ਚੰਡੀਗੜ੍ਹ। ਪੰਜਾਬ ‘ਚ ਕੋਰੋਨਾ ਦੇ ਮਾਮਲਿਆਂ ‘ਚ ਲਗਾਤਾਰ ਵੱਡਾ ਇਜ਼ਾਫ਼ਾ ਵੇਖਣ ਨੂੰ ਮਿਲ ਰਿਹਾ ਹੈ। ਮੌਤਾਂ ਦੇ ਅੰਕੜੇ ਤਾਂ ਹੋਰ ਵੀ ਡਰਾਉਣ ਵਾਲੇ ਹਨ। ਪਿਛਲੇ 24 ਘੰਟਿਆਂ ਅੰਦਰ ਸੂਬੇ ‘ਚ 69 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ, ਤੇ 2963 ਨਵੇਂ ਮਾਮਲੇ ਰਿਪੋਰਟ ਕੀਤੇ ਗਏ ਹਨ।
ਸਿਹਤ ਵਿਭਾਗ ਵੱਲੋਂ ਜਾਰੀ ਅੰਕੜਿਆਂ ਮੁਤਾਬਕ, ਲੁਧਿਆਣਾ ‘ਚ 10 ਲੋਕਾਂ ਨੇ ਕੋਰੋਨਾ ਦੇ ਚਲਦੇ ਦਮ ਤੋੜਿਆ ਹੈ। ਜਲੰਧਰ ਤੇ ਹੁਸ਼ਿਆਰਪੁਰ ‘ਚ 8-8, ਗੁਰਦਾਸਪੁਰ ‘ਚ 6 ਅਤੇ ਮੋਹਾਲੀ, ਅੰਮ੍ਰਿਤਸਰ, ਬਠਿੰਡਾ, ਕਪੂਰਥਲਾ ‘ਚ 4-4 ਲੋਕਾਂ ਦੀ ਜਾਨ ਚਲੀ ਗਈ। ਫ਼ਾਜ਼ਿਲਕਾ, ਰੋਪੜ, ਨਵਾਂਸ਼ਹਿਰ, ਤਰਨਤਾਰਨ ‘ਚ 3-3, ਜਦਕਿ ਪਟਿਆਲਾ, ਸੰਗਰੂਰ, ਫ਼ਿਰੋਜ਼ਪੁਰ ‘ਚ 2-2 ਅਤੇ ਫ਼ਰੀਦਕੋਟ, ਫ਼ਤਿਹਗੜ੍ਹ ਸਾਹਿਬ ਅਤੇ ਮੋਗਾ ‘ਚ 1-1 ਸ਼ਖਸ ਦੀ ਮੌਤ ਦੀ ਖ਼ਬਰ ਹੈ।
ਨਵੇਂ ਮਾਮਲਿਆਂ ਦੀ ਗੱਲ ਕਰੀਏ, ਤਾਂ ਜਲੰਧਰ ‘ਚ 489, ਲੁਧਿਆਣਾ ‘ਚ 437, ਅੰਮ੍ਰਿਤਸਰ ‘ਚ 372, ਪਟਿਆਲਾ ‘ਚ 307, ਮੋਹਾਲੀ ‘ਚ 291, ਹੁਸ਼ਿਆਰਪੁਰ ‘ਚ 289, ਬਠਿੰਡਾ ‘ਚ 140 ਅਤੇ ਰੋਪੜ ‘ਚ 108 ਲੋਕ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਹਨ। ਇਸ ਤੋਂ ਇਲਾਵਾ ਸੰਗਰੂਰ ‘ਚ 66, ਗੁਰਦਾਸਪੁਰ ‘ਚ 63, ਨਵਾਂਸ਼ਹਿਰ ‘ਚ 62, ਮੁਕਤਸਰ ‘ਚ 58 ਅਤੇ ਫਿਰੋਜ਼ਪੁਰ ‘ਚ 54 ਕੋਰੋਨਾ ਕੇਸ ਸਾਹਮਣੇ ਆਏ ਹਨ। ਤਰਨਤਾਰਨ ਤੇ ਫ਼ਤਿਹਗੜ੍ਹ ਸਾਹਿਬ ‘ਚ 39-39, ਫ਼ਰੀਦਕੋਟ ‘ਚ 36, ਫ਼ਾਜ਼ਿਲਕਾ ‘ਚ 34, ਮਾਨਸਾ ‘ਚ 24, ਬਰਨਾਲਾ ‘ਚ 23, ਮੋਗਾ ‘ਚ 17, ਕਪੂਰਥਲਾ ‘ਚ 10 ਅਤੇ ਪਠਾਨਕੋਟ ‘ਚ 5 ਲੋਕਾਂ ‘ਚ ਕੋਰੋਨਾ ਦੀ ਪੁਸ਼ਟੀ ਹੋਈ ਹੈ।
