ਬਿਓਰੋ। ਪੰਜਾਬ ਵਿੱਚ ਚੋਣਾਂ ਨਜ਼ਦੀਕ ਆਉਂਦੇ ਹੀ ਸਿਆਸਤਦਾਨ ਲਗਾਤਾਰ ਧਾਰਮਿਕ ਅਸਥਾਨਾਂ ਦੇ ਚੱਕਰ ਕੱਟ ਰਹੇ ਹਨ। ਹਾਲ ਹੀ ਵਿੱਚ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੱਧੂ ਅਤੇ ਸੀਐੱਮ ਚਰਨਜੀਤ ਚੰਨੀ ਉੱਤਰਾਖੰਡ ਵਿੱਚ ਕੇਦਾਰਨਾਥ ਧਾਮ ਗਏ ਸਨ। ਹੁਣ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਆਪਣੇ ਸਮਰਥਕਾਂ ਦੇ ਨਾਲ ਰਾਜਸਥਾਨ ਸਥਿਤ ਸਾਲਾਸਰ ਧਾਮ ਵਿੱਚ ਨਤਮਸਤਕ ਹੋਣ ਪਹੁੰਚੇ। ਇਸ ਤੋਂ ਪਹਿਲਾਂ AAP ਦੇ ਕਨਵੀਨਰ ਅਰਵਿੰਦ ਕੇਜਰੀਵਾਲ ਵੀ ਪੰਜਾਬ ਆ ਕੇ ਮੰਦਰਾਂ ਵਿੱਚ ਮੱਥਾ ਟੇਕ ਚੁੱਕੇ ਹਨ।
Paid obeisance at Salasar Balaji Dham, prayed for peace & communal harmony as well as progress & prosperity of Punjab & Punjabis. I assure that once the Akali-BSP alliance forms govt, Mukh Mantri Teerath Yatra scheme initiated by former CM S.Parkash S Badal would be restarted. pic.twitter.com/fPibXcQLHO
— Sukhbir Singh Badal (@officeofssbadal) November 9, 2021
ਆਗੂਆਂ ਦੇ ਇਹਨਾਂ ਚੁਣਾਵੀ ਦੌਰਿਆਂ ਨੂੰ ਪੰਜਾਬ ਵਿੱਚ 38.49 ਫੀਸਦ ਹਿੰਦੂ ਵੋਟ ਬੈਂਕ ‘ਤੇ ਦਾਅ ਮੰਨਿਆ ਜਾ ਰਿਹਾ ਹੈ। ਪਹਿਲਾਂ ਸਭ ਦਾ ਫੋਕਸ SC ਵੋਟ ਬੈਂਕ ‘ਤੇ ਸੀ। ਅਚਾਨਕ ਕਾਂਗਰਸ ਨੇ ਕੈਪਟਨ ਅਮਰਿੰਦਰ ਸਿੰਘ ਨੂੰ ਹਟਾ ਕੇ ਅਨੁਸੂਚਿਤ ਜਾਤੀ ਦੇ ਚਰਨਜੀਤ ਸਿੰਘ ਚੰਨੀ ਨੂੰ ਸੀਐੱਮ ਬਣਾ ਕੇ ਇਹ ਦਾਅ ਫੇਲ੍ਹ ਕਰ ਦਿੱਤਾ, ਜਿਸ ਤੋਂ ਬਾਅਦ ਸਾਰਿਆਂ ਦੀ ਨਜ਼ਰ ਹਿੰਦੂਆਂ ‘ਤੇ ਲੱਗੀ ਹੋਈ ਹੈ।
Former CM S.Parkash Singh Badal started the Mukhmantri Tirath Yatra Scheme to provide free travel to the pilgrims visiting different places of worship. After coming to power, we will restart the same to facilitate pilgrimage for devotees who cannot afford the yatra. pic.twitter.com/TwNotQ7RoA
— Sukhbir Singh Badal (@officeofssbadal) November 9, 2021
ਇਸ ਲਈ ਅਹਿਮ ਹੈ ਹਿੰਦੂ ਵੋਟ ਬੈਂਕ
ਪੰਜਾਬ ਵਿੱਚ ਹਿੰਦੂ ਵੋਟ ਬੈਂਕ ਹਾਲੇ ਤੱਕ ਬੀਜੇਪੀ ਜਾਂ ਫਿਰ ਕੈਪਟਨ ਅਮਰਿੰਦਰ ਸਿੰਘ ਦੀ ਵਜ੍ਹਾ ਨਾਲ ਕਾਂਗਰਸ ਨੂੰ ਮਿਲਦਾ ਸੀ। ਇਸ ਵਾਰ ਅਕਾਲੀ ਦਲ ਬੀਜੇਪੀ ਨਾਲ ਗਠਜੋੜ ਤੋੜ ਚੁੱਕੀ ਹੈ। ਅਮਰਿੰਦਰ ਸਿੰਘ ਵੀ ਕਾਂਗਰਸ ਵਿੱਚ ਨਹੀਂ ਹਨ। ਅਜਿਹੇ ਵਿੱਚ ਇਸ ਵੋਟ ਬੈਂਕ ਲਈ ਆਗੂ ਧਾਰਮਿਕ ਅਸਥਾਨਾਂ ‘ਤੇ ਜਾ ਕੇ ਹਿੰਦੂਆਂ ਨੂੰ ਲੁਭਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਕਾਂਗਰਸ ਲਈ ਮੁਸ਼ਕਿਲ ਰਾਹ
ਕੈਪਟਨ ਅਮਰਿੰਦਰ ਸਿੰਘ ਨੇ ਜਦੋਂ ਸੀਐੱਮ ਅਹੁਦੇ ਤੋਂ ਅਸਤੀਫਾ ਦਿੱਤਾ, ਤਾਂ ਸੁਨੀਲ ਜਾਖੜ ਨੂੰ ਨਵੇਂ ਸੀਐੱਮ ਦੀ ਦੌੜ ਵਿੱਚ ਸਭ ਤੋਂ ਅੱਗੇ ਦੱਸਿਆ ਗਿਆ। ਪਰ ਅੰਦਰੂਨੀ ਵਿਰੋਧ ਤੋਂ ਬਾਅਦ ਇਹ ਫੈਸਲਾ ਟਾਲ ਦਿੱਤਾ ਗਿਆ। ਦੂਜਾ, ਹੁਣ ਕੈਪਟਨ ਅਮਰਿੰਦਰ ਸਿੰਘ ਕਾਂਗਰਸ ਵਿੱਚ ਨਹੀਂ ਹਨ, ਅਜਿਹੇ ਵਿੱਚ ਇਹ ਵੋਟ ਬੈਂਕ ਬੀਜੇਪੀ ਅਤੇ ਕੈਪਟਨ ਦੀ ਨਵੀਂ ਪੰਜਾਬ ਲੋਕ ਕਾਂਗਰਸ ਵਿੱਚ ਵੰਡ ਸਕਦਾ ਹੈ।
