ਕੋਰੋਨਾ ਕਾਲ ‘ਚ ਪਹਿਲੀ ‘ਵਰਚੁਅਲ ਰੈਲੀ’ ਲਈ ਤਿਆਰ ਪੰਜਾਬ…ਚੋਣਾਂ ਦਾ ਬਿਗੁਲ ਫੂਕਣਗੇ ਰਾਹੁਲ ਗਾਂਧੀ

ਬਿਓਰੋ। ਪੰਜਾਬ ਵਿਧਾਨ ਸਭਾ ਚੋਣਾਂ ਲਈ ਨਾਮਜ਼ਦਗੀਆਂ ਦਾ ਦੌਰ ਸ਼ੁਰੂ ਹੋ ਚੁੱਕਿਆ ਹੈ, ਪਰ ਕੋਰੋਨਾ ਦੀ ਬੇਕਾਬੂ ਰਫ਼ਤਾਰ ਦੇ ਚਲਦੇ ਚੋਣ ਕਮਿਸ਼ਨ ਨੇ ਪ੍ਰਚਾਰ ਦੀ ਰਫ਼ਤਾਰ ‘ਤੇ ਰੋਕ ਲਗਾਈ ਹੋਈ ਹੈ। ਸਿਆਸੀ ਪਾਰਟੀਆਂ ਨੂੰ ਵੱਡੀਆਂ ਰੈਲੀਆਂ ਅਤੇ ਰੋਡ ਸ਼ੋਅ ਦੀ ਇਜਾਜ਼ਤ ਨਹੀਂ ਹੈ। ਇਸ ਵਿਚਾਲੇ ਹੁਣ ਕਾਂਗਰਸ ਪਾਰਟੀ ਵਰਚੁਅਲ ਪ੍ਰਚਾਰ ‘ਤੇ ਜੋਰ ਦਿੰਦੇ ਹੋਏ 27 ਜਨਵਰੀ ਨੂੰ ਵੱਡੀ ਰੈਲੀ ਕਰਨ ਜਾ ਰਹੀ ਹੈ, ਜਿਸ ਨੂੰ ਪਾਰਟੀ ਦੇ ਸੀਨੀਅਰ ਆਗੂ ਰਾਹੁਲ ਗਾਂਧੀ ਸੰਬੋਧਿਤ ਕਰਨਗੇ।

ਰਾਹੁਲ ਗਾਂਧੀ 27 ਜਨਵਰੀ ਨੂੰ ਪੰਜਾਬ ਵਿੱਚ ਚੋਣ ਬਿਗੁਲ ਫੂਕਣਗੇ। ਰਾਹੁਲ ਵੱਲੋਂ ਇਥੇ ਜਲੰਧਰ ਦੇ ਮਿੱਠਾਪੁਰ ਵਿੱਚ ‘ਪੰਜਾਬ ਫਤਿਹ’ ਰੈਲੀ ਕੀਤੀ ਜਾਵੇਗੀ। ਹਾਲਾਂਕਿ ਇਹ ਰੈਲੀ ਵਰਚੁਅਲ ਹੋਵੇਗੀ। ਰਾਹੁਲ ਜਲੰਧਰ ਪਹੁੰਚ ਕੇ ਵਰਚੁਅਲ ਤੌਰ ‘ਤੇ ਪੰਜਾਬ ਦੀ ਜਨਤਾ ਨੂੰ ਸੰਬੋਧਿਤ ਕਰਨਗੇ।

ਇਸ ਤਰ੍ਹਾਂ ਰਹੇਗਾ ਰਾਹੁਲ ਗਾਂਧੀ ਦਾ ਪ੍ਰੋਗਰਾਮ

ਰਾਹੁਲ ਗਾਂਧੀ 27 ਜਨਵਰੀ ਨੂੰ ਸਵੇਰੇ 8-9 ਵਜੇ ਸਪੈਸ਼ਲ ਫਲਾਈਟ ਜ਼ਰੀਏ ਦਿੱਲੀ ਤੋਂ ਅੰਮ੍ਰਿਤਸਰ ਪਹੁੰਚਣਗੇ।

9.15-9.45 ਵਜੇ- ਏਅਰਪੋਰਟ ਤੋਂ ਸੜਕ ਮਾਰਗ ਰਾਹੀਂ ਸੱਚਖੰਡ ਸ੍ਰੀ ਹਰਿਮੰਦਿਰ ਸਾਹਿਬ ਜਾਣਗੇ।

9.45-10.30 ਵਜੇ- ਕਾਂਗਰਸ ਦੇ ਸਾਰੇ 117 ਉਮੀਦਵਾਰਾਂ ਦੇ ਨਾਲ ਦਰਬਾਰ ਸਾਹਿਬ ਵਿਖੇ ਨਤਮਸਤਕ ਹੋਣਗੇ ਅਤੇ ਲੰਗਰ ਛਕਣਗੇ।

10,45-11.15 ਵਜੇ- ਦਰਬਾਰ ਸਾਹਿਬ ਤੋਂ ਬਾਅਦ ਰਾਹੁਲ ਅਤੇ ਸਾਰੇ ਉਮੀਦਵਾਰ ਦੁਰਗਿਆਣਾ ਮੰਦਰ ਜਾ ਕੇ ਮੱਥਾ ਟੇਕਣਗੇ।

11.45-12.15 ਵਜੇ- ਰਾਹੁਲ ਗਾਂਧੀ ਦੇ ਨਾਲ ਸਾਰੇ ਉਮੀਦਵਾਰ ਭਗਵਾਨ ਵਾਲਮੀਕਿ ਤੀਰਥ ਵਿਖੇ ਨਤਮਸਤਕ ਹੋਣਗੇ।

12.15-14.30 ਵਜੇ- ਸੜਕ ਮਾਰਗ ਰਾਹੀਂ ਰਾਹੁਲ ਗਾਂਧੀ ਅੰਮ੍ਰਿਤਸਰ ਤੋਂ ਜਲੰਧਰ ਰਵਾਨਾ ਹੋਣਗੇ।

15.30-16.30 ਵਜੇ- ਜਲੰਧਰ ਦੇ ਮਿੱਠਾਪੁਰ ‘ਚ ਇੱਕ ਪੈਲੇਸ ਤੋਂ ਵਰਚੁਅਲ ਰੈਲੀ ਨੂੰ ਸੰਬੋਧਿਤ ਕਰਨਗੇ।

16.40-17.20 ਵਜੇ- ਰਾਹੁਲ ਗਾਂਧੀ ਜਲੰਧਰ ਤੋਂ ਸੜਕ ਮਾਰਗ ਰਾਹੀਂ ਆਦਮਪੁਰ ਏਅਰਪੋਰਟ ਲਈ ਰਵਾਨਾ ਹੋਣਗੇ।

17.25-18.25 ਵਜੇ- ਰਾਹੁਲ ਗਾਂਧੀ ਆਦਮਪੁਰ ਏਅਰਪੋਰਟ ਤੋਂ ਸਪੈਸ਼ਲ ਫਲਾਈਟ ਰਾਹੀਂ ਦਿੱਲੀ ਨੂੰ ਰਵਾਨਾ ਹੋਣਗੇ।