ਨਵੀਂ ਦਿੱਲੀ। ਕੋਰੋਨਾ ਕਾਲ ਵਿੱਚ ਗਰੀਬਾਂ ਦੇ ਮਸੀਹਾ ਬਣ ਕੇ ਉਭਰੇ ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ ਹੁਣ ਦਿੱਲੀ ਸਰਕਾਰ ਨਾਲ ਕੰਮ ਕਰਨਗੇ।ਸ਼ੁਕਰਵਾਰ ਨੂੰ ਸੋਨੂੰ ਸੂਦ ਨੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨਾਲ ਮੁਲਾਕਾਤ ਕੀਤੀ। ਇਸ ਤੋਂ ਬਾਅਦ ਕੇਜਰੀਵਾਲ ਨੇ ਸੋਨੂੰ ਨੂੰ ਸਰਕਾਰ ਦੇ ‘ਮੈਂਟੋਰ ਪ੍ਰੋਗਰਾਮ’ ਦਾ ਬ੍ਰਾਂਡ ਅੰਬੈਸਡਰ ਬਣਾਉਣ ਦਾ ਐਲਾਨ ਕਰ ਦਿੱਤਾ। ਇਸਦੇ ਤਹਿਤ ਸੋਨੂੰ ਸਕੂਲ ਵਿੱਚ ਪੜ੍ਹਨ ਵਾਲੇ ਬੱਚਿਆਂ ਨੂੰ ਗਾਈਡ ਕਰਨਗੇ।
ਸੋਨੂੰ ਨੇ ਦਿੱਲੀ ਸਰਕਾਰ ਦੀ ਤਾਰੀਫ਼ ਕੀਤੀ
ਇਸ ਦੌਰਾਨ ਸੋਨੂੰ ਨੇ ਦਿੱਲੀ ਸਰਕਾਰ ਦੀ ਜੰਮ ਕੇ ਤਾਰੀਫ ਕੀਤੀ। ਉਨ੍ਹਾਂ ਕਿਹਾ ਕਿ ਸਿੱਖਿਆ ਦੇ ਖੇਤਰ ਵਿੱਚ ਦਿੱਲੀ ਸਰਕਾਰ ਬਿਹਤਰੀਨ ਕੰਮ ਕਰ ਰਹੀ ਹੈ। ਸੋਨੂੰ ਨੇ ਕਿਹਾ, “ਅੱਜ ਦਿੱਲੀ ਸਰਕਾਰ ਨੇ ਦੇਸ਼ ਦੇ ਮੈਂਟੋਰ ਦਾ ਪਲੇਟਫ਼ਾਰਮ ਨਹੀਂ ਬਣਾਇਆ, ਬਲਕਿ ਦੇਸ਼ ਲਈ ਕੁਝ ਕਰਨ ਦਾ ਪਲੇਟਫ਼ਾਰਮ ਬਣਾਇਆ ਹੈ। ਜੇਕਰ ਤੁਸੀਂ ਇੱਕ ਵੀ ਬੱਚੇ ਨੂੰ ਦਿਸ਼ਾ ਦੇ ਸਕਦੇ ਹੋ, ਤਾਂ ਇਸ ਤੋਂ ਵੱਡਾ ਦੇਸ਼ ਲਈ ਕੋਈ ਯੋਗਦਾਨ ਨਹੀਂ ਹੋਵੇਗਾ।
ਅਰਵਿੰਦ ਕੇਜਰੀਵਾਲ ਨੇ ਵੀ ਸੋਨੂੰ ਸੂਦ ਦੀ ਤਾਰੀਫ ਕੀਤੀ ਅਤੇ ਕਿਹਾ ਕਿ ਸੋਨੂੰ ਸੂਦ ਸਾਰਿਆਂ ਦੀ ਮਦਦ ਲਈ ਪਹੁੰਚਦੇ ਹਨ ਅਤੇ ਦੇਸ਼ ਲਈ ਪ੍ਰੇਰਣਾਸ੍ਰੋਤ ਹਨ।
मानवता की सेवा में @SonuSood जी के योगदान को हम सबने देखा और सराहा है
अब सोनू जी दिल्ली के सरकारी स्कूलों में बच्चों के लिए बनाए गए 'देश के मेंटर' प्रोग्राम के ब्रांड एंबेसडर होंगे। सोनू जी का इस कार्यक्रम के साथ जुड़ना निश्चित ही बच्चों के उज्ज्वल भविष्य में मददगार साबित होगा। pic.twitter.com/tOtLcJU3rj
— Arvind Kejriwal (@ArvindKejriwal) August 27, 2021
ਕੀ ਸਿਆਸਤ ਚ ਵੀ ਉਤਰਣਗੇ ਸੋਨੂੰ ਸੂਦ?
ਸੋਨੂੰ ਤੋਂ ਜਦੋਂ ਪੁੱਛਿਆ ਗਿਆ ਕਿ.. ਕੀ ਉਹਨਾਂ ਦਾ ਕੋਈ ਸਿਆਸੀ ਝੁਕਾਅ ਹੈ, ਤਾਂ ਉਹਨਾਂ ਨੇ ਕਿਹਾ ਕਿ ਫਿਲਹਾਲ ਅਜਿਹਾ ਕੋਈ ਪਲਾਨ ਨਹੀਂ ਹੈ। ਪੰਜਾਬ ਚੋਣਾਂ ‘ਚ ਆਮ ਆਦਮੀ ਪਾਰਟੀ ਲਈ ਪ੍ਰਚਾਰ ਕਰਨ ਦੇ ਸਵਾਲ ‘ਤੇ ਵੀ ਸੋਨੂੰ ਨੇ ਇਹੀ ਕਿਹਾ ਕਿ ਅਜਿਹੀ ਕੋਈ ਚਰਚਾ ਨਹੀਂ ਹੋਈ ਹੈ।
ਪੰਜਾਬ ਸਰਕਾਰ ‘ਚ ਵੀ ਬ੍ਰਾਂਡ ਅੰਬੈਸਡਰ ਹਨ ਸੋਨੂੰ
ਮੋਗਾ ਨਾਲ ਤਾਲੁਕ ਰੱਖਣ ਵਾਲੇ ਸੋਨੂੰ ਸੂਦ ਪੰਜਾਬ ਸਰਕਾਰ ਨਾਲ ਵੀ ਕੰਮ ਕਰ ਰਹੇ ਹਨ। ਉਹ ਪੰਜਾਬ ਵਿਚ ਵੈਕਸੀਨੇਸ਼ਨ ਮੁਹਿੰਮ ਦੇ ਬ੍ਰਾਂਡ ਅੰਬੈਸਡਰ ਹਨ। ਸੋਨੂੰ ਦਾ ਪਰਿਵਾਰ ਅੱਜ ਵੀ ਮੋਗਾ ਵਿਖੇ ਹੀ ਰਹਿੰਦਾ ਹੈ। ਇਸ ਲਈ ਪੰਜਾਬ ਚੋਣਾਂ ਤੋਂ ਪਹਿਲਾਂ ਉਹਨਾਂ ਦੇ ਸਿਆਸਤ ਚ ਆਉਣ ਦੀਆਂ ਅਟਕਲਾਂ ਲਗਾਤਾਰ ਲਗਾਈਆਂ ਜਾ ਰਹੀਆਂ ਹਨ। ਚਰਚਾ ਇਹ ਵੀ ਹੈ ਕਿ ਸੋਨੂੰ ਸੂਦ ਦੀ ਭੈਣ ਵੀ ਇਸ ਵਾਰ ਚੋਣ ਲੜਨ ਦੀ ਤਿਆਰੀ ‘ਚ ਹਨ।
