ਬਿਓਰੋ। ਨਵੀਂ ਸਿਆਸੀ ਪਾਰੀ ਸ਼ੁਰੂ ਕਰਨ ਦਾ ਐਲਾਨ ਕਰਨ ਤੋਂ ਬਾਅਦ ਕੈਪਟਨ ਅਮਰਿੰਦਰ ਸਿੰਘ ਹੁਣ ਖੁੱਲ੍ਹ ਕੇ ਕਾਂਗਰਸੀ ਆਗੂਆਂ ‘ਤੇ ਹਮਲੇ ਬੋਲ ਰਹੇ ਹਨ। ਪੰਜਾਬ ਕਾਂਗਰਸ ਇੰਚਾਰਜ ਹਰੀਸ਼ ਰਾਵਤ ਨੂੰ ਕੈਪਟਨ ਨੇ ਜੰਮ ਕੇ ਖਰੀ-ਖਰੀ ਸੁਣਾਈ। ਕੈਪਟਨ ਨੇ ਕਿਹਾ ਕਿ ਰਾਵਤ ਉਹਨਾਂ ਨੂੰ ਸੈਕੂਲਰਿਜ਼ਮ ਦਾ ਪਾਠ ਨਾ ਪੜ੍ਹਾਉਣ।
ਸਿੱਧੂ, ਪਰਗਟ ਦਾ ਨਾਂਅ ਲੈ ਕੇ ਹਮਲਾ ਬੋਲਿਆ
ਹਰੀਸ਼ ਰਾਵਤ ਨੇ ਕਿਹਾ ਸੀ ਕਿ ਅਮਰਿੰਦਰ BJP ਦੇ ਨਾਲ ਜਾ ਰਹੇ ਹਨ, ਤਾਂ ਉਹ ਸੈਕੂਲਰ ਨਹੀਂ ਰਹੇ। ਇਸਦੇ ਜਵਾਬ ਵਿੱਚ ਅਮਰਿੰਦਰ ਨੇ ਕਿਹਾ, “ਸੈਕੂਲਰਿਜ਼ਮ ਦੇ ਬਾਰੇ ਗੱਲ ਕਰਨਾ ਬੰਦ ਕਰੋ। ਨਾ ਭੁੱਲੋ ਕਿ ਸਿੱਧੂ 14 ਸਾਲ BJP ਵਿੱਚ ਰਹੇ ਅਤੇ ਉਸ ਤੋਂ ਬਾਅਦ ਹੀ ਕਾਂਗਰਸ ਵਿੱਚ ਸ਼ਾਮਲ ਕੀਤੇ ਗਏ। ਇਸ ਤੋਂ ਇਲਾਵਾ ਨਾਨਾ ਪਟੋਲੇ ਅਤੇ ਰੇਵਨਾਥ ਰੈਡੀ ਵੀ RSS ਤੋਂ ਨਹੀਂ, ਤਾਂ ਕਿਥੋਂ ਆਏ? ਪੰਜਾਬ ਸਰਕਾਰ ਵਿੱਚ ਮੰਤਰੀ ਪਰਗਟ ਸਿੰਘ ਵੀ 4 ਸਾਲ ਅਕਾਲੀ ਦਲ ਵਿੱਚ ਰਹੇ।”
‘Stop talking about secularism @harishrawatcmuk ji. Don’t forget @INCIndia took in @sherryontopp after he was with @BJP4India for 14 years. And where did Nana Patole and Revnath Reddy come from if not RSS? And Pargat Singh was with @Akali_Dal_ for 4 years!’: @capt_amarinder 1/4 pic.twitter.com/h3f8ce4F6V
— Raveen Thukral (@RT_Media_Capt) October 21, 2021
ਸ਼ਿਵਸੈਨਾ ਦੇ ਬਹਾਨੇ ਵੀ ਕਾਂਗਰਸ ਨੂੰ ਘੇਰਿਆ
ਅਮਰਿੰਦਰ ਸਿੰਘ ਨੇ ਪੁੱਛਿਆ, “ਮਹਾਂਰਾਸ਼ਟਰ ਵਿੱਚ ਕਾਂਗਰਸ ਸ਼ਿਵਸੈਨਾ ਦ ਨਾਲ ਕੀ ਕਰ ਰਹੀ ਹੈ? ਕੀ ਤੁਸੀਂ ਕਹਿਣਾ ਚਾਹੁੰਦੇ ਹੋ ਕਿ ਇਹ ਠੀਕ ਹੈ ਕਿ ਜਦੋਂ ਤੱਕ ਕਾਂਗਰਸ ਲਈ ਠੀਕ ਹੋਵੇ ਉਹ ਕਥਿਤ ਸੰਪ੍ਰਦਾਇਕ ਤਾਕਤਾਂ ਦੇ ਨਾਲ ਮਿਲੀ ਰਹੇ। ਇਹ ਸਿੱਧੇ ਤੌਰ ‘ਤੇ ਸਿਆਸੀ ਮੌਕਾਪ੍ਰਸਤੀ ਨਹੀਂ ਤਾਂ ਕੀ ਹੈ?”
‘And what are you doing with @ShivsenaComms in Maharashtra? Or are you saying @harishrawatcmuk Ji that it’s ok to join forces with so-called communal parties as long as it suits @INCIndia purpose. What’s this if not sheer political opportunism?’: @capt_amarinder 2/4
— Raveen Thukral (@RT_Media_Capt) October 21, 2021
ਅਕਾਲੀਆਂ ਦੀ ਮਦਦ ਕਰਦਾ, ਤਾਂ ਕੇਸ ਨਾ ਲੜਦਾ- ਕੈਪਟਨ
ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ, “ਰਾਵਤ ਕਹਿ ਰਹੇ ਹਨ ਕਿ ਮੈਂ ਸਾਢੇ 4 ਸਾਲ ਅਕਾਲੀਆਂ ਦੀ ਮਦਦ ਲਈ। ਜੇਕਰ ਅਜਿਹਾ ਹੁੰਦਾ, ਤਾਂ ਮੈਂ ਉਹਨਾਂ ਦੇ ਖਿਲਾਫ਼ 10 ਸਾਲਾਂ ਤੱਕ ਕੋਰਟ ਕੇਸ ਕਿਉਂ ਲੜਦਾ। ਨਾਲ ਹੀ, 2017 ਤੋਂ ਬਾਅਦ ਕਾਂਗਰਸ ਪੰਜਾਬ ਵਿੱਚ ਹਰ ਚੋਣ ਕਿਵੇਂ ਜਿੱਤਦੀ ਰਹੀ?”
‘Today you’re accusing me of helping my rival @Akali_Dal_ for 4 and a half years @harishrawatcmuk ji. Is that why you think I’ve been fighting court cases against them for the last 10 years? And why I’ve won @INCIndia all elections in Punjab since 2017? @capt_amarinder 3/4
— Raveen Thukral (@RT_Media_Capt) October 21, 2021
ਕਾਂਗਰਸ ਨੇ ਆਪਣੇ ਪੈਰ ‘ਤੇ ਕੁਹਾੜੀ ਮਾਰੀ- ਕੈਪਟਨ
ਅਮਰਿੰਦਰ ਸਿੰਘ ਨੇ ਕਿਹਾ, “ਰਾਵਤ ਨੂੰ ਡਰ ਹੈ ਮੇਰੇ ਕਾਰਨ ਪੰਜਾਬ ਵਿੱਚ ਕਾਂਗਰਸ ਦੇ ਹਿੱਤਾਂ ਦਾ ਨੁਕਸਾਨ ਹੋਵੇਗਾ। ਸੱਚਾਈ ਇਹ ਹੈ ਕਿ ਕਾਂਗਰਸ ਨੇ ਮੇਰੇ ‘ਤੇ ਭਰੋਸਾ ਨਾ ਕਰਕੇ ਸਿੱਧੂ ਵਰਗੇ Unstable ਸ਼ਖਸ ਦੇ ਹੱਥ ਵਿੱਚ ਪੰਜਾਬ ਕਾਂਗਰਸ ਨੂੰ ਸੌਂਪ ਕੇ ਆਪਣੇ ਪੈਰਾਂ ‘ਤੇ ਕੁਹਾੜੀ ਮਾਰੀ ਹੈ। ਸਿੱਧੂ ਸਿਰਫ਼ ਆਪਣੇ ਪ੍ਰਤੀ ਇਮਾਨਦਾਰ ਹਨ।”
‘You’re apprehension I’ll damage @INCIndia interests in Punjab. Fact is @harishrawatcmuk ji, the party has damaged its own interests by not trusting me and giving @INCPunjab into the hands of an unstable person like @sherryontopp who’s only loyal to himself’: @capt_amarinder 4/4
— Raveen Thukral (@RT_Media_Capt) October 21, 2021
