ਬਿਓਰੋ। ਆਮ ਆਦਮੀ ਪਾਰਟੀ ਨੇ ਸਕੂਲਾਂ ਤੋਂ ਬਾਅਦ ਹੁਣ ਰੇਤ ਮਾਫੀਆ ਦੇ ਮੁੱਦੇ ‘ਤੇ ਸੀਐੱਮ ਚਰਨਜੀਤ ਚੰਨੀ ਨੂੰ ਘੇਰਨ ਦੀ ਕੋਸ਼ਿਸ਼ ਕੀਤੀ ਹੈ। ਸ਼ਨੀਵਾਰ ਨੂੰ ‘ਆਪ’ ਲੀਡਰ ਅਚਾਨਕ ਸੀਐੱਮ ਦੇ ਵਿਧਾਨ ਸਭਾ ਹਲਕੇ ਚਮਕੌਰ ਸਾਹਿਬ ਪਹੁੰਚ ਗਏ। ‘ਆਪ’ ਦੇ ਸਹਿ ਇੰਚਾਰਜ ਰਾਘਵ ਚੱਢਾ ਨੇ ਪਿੰਡ ਜਿੰਦਾਪੁਰ ਵਿੱਚ ਗੈਰ-ਕਾਨੂੰਨੀ ਮਾਈਨਿੰਗ ਫੜਨ ਦਾ ਦਾਅਵਾ ਕੀਤਾ।
ਚੱਢਾ ਨੇ ਦਾਅਵਾ ਕੀਤਾ ਕਿ ਪਿੰਡ ਵਿੱਚ ਸ਼ਰੇਆਮ ਗੈਰ-ਕਾਨੂੰਨੀ ਮਾਈਨਿੰਗ ਕੀਤੀ ਜਾ ਰਹੀ ਸੀ। ਉਹਨਾਂ ਕਿਹਾ, “ਇਹ ਸੀਐੱਮ ਦੀ ਸ਼ਹਿ ਤੋਂ ਬਿਨ੍ਹਾਂ ਮੁਮਕਿਨ ਨਹੀਂ।” ਉਹਨਾਂ ਕਿਹਾ ਕਿ ਕੁਝ ਸਮਾਂ ਪਹਿਲਾਂ ਜਦੋਂ ਜੰਗਲਾਤ ਅਧਿਕਾਰੀ ਨੇ ਵਿਭਾਗ ਦੀ ਜ਼ਮੀਨ ‘ਤੇ ਮਾਈਨਿੰਗ ਖਿਲਾਫ਼ ਅਵਾਜ਼ ਚੁੱਕੀ, ਤਾਂ ਉਸਦਾ ਤਬਾਦਲਾ ਕਰ ਦਿੱਤਾ ਗਿਆ। ਉਹਨਾਂ ਕਿਹਾ ਕਿ ਸੀਐੱਮ ਚੰਨੀ ਪੰਜਾਬ ਵਿੱਚ ਰੇਤ ਮਾਫੀਆ ਖਤਮ ਕਰਨ ਦੇ ਮਾਮਲੇ ਵਿੱਚ ਝੂਠ ਬੋਲ ਰਹੇ ਹਨ।
CM @charanjitchanni जगह जगह घूमकर भांगड़ा डाल रहे हैं और यहां उनकी खुद की विधानसभा में माफिया करोड़ों रुपए की रेत खनन कर रहा है.
चन्नी साहब तो कहते थे मैं रेत माफिया का CM नहीं हूं पर यहां तो लगता है CM ही रेत माफिया है.
दूध की रखवाली बिल्ली के हवाले! pic.twitter.com/HEQIJ1XOFZ
— Raghav Chadha (@raghav_chadha) December 4, 2021
ਰੇਤ ਮਾਫੀਆ ਨਾਲ ਮਿਲੇ ਹੋਏ ਹਨ ਸੀਐੱਮ- ਚੱਢਾ
ਰਾਘਵ ਚੱਢਾ ਨੇ ਕਿਹਾ, “ਚੰਨੀ ਜਦੋਂ ਸੀਐੱਮ ਬਣੇ, ਤਾਂ ਉਹਨਾਂ ਨੇ ਕਿਹਾ ਕਿ ਰੇਤ ਮਾਫੀਆ ਮੇਰੇ ਕੋਲ ਨਾ ਆਵੇ। ਪਰ ਇਥੇ ਸ਼ਰੇਆਮ ਰੇਤ ਮਾਫੀਆ ਸੀਐੱਮ ਦੀ ਸ਼ਹਿ ਹੇਠ ਕੰਮ ਕਰ ਰਿਹਾ ਹੈ। ਇਥੇ ਰੋਜਾਨਾ 800-1000 ਟਿੱਪਰ ਰੇਤ ਭਰ ਕੇ ਲਿਜਾਏ ਜਾਂਦੇ ਹਨ। ਇੱਕ ਟਿੱਪਰ ਵਿੱਚ 800 ਫੁੱਟ ਰੇਤ ਆਉਂਦੀ ਹੈ, ਜੋ ਮਾਰਕਿਟ ਵਿੱਚ 40 ਰੁਪਏ ਕਿਊਬਿਕ ਫੁੱਟ ਤੱਕ ਮਾਰਕਿਟ ‘ਚ ਵਿਕਦੀ ਹੈ। ਸੀਐੱਮ ਚੰਨੀ ਦੀ ਨੱਕ ਹੇਠ ਰੇਤ ਮਾਫੀਆ ਚੱਲ ਰਿਹਾ ਹੈ।”
Channi साहिब Punjab के सबसे बड़े रेत Mafia हैं।
–@raghav_chadha #ChanniWithSandMafia pic.twitter.com/wcfCOBVlKg
— AAP (@AamAadmiParty) December 4, 2021
ਕੇਜਰੀਵਾਲ ਨੇ ਵੀ ਸੀਐੱਮ ਚੰਨੀ ਨੂੰ ਘੇਰਿਆ
ਦਿੱਲੀ ਦੇ ਸੀਐੱਮ ਅਰਵਿੰਦ ਕੇਜਰੀਵਾਲ ਨੇ ਵੀ ਚੰਨੀ ‘ਤੇ ਹਮਲਾ ਬੋਲਿਆ। ਕੇਜਰੀਵਾਲ ਨੇ ਕਿਹਾ ਕਿ ਲੋਕ ਉਹਨਾਂ ਨੂੰ ਕਹਿੰਦੇ ਸਨ ਕਿ ਸੀਐੱਮ ਚੰਨੀ ਰੇਤ ਮਾਫੀਆ ਨਾਲ ਮਿਲੇ ਹੋਏ ਹਨ, ਪਰ ਉਹਨਾਂ ਨੂੰ ਯਕੀਨ ਨਹੀਂ ਹੁੰਦਾ ਸੀ। ਪਰ ਹੁਣ ਸੀਐੱਮ ਦੇ ਹਲਕੇ ਦਾ ਹਾਲ ਵੇਖ ਕੇ ਸਭ ਕੁਝ ਸਾਫ ਹੈ। ਉਹਨਾਂ ਕਿਹਾ ਕਿ ਕਾਂਗਰਸ ਪਾਰਟੀ ਜਵਾਬ ਦੇਵੇ ਕਿ…ਕੀ ਉਹ ਆਪਣੇ ਮੁੱਖ ਮੰਤਰੀ ਦੇ ਖਿਲਾਫ਼ ਕਾਰਵਾਈ ਕਰੇਗੀ?
चन्नी साहिब के अपने हल्के में इतनी बड़ी रेता चोरी? क्या ये बिना संरक्षण या पार्ट्नरशिप के संभव है?
कई लोगों ने आरोप लगाए कि चन्नी साहिब सबसे बड़े रेत माफिया हैं। मैंने यक़ीन नहीं किया। पर आज चन्नी साहिब को लोगों के सवालों के जवाब तो देने होंगे। क्या कांग्रेस कार्रवाई करेगी? https://t.co/tKLx0j3V5T
— Arvind Kejriwal (@ArvindKejriwal) December 4, 2021
ਪਹਿਲਾਂ ਸਕੂਲਾਂ ਦੇ ਮੁੱਦੇ ‘ਤੇ ਸਰਕਾਰ ਨੂੰ ਘੇਰਿਆ
ਇਸ ਤੋਂ ਪਹਿਲਾਂ ਆਮ ਆਦਮੀ ਪਾਰਟੀ ਨੇ ਸਕੂਲਾਂ ਦੀ ਬਦਹਾਲੀ ਨੂੰ ਲੈ ਕੇ ਸਰਕਾਰ ‘ਤੇ ਹਮਲਾ ਬੋਲਿਆ ਸੀ। ਦਿੱਲੀ ਦੇ ਡਿਪਟੀ ਸੀਐੱਮ ਮਨੀਸ਼ ਸਿਸੋਦੀਆ ਨੇ ਸੀਐੱਮ ਦੇ ਹਲਕੇ ਵਿੱਚ ਪਹੁੰਚ ਕੇ ਇੱਕ ਸਰਕਾਰੀ ਸਕੂਲ ਦੀ ਚੈਕਿੰਗ ਕੀਤੀ ਅਤੇ ਸਕੂਲ ਦਾ ਹਾਲ ਸੋਸ਼ਲ ਮੀਡੀਆ ‘ਤੇ ਲਾਈਵ ਵਿਖਾ ਕੇ ਐਜੁਕੇਸ਼ਨ ਸਿਸਟਮ ਦੀ ਪੋਲ ਖੋਲ੍ਹਣ ਦਾ ਕੰਮ ਕੀਤਾ ਸੀ।
