ਬਿਓਰੋ। ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਸੀਐੱਮ ਚੰਨੀ ‘ਤੇ ਤਿੱਖਾ ਹਮਲਾ ਬੋਲਿਆ ਹੈ। ਖੰਨਾ ਵਿੱਚ ਪਾਰਟੀ ਉਮੀਦਵਾਰ ਦੇ ਹੱਕ ਵਿੱਚ ਪ੍ਰਚਾਰ ਕਰਨ ਪਹੁੰਚੇ ਸੁਖਬੀਰ ਗੱਲਾਂ ਹੀ ਗੱਲਾਂ ਵਿੱਚ ਸੀਐੱਮ ਨੂੰ ਸ਼ਰਾਬੀ ਅਤੇ ਜੇਬਕਤਰਾ ਤੱਕ ਕਹਿ ਗਏ। ਸੁਖਬੀਰ ਨੇ ਕਿਹਾ ਕਿ ਸੂਬੇ ਦੇ ਸੀਐੱਮ ਦਾ ਹਾਲ ਇਹ ਹੈ ਕਿ ਜਦੋਂ ਉਹ ਕਿਸੇ ਰੇਹੜੀ ‘ਤੇ ਖੜ੍ਹੇ ਹੋ ਜਾਂਦੇ ਹਨ, ਤਾਂ ਕਹਿੰਦੇ ਹਨ ਕਿ ਉਹਨਾਂ ਨੇ ਰੇਹੜੀ ਚਲਾਈ ਹੈ। ਕਿਸੇ ਠੇਕੇ ਦੇ ਸਾਹਮਣੇ ਖੜ੍ਹੇ ਹੋ ਜਾਣ, ਤਾਂ ਕਹਿੰਦੇ ਹਨ ਕਿ ਇਥੋਂ ਹੀ ਪੀਂਦਾ ਸੀ।
ਸੁਖਬੀਰ ਨੇ ਕਿਹਾ, “ਕੁਝ ਦਿਨ ਪਹਿਲਾਂ ਮੈਨੂੰ ਰੋਪੜ ਦੇ SSP ਦਾ ਫੋਨ ਆ ਗਿਆ ਅਤੇ ਉਹ ਹੱਸ ਰਹੇ ਸਨ। ਮੈਂ ਪੁੱਛਿਆ ਕਿ ਹੋਇਆ ਕੀ ਹੈ, ਤਾਂ ਉਹ ਕਹਿੰਦੇ ਕਿ ਸੀਐੱਮ ਨੇ ਕਿਹਾ ਕਿ ਮੈਂ ਚਮਕੌਰ ਸਾਹਿਬ ਦੇ ਥਾਣੇ ਚੈੱਕ ਕਰਨੇ ਹਨ। ਜਦੋਂ ਉਹ ਉਹਨਾਂ ਨੂੰ ਥਾਣੇ ਲੈ ਕੇ ਗਏ, ਤਾਂ ਉਥੇ ਹਵਾਲਾਤ ਵਿੱਚ ਬੰਦ ਜੇਬ ਕਤਰਿਆਂ ਨੂੰ ਮਿਲ ਕੇ ਬੋਲੇ ਕਿ ਤੂੰ ਤਾਂ ਮੇਰੇ ਭਾਈਚਾਰੇ ਦਾ, ਮੈਂ ਵੀ ਜੇਬ ਕਤਰਾ ਹੁੰਦਾ ਸੀ। ਹੁਣ ਕੀ ਉਹ ਸੀਐੱਮ ਦੇ ਲਾਇਕ ਹਨ?”
Campaigned for Akali-BSP alliance candidates Mrs. Jasdeep Kaur Yaadu from Khanna and S. Gurpreet Singh Raju Khanna from Amloh, addressed the public massive gathering where various leaders from different parties joined Akali Dal. People's response testifies their faith in us. pic.twitter.com/99ZxNEbBTr
— Sukhbir Singh Badal (@officeofssbadal) December 4, 2021
ਪੈਸੇ ਇਕੱਠੇ ਕਰਨ ‘ਚ ਲੱਗੇ ਹਨ ਸੀਐੱਮ- ਸੁਖਬੀਰ
ਸੁਖਬੀਰ ਬਾਦਲ ਨੇ ਕਿਹਾ ਕਿ ਅਗਲੀ ਵਾਰ ਕਾਂਗਰਸ ਨੇ ਚੰਨੀ ਨੂੰ ਸੀਐੱਮ ਨਹੀਂ ਬਣਾਉਣਾ ਹੈ, ਇਸ ਲਈ ਉਹ ਪੈਸੇ ਇਕੱਠੇ ਕਰਨ ਵਿੱਚ ਲੱਗੇ ਹੋਏ ਹਨ। ਸੁਖਬੀਰ ਨੇ ਕਿਹਾ, “ਲੋਕਾਂ ਨੂੰ ਬੱਸ ਕੁਝ ਸਮੇਂ ਦਾ ਇੰਤਜਾਰ ਕਰਨਾ ਪਏਗਾ। ਅਸੀਂ ਸਾਰੇ ਵਿਕਾਸ ਕਾਰਜ ਕਰਕੇ ਵਿਖਾਵਾਂਗੇ। ਜਿਸ ਤਰ੍ਹਾਂ ਦੀ ਲਹਿਰ ਚੱਲ ਰਹੀ ਹੈ, ਸਾਫ ਹੈ ਕਿ ਪੰਜਾਬ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਅਤੇ ਬਹੁਜਨ ਸਮਾਜ ਪਾਰਟੀ ਗਠਜੋੜ ਦੀ ਸਰਕਾਰ ਬਣਨ ਜਾ ਰਹੀ ਹੈ।”
ਸਰਕਾਰ ਆਉਣ ‘ਤੇ ਖੰਨਾ ਨੂੰ ਜਿਲ੍ਹਾ ਬਣਾਵਾਂਗੇ- ਸੁਖਬੀਰ
ਇਸ ਦੌਰਾਨ ਸੁਖਬੀਰ ਨੇ ਕਿਹਾ ਕਿ ਪੰਜਾਬ ਵਿੱਚ ਲੁਧਿਆਣਾ ਸਭ ਤੋਂ ਵੱਡਾ ਜਿਲ੍ਹਾ ਹੈ। ਇਥੇ 14 ਵਿਧਾਨ ਸਭਾ ਹਲਕੇ ਹਨ, ਇਸ ਲਈ ਸਰਕਾਰ ਆਉਣ ‘ਤੇ ਖੰਨਾ ਨੂੰ ਜਿਲ੍ਹਾ ਬਣਾਇਆ ਜਾਵੇਗਾ ਅਤੇ ਇਥੇ ਵਿਕਾਸ ਕਾਰਜਾਂ ਵਿੱਚ ਤੇਜੀ ਲਿਆਂਦੀ ਜਾਵੇਗੀ।
