਵਿੰਦਰ ਸਿੰਘ ਉੱਰਫ ਗੁਰੀ ਦੇ ਰੂਪ ਵਿੱਚ ਹੋਈ ਹੈ।
ਨਾਲਾਗੜ੍ਹ ਕੋਰਟ ਫ਼ਾਇਰਿੰਗ ‘ਚ ਸ਼ਾਮਲ ਸੀ ਜੰਟਾ
ਗੁਰਜੰਟ ਸਿੰਘ ਉੱਰਫ ਜੰਟਾ ਕਈ ਵੱਡੀਆਂ ਵਾਰਦਾਤਾਂ ਵਿੱਚ ਸ਼ਾਮਲ ਰਿਹਾ ਹੈ। ਇਸੇ ਸਾਲ 30 ਜਨਵਰੀ ਨੂੰ ਜੰਟਾ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਦੇ ਕਹਿਣ ‘ਤੇ ਘੜੂਆਂ ਯੂਨੀਵਰਸਿਟੀ ਦੇ ਸਾਹਮਣਿਓਂ ਇੱਕ ਬਰੀਜ਼ਾ ਕਾਰ ਖੋਹੀ ਸੀ। ਜੰਟਾ ਦੇ ਸਾਥੀ ਬਰੀਜ਼ਾ ਕਾਰ ਅਤੇ 07 ਪਿਸਟਲਾਂ ਸਮੇਤ ਗ੍ਰਿਫ਼ਤਾਰ ਕੀਤੇ ਜਾ ਚੁੱਕੇ ਹਨ। ਗੁਰਜੰਟ ਸਿੰਘ ਉੱਰਫ ਜੰਂਟਾ ਉਸ ਵਿੱਚੋ ਭਗੋੜਾ ਚੱਲ ਰਿਹਾ ਸੀ।
ਜੰਂਟਾ ਨੇ ਆਪਣੇ ਇੱਕ ਹੋਰ ਸਾਥੀ ਪਰਗਟ ਸਿੰਘ ਨਾਲ ਮਿਲ ਕੇ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਅਤੇ ਭੁਪਿੰਦਰ ਸਿੰਘ ਭੂਪੀ ਰਾਣਾ ਦੇ ਕਹਿਣ ‘ਤੇ ਹਿਮਾਚਲ ਪ੍ਰਦੇਸ ਦੇ ਨਾਲਾਗੜ੍ਹ ਕੋਰਟ ਕੰਪਲੈਂਕਸ ਵਿੱਚ ਬੰਬੀਹਾਂ ਗਰੁੱਪ ਨਾਲ ਸਬੰਧਿਤ, ਵਿੱਕੀ ਮਿੱਡੂਖੇੜਾ ਦੇ ਕਾਤਲਾਂ ਦੇ ਛੁੜਵਾਉਣ ਲਈ ਫਾਂਇਰਿੰਗ ਕੀਤੀ ਸੀ ਅਤੇ ਭੱਜ ਗਏ ਸੀ। ਜੰਂਟਾ ਨੂੰ 5 ਪਿਸਟਲਾਂ ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਜੰਟਾ ਦੇ 2 ਸਾਥੀ ਵੀ ਗ੍ਰਿਫ਼ਤਾਰ
ਇਸ ਤੋਂ ਇਲਾਵਾ ਫੜੇ ਗਏ ਗੁਰਵਿੰਦਰ ਸਿੰਘ ਉੱਰਫ ਗੁਰੀ ਅਤੇ ਗੌਤਮ ਕੁਮਾਰ ਦੋਵੇਂ ਗੁਰਜੰਟ ਸਿੰਘ ਉਰਫ ਜੰਟਾਂ ਦੇ ਸਾਥੀ ਹਨ ਅਤੇ ਇਹ ਸਾਰੇ ਬੰਬੀਹਾਂ ਗੁਰੱਪ ਦੇ ਲਈ ਕੰਮ ਕਰਦੇ ਹਨ। ਇਹਨਾਂ ਦੇ ਖਿਲਾਫ ਪਹਿਲਾਂ ਵੀ ਲੁੱਟਾਂ-ਖੋਹਾਂ ਦੇ ਮੁੱਕਦਮੇ ਦਰਜ ਹਨ। ਇਹਨਾਂ ਦੋਵਾਂ ਕੋਲੋਂ ਪੁਲਿਸ ਨੇ ਪਿਸਟਲ ਬਰਾਮਦ ਕੀਤੇ ਹਨ।
