ਅੰਮ੍ਰਿਤਸਰ। ਪੰਜਾਬ ‘ਚ ਅਗਾਮੀ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਗੈਰ-ਕਾਨੂੰਨੀ ਮਾਈਨਿੰਗ ਦਾ ਮੁੱਦਾ ਸਰਗਰਮ ਰਹਿਣ ਵਾਲਾ ਹੈ। ਇਸਦੇ ਸੰਕੇਤ ਉਸ ਵੇਲੇ ਮਿਲੇ, ਜਦੋਂ ਬੁੁੱਧਵਾਰ ਨੂੂੰ ਬਿਆਸ ਦਰਿਆ ਨੇੜੇ ਹੋ ਰਹੀ ਮਾਈਨਿੰਗ ਵਾਲੀ ਜਗ੍ਹਾ ‘ਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਛਾਪਾ ਮਾਰਨ ਲਈ ਪਹੁੰਚ ਗਏ।
ਮੀਡੀਆ ਨੂੰ ਨਾਲ ਲੈ ਕੇ ਸਾਈਟ ‘ਤੇ ਪਹੁੰਚੇ ਸੁਖਬੀਰ ਬਾਦਲ ਨੇ ਗੈਰ-ਕਾਨੂੰਨੀ ਮਾਈਨਿੰਗ ਦਾ ਇਲਜ਼ਾਮ ਲਾਇਆ ਅਤੇ ਇਸਦੇ ਲਈ ਸਿੱਧੇ-ਸਿੱਧੇ ਕੈਬਨਿਟ ਮੰਤਰੀ ਸੁਖਬਿੰਦਰ ਸਿੰਘ ਸੁਖ ਸਰਕਾਰੀਆ ਨੂੰ ਜ਼ਿੰਮੇਵਾਰ ਠਹਿਰਾਇਆ। ਉਹਨਾਂ ਕਿਹਾ ਕਿ ਸੂਬੇ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਮਾਈਨਿੰਗ ਮਾਫੀਆ ਨੂੰ ਓਪਨ ਲਾਇਸੈਂਸ ਦਿੱਤਾ ਹੋਇਆ ਹੈ ਅਤੇ ਕਾਂਗਰਸ ਦੇ ਵਿਧਾਇਕ ਆਪਣੀ ਕੁਰਸੀ ਬਚਾਉਣ ਲਈ ਪੰਜਾਬ ਨੂੰ ਲੁੱਟ ਰਹੇ ਹਨ।
Sand mafia has overtaken the State. Witnessed illegal mining first hand near Beas bridge which threatens the lifeline of Majha besides eroding river banks & destroying farmer fields. @capt_amarinder has given an open license to mafia & Cong MLAs to loot Pb to save his chair. 1/3 pic.twitter.com/3cQbR2GeyM
— Sukhbir Singh Badal (@officeofssbadal) June 30, 2021
ਸੁਖਬੀਰ ਬਾਦਲ ਨੇ ਦਾਅਵਾ ਕੀਤਾ ਕਿ ਉਹਨਾਂ ਦੇ ਸਾਈਟ ‘ਤੇ ਪਹੁੰਚਦੇ ਹੀ ਟਰੱਕ ਚਾਲਕ ਅਤੇ ਜੇਸੀਬੀ ਮਸ਼ੀਨਾਂ ਵਾਲੇ ਮੌਕੇ ਤੋਂ ਫਰਾਰ ਹੋ ਗਏ। ਸੁਖਬੀਰ ਵੱਲੋਂ ਮੌਕੇ ‘ਤੇ ਹੀ ਪੁਲਿਸ ਅਧਿਕਾਰੀਆਂ ਨੂੰ ਫੋਨ ਵੀ ਕੀਤੇ ਗਏ, ਪਰ ਉਹਨਾਂ ਮੁਤਾਬਕ 2 ਘੰਟੇ ਤੱਕ ਉਥੇ ਕੋਈ ਨਹੀਂ ਪਹੁੰਚਿਆ।
Hundreds of trucks were engaged in illegal mining when I reached the Beas river bank along the main highway. Mining mafia has no fear of the law. They have put pipelines on floaters & use fork cranes to mine sand. Rang up police officials but no one came to spot for 2 hours. 2/3 pic.twitter.com/zWOFcLiMem
— Sukhbir Singh Badal (@officeofssbadal) June 30, 2021
ਇਸ ਦੌਰਾਨ ਸੁਖਬੀਰ ਬਾਦਲ ਨੇ ਪਿੰਡ ਵਾਸੀਆਂ ਨਾਲ ਵੀ ਗੱਲਬਾਤ ਕੀਤੀ। ਸੁਖਬੀਰ ਨੇ ਦਾਅਵਾ ਕੀਤਾ, “ਪਿੰਡਵਾਸੀਆਂ ਮੁਤਾਬਕ ਪੁਲਿਸ ਹਰ ਰੋਜ਼ ਆਉਂਦੀ ਹੈ, ਪਰ ਮਾਫੀਆ ਤੋਂ ਰਿਸ਼ਵਤ ਲੈਣ ਲਈ। ਕੈਪਟਨ ਅਮਰਿੰਦਰ ਤੋਂ ਲੈ ਕੇ ਸੁਖ ਸਰਕਾਰੀਆ ਅਤੇ ਸਥਾਨਕ DC ਅਤੇ SSP ਨੂੰ ਪੰਜਾਬੀਆਂ ਨੂੰ ਦੱਸਣਾ ਚਾਹੀਦਾ ਹੈ ਕਿ ਉਹ ਅਜਿਹੀ ਬੇਸ਼ਰਮੀ ਵਾਲੀ ਲੁੱਟ ਦੀ ਮਨਜ਼ੂਰੀ ਕਿਉਂ ਦੇ ਰਹੇ ਹਨ। ਅਕਾਲੀ ਦਲ ਮਾਫੀਆ ਦੇ ਕਿੰਗਪਿਨ ਅਸ਼ੋਕ ਚੰਦਕ ਅਤੇ ਰਾਕੇਸ਼ ਚੌਧਰੀ ਖਿਲਾਫ਼ ਕਾਰਵਾਈ ਦੀ ਮੰਗ ਕਰਦਾ ਹੈ।”
Villagers say police come every day but to collect bribes from mafia elements. Right from @capt_amarinder to Sukh Sarkaria as well as local DC & SSP should tell Pbis why they are allowing this brazen loot. SAD demands arrest of mafia kingpins Ashok Chandak & Rakesh Chaudhary. 3/3 pic.twitter.com/dvAznIOSLc
— Sukhbir Singh Badal (@officeofssbadal) June 30, 2021
ਮਾਈਨਿੰਗ ਦੀ ਸਾਈਟ ਤੋਂ ਬਾਅਦ ਸੁਖਬੀਰ ਬਾਦਲ ਸਿੱਧੇ ਬਿਆਸ ਪੁਲਿਸ ਸਟੇਸ਼ਨ ਪਹੁੰਚ ਗਏ, ਜਿਥੇ ਉਹਨਾਂ ਵੱਲੋਂ ਕੈਬਨਿਟ ਮੰਤਰੀ ਸੁਖ ਸਰਕਾਰੀਆ, 5 ਕਾਂਗਰਸ ਵਿਧਾਇਕਾਂ ਅਤੇ 3 ਕਥਿਤ ਮਾਈਨਿੰਗ ਕਿੰਗਪਿਨ ਖਿਲਾਫ਼ ਕੇਸ ਦਰਜ ਕਰਵਾਇਆ।
ਸੁਖਬੀਰ ਮੁਤਾਬਕ, ਟਰੱਕ ਡਰਾਈਵਰਾਂ ਅਤੇ ਪਿੰਡ ਵਾਲਿਆਂ ਨੇ ਵੀ ਕਥਿਤ ‘ਗੁੰਡਾ ਟੈਕਸ’ ਅਤੇ ਪੰਚਾਇਤੀ ਜ਼ਮੀਨ(ਜਿਸ ‘ਤੇ ਮਾਈਨਿੰਗ ਹੋ ਰਹੀ ਸੀ) ਦੇ ਸਬੰਧ ‘ਚ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਹੈ।
ਨਾ ਸਿਰਫ ਅਕਾਲੀ ਦਲ, ਬਲਕਿ ਕਥਿਤ ਮਾਈਨਿੰਗ ਮਾਫੀਆ ਵੱਲੋਂ ਵੀ ਅਕਾਲੀ ਆਗੂਆਂ ਖਿਲਾਫ ਕੇਸ ਦਰਜ ਕਰਵਾਇਆ ਗਿਆ ਹੈ, ਜਿਸਦੀ ਜਾਣਕਾਰੀ ਖੁਦ ਸੁਖਬੀਰ ਬਾਦਲ ਨੇ ਸੋਸ਼ਲ ਮੀਡੀਆ ‘ਤੇ ਦਿੱਤੀ ਹੈ। ਸੁਖਬੀਰ ਨੇ ਕਿਹਾ, “ਰੇਤ ਮਾਫੀਆ ਆਪਣੇ ਗੁਨਾਹ ਤੋਂ ਧਿਆਨ ਭਟਕਾਉਣ ਲਈ ਅਕਾਲੀ ਆਗੂਆਂ ਖਿਲਾਫ਼ ਝੂਠੇ ਮੁਕੱਦਮੇ ਦਰਜ ਕਰਵਾ ਰਿਹਾ ਹੈ। ਅਜਿਹਾ ਆਤਮ-ਵਿਸ਼ਵਾਸ ਮੁੱਖ ਮੰਤਰੀ ਵੱਲੋਂ ਮਾਫੀਆ ਨੂੰ ਸ਼ੈਅ ਨਾਲ ਹੀ ਆ ਸਕਦਾ ਹੈ।”
The sheer audacity of sand mafia! They’re trying to divert attention from their crime by filing false complaints against @Akali_Dal_ leaders who exposed the illegal activity. Such confidence can only come from patronization to the mafia by Chief Minister. 2/2 pic.twitter.com/XLpRWyFUPS
— Sukhbir Singh Badal (@officeofssbadal) June 30, 2021
