ਬਿਓਰੋ। ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਦਾ ਮਾਮਲਾ ਅਜੇ ਸ਼ਾੰਤ ਨਹੀੰ ਹੋਇਆ ਕਿ ਸੋਸ਼ਲ ਮੀਡੀਆ ‘ਤੇ ਸ਼ਰੇਆਮ ਗਾਇਕ ਮਨਕੀਰਤ ਔਲਖ ਨੂੰ ਧਮਕੀਆੰ ਮਿਲਣ ਲੱਗੀਆੰ ਹਨ। ਦਵਿੰਦਰ ਬੰਬੀਹਾ ਗੈੰਗ ਨੇ ਇੱਕ ਵਾਰ ਫੇਰ ਲਾਰੈੰਸ ਗੈੰਗ ਨੂੰ ਧਮਕੀ ਦਿੱਤੀ ਹੈ, ਜਿਸ ਵਿੱਚ ਖਾਸ ਤੌਰ ‘ਤੇ ਗੋਲਡੀ ਬਰਾੜ ਅਤੇ ਮਨਕੀਰਤ ਔਲਖ ਤੋੰ ਬਦਲਾ ਲਏ ਜਾਣ ਦੀ ਗੱਲ ਕਹੀ ਗਈ ਹੈ। ਚਾਹੇ ਇਸ ‘ਚ ਕਿੰਨਾ ਵੀ ਸਮਾੰ ਲੱਗ ਜਾਵੇ।
‘ਇਸ ਪਾਪ ਦੀ ਮੁਆਫ਼ੀ ਮੌਤ ਤੋੰ ਬਾਅਦ ਵੀ ਨਹੀੰ’
ਸੋਸ਼ਲ ਮੀਡੀਆ ਪੋਸਟ ‘ਚ ਦਵਿੰਦਰ ਬੰਬੀਹਾ ਗੈੰਗ ਵੱਲੋੰ ਲਿਖਿਆ ਗਿਆ, “ਸਿੱਧੂ ਮੂਸੇਵਾਲਾ ਦੇ ਪਿਤਾ ਨੇ ਜੋ ਵੀ ਕਿਹਾ, ਅਸੀੰ ਉਸਦਾ ਸਮਰਥਨ ਕਰਦੇ ਹਾੰ। ਗੋਲਡੀ ਬਰਾੜ ਅਤੇ ਲਾਰੈੰਸ ਨਸ਼ਾ ਵੇਚਣ ਅਤੇ ਪੈਸਾ ਲੈ ਕੇ ਬੰਦੇ ਮਾਰਨ ਵਾਲੇ ਹਨ। ਸਾਰਿਆੰ ਨੇ ਨੋਟ ਕੀਤਾ ਹੋਵੇਗਾ ਕਿ ਜਿਸ ਦਿਨ ਸਿੱਧੂ ਦਾ ਕਤਲ ਹੋਇਆ, ਉਸ ਵਿੱਚ ਸਿੰਗਰ ਦਾ ਨਾੰਅ ਆਇਆ, ਜਿਸ ਨੂੰ ਅਜੇ ਤੱਕ ਗੁਪਤ ਰੱਖਿਆ ਗਿਆ ਹੈ। ਗੋਲਡੀ ਬਰਾੜ ਨੇ ਉਸ ਦਿਨ ਕੋਈ ਪੱਖ ਨਹੀੰ ਰੱਖਿਆ। ਇਹਨਾੰ ਨੂੰ ਪਤਾ ਹੈ ਕਿ ਇਹਨਾੰ ਨੇ ਬਹੁਤ ਵੱਡਾ ਪਾਪ ਕੀਤਾ ਹੈ, ਜਿਸਦੀ ਮੁਆਫ਼ੀ ਇਹਨਾੰ ਨੂੰ ਮੌਤ ਤੋੰ ਬਾਅਦ ਵੀ ਨਹੀੰ ਮਿਲੇਗੀ।”
ਬਦਲਾ ਜ਼ਰੂਰ ਲਵਾੰਗੇ, ਮਨਕੀਰਤ ਟੌਪ ‘ਤੇ- ਬੰਬੀਹਾ
ਪੋਸਟ ਵਿੱਚ ਅੱਗੇ ਲਿਖਿਆ ਗਿਆ, “ਅਸੀੰ ਅੱਜ ਵੀ ਕਲੀਅਰ ਕਰਦੇ ਹਾੰ ਕਿ ਸਿੱਧੂ ਮੂਸੇਵਾਲਾ ਦੇ ਕਤਲ ਦਾ ਬਦਲਾ ਜ਼ਰੂਰ ਲਵਾੰਗੇ। ਚਾਹੇ ਜਿੰਨਾ ਮਰਜ਼ੀ ਟਾਈਮ ਲੱਗ ਜਾਵੇ। ਜੋ ਵੀ ਬੰਦਾ ਜੱਗੂ ਭਗਵਾਨਪੁਰੀਆ, ਲਾਰੈੰਸ ਅਤੇ ਗੋਲਡੀ ਬਰਾੜ ਦਾ ਸਾਥ ਦਵੋਗਾ, ਉਸ ਨੂੰ ਵੀ ਜ਼ਰੂਰ ਮਾਰਾੰਗੇ। ਗੋਲਡੀ ਬਰਾੜ ਨੂੰ ਕਹਿੰਦੇ ਹਾੰ ਕਿ ਸੰਤ ਜੀ ਦਾ ਨਾੰਅ ਲੈ ਕੇ ਗੱਲ ਕਰਨ ਵਾਲਾ ਕਦੇ ਕਮਜ਼ੋਰ, ਬੇਸਹਾਰਾ ਜਾੰ ਨਿਹੱਥਿਆੰ ‘ਤੇ ਵਾਰ ਨਹੀੰ ਕਰਦਾ। ਨਾ ਹੀ ਉਹ ਪੈਸੇ ਲੈ ਕੇ ਕਤਲ ਕਰਦੇ ਹਨ। ਗੋਲਡੀ ਬਰਾੜ ਨੂੰ ਇਸਦਾ ਭਾਰੀ ਹਰਜ਼ਾਨਾ ਭਰਨਾ ਪਏਗਾ। ਮਨਕੀਰਤ ਔਲਖ ਵੀ ਦੋਸ਼ੀ ਹੈ। ਉਹ ਸਾਡੀ ਲਿਸਟ ਵਿੱਚ ਟੌਪ ‘ਤੇ ਹੈ। ਤੈਨੂੰ ਮਿਲਾੰਗੇ ਜ਼ਰੂਰ। Wait and watch all cowards.”
ਲਾਰੈੰਸ ਗੈੰਗ ਨੇ ਕੀਤਾ ਮੂਸੇਵਾਲਾ ਦਾ ਕਤਲ
ਦੱਸ ਦਈਏ ਕਿ 29 ਮਈ ਨੂੰ ਮਾਨਸਾ ਦੇ ਪਿੰਡ ਜਹਾਵਰਕੇ ਵਿੱਚ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦਾ ਗੋਲੀਆੰ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਕਤਲ ਦੀ ਜ਼ਿੰਮੇਵਾਰੀ ਲਾਰੈੰਸ ਗੈੰਗ ਦੇ ਕੈਨੇਡਾ ‘ਚ ਬੈਠੇ ਗੈੰਗਸਟਰ ਗੋਲਡੀ ਬਰਾੜ ਨੇ ਲਈ ਸੀ। ਪੰਜਾਬ ਪੁਲਿਸ ਨੇ ਲਾਰੈੰਸ ਨੂੰ ਕਤਲ ਦਾ ਮਾਸਟਰਮਾਈੰਡ ਬਣਾਇਆ ਹੈ। ਲਾਰੈੰਸ ਤੇ ਗੋਲਡੀ ਬਰਾੜ ਤੋੰ ਇਲਾਵਾ ਜੱਗੂ ਭਗਵਾਨਪੁਰੀਆ, ਲਿਪਿਨ ਨਹਿਰਾ ਸਮੇਤ ਕਈ ਗੈੰਗਸਟਰਾੰ ਦੀ ਭੂਮਿਕਾ ਇਸ ਵਿੱਚ ਪਾਈ ਗਈ ਹੈ। ਇਸ ਤੋੰ ਇਲਾਵਾ ਕਤਲ ਕਰਨ ਵਾਲੇ 2 ਸ਼ਾਰਪ ਸ਼ੂਟਰਾੰ ਦਾ ਐਨਕਾਊੰਟਰ ਹੋ ਚੁੱਕਿਆ ਹੈ ਤੇ 3 ਗ੍ਰਿਫ਼ਤਾਰ ਕੀਤੇ ਗਏ ਹਨ। ਹਾਲਾੰਕਿ ਇੱਕ ਸ਼ੂਟਰ ਦੀਪਕ ਮੁੰਡੀ ਅਜੇ ਵੀ ਫਰਾਰ ਚੱਲ ਰਿਹਾ ਹੈ।
ਸਿੱਧੂ ਮੂਸੇਵਾਲਾ ਦੇ ਕਤਲ ਤੋੰ ਬਾਅਦ ਹੀ ਲਗਾਤਾਰ ਬੰਬੀਹਾ ਗੈੰਗ ਤੇ ਲਾਰੈੰਸ ਗੈੰਗ ਆਹਮੋ-ਸਾਹਮਣੇ ਹਨ। ਬੰਬੀਹਾ ਗੈੰਗ ਲਗਾਤਾਰ ਲਾਰੈੰਸ ਗੈੰਗ ਨੂੰ ਨਤੀਜੇ ਭੁਗਤਣ ਦੀ ਧਮਕੀ ਦੇ ਰਿਹਾ ਹੈ।
