ਲੁਧਿਆਣਾ। ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਪੰਜਾਬ ਦੇ ਲੁਧਿਆਣਾ ਵਿੱਚ ਕੋਰਟ ਕੰਪਲੈਕਸ ‘ਚ ਹੋਏ ਬੰਬ ਧਮਾਕੇ ਨੇ ਸੂਬੇ ਦੀ ਸਿਆਸਤ ਭਖਾ ਦਿੱਤੀ ਹੈ। ਸੂਬੇ ਦੀ ਕਾਂਗਰਸ ਸਰਕਾਰ ਇਸ ਧਮਾਕੇ ਨੂੰ ਪੰਜਾਬ ਵਿਰੋਧੀ ਤਾਕਤਾਂ ਦੀ ਸਾਜਿਸ਼ ਅਤੇ ਸ਼ਾਂਤੀ ਭੰਗ ਕਰਨ ਦੀ ਕੋਸ਼ਿਸ਼ ਕਰਾਰ ਦੇ ਰਹੀ ਹੈ। ਹਾਲਾਂਕਿ ਵਿਰੋਧੀ ਧਿਰਾਂ ਕਾਨੂੰਨ-ਵਿਵਸਥਾ ਦੇ ਬਹਾਨੇ ਸੱਤਾ ਧਿਰ ਨੂੰ ਘੇਰਨ ਵਿੱਚ ਲੱਗੀਆਂ ਹਨ।
CM ਨੇ ਬਲਾਸਟ ਨੂੰ ਡਰੱਗਜ਼ ਕੇਸ ‘ਚ ਕਾਰਵਾਈ ਨਾਲ ਜੋੜਿਆ
ਲੁਧਿਆਣਾ ਵਿੱਚ ਪੂਰੇ ਹਾਲਾਤ ਦਾ ਜਾਇਜਾ ਲੈਣ ਤੋਂ ਬਾਅਦ ਮੀਡੀਆ ਨਾਲ ਮੁਖਾਤਿਬ ਹੁੰਦਿਆਂ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਕਿਹਾ ਕਿ ਜਦੋਂ ਤੱਕ ਸਰਕਾਰ ਨੇ ਡਰੱਗਜ਼ ਕੇਸ ਵਿੱਚ ਕਾਰਵਾਈ ਸ਼ੁਰੂ ਕੀਤੀ ਹੈ, ਉਦੋਂ ਤੋਂ ਹੀ ਸੂਬੇ ਵਿੱਚ ਅਜਿਹੀਆਂ ਘਟਨਾਵਾਂ ਹੋ ਰਹੀਆਂ ਹਨ। ਉਹਨਾਂ ਕਿਹਾ ਕਿ ਇੱਕ ਪਾਸੇ ਮੋਹਾਲੀ ‘ਚ ਮਜੀਠੀਆ ਦੀ ਅਗਾਊਂ ਜ਼ਮਾਨਤ ‘ਤੇ ਸੁਣਵਾਈ ਸੀ, ਤਾਂ ਇਧਰ ਲੁਧਿਆਣਾ ‘ਚ ਅਜਿਹੀ ਘਟਨਾ ਵਾਪਰ ਗਈ। ਸਾਫ਼ ਹੈ ਕਿ ਪੰਜਾਬੀਆਂ ਨੂੰ ਡਰਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
Visited the #LudhianaBlast site & met injured patients in all 3 hospitals with Dy CM @Sukhjinder_INC. Have announced free treatment for all injured persons in the blast. I reiterate that we would not let any person disturb the hard earned peace and communal harmony of the state pic.twitter.com/HpKwfhtxKo
— Charanjit S Channi (@CHARANJITCHANNI) December 23, 2021
ਹਾਲਾਂਕਿ ਸੀਐੱਮ ਨੇ ਇਸ ਮਾਮਲੇ ਵਿੱਚ ਬਾਹਰਲੀਆਂ ਤਾਕਤਾਂ ਦਾ ਹੱਥ ਹੋਣ ਤੋਂ ਵੀ ਇਨਕਾਰ ਨਹੀਂ ਕੀਤਾ। ਉਹਨਾਂ ਕਿਹਾ ਕਿ ਦੇਸ਼ ਵਿਰੋਧੀ ਤਾਕਤਾਂ ਤੇ ਪੰਜਾਬ ਵਿਰੋਧੀ ਤਾਕਤਾਂ ਚੋਣਾਂ ਦੇ ਚਲਦੇ ਅਜਿਹੀਆਂ ਘਟਨਾਵਾਂ ਨੂੰ ਅੰਜਾਮ ਦੇ ਰਹੀਆਂ ਹਨ। ਪਰ ਦੋਸ਼ੀ ਕੋਈ ਵੀ ਹੋਵੇ, ਬਖਸ਼ਿਆ ਨਹੀਂ ਜਾਵੇਗਾ।
ਗ੍ਰਹਿ ਮੰਤਰੀ ਨੇ ਕੀਤਾ ਪੁਲਿਸ ਦਾ ਬਚਾਅ
ਬੰਬ ਧਮਾਕੇ ਤੋਂ ਬਾਅਦ ਪੰਜਾਬ ਪੁਲਿਸ ‘ਤੇ ਉਠਦੇ ਸਵਾਲਾਂ ਵਿਚਾਲੇ ਸੂਬੇ ਦੇ ਗ੍ਰਹਿ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਇੱਕ ਬੇਤੁਕੇ ਤਰਕ ਜ਼ਰੀਏ ਆਪਣੀ ਪੁਲਿਸ ਫੋਰਸ ਦਾ ਬਚਾਅ ਕੀਤਾ ਹੈ। ਰੰਧਾਵਾ ਨੇ ਕਿਹਾ ਕਿ ਸੂਬੇ ਵਿੱਚ ਇਹਨੀਂ ਦਿਨੀਂ ਥਾਂ-ਥਾਂ ਪ੍ਰਦਰਸ਼ਨ ਚੱਲ ਰਹੇ ਹਨ, ਇਸ ਲਈ ਪੁਲਿਸ ਫੋਰਸ ਪ੍ਰਦਰਸ਼ਨਾਂ ਵਾਲੀਆਂ ਥਾਵਾਂ ‘ਤੇ ਵੀ ਡਿਊਟੀ ਦੇ ਰਹੀ ਹੈ। ਉਹਨਾਂ ਨੇ ਪ੍ਰਦਰਸ਼ਨਕਾਰੀਆਂ ਨੂੰ ਅਪੀਲ ਕੀਤੀ ਕਿ ਆਪਣੇ ਪ੍ਰਦਰਸ਼ਨ ਖਤਮ ਕਰਨ, ਤਾਂ ਜੋ ਚੋਣਾਂ ਦੇ ਇਸ ਮਾਹੌਲ ਵਿੱਚ ਸੂਬੇ ਦੀ ਸਾਰੀ ਪੁਲਿਸ ਫੋਰਸ ਨੂੰ ਸਹੀ ਤਰੀਕੇ ਇਸਤੇਮਾਲ ਕੀਤਾ ਜਾ ਸਕੇ।
ਲੁਧਿਆਣਾ ਕੋਰਟ ਕੰਪਲੈਕਸ ਦੇ ਹਾਦਸੇ ਤੋ ਬਾਅਦ ਮਾਨਯੋਗ ਮੁੱਖ ਮੰਤਰੀ @CHARANJITCHANNI ਜੀ ਦੇ ਨਾਲ ਹਸਪਤਾਲ ਜਾਕੇ ਜ਼ਖਮੀਆਂ ਦੇ ਨਾਲ ਮੁਲਾਕਾਤ ਕੀਤੀ ਅਤੇ ਉਹਨਾਂ ਦਾ ਹਾਲ ਜਾਣਿਆ।
ਪੰਜਾਬ ਦੀ ਅਮਨ ਸ਼ਾਂਤੀ ਕਾਇਮ ਰੱਖਣ ਦੇ ਲਈ ਅਸੀ ਸਾਰੇ ਪੰਜਾਬ ਵਾਸੀ ਇੱਕ ਹਨ। ਦੋਸ਼ੀਆਂ ਨੂੰ ਕਿਸੇ ਵੀ ਹਾਲ ਚ ਬਖਸ਼ਿਆ ਨਹੀ ਜਾਵੇਗਾ। pic.twitter.com/WC5R55rzaR— Sukhjinder Singh Randhawa (@Sukhjinder_INC) December 23, 2021
ਪੰਜਾਬ ਦੀ ਏਕਤਾ ਕੋਈ ਨਹੀਂ ਤੋੜ ਸਕਦਾ- ਸਿੱਧੂ
ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੱਧੂ ਨੇ ਵੀ ਇਸ ਘਟਨਾ ਦੀ ਤਿੱਖੇ ਸ਼ਬਦਾਂ ਵਿੱਚ ਅਲੋਚਨਾ ਕੀਤੀ। ਉਹਨਾਂ ਕਿਹਾ, “ਲੁਧਿਆਣਾ ਧਮਾਕੇ ਤੋਂ ਸਾਫ਼ ਹੋ ਗਿਆ ਹੈ ਕਿ ਪੰਜਾਬ ਵਿੱਚ ਲਗਾਤਾਰ ਮਾਹੌਲ ਵਿਗਾੜਨ ਦੀ ਸਾਜਿਸ਼ ਹੋ ਰਹੀ ਹੈ। ਕਾਨੂੰਨ-ਵਿਵਸਥਾ ਦੀ ਸਮੱਸਿਆ ਖੜ੍ਹੀ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਉਹਨਾਂ ਕਿਹਾ, “ਕੋਈ ਵੀ ਤਾਕਤ ਪੰਜਾਬ ਦੀ ਏਕਤਾ ਨੂੰ ਨਹੀਂ ਤੋੜ ਸਕਦੀ। ਪੰਜਾਬ ਇੱਕ ਸੀ, ਇੱਕ ਹੈ ਤੇ ਇੱਕ ਰਹੇਗਾ।”
The blast in Ludhiana Court leaves no shadow of doubt that a series of peace-disrupting activities have been planned by vested interests to create law & Order problem in Punjab. Condolences to those who lost their lives and sincere prayers for speedy recovery of the injured. pic.twitter.com/xaltliYBpB
— Navjot Singh Sidhu (@sherryontopp) December 23, 2021
ਪੁਲਿਸ ਆਪਣੀ ਡਿਊਟੀ ਛੱਡ ਕੇ ਬਦਲਾਖੋਰੀ ‘ਚ ਲੱਗੀ- ਸੁਖਬੀਰ
ਓਧਰ ਸੂਬੇ ਦੇ ਸਾਬਕਾ ਉਪ ਮੁੱਖ ਮੰਤਰੀ ਅਤੇ ਅਕਾਲੀ ਦਲ ਪ੍ਰਧਾਨ ਸੁਖਬੀਰ ਬਾਦਲ ਨੇ ਕਿਹਾ ਕਿ ਪੰਜਾਬ ਸਰਕਾਰ ਅਤੇ ਉਹਨਾਂ ਦੀ ਪੁਲਿਸ ਆਪਣੀ ਡਿਊਟੀ ਛੱਡ ਕੇ ਸਿਰਫ਼ ਸਿਆਸੀ ਬਦਲਾਖੋਰੀ ‘ਚ ਲੱਗੀ ਹੈ। ਸੁਖਬੀਰ ਨੇ ਕਿਹਾ, “ਪੰਜਾਬ ਵਿੱਚ ਸਰਕਾਰ ਨਾਂਅ ਦੀ ਕੋਈ ਚੀਜ਼ ਨਹੀਂ ਹੈ। ਪੰਜਾਬ ਪੁਲਿਸ ਨੂੰ ਪਿਛਲੇ 3 ਮਹੀਨਿਆਂ ਅੰਦਰ ਇੱਕੋ-ਇੱਕ ਕੰਮ ਦਿੱਤਾ ਗਿਆ ਕਿ ਬਿਕਰਮ ਮਜੀਠੀਆ ਅਤੇ ਬਾਦਲ ਪਰਿਵਾਰ ਦੇ ਖਿਲਾਫ਼ ਕੇਸ ਤਿਆਰ ਕੀਤਾ ਜਾਵੇ। ਇਸ ਤੋਂ ਮਾੜੀ ਗੱਲ ਕੀ ਹੋ ਸਕਦੀ ਹੈ।”
Ludhiana's bomb blast is also a direct fallout of conspiracies hatched to destabilize Pb's peace. We had said earlier that people will be provoked by communal incidents. This has happened with sacrilege also being committed at a temple after desecration of Sri Harmandar Sahib.3/3
— Sukhbir Singh Badal (@officeofssbadal) December 23, 2021
ਉਹਨਾਂ ਕਿਹਾ ਕਿ DGP ਦਾ ਕੰਮ ਕਾਨੂੰਨ-ਵਿਵਸਥਾ ਨੂੰ ਬਰਕਰਾਰ ਰੱਖਣਾ ਹੈ, ਨਾ ਕਿ ਸਿਆਸੀ ਬਦਲਾਖੋਰੀ ਵਿੱਚ ਪੈਣਾ। ਸੁਖਬੀਰ ਨੇ ਚੰਨੀ ਸਰਕਾਰ ਨੂੰ ਫੇਲ੍ਹ ਦੱਸਿਆ ਅਤੇ ਕਿਹਾ ਕਿ ਜਿੰਨੇ ਦਿਨ ਇਸ ਸਰਕਾਰ ਦੇ ਬਚੇ ਸਨ, ਓਨੇ ਦਿਨ ਪੰਜਾਬ ਦਾ ਨੁਕਸਾਨ ਹੀ ਹੋਵੇਗਾ।
ਤਹਿ ਤੱਕ ਹੋਵੇ ਮਾਮਲੇ ਦੀ ਜਾਂਚ- ਕੈਪਟਨ
ਸੂਬੇ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਇਸ ਮਾਮਲੇ ਵਿੱਚ ਟਵੀਟ ਕਰਦਿਆਂ ਕਿਹਾ, “ਲੁਧਿਆਣਾ ਕੋਰਟ ਕੰਪਲੈਕਸ ‘ਚ ਹੋਏ ਧਮਾਕੇ ਦੀ ਖ਼ਬਰ ਪਰੇਸ਼ਾਨ ਕਰ ਦੇਣ ਵਾਲੀ ਹੈ। 2 ਲੋਕਾਂ ਦੀ ਮੌਤ ਦੀ ਖ਼ਬਰ ਸੁਣ ਕੇ ਦੁਖੀ ਹਾਂ। ਜ਼ਖਮੀ ਦੀ ਰਿਕਵਰੀ ਲਈ ਪ੍ਰਾਰਥਨਾ ਕਰਦਾ ਹਾਂ। ਪੰਜਾਬ ਪੁਲਿਸ ਨੂੰ ਇਸਦੀ ਤਹਿ ਤੱਕ ਜਾਣਾ ਚਾਹੀਦਾ ਹੈ।“
Disturbing news of a blast at Ludhiana court complex. Saddened to know about the demise of 2 individuals, Praying for the recovery of those injured. @PunjabPoliceInd must get to the bottom of this.
— Capt.Amarinder Singh (@capt_amarinder) December 23, 2021
ਪੰਜਾਬ ਦੇ ਲੋਕ ਨਾਕਾਮਯਾਬ ਕਰਨਗੇ ਮਨਸੂਬੇ- ‘ਆਪ’
ਦਿੱਲੀ ਦੇ ਮੁੱਖ ਮੰਤਰੀ ਅਤੇ ‘ਆਪ’ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਕਿਹਾ, “ਪਹਿਲਾਂ ਬੇਅਦਬੀ, ਹੁਣ ਬਲਾਸਟ। ਕੁਝ ਲੋਕ ਪੰਜਾਬ ਦੀ ਸ਼ਾਂਤੀ ਭੰਗ ਕਰਨਾ ਚਾਹੁੰਦੇ ਹਨ। ਪੰਜਾਬ ਦੇ 3 ਕਰੋੜ ਲੋਕ ਇਹਨਾਂ ਦੇ ਮਨਸੂਬਿਆਂ ਨੂੰ ਕਾਮਯਾਬ ਨਹੀਂ ਹੋਣ ਦੇਣਗੇ। ਅਸੀਂ ਇੱਕ-ਦੂਜੇ ਦਾ ਹੱਥ ਫੜ ਕੇ ਰੱਖਣਾ ਹੈ।“
कुछ लोग पंजाब का माहौल ख़राब करना चाहते हैं। पर पंजाब के लोग उनके गंदे मंसूबे कामयाब नहीं होने देंगे। https://t.co/wz5QN1pvhL pic.twitter.com/E7z8EyPSNq
— Arvind Kejriwal (@ArvindKejriwal) December 23, 2021
ਅਮਨ-ਕਾਨੂੰਨ ਛਿੱਕੇ ਟੰਗਣਾ ਪੰਜਾਬ ‘ਚ ਆਮ ਹੋਇਆ- BJP
ਬੀਜੇਪੀ ਦੇ ਪੰਜਾਬ ਚੋਣ ਇੰਚਾਰਜ ਗਜੇਂਦਰ ਸ਼ੇਖਾਵਤ ਨੇ ਇਸ ਘਟਨਾ ‘ਤੇ ਟਵੀਟ ਕਰਦਿਆਂ ਕਿਹਾ ਕਿ ਲੁਧਿਆਣਾ ਕੋਰਟ ਕੰਪਲੈਕਸ ‘ਚ ਹੋਏ ਧਮਾਕੇ ਬਾਰੇ ਸੁਣ ਕੇ ਪਰੇਸ਼ਾਨ ਹਾਂ। ਉਥੇ ਮੌਜੂਦ ਲੋਕਾਂ ਦੀ ਸੁਰੱਖਿਆ ਦੀ ਕਾਮਨਾ ਕਰਦਾ ਹਾਂ। ਉਹਨਾਂ ਕਿਹਾ, “ਪੰਜਾਬ ਵਿੱਚ ਅਮਨ-ਕਾਨੂੰਨ ਨੂੰ ਛਿੱਕੇ ਟੰਗਣਾ ਇਹਨੀਂ ਦਿਨੀਂ ਆਮ ਜਿਹੀ ਗੱਲ ਹੋ ਗਈ ਹੈ। ਉਮੀਦ ਹੈ ਇਸ ਰੁਝਾਨ ‘ਤੇ ਜਲਦ ਰੋਕ ਲੱਗੇਗੀ।”
Disturbing to know of the blast at the Ludhiana court complex. Praying for the safety of people in there.
Dismissing Law and order seems to be the norm in Punjab these days. Hope this trend is brought to a halt at the earliest.#Ludhiana
— Gajendra Singh Shekhawat (@gssjodhpur) December 23, 2021
