ਬਿਓਰੋ। ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਪੰਜਾਬ ਵਿੱਚ ਡਰੱਗਜ਼ ਕੇਸ ਨੂੰ ਲੈ ਕੇ ਸਿਆਸੀ ਘਮਸਾਣ ਛਿੜਿਆ ਹੈ। ਮਜੀਠੀਆ ‘ਤੇ FIR ਦਰਜ ਕਰਨ ਤੋਂ ਬਾਅਦ ਅਕਾਲੀ ਦਲ ਦੇ ਨਿਸ਼ਾਨੇ ‘ਤੇ ਆਏ ਸੀਐੱਮ ਚਰਨਜੀਤ ਸਿੰਘ ਚੰਨੀ ਨੇ ਸ਼ੁੱਕਰਵਾਰ ਨੂੰ ਤਿੱਖਾ ਪਲਟਵਾਰ ਕੀਤਾ। ਚੰਨੀ ਨੇ ਕਿਹਾ ਕਿ ਅਕਾਲੀ ਸਰਕਾਰ ਦੇ ਵਕਤ ਹੀ ਬਿਕਰਮ ਮਜੀਠੀਆ ਦਾ ਨਾਂਅ ਡਰੱਗਜ਼ ਕੇਸ ਵਿੱਚ ਸਾਹਮਣੇ ਆਇਆ ਸੀ।
ਸੀਐੱਮ ਨੇ ਕਿਹਾ, “ਨਾ ਅਕਾਲੀ ਸਰਕਾਰ ਨੇ ਜਾਂਚ ਕਰਵਾਈ ਤੇ ਨਾ ਹੀ ਸਾਬਕਾ ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਨੇ ਕੋਈ ਐਕਸ਼ਨ ਲਿਆ। ਹੁਣ ਉਨ੍ਹਾਂ ਦੀ ਸਰਕਾਰ ਨੇ ਪੂਰੇ ਤੱਥਾਂ ਦੀ ਜਾਂਚ ਕਰਕੇ ਹੀ ਕੇਸ ਦਰਜ ਕੀਤਾ ਹੈ। ਸੀਐੱਮ ਨੇ ਬਦਲਾਖੋਰੀ ਦੀ ਗੱਲ ਨੂੰ ਸਿਰੇ ਤੋਂ ਖਾਰਿਜ ਕਰ ਦਿੱਤਾ।
ਸੀਐੱਮ ਨੇ ਕੇਜਰੀਵਾਲ ‘ਤੇ ਬੋਲਿਆ ਹਮਲਾ
‘ਆਪ’ ਕਨਵੀਨਰ ਅਰਵਿੰਦ ਕੇਜਰੀਵਾਲ ਵੱਲੋਂ ਮਜੀਠੀਆ ‘ਤੇ ਕਾਰਵਾਈ ਨੂੰ ਸਿਆਸੀ ਸਟੰਟ ਦੱਸੇ ਜਾਣ ‘ਤੇ ਸੀਐੱਮ ਨੇ ਕੇਜਰੀਵਾਲ ‘ਤੇ ਪਲਟਵਾਰ ਕੀਤਾ ਅਤੇ ਉਹਨਾਂ ਨੂੰ ਮੁਆਫੀਨਾਮਾ ਯਾਦ ਕਰਵਾ ਦਿੱਤਾ। ਸੀਐੱਮ ਨੇ ਕਿਹਾ, “ਇਹ ਉਹੀ ਅਰਵਿੰਦ ਕੇਜਰੀਵਾਲ ਹਨ, ਜਿਸਨੇ ਮਜੀਠੀਆ ਦੇ ਅੱਗੇ ਗੋਡੇ ਟੇਕ ਦਿੱਤੇ ਸਨ। ਦਰਅਸਲ, ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ ਕੇਜਰੀਵਾਲ ਵੱਲੋਂ ਵਾਰ-ਵਾਰ ਚੋਣ ਰੈਲੀਆਂ ਅਤੇ ਹੋਰ ਪ੍ਰੋਗਰਾਮਾਂ ਵਿੱਚ ਮਜੀਠੀਆ ਖਿਲਾਫ਼ ਜਨਤੱਕ ਤੌਰ ‘ਤੇ ਡਰੱਗ ਮਾਫੀਆ ਨਾਲ ਮਿਲੀਭੁਗਤ ਦੇ ਇਲਜ਼ਾਮ ਲਗਾਉਂਦੇ ਰਹੇ, ਜਿਸਦੇ ਚਲਦੇ ਮਜੀਠੀਆ ਨੇ ਉਹਨਾਂ ਦੇ ਖਿਲਾਫ਼ ਮਾਣਹਾਨੀ ਦਾ ਕੇਸ ਦਰਜ ਕਰਵਾਇਆ ਸੀ। ਇਸੇ ਕੇਸ ਵਿੱਚ ਕੇਜਰੀਵਾਲ ਨੇ ਅੰਮ੍ਰਿਤਸਰ ਕੋਰਟ ਵਿੱਚ ਮੁਆਫੀਨਾਮਾ ਦਿੱਤਾ ਸੀ। ਸੀਐੱਮ ਨੇ ਆਪਣੀ ਪ੍ਰੈੱਸ ਕਾਨਫਰੰਸ ਵਿੱਚ ਬਕਾਇਦਾ ਕੇਜਰੀਵਾਲ ਦਾ ਮੁਆਫ਼ੀਨਾਮਾ ਪੜ੍ਹ ਕੇ ਵੀ ਸੁਣਾਇਆ।
PC ਤੋਂ ਬਾਅਦ ਸੀਐੱਮ ਚੰਨੀ ‘ਤੇ ਭੜਕੇ ਕੇਜਰੀਵਾਲ
ਮੁੱਖ ਮੰਤਰੀ ਦੀ ਪ੍ਰੈਸ ਕਾਨਫਰੰਸ ਖ਼ਤਮ ਹੁੰਦੇ ਹੀ ਕੇਜਰੀਵਾਲ ਉਨ੍ਹਾਂ ‘ਤੇ ਖੂਬ ਵਰ੍ਹੇ। ਕੇਜਰੀਵਾਲ ਨੇ ਟਵੀਟ ਕਰਕੇ ਕਿਹਾ, “ਪੰਜਾਬ ਦੇ ਲੋਕਾਂ ਨੂੰ ਉਮੀਦ ਸੀ ਕਿ ਸੀਐੱਮ ਬਲਾਸਟ ਬਾਰੇ ਕੁਝ ਬੋਲਣਗੇ। ਪੂਰੀ ਪੀਸੀ ਵਿੱਚ ਚੰਨੀ ਸਾਬ੍ਹ ਨੇ ਬਲਾਸਟ ‘ਤੇ ਇੱਕ ਸ਼ਬਦ ਨਹੀਂ ਬੋਲਿਆ। ਬੱਸ ਮੈਨੂੰ ਖ਼ੂਬ ਗਾਲ੍ਹਾਂ ਕੱਢੀਆਂ। ਅਜਿਹੇ ਮੁਸ਼ਕਿਲ ਸਮੇਂ ਵੀ ਅਜਿਹੀ ਰਾਜਨੀਤੀ?”
कल लुधियाना में बम ब्लास्ट हुआ। लोग सदमे में हैं। पंजाब के मुख्यमंत्री ने अभी प्रेस कॉन्फ़्रेन्स की। पंजाब के लोगों को उम्मीद थी कि CM ब्लास्ट पर कुछ बोलेंगे। पूरी PC में चन्नी साहिब ने ब्लास्ट पर एक शब्द नहीं बोला, बस मुझे खूब गालियाँ दीं
ऐसे कठिन समय भी ऐसी राजनीति?
— Arvind Kejriwal (@ArvindKejriwal) December 24, 2021
ਕੇਜਰੀਵਾਲ-ਮਜੀਠੀਆ ਦੇ ਚੱਕਰ ‘ਚ ਘਿਰੇ ਸਿਰਸਾ
ਮੁਆਫੀਨਾਮਾ ਵਿਖਾਉਂਦੇ ਹੋਏ ਸੀਐੱਮ ਚੰਨੀ ਨੇ ਬੀਜੇਪੀ ਆਗੂ ਮਨਜਿੰਦਰ ਸਿਰਸਾ ਦਾ ਵੀ ਜ਼ਿਕਰ ਕੀਤਾ। ਸੀਐੱਮ ਨੇ ਕਿਹਾ ਕਿ ਸਿਰਸਾ ਨੇ ਹੀ ਕੇਜਰੀਵਾਲ ਤੇ ਮਜੀਠੀਆ ਵਿੱਚ ਸਮਝੌਤਾ ਕਰਵਾਇਆ ਸੀ। ਦੱਸ ਦਈਏ ਕਿ ਸਿਰਸਾ ਉਸ ਵਕਤ ਅਕਾਲੀ ਦਲ ਵਿੱਚ ਹੀ ਸਨ। ਉਹ ਹਾਲ ਹੀ ਵਿੱਚ ਬੀਜੇਪੀ ਵਿੱਚ ਸ਼ਾਮਲ ਹੋਏ ਹਨ।
ਸਬੂਤ ਵਿਖਾਉਣ, ਨਹੀਂ ਤਾਂ ਮੁਆਫ਼ੀ ਮੰਗਣ- ਸਿਰਸਾ
ਸੀਐੱਮ ਦੇ ਇਹਨਾਂ ਇਲਜ਼ਾਮਾਂ ‘ਤੇ ਸਿਰਸਾ ਭੜਕ ਗਏ। ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ ਨੂੰ ਲੈ ਕੇ ਨਾ ਤਾਂ ਉਹ ਕਦੇ ਮਜੀਠੀਆ ਤੇ ਨਾ ਹੀ ਕੇਜਰੀਵਾਲ ਨੂੰ ਮਿਲੇ। ਨਾ ਹੀ ਕਦੇ ਇਸ ਬਾਰੇ ਗੱਲ ਹੋਈ। ਸੀਐੱਮ ਚੰਨੀ ਝੂਠ ਬੋਲ ਰਹੇ ਹਨ। ਇਸ ਲਈ ਉਨ੍ਹਾਂ ਨੂੰ ਜਨਤੱਕ ਤੌਰ ‘ਤੇ ਮੁਆਫ਼ੀ ਮੰਗਣੀ ਪਏਗੀ। ਉਹਨਾਂ ਨੇ ਚੈਲੇਂਜ ਕੀਤਾ ਕਿ ਸੀਐੱਮ ਚੰਨੀ ਆਪਣੀ ਗੱਲ ਸਹੀ ਸਾਬਤ ਕਰਨ ਵਾਸਤੇ ਸਬੂਤ ਵਿਖਾਉਣ। ਸਿਰਸਾ ਨੇ ਕਿਹਾ ਕਿ ਜੇਕਰ ਚੰਨੀ ਨੇ ਅਜਿਹਾ ਨਾ ਕੀਤਾ, ਤਾਂ ਉਹ ਉਨ੍ਹਾਂ ‘ਤੇ ਮਾਣਹਾਨੀ ਦਾ ਕੇਸ ਕਰਨਗੇ।
CM @CHARANJITCHANNI should apologise for his derogatory words or get ready to face strong legal consequences @ANI @htTweets @republic @punjabkesari @thetribunechd @dailyajitnews @BJP4Punjab https://t.co/hHlp1Nl9GA pic.twitter.com/LCzcuae0HL
— Manjinder Singh Sirsa (@mssirsa) December 24, 2021
