Home Nation ਕੋਰੋਨਾ ਦੇ ਸਾਏ 'ਚ ਜੰਮ ਕੇ ਉੱਡਿਆ ਗੁਲਾਲ, 10 ਤਸਵੀਰਾਂ 'ਚ ਵੇਖੋ...

ਕੋਰੋਨਾ ਦੇ ਸਾਏ ‘ਚ ਜੰਮ ਕੇ ਉੱਡਿਆ ਗੁਲਾਲ, 10 ਤਸਵੀਰਾਂ ‘ਚ ਵੇਖੋ ਰੰਗਾਂ ਦਾ ਤਿਓਹਾਰ

ਦੇਸ਼ ‘ਚ ਕੋਰੋਨਾ ਦੇ ਵਧਦੇ ਕਹਿਰ ਵਿਚਾਲੇ ਹੋਲੀ ਦਾ ਤਿਓਹਾਰ ਪੂਰੀ ਧੂਮਧਾਮ ਨਾਲ ਮਨਾਇਆ ਗਿਆ। ਹਾਲਾਂਕਿ ਪਾਬੰਦੀਆਂ ਦੇ ਚਲਦੇ ਪਹਿਲਾਂ ਵਰਗਾ ਰੰਗ ਤਾਂ ਨਹੀ ਵਿਖਿਆ, ਪਰ ਕਈ ਥਾਈਂ ਲੋਕਾਂ ਦਾ ਉਤਸ਼ਾਹ ਵੇਖਣ ਲਾਇਕ ਸੀ। ਕੁਝ ਤਸਵੀਰਾਂ ਦੇ ਜ਼ਰੀਏ ਵੇਖੋ ਹੋਲੀ ਦੇ ਵੱਖੋ-ਵੱਖਰੇ ਰੰਗ।

Hola Mohalla
ਸਿੱਖਾਂ ਲਈ ਹੋਲੀ ਦਾ ਖਾਸ ਮਹੱਤਵ ਹੈ। ਕਿਉਂਕਿ ਇਸ ਦਿਨ ਖਾਲਸੇ ਦੀ ਧਰਤੀ ਸ੍ਰੀ ਅਨੰਦਪੁਰ ਸਾਹਿਬ ‘ਚ ਨਿਹੰਗ ਸਿੰਘਾਂ ਵੱਲੋਂ ਮਹੱਲਾ ਸਜਾਇਆ ਜਾਂਦਾ ਹੈ। ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ‘ਚ 3 ਦਿਨਾਂ ਤੱਕ ਹੋਲਾ-ਮਹੱਲਾ ਮਨਾਇਆ ਜਾਂਦਾ ਹੈ, ਜਿਸ ‘ਚ ਵੱਡੀ ਗਿਣਤੀ ਸੰਗਤ ਹਾਜ਼ਰੀ ਭਰਦੀ ਹੈ। ਇਸ ਵਾਰ ਵੀ ਅਨੰਦਪੁਰ ਸਾਹਿਬ ‘ਚ ਹੋਲਾ-ਮਹੱਲਾ ਮੌਕੇ ਸੰਗਤਾਂ ‘ਚ ਜ਼ਬਰਦਸਤ ਉਤਸ਼ਾਹ ਨਜ਼ਰ ਆਇਆ।

Amritsar holi
ਪੰਜਾਬ ਦੇ ਹੋਰਨਾਂ ਹਿੱਸਿਆਂ ‘ਚ ਵੀ ਹੋਲੀ ਦਾ ਤਿਓਹਾਰ ਧੂਮਧਾਮ ਨਾਲ ਮਨਾਇਆ ਗਿਆ। ਅੰਮ੍ਰਿਤਸਰ ‘ਚ ਲੋਕ ਕੁਝ ਇਸ ਤਰ੍ਹਾਂ ਹੋਲੀ ਦੇ ਰੰਗ ‘ਚ ਰੰਗੇ ਨਜ਼ਰ ਆਏ।

Durgiana mandir holi
ਅੰਮ੍ਰਿਤਸਰ ਦੇ ਇਤਿਹਾਸਕ ਦੁਰਗਿਆਣਾ ਮੰਦਰ ‘ਚ ਵੀ ਲੋਕਾਂ ਨੇ ਇੱਕ-ਦੂਜੇ ਨੂੰ ਰੰਗ ਲਾ ਕੇ ਹੋਲੀ ਦਾ ਤਿਓਹਾਰ ਮਨਾਇਆ ਗਿਆ।

Ghazipur border
ਖੇਤੀ ਕਾਨੂੰਨਾਂ ਦੇ ਖਿਲਾਫ਼ ਦਿੱਲੀ ਦੀਆਂ ਸਰਹੱਦਾਂ ‘ਤੇ ਪਿਛਲੇ 4 ਮਹੀਨਿਆਂ ਤੋਂ ਧਰਨੇ ‘ਤੇ ਬੈਠੇ ਕਿਸਾਨਾਂ ਨੇ ਵੀ ਹੋਲੀ ਮਨਾਈ। ਗਾਜ਼ੀਪੁਰ ਬਾਰਡਰ ‘ਤੇ ਕਿਸਾਨ ਪਰੰਪਰਾਗਤ ਗੀਤਾਂ ‘ਤੇ ਝੂਮਦੇ ਨਜ਼ਰ ਆਏ।

Singhu Border
ਓਧਰ ਸਿੰਘੂ ਬਾਰਡਰ ‘ਤੇ ਵੀ ਕਿਸਾਨਾਂ ਵੱਲੋਂ ਹੋਲੀ ਖੇਡੀ ਗਈ। ਪੰਜਾਬ ਤੇ ਹਰਿਆਣਾ ਦੇ ਕਿਸਾਨ ਇੱਕ-ਦੂਜੇ ਦੇ ਰੰਗ ‘ਚ ਰੰਗੇ ਨਜ਼ਰ ਆਏ। ਸਥਾਨਕ ਮਹਿਲਾਵਾਂ ਨੇ ਕਿਸਾਨਾਂ ਨਾਲ ਹਰਿਆਣਾ ਦੀ ਪਰੰਪਰਾਗਤ ਲਠਮਾਰ ਹੋਲੀ ਵੀ ਖੇਡੀ।

Holika farm laws
ਇਸ ਤੋਂ ਪਹਿਲਾਂ ਬੀਤੇ ਦਿਨ ਕਿਸਾਨਾਂ ਨੇ ਹੋਲਿਕਾ ਦਹਿਨ ਦੇ ਜ਼ਰੀਏ ਖੇਤੀ ਕਾਨੂੰਨਾਂ ਦੀਆਂ ਕਾਪੀਆਂ ਸਾੜ ਕੇ ਰੋਸ ਵੀ ਜਤਾਇਆ।

ਭਗਵਾਨ ਸ੍ਰੀ ਕ੍ਰਿਸ਼ਨ ਦੀ ਨਗਰੀ ਮਥੁਰਾ ‘ਚ ਹੋਲੀ ਦੇ ਮੌਕੇ ਭਗਤਾਂ ਦਾ ਹਜ਼ੂਮ ਨਜ਼ਰ ਆਇਆ। ਰੰਗਾਂ ‘ਚ ਰੰਗੇ ਭਗਤਾਂ ਨੇ ਕਿਸ਼ਨ ਕਨਹਈਆ ਦੇ ਦਰਸ਼ਨ ਕਰ ਜੰਮ ਕੇ ਹੋਲੀ ਮਨਾਈ।

Vrindavan
ਵਰਿੰਦਾਵਨ ‘ਚ ਵੀ ਕ੍ਰਿਸ਼ਨ ਦੇ ਭਗਤਾਂ ‘ਚ ਜ਼ਬਰਦਸਤ ਉਤਸ਼ਾਹ ਨਜ਼ਰ ਆਇਆ। ਰੰਗ-ਗੁਲਾਲ ਦੇ ਨਾਲ ਭਗਤ ਝੂਮਦੇ ਨਜ਼ਰ ਆਏ।

Ujjain
ਮੱਧ ਪ੍ਰਦੇਸ਼ ‘ਚ ਮਹਾਕਾਲ ਦੀ ਨਗਰੀ ਉੱਜੈਨ ‘ਚ ਵੀ ਹੋਲੀ ਦਾ ਜ਼ਬਰਦਸਤ ਉਤਸ਼ਾਹ ਵਿਖਿਆ। ਮਹਾਕਾਲ ਦੀ ਪੂਜਾ-ਅਰਚਨਾ ਦੇ ਨਾਲ ਹੋਲੀ ਦੇ ਤਿਓਹਾਰ ਦੀ ਸ਼ੁਰੂਆਤ ਹੋਈ ਅਤੇ ਭਗਤ ਮਹਾਕਾਲ ਦੀ ਭਗਤੀ ‘ਚ ਮਗਨ ਨਜ਼ਰ ਆਏ।

Delhi
ਰਾਜਧਾਨੀ ਦਿੱਲੀ ‘ਚ ਇਸ ਵਾਰ ਹੋਲੀ ਬੇਰੰਗ ਨਜ਼ਰ ਆਈ। ਤਸਵੀਰ ਕਨੌਟ ਪਲੇਸ ਦੀ ਹੈ, ਜਿਥੇ ਹੋਲੀ ਦੇ ਦਿਨ ਸੰਨਾਟਾ ਪਸਰਿਆ ਨਜ਼ਰ ਆਇਆ। ਆਮ ਤੌਰ ‘ਤੇ ਹਰ ਸਾਲ ਹੋਲੀ ਮੌਕੇ ਕਨੌਟ ਪਲੇਸ ‘ਤੇ ਰੌਣਕ ਨਜ਼ਰ ਆਉਂਦੀ ਹੈ।

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments