ਬਿਓਰੋ। ਪਹਿਲਾਂ ਤੋਂ ਹੀ ਕਈ ਮੋਰਚਿਆਂ ‘ਤੇ ਘਿਰੀ ਕੈਪਟਨ ਸਰਕਾਰ ਨੂੰ ਹੁਣ ਬਿਜਲੀ ਦਾ ਝਟਕਾ ਲੱਗਿਆ ਹੈ। ਦਰਅਸਲ, ਰੋਪੜ ਪਲਾਂਟ ਦੀ 2 ਯੂਨਿਟ ‘ਚ ਤਕਨੀਕੀ ਖਰਾਬੀ ਦੇ ਚਲਦੇ ਪੰਜਾਬ ‘ਚ ਜ਼ਬਰਦਸਤ ਬਿਜਲੀ ਸੰਕਟ ਖੜ੍ਹਾ ਹੋ ਗਿਆ ਹੈ। ਪਿੰਡਾਂ ਦੇ ਨਾਲ-ਨਾਲ ਸ਼ਹਿਰਾਂ ‘ਚ ਵੀ ਲੰਮੇ-ਲੰਮੇ ਕੱਟ ਲੱਗ ਰਹੇ ਹਨ। ਪਹਿਲਾਂ ਤੋਂ ਹੀ ਗਰਮੀ ਨਾਲ ਬੇਹਾਲ ਲੋਕ ਬਿਜਲੀ ਸੰਕਟ ਦੇ ਚਲਦੇ ਹੋਰ ਤੱਤੇ ਹੋ ਗਏ ਹਨ।
ਆਮ ਲੋਕਾਂ ਦੇ ਨਾਲ-ਨਾਲ ਵਿਰੋਧੀ ਵੀ ਕੈਪਟਨ ਸਰਕਾਰ ਖਿਲਾਫ਼ ਹਮਲਾਵਰ ਹੋ ਗਏ ਹਨ। ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਟਵੀਟ ਕਰਕੇ ਕਿਹਾ, “ਕੈਪਟਨ ਸਰਕਾਰ ਵੱਲੋਂ ਲਗਾਏ ਜਾ ਰਹੇ ਬਿਜਲੀ ਕੱਟ ਝੋਨੇ ਦੀ ਬਿਜਾਈ ਦੇ ਪੀਕ ਸੀਜ਼ਨ ‘ਚ ਕਿਸਾਨਾਂ ਨੂੰ ਮੁਫਤ ਬਿਜਲੀ ਦੇਣ ਨਾ ਦੇਣ ਦਾ ਮਹਿਜ਼ ਇੱਕ ਬਹਾਨਾ ਹੈ। ਲੰਮੇ ਪਾਵਰ ਕੱਟ ਦਾ ਯੁਗ ਵਾਪਸ ਆ ਗਿਆ ਹੈ। ਉਹ ਵੀ ਉਸ ਵੇਲੇ, ਜਦੋਂ ਵਿਰੋਧੀ ਵੀ ਮੰਨਦੇ ਹਨ ਕਿ ਅਸੀਂ ਪੰਜਾਬ ਪਾਵਰ ਸਰਪਲੱਸ ਛੱਡਿਆ ਸੀ। ਆਮ ਆਦਮੀ ਪਾਰਟੀ ਕੈਪਟਨ ਨਾਲ ਮਿਲੀ ਹੋਈ ਹੈ। ਅਕਾਲੀ ਦਲ ਮੂਕ ਦਰਸ਼ਕ ਬਣ ਕੇ ਨਹੀਂ ਰਹੇਗਾ।”
Power cuts by @capt_amarinder govt are deliberate excuse for denying free power to farmers at peak of paddy plantation. Era of long #PowerCuts is back though even rivals forced to admit we left Pb power surplus. @AamAadmiParty colluding with Capt. SAD won't remain mute witness. pic.twitter.com/I9Qw6xhuo6
— Sukhbir Singh Badal (@officeofssbadal) July 1, 2021
ਸੁਖਬੀਰ ਬਾਦਲ ਨੇ ਇੱਕ ਟਵੀਟ ‘ਚ ਇਹ ਵੀ ਲਿਖਿਆ ਕਿ ਖੇਤੀ ਅਤੇ ਘਰੇਲੂ ਸੈਕਟਰ ਲਈ ਪਾਵਰ ਸਪਲਾਈ ਦੀ ਬਹਾਲੀ ਲਈ ਅਕਾਲੀ ਦਲ ਸ਼ੁੱਕਰਵਾਰ ਨੂੰ PSPCL ਦਫਤਰਾਂ ਦੇ ਬਾਹਰ ਪ੍ਰਦਰਸ਼ਨ ਕਰੇਗਾ।
.@Akali_Dal_ demands Rs 50/Q bonus to farmers for extra costs incurred for paddy crop. Shame that govt is also punishing industrial sector by imposing 2-day off!
We will hold protests outside PSPCL offices tomorrow for restoration of power supply for agri & domestic sector. 3/3 pic.twitter.com/LunRmuJ8MF— Sukhbir Singh Badal (@officeofssbadal) July 1, 2021
ਓਧਰ ਆਮ ਆਦਮੀ ਪਾਰਟੀ ਵੀ ਬਿਜਲੀ ਦੇ ਮੁੱਦੇ ਨੂੰ ਲੈ ਕੇ ਕੈਪਟਨ ਸਰਕਾਰ ਖਿਲਾਫ਼ ਸ਼ਨੀਵਾਰ ਨੂੰ ਸੜਕਾਂ ‘ਤੇ ਉਤਰੇਗੀ। ‘ ਆਪ’ ਵੱਲੋਂ ਸੀਐੱਮ ਦੇ ਸਿਸਵਾਂ ਫਾਰਮ ਹਾਈਸ ਦੇ ਘੇਰਾਓ ਦੀ ਚੇਤਾਵਨੀ ਦਿੱਤੀ ਗਈ ਹੈ। ਆਪ ਦੀ ਮੰਗ ਹੈ ਕਿ ਪੰਜਾਬ ਦੇ ਲੋਕਾਂ ਨੂੰ ਖਾਸਕਰ ਕਿਸਾਨ ਵਰਗ ਨੂੰ ਬਿਜਲੀ ਹਰ ਹਾਲ ‘ਚ ਮੁਹੱਈਆ ਕਰਵਾਈ ਜਾਵੇ।
ਆਮ ਆਦਮੀ ਪਾਰਟੀ 3 ਜੁਲਾਈ ਨੂੰ @capt_amarinder ਦੇ ਸਿਸਵਾਂ ਫ਼ਾਰਮ ਦਾ ਘਿਰਾਓ ਕਰੇਗੀ।
ਆਮ ਆਦਮੀ ਪਾਰਟੀ ਮੰਗ ਕਰਦੀ ਹੈ ਕਿ ਪੰਜਾਬ ਦੇ ਲੋਕਾਂ ਨੂੰ ਅਤੇ ਖਾਸ ਤੌਰ ਤੇ ਕਿਸਾਨ ਵਰਗ ਨੂੰ ਇਸ ਸਮੇਂ ਬਿਜਲੀ ਹਰ ਹਾਲ ਵਿੱਚ ਮੁਹੱਈਆ ਕਰਵਾਈ ਜਾਵੇ।
– MLA @meet_hayer
[1/6] pic.twitter.com/NFsCo7NBYA
— AAP Punjab (@AAPPunjab) July 1, 2021
32 ਕਿਸਾਨ ਜਥੇਬੰਦੀਆਂ ਨੇ ਵੀ ਸਰਕਾਰ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ 5 ਜੁਲਾਈ ਤੱਕ ਹਾਲਾਤ ਨਾ ਸੁਧਰੇ, ਤਾਂ 6 ਜੁਲਾਈ ਨੂੰ ਸੂਬੇ ਭਰ ‘ਚ ਕਿਸਾਨਾਂ ਵੱਲੋਂ ਪ੍ਰਦਰਸ਼ਨ ਕੀਤੇ ਜਾਣਗੇ। ਜਥੇਬੰਦੀਆਂ ਦਾ ਇਲਜ਼ਾਮ ਹੈ ਕਿ ਤਮਾਮ ਦਾਅਵਿਆਂ ਦੇ ਬਾਵਜੂਦ ਝੋਨੇ ਦੀ ਬਿਜਾਈ ਲਈ 8 ਘੰਟੇ ਬਿਜਲੀ ਨਹੀਂ ਦਿਤੀ ਜਾ ਰਹੀ।
ਕਿਉਂ ਗਹਿਰਾਇਆ ਬਿਜਲੀ ਸੰਕਟ?
ਬਿਜਲੀ ਵਿਭਾਗ ਮੁਤਾਬਕ, ਪੰਜਾਬ ‘ਚ ਇਸ ਵੇਲੇ ਪੀਕ ਆਵਰ ‘ਚ 14,500 ਮੈਗਾਵਾਟ ਬਿਜਲੀ ਦੀ ਡਿਮਾਂਡ ਰਿਕਾਰਡ ਕੀਤੀ ਗਈ ਹੈ, ਜਦਕਿ ਸਪਲਾਈ 12-13 ਹਜ਼ਾਰ ਵਿਚਾਲੇ ਹੈ। ਯਾਨੀ ਕਰੀਬ 1500-2000 ਮੈਗਾਵਾਟ ਬਿਜਲੀ ਸਪਲਾਈ ਦੀ ਘਾਟ ਹੈ। ਇਹੀ ਘਾਟ ਬਿਜਲੀ ਦੇ ਲੰਮੇ-ਲੰਮੇ ਕੱਟਾਂ ਦੀ ਵਜ੍ਹਾ ਬਣ ਰਹੀ ਹੈ।
