ਬਿਓਰੋ। ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਅਤੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਇੱਕ ਵਾਰ ਫਿਰ ਆਹਮੋ-ਸਾਹਮਣੇ ਹਨ। ਸਿੱਧੂ ਨੇ ਵੀਰਵਾਰ ਨੂੰ ਕੈਪਟਨ ‘ਤੇ ਸਿੱਧਾ ਹਮਲਾ ਕੀਤਾ। ਅਮਰਿੰਦਰ ਸਿੰਘ ਦੇ ਮੁੱਖ ਮੰਤਰੀ ਦੀ ਕੁਰਸੀ ਤੋਂ ਅਸਤੀਫਾ ਦੇਣ ਅਤੇ ਨਵੀਂ ਪਾਰਟੀ ਬਣਾਉਣ ਦੇ ਐਲਾਨ ਤੋਂ ਬਾਅਦ ਸਿੱਧੂ ਨੇ ਪਹਿਲੀ ਵਾਰ ਕੈਪਟਨ ਨੂੰ ਨਿਸ਼ਾਨੇ ‘ਤੇ ਲਿਆ।
ਸਿੱਧੂ ਨੇ ਟਵੀਟ ਕਰਕੇ ਕਿਹਾ, “3 ਕਾਲੇ ਕਾਨੂੰਨਾਂ ਦੇ ਨਿਰਮਾਤਾ ਅਮਰਿੰਦਰ ਸਿੰਘ ਹਨ, ਜੋ ਪੰਜਾਬ ਦੀ ਕਿਸਾਨੀ ਵਿੱਚ ਅੰਬਾਨੀ ਨੂੰ ਲੈ ਕੇ ਆਏ। ਅਮਰਿੰਦਰ ਸਿੰਘ ਨੂੰ 1-2 ਕਾਰਪੋਰੇਟ ਘਰਾਣਿਆਂ ਨੂੰ ਫਾਇਦਾ ਪਹੁੰਚਾਉਣ ਲਈ ਪੰਜਾਬ ਦੇ ਕਿਸਾਨਾਂ, ਛੋਟੇ ਵਪਾਰੀਆਂ ਅਤੇ ਮਜ਼ਦੂਰਾਂ ਨੂੰ ਬਰਬਾਦ ਕਰ ਦਿੱਤਾ।” ਸਿੱਧੂ ਨੇ ਕੈਪਟਨ ਦੀਆਂ ਪੁਰਾਣੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ, ਜਿਸ ਵਿੱਚ ਕੈਪਟਨ, ਮੁਕੇਸ਼ ਅੰਬਾਨੀ ਦੇ ਨਾਲ ਨਜ਼ਰ ਆ ਰਹੇ ਹਨ। ਨਾਲ ਹੀ ਵੀਡੀਓ ਵੀ ਸ਼ੇਅਰ ਕੀਤੇ, ਜਿਸ ਵਿੱਚ ਕੈਪਟਨ ਖੇਤੀ ਸੈਕਟਰ ਵਿੱਚ ਪ੍ਰਾਈਵੇਟ ਹਿੱਸੇਦਾਰੀ ਦੀ ਵਕਾਲਤ ਕਰ ਰਹੇ ਹਨ।
The Architect of 3 Black Laws … Who brought Ambani to Punjab’s Kisani … Who destroyed Punjab’s Farmers, Small traders and Labour for benefiting 1-2 Big Corporates !!#FarmLaws #FarmersProtest pic.twitter.com/Yn0FIwtmPf
— Navjot Singh Sidhu (@sherryontopp) October 21, 2021
ਸਿੱਧੂ ਦੇ ਟਵੀਟ ‘ਤੇ ਭੜਕੇ ਕੈਪਟਨ
ਕੈਪਟਨ ਅਮਰਿੰਦਰ ਸਿੰਘ ਨੇ ਸਿੱਧੂ ਵੱਲੋਂ ਉਹਨਾਂ ਨੂੰ ਵਿਵਾਦਤ ਖੇਤੀ ਕਾਨੂੰਨਾਂ ਦਾ ਜਨਮਦਾਤਾ ਕਰਾਰ ਦਿੱਤੇ ਜਾਣ ‘ਤੇ ਤਿੱਖਾ ਪ੍ਰਤੀਕਰਮ ਦਿੱਤਾ। ਉਹਨਾਂ ਕਿਹਾ, “ਕੀ ਉਹ ਫਰਾਡ ਅਤੇ ਧੋਖਾ ਕਰ ਰਹੇ ਹਨ? ਮੇਰੇ 15 ਸਾਲ ਪੁਰਾਣੇ ਖੇਤੀ ਵਿਭਿੰਨਤਾ ਦੀ ਪਹਿਲ ਨੂੰ ਖੇਤੀ ਕਾਨੂੰਨਾਂ ਨਾਲ ਜੋੜ ਰਹੇ ਹਨ, ਜਦਕਿ ਮੈਂ ਖੇਤੀ ਕਾਨੂੰਨਾਂ ਖਿਲਾਫ਼ ਅਜੇ ਵੀ ਲੜ ਰਿਹਾ ਹਾਂ ਅਤੇ ਆਪਣਾ ਸਿਆਸੀ ਭਵਿੱਖ ਵੀ ਉਸੇ ਨਾਲ ਜੋੜ ਰੱਖਿਆ ਹੈ।”
‘What a fraud and cheat you are @sherryontopp! You’re trying to pass off my 15-year-old crop diversification initiative as connected with #FarmLaws, against which I’m still fighting and with which I’ve linked my own political future!’: @capt_amarinder 1/3 https://t.co/Eg1aPJ1isS
— Raveen Thukral (@RT_Media_Capt) October 21, 2021
ਕੈਪਟਨ ਨੇ ਕਿਹਾ, “ਇਹ ਹੋਣਾ ਹੀ ਸੀ, ਕਿਉਂਕਿ ਸਿੱਧੂ ਨੂੰ ਪੰਜਾਬ ਅਤੇ ਇਥੋਂ ਦੇ ਕਿਸਾਨਾਂ ਦੇ ਹਿੱਤ ਬਾਰੇ ਕੁਝ ਵੀ ਨਹੀਂ ਪਤਾ। ਸਿੱਧੂ ਨੂੰ ਫਸਲੀ ਵਿਭਿੰਨਤਾ ਅਤੇ ਖੇਤੀ ਕਾਨੂੰਨਾਂ ਦੇ ਬਾਰੇ ਕੁਝ ਨਹੀਂ ਪਤਾ ਅਤੇ ਉਹ ਪੰਜਾਬ ਦੀ ਅਗਵਾਈ ਦਾ ਸੁਫਨਾ ਵੇਖ ਰਹੇ ਹਨ। ਜੇਕਰ ਇਹ ਵਾਕਈ ਹੋਇਆ, ਤਾਂ ਕਿੰਨਾ ਡਰਾਵਨਾ ਹੋਵੇਗਾ।
‘It’s obvious @sherryontopp you’re clueless about Punjab’s & its farmers’ interests. You clearly don’t know the difference between diversification & what the #FarmLaws are all about. And yet you dream of leading Punjab. How dreadful if that ever happens!’: @capt_amarinder 2/3
— Raveen Thukral (@RT_Media_Capt) October 21, 2021
ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਇਸ ਵੀਡੀਓ ਨੂੰ ਪੋਸਟ ਕਰਨ ਲਈ ਸਿੱਧੂ ਨੇ ਕਿੰਨਾ ਹਾਸੋਹੀਣਾ ਵਕਤ ਚੁਣਿਆ। ਜਦੋਂ ਪੰਜਾਬ ਕਾਂਗਰਸ ਦੀ ਸਰਕਾਰ ਆਪਣੇ ਪ੍ਰੋਗ੍ਰੈਸਿਵ ਪੰਜਾਬ ਸਮਿੱਟ ਨੂੰ ਪ੍ਰਮੋਟ ਕਰ ਰਹੀ ਹੈ, ਕੀ ਸਿੱਧੂ ਉਸਦਾ ਵੀ ਵਿਰੋਧ ਕਰ ਰਹੇ ਹਨ?
‘And it’s hilarious @sherryontopp that you’ve chosen to post this video at a time when @INCPunjab govt is going all out to promote its upcoming Progressive Punjab Investors’ Summit. Or are you opposed to that too?’: @capt_amarinder 3/3
— Raveen Thukral (@RT_Media_Capt) October 21, 2021
