ਬਿਓਰੋ। ਜਲੰਧਰ ਦੀ ਧੀ ਅਤੇ ਚੈੱਸ ਦੀ ਵਰਲਡ ਚੈਂਪੀਅਨ ਦਿਵਿਆਂਗ ਖਿਡਾਰੀ ਮੱਲਿਕਾ ਹਾਂਡਾ ਦੇ ਦਰਦ ਨੇ ਪੂਰੇ ਦੇਸ਼ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਦਰਅਸਲ, ਬੋਲਣ ਅਤੇ ਸੁਣਨ ਵਿੱਚ ਅਸਮਰੱਥ ਮੱਲਿਕਾ ਪੰਜਾਬ ਸਰਕਾਰ ਵੱਲੋਂ ਆਪਣਾ ਵਾਅਦਾ ਪੂਰਾ ਨਾ ਕਰਨ ਦੇ ਚੱਲਦੇ ਬੇਹੱਦ ਦੁਖੀ ਹਨ। ਮੱਲਿਕਾ ਨੇ ਇੱਕ ਵੀਡੀਓ ਜਾਰੀ ਕਰਕੇ ਸਰਕਾਰ ਦੇ ਖਿਲਾਫ਼ ਆਪਣੀ ਭੜਾਸ ਕੱਢੀ ਹੈ। ਮੱਲਿਕਾ ਦੀ ਇਸ ਵੀਡੀਓ ਤੋਂ ਬਾਅਦ ਪੰਜਾਬ ਸਰਕਾਰ ਸਭ ਦੇ ਨਿਸ਼ਾਨੇ ‘ਤੇ ਹੈ।
ਆਪਣੇ ਟਵੀਟ ਵਿੱਚ ਮੱਲਿਕਾ ਨੇ ਲਿਖਿਆ, “ਬੇਸ਼ੱਕ ਮੈਂ ਸੁਣ-ਬੋਲ ਨਹੀਂ ਸਕਦੀ, ਪਰ ਲਿਖ ਤਾਂ ਸਕਦੀ ਹਾਂ ਅਤੇ ਲਿਖ-ਲਿਖ ਕੇ ਹੀ ਸਰਕਾਰ ਦੇ ਕੰਨ੍ਹ ਖੋਲ੍ਹਾਂਗੀ।“ ਟਵਿਟਰ ‘ਤੇ ਆਪਣੀ ਵੀਡੀਓ ਵੀ ਮੱਲਿਕਾ ਨੇ ਸ਼ੇਅਰ ਕੀਤੀ, ਜਿਸ ਵਿੱਚ ਇਸ਼ਾਰਿਆਂ ਵਿੱਚ ਆਪਣੀ ਗੱਲ ਕਹਿੰਦੇ-ਕਹਿੰਦੇ ਉਹ ਭਾਵੁਕ ਨਜ਼ਰ ਆਈ। ਆਪਣੇ ਮੈਡਲ ਅਤੇ ਜਿੱਤੇ ਹੋਏ ਐਵਾਰਡ ਵਿਖਾਉਂਦੇ ਹੋਏ ਮੱਲਿਕਾ ਕਹਿੰਦੀ ਹੈ ਕਿ ਉਸ ਨੇ ਇਹ ਸਭ ਦੇਸ਼ ਲਈ ਕੀਤਾ ਹੈ। ਕੇਂਦਰ ਸਰਕਾਰ ਨੇ ਉਸ ਨੂੰ ਕੌਮੀ ਐਵਾਰਡ ਨਾਲ ਵੀ ਨਵਾਜ਼ਿਆ, ਪਰ ਪੰਜਾਬ ਸਰਕਾਰ ਉਨ੍ਹਾਂ ਦੀ ਕੋਈ ਪੁੱਛ-ਪੜਤਾਲ ਨਹੀਂ ਕਰ ਰਹੀ। ਇੱਕ ਨੌਕਰੀ ਲਈ ਪਤਾ ਨਹੀ ਕਿੰਨੀਆਂ ਕੋਸ਼ਿਸ਼ਾਂ ਕਰ ਚੁੱਕੀ ਹੈ, ਪਰ ਅਜੇ ਤੱਕ ਸਰਕਾਰ ਨੇ ਕੋਈ ਹੱਥ-ਪੱਲਾ ਨਹੀਂ ਫੜਾਇਆ।
I am very feeling Hurt
31 dec I met sports minister of Punjab @PargatSOfficial
Now He said punjab Govt can not give job and Not cash award accept to (Deaf sports) because they do not have policy for deaf sports.
Cc: @CHARANJITCHANNI @sherryontopp @RahulGandhi @rhythmjit @ANI pic.twitter.com/HhYEWbGJ7E— Malika Handa🇮🇳🥇 (@MalikaHanda) January 2, 2022
ਵਾਅਦਾ ਕਰਕੇ ਮੁਕਰ ਗਈ ਸਰਕਾਰ- ਮੱਲਿਕਾ
ਮੱਲਿਕਾ ਮੁਤਾਬਕ, ਉਹ ਲੰਮੇ ਸਮੇਂ ਤੋਂ ਲੜਾਈ ਲੜ ਰਹੀ ਹੈ। ਚਾਰ ਮਹੀਨੇ ਪਹਿਲਾਂ ਜਦੋਂ ਪੰਜਾਬ ਵਿੱਚ ਸਰਕਾਰ ਬਦਲੀ, ਤਾਂ ਨਵੇਂ ਖੇਡ ਮੰਤਰੀ ਪਰਗਟ ਸਿੰਘ ਨੇ ਉਹਨਾਂ ਨੂੰ ਪੂਰੇ ਮਾਣ-ਸਨਮਾਨ ਦਾ ਭਰੋਸਾ ਦਿੱਤਾ..ਪਰ ਜਲਦੀ ਹੀ ਪਰਗਟ ਸਿੰਘ ਨੇ ਇਹ ਕਹਿੰਦੇ ਹੋਏ ਪੱਲਾ ਝਾੜ ਲਿਆ ਕਿ ਉਹਨਾਂ ਕੋਲ ਅਜਿਹੀ ਕੋਈ ਪਾਲਿਸੀ ਨਹੀਂ ਹੈ।
ਮੱਲਿਕਾ ਨੇ ਕਿਹਾ ਕਿ ਸ਼ਾਇਦ ਉਹ ਬੋਲ-ਸੁਣ ਨਹੀਂ ਸਕਦੀ, ਇਸ ਲਈ ਇਗਨੌਰ ਕੀਤਾ ਜਾ ਰਿਹਾ ਹੈ। ਮੱਲਿਕਾ ਮੁਤਾਬਕ, ਹੋਰ ਦਿਵਿਆਂਗ ਖਿਡਾਰੀਆਂ ਨੂੰ ਪੰਜਾਬ ਸਰਕਾਰ ਲੱਖਾਂ-ਕਰੋੜਾਂ ਰੁਪਏ ਦੇ ਰਹੀ ਹੈ ਅਤੇ ਜਿਸਨੇ ਦੁਨੀਆ ਭਰ ਵਿੱਚ ਦੇਸ਼ ਦਾ ਨਾਂਅ ਰੌਸ਼ਨ ਕੀਤਾ, ਉਸ ਨੂੰ ਸਿਰੇ ਤੋਂ ਨਕਾਰਿਆ ਜਾ ਰਿਹਾ ਹੈ।
ਬਰਿੰਦਰ ਢਿੱਲੋਂ ਨੇ ਆਪਣੀ ਹੀ ਸਰਕਾਰ ‘ਤੇ ਚੁੱਕੇ ਸਵਾਲ
ਮੱਲਿਕਾ ਦੀ ਦਰਦ ਭਰੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਇਹ ਮਾਮਲਾ ਖੂਬ ਸੁਰਖੀਆਂ ਵਿੱਚ ਹੈ। ਪੰਜਾਬ ਯੂਥ ਕਾਂਗਰਸ ਦੇ ਪ੍ਰਧਾਨ ਬਰਿੰਦਰ ਢਿੱਲੋਂ ਨੇ ਮੱਲਿਕਾ ਦੀ ਵੀਡੀਓ ਸ਼ੇਅਰ ਕਰਦੇ ਹੋਏ ਆਪਣੀ ਹੀ ਸਰਕਾਰ ਅਤੇ ਇੱਥੋਂ ਤਕ ਕਿ ਸੀਐੱਮ ਚੰਨੀ ਨੂੰ ਵੀ ਕਟਹਿਰੇ ਵਿੱਚ ਖੜ੍ਹਾ ਕੀਤਾ। ਬਰਿੰਦਰ ਢਿੱਲੋਂ ਨੇ ਕਿਹਾ, “ਜੇਕਰ ਇਹ ਸੱਚ ਹੈ, ਤਾਂ ਸਾਨੂੰ ਸਾਰਿਆਂ ਨੂੰ ਸ਼ਰਮ ਨਾਲ ਸਿਰ ਝੁਕਾਉਣਾ ਚਾਹੀਦਾ ਹੈ। ਸੀਐੱਮ ਚਰਨਜੀਤ ਚੰਨੀ ਸਣੇ ਅਸੀਂ ਸਾਰਿਆਂ ਨੇ ਉਸ ਨੂੰ ਫੇਲ੍ਹ ਕਰ ਦਿੱਤਾ ਹੈ। ਉਹ ਬਿਨ੍ਹਾਂ ਕਿਸੇ ਸਮਰਥਨ ਦੇ ਲੜ ਰਹੀ ਹੈ ਅਤੇ ਸਾਡੀ ਸਮਰਥਨ ਨਾਲ ਭਰੀ So Called ਸਰਕਾਰ ਕੁਝ ਨਹੀਂ ਕਰ ਸਕੀ। ਹਮੇਸ਼ਾ ਵੋਟ ਬੈਂਕ ਹੀ ਸਭ ਕੁਝ ਨਹੀਂ ਹੁੰਦਾ, ਮਨੁੱਖਤਾ ਵੀ ਕੁਝ ਹੁੰਦੀ ਹੈ।” ਉਹਨਾਂ ਕਿਹਾ, “ਉਹ ਸਿਰਫ਼ ਬਾਕੀ ਅਥਲੀਟਾਂ ਦੇ ਨਾਲ ਬਰਾਬਰੀ ਚਾਹੁੰਦੀ ਹੈ ਅਤੇ ਅਸੀਂ ਅਸਮਾਨਤਾ ਨੂੰ ਦਰਸਾਉਂਦੇ ਪਾਲਿਸੀ ਨਤੀਜੇ ਦਿੰਦੇ ਹਾਂ। ਸਮਾਨਤਾ ਕਾਂਗਰਸ ਪਾਰਟੀ ਦੀ ਮੂਲ ਵਿਚਾਰਧਾਰਾ ਹੈ ਅਤੇ ਇਸਦੇ ਲਈ ਸਾਨੂੰ ਇਨਸਾਫ਼ ਯਕੀਨੀ ਬਣਾਉਣਾ ਚਾਹੀਦਾ ਹੈ।”
If this is true,we all should hang our heads in shame.We all including @CHARANJITCHANNI have failed her.She is fighting it out without any support and we so called goverment with all the support could do nothing.
It is not always about votebanks,sometimes it is about humanity. https://t.co/BzAT9f5soH— Brinder (@brinderdhillon) January 3, 2022
ਇਸਦੇ ਨਾਲ ਹੀ ਬਰਿੰਦਰ ਢਿੱਲੋਂ ਨੇ ਮੱਲਿਕਾ ਦਾ ਹੌਂਸਲਾ ਵੀ ਵਧਾਇਆ ਅਤੇ ਕਿਹਾ, “ਇਸ ਸਭ ਵਿੱਚ ਤੁਸੀਂ ਇਕੱਲੇ ਨਹੀਂ ਹੋ। ਅਸੀਂ ਤੁਹਾਡੇ ਲਈ ਲੜਾਂਗੇ। ਜੇਕਰ ਕੋਈ ਪਾਲਿਸੀ ਨਹੀਂ ਹੈ, ਤਾਂ ਪਾਲਿਸੀ ਬਣ ਜਾਵੇਗੀ। ਇਹ ਤੁਹਾਡਾ ਹੱਕ ਹੈ ਅਤੇ ਅਸੀਂ ਸਾਰੇ ਤੁਹਾਡੇ ਹੱਕ ਲਈ ਲੜਾਈ ਲੜਾਂਗੇ। ਜੰਗ ਦੀ ਭਾਵਨਾ ਜਾਰੀ ਰੱਖੋ ਅਤੇ ਅਸੀਂ ਤੁਹਾਡੇ ਤੋਂ ਬਹੁਤ ਕੁਝ ਸਿੱਖਾਂਗੇ। ਤੁਸੀਂ ਇੱਕ ਚੈਂਪੀਅਨ ਹੋ ਅਤੇ ਹਮੇਸ਼ਾ ਰਹੋਗੇ।”
