ਬਿਓਰੋ। ਪੰਜਾਬ ਦੀ ਸਿਆਸਤ ਵਿੱਚ ਅਰੂਸਾ ਆਲਮ ‘ਤੇ ਮਚੇ ਘਮਸਾਣ ਵਿਚਾਲੇ ਹੁਣ ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਦਾ ਵੀ ਵੱਡਾ ਬਿਆਨ ਸਾਹਮਣੇ ਆਇਆ ਹੈ। ਸਿੱਧੂ ਨੇ ਅਰੂਸਾ ਦਾ ਨਾਂਅ ਤਾਂ ਨਹੀਂ ਲਿਆ, ਪਰ ਆਪਣੀ ਹੀ ਪਾਰਟੀ ਦੀ ਸਰਕਾਰ ਨੂੰ ਸਿੱਧੀ ਗੱਲ ਕਹਿ ਦਿੱਤੀ। ਸਿੱਧੂ ਨੇ ਕਿਹਾ ਕਿ ਪੰਜਾਬ ਨੂੰ ਜਲਦ ਆਪਣੇ ਅਸਲ ਮੁੱਦਿਆਂ ‘ਤੇ ਪਰਤਣਾ ਚਾਹੀਦਾ ਹੈ, ਜੋ ਹਰ ਪੰਜਾਬੀ ਅਤੇ ਸਾਡੀ ਭਵਿੱਖ ਦੀ ਪੀੜ੍ਹੀ ਨਾਲ ਜੁੜੇ ਹਨ। ਸਿੱਧੂ ਨੇ ਕਾਂਗਰਸ ਪਾਰਟੀ ਨੂੰ ਚੇਤਾਵਨੀ ਦਿੱਤੀ ਕਿ ਅਜਿਹਾ ਨਾ ਹੋਵੇ ਕਿ ਅਸੀਂ ਪੰਜਾਬ ਨੂੰ ਸੁਧਾਰਨ ਦਾ ਆਖਰੀ ਮੌਕਾ ਵੀ ਗੁਆ ਦਈਏ।
ਨਵਜੋਤ ਸਿੱਧੂ ਨੇ ਪੁੱਛਿਆ, “ਅਸੀਂ ਕਿਵੇਂ ਉਸ ਵਿੱਤੀ ਐਮਰਜੈਂਸੀ ਨੂੰ ਰੋਕਾਂਗੇ, ਜੋ ਸਾਡੀਆਂ ਪੀੜ੍ਹੀਆਂ ਤੱਕ ਪਹੁੰਚ ਚੁੱਕੀ ਹੈ। ਪੰਜਾਬ ਦੇ ਸਿਰ ਚੜ੍ਹੇ ਕਰਜ਼ ਦਾ ਹੱਲ ਕਿਵੇਂ ਕੱਢਾਂਗੇ।” ਉਹਨਾਂ ਕਿਹਾ, “ਮੈਂ ਤਾਂ ਅਸਲ ਮੁੱਦਿਆਂ ’ਤੇ ਟਿਕਿਆ ਹਾਂ ਅਤੇ ਉਹਨਾਂ ਤੋਂ ਨਹੀਂ ਭਟਕਾਂਗਾ।” ਉਹਨਾਂ ਕਿਹਾ ਕਿ ਵਕਤ ਇਹ ਚੁਣਨ ਦਾ ਹੈ ਕਿ ਅਸੀਂ ਪੰਜਾਬ ਨੂੰ ਕਦੇ ਨਾ ਪੂਰਾ ਹੋਣ ਵਾਲਾ ਨੁਕਸਾਨ ਹੋਣ ਦਈਏ ਜਾਂ ਫਿਰ ਡੈਮੇਜ ਕੰਟਰੋਲ ਦੇ ਆਖਰੀ ਮੌਕੇ ਨੂੰ ਸੰਭਾਲੀਏ। ਇਸਦੇ ਜ਼ਰੀਏ ਸੂਬੇ ਦੇ ਸੋਧਾਂ ਨੂੰ ਵਾਪਸ ਸੂਬੇ ਵਿੱਚ ਲਿਆਂਦਾ ਜਾ ਸਕੇ, ਨਾ ਕਿ ਉਸ ਨੂੰ ਪ੍ਰਾਈਵੇਟ ਪੈਕੇਟ ਵਿੱਚ ਜਾਣ ਦਈਏ।
Punjab must come back to its real issues that concern every punjabi and our future generations … How will we counter the financial emergency that stares upon us ? I will stick to the real issues and not let them take a backseat ! 1/3
— Navjot Singh Sidhu (@sherryontopp) October 24, 2021
ਅਰੂਸਾ ‘ਤੇ ਚੱਲ ਰਹੀ ਸਿਆਸੀ ਜੰਗ
ਦੱਸ ਦਈਏ ਕਿ ਅਰੂਸਾ ਆਲਮ ਨੂੰ ਲੈ ਕੇ ਪੰਜਾਬ ਵਿੱਚ ਕਾਂਗਰਸੀਆਂ ਵਿਚਾਲੇ ਹੀ ਸਿਆਸੀ ਜੰਗ ਚੱਲ ਰਹੀ ਹੈ। ਇਹ ਬਹਿਸ ਡਿਪਟੀ ਸੀਐੱਮ ਸੁਖਜਿੰਦਰ ਰੰਧਾਵਾ ਦੇ ਉਸ ਬਿਆਨ ਤੋਂ ਬਾਅਗ ਸ਼ੁਰੂ ਹੋਈ, ਜਿਸ ਵਿੱਚ ਉਹਨਾਂ ਦੇ ਅਰੂਸਾ ਦੇ ਕਥਿਤ ISI ਕੁਨੈਕਸ਼ਨ ਦੀ ਗੱਲ ਕਹੀ। ਇਸ ਤੋਂ ਬਾਅਦ ਕੈਪਟਨ ਨੇ ਅਰੂਸਾ ਦੇ ਨਾਲ ਫੋਟੋ ਸ਼ੇਅਰ ਕਰਕੇ ਸੋਨੀਆ ਗਾਂਧੀ ਨੂੰ ਵੀ ਇਸ ਵਿੱਚ ਘਸੀਟ ਲਿਆ। ਰੰਧਾਵਾ ਨੂੰ ਫੇਰ ਜਾਂਚ ਤੋਂ ਯੂ-ਟਰਨ ਲੈਣਾ ਪਿਆ, ਪਰ ਇਸੇ ਵਿਚਾਲੇ ਸਿੱਧੂ ਦੇ ਸਿਆਸੀ ਸਲਾਹਕਾਰ ਮੁਹੰਮਦ ਮੁਸਤਫਾ ਨੇ ਅਰੂਸਾ ‘ਤੇ ਸਵਾਲ ਚੁੱਕੇ ਤਂ ਕੈਪਟਨ ਨੇ ਉਹਨਾਂ ਦੀ ਪਤਨੀ ਅਤੇ ਨੂੰਹ ਦੀ ਅਰੂਸਾ ਦੇ ਨਾਲ ਫੋਟੋ ਟਵੀਟ ਕਰ ਦਿੱਤੀ। ਬਹਿਰਹਾਲ, ਹੁਣ ਸਿੱਧੂ ਦੇ ਬਿਆਨ ਨਾਲ ਪੂਰੇ ਮਾਮਲੇ ਵਿੱਚ ਨਵੀਂ ਬਹਿਸ ਛਿੜ ਗਈ ਹੈ।
