September 11, 2022
(Chandigarh)
ਸਿੱਧੂ ਮੂਸੇਵਾਲਾ ਕਤਲ ਕਾੰਡ ‘ਚ ਐਤਵਾਰ ਨੂੰ ਨੇਪਾਲ ਬਾਰਡਰ ਤੋੰ ਫੜੇ ਗਏ 3 ਗੈੰਗਸਟਰਾੰ ਵਿਚੋੰ ਇੱਕ ਕਪਿਲ ਪੰਡਿਤ ਨੇ ਪੁਲਿਸ ਪੁੱਛਗਿੱਛ ਦੌਰਾਨ ਵੱਡਾ ਖੁਲਾਸਾ ਕੀਤਾ ਹੈ। ਕਪਿਲ ਨੇ ਪੁਲਿਸ ਨੂੰ ਦਸਿਆ ਕਿ ਗੋਲਡੀ ਬਰਾੜ ਦੇ ਕਹਿਣ ‘ਤੇ ਉਸਨੇ ਮਹਾੰਰਾਸ਼ਟਰ ਦੇ ਸ਼ਾਰਪ ਸ਼ੂਟਰ ਸੰਦੀਪ ਜਾਧਵ ਨਾਲ ਮਿਲ ਕੇ ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਦੀ ਰੇਕੀ ਕੀਤੀ ਸੀ ਅਤੇ ਉਹ ਸਲਮਾਨ ਖਾਨ ਨੂੰ ਮਾਰਨ ਦੀ ਫਿਰਾਕ ‘ਚ ਸੀ। ਕਪਿਲ ਨੇ ਇਹ ਵੀ ਦੱਸਿਆ ਕਿ ਇਹਨਾੰ ਦੋਵਾੰ ਨੂੰ ਲਾਰੈੰਸ ਦਾ ਭਾਣਜਾ ਸਚਿਨ ਥਾਪਨ ਲੀਡ ਕਰ ਰਿਹਾ ਸੀ।
DGP ਗੌਰਵ ਯਾਦਵ ਨੇ ਦੱਸਿਆ ਕਿ ਕਪਿਲ ਪੰਡਿਤ ਪਹਿਲਾੰ ਰਾਜਸਥਾਨ ਦੇ ਜ਼ਿਲ੍ਹਾ ਚੁਰੂ ਵਿਚ ਉਸ ਦੇ ਜੱਦੀ ਪਿੰਡ ਬੇਵੜ ਦੇ ਇਕ ਵਿਅਕਤੀ ਦੇ ਕਤਲ ਦੇ ਦੋਸ਼ ਵਿੱਚ ਜੇਲ੍ਹ ‘ਚ ਬੰਦ ਸੀ ਅਤੇ ਸਾਲ 2021 ਵਿੱਚ ਆਪਣੀ ਮਾਂ ਦੀਆਂ ਅੰਤਿਮ ਰਸਮਾਂ ਵਿਚ ਸ਼ਾਮਲ ਹੋਣ ਲਈ ਪੈਰੋਲ ‘ਤੇ ਬਾਹਰ ਆਇਆ ਸੀ ਅਤੇ ਉਦੋਂ ਤੋਂ ਹੀ ਉਹ ਫਰਾਰ ਸੀ। ਉਦੋਂ ਹੀ ਉਸ ਨਾਲ ਲਾਰੈਂਸ ਬਿਸ਼ਨੋਈ ਗੈਂਗ ਨੇ ਸੰਪਤ ਨਹਿਰਾ ਅਤੇ ਗੋਲਡੀ ਬਰਾੜ ਰਾਹੀਂ ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਦੇ ਕਤਲ ਨੂੰ ਅੰਜਾਮ ਦੇਣ ਲਈ ਸੰਪਰਕ ਕੀਤਾ ਸੀ। ਸਲਮਾਨ ਖਾਨ ਨੂੰ ਮਾਰਨ ਦੀ ਰਣਨੀਤੀ ਘੜਨ ਲਈ ਕਪਿਲ ਨੂੰ ਸਚਿਨ ਬਿਸ਼ਨੋਈ ਅਤੇ ਸੰਤੋਸ਼ ਯਾਦਵ ਨਾਲ ਮਿਲ ਕੇ ਰੇਕੀ ਕਰਨ ਲਈ ਕਿਹਾ ਗਿਆ ਸੀ।
ਤਿੰਨਾੰ ਮੁਲਜ਼ਮਾੰ ਤੋੰ ਪੁੱਛਗਿੱਛ ਕਰੇਗੀ ਪੰਜਾਬ ਪੁਲਿਸ
DGP ਨੇ ਕਿਹਾ ਕਿ ਕਪਿਲ ਪੰਡਿਤ ਨੂੰ ਪੰਜਾਬ ਪੁਲਿਸ ਗ੍ਰਿਫ਼ਤਾਰ ਕਰ ਚੁੱਕੀ ਹੈ। ਸੰਤੋਸ਼ ਜਾਧਵ ਵੀ ਮਹਾੰਰਾਸ਼ਟਰ ਵਿੱਚ ਫੜਿਆ ਜਾ ਚੁੱਕਿਆ ਹੈ। ਸਚਿਨ ਥਾਪਨ ਵੀ ਅਜ਼ਰਬਾਈਜਾਨ ‘ਚ ਕਾਬੂ ਕੀਤਾ ਗਿਆ ਹੈ। ਪੰਜਾਬ ਪੁਲਿਸ ਤਿੰਨਾੰ ਨੂੰ ਹਿਰਾਸਤ ‘ਚ ਲੈ ਕੇ ਪੁੱਛਗਿੱਛ ਕਰੇਗੀ। ਇਸਦੇ ਲਈ ਪੰਜਾਬ ਪੁਲਿਸ ਦੀ ਟੀਮ ਮੁੰਬਈ ਵੀ ਜਾਵੇਗੀ।
ਕਾਲਾ ਹਿਰਨ ਕੇਸ ‘ਚ ਸਲਮਾਨ ਦੇ ਪਿੱਛੇ ਲਾਰੈੰਸ
ਦੱਸ ਦਈਏ ਕਿ ਲਾਰੈੰਸ ਬਿਸ਼ਨੋਈ, 24 ਸਾਲ ਪੁਰਾਣੇ ਕਾਲੇ ਹਿਰਨ ਦੇ ਸ਼ਿਕਾਰ ਦੇ ਮਾਮਲੇ ‘ਚ ਸਲਮਾਨ ਖਾਨ ਦਾ ਕਤਲ ਕਰਨਾ ਚਾਹੁੰਦਾ ਹੈ। ਲਾਰੈੰਸ ਦਾ ਦਾਅਵਾ ਹੈ ਕਿ ਉਸਦੀ ਕਮਿਊਨਿਟੀ ਹਿਰਨ ਸ਼ਿਕਾਰ ਦੇ ਖਿਲਾਫ਼ ਹੈ। ਲਾਰੈੰਸ ਬਿਸ਼ਨੋਈ ਗੈੰਗ ਤੋੰ ਲਗਾਤਾਰ ਮਿਲ ਰਹੀਆੰ ਧਮਕੀਆੰ ਦੇ ਚਲਦੇ ਹੀ ਸਲਮਾਨ ਖਾਨ ਨੂੰ ਕੋਰਟ ਨੇ ਆਪਣੀ ਸੁਰੱਖਿਆ ਲਈ ਲਾਇਸੈੰਸੀ ਰਿਵਾਲਵਰ ਰੱਖਣ ਦੀ ਵੀ ਇਜਾਜ਼ਤ ਦਿੱਤੀ ਹੈ।
