ਕਿੰਨੌਰ। ਹਿਮਾਚਲ ਪ੍ਰਦੇਸ਼ ‘ਚ ਇੱਕ ਵਾਰ ਫਿਰ ਪਹਾੜਾਂ ਤੋਂ ਮੌਤ ਵਰ੍ਹੀ ਹੈ। ਇੱਕ ਮਹੀਨੇ ਦੇ ਅੰਦਰ ਕਿੰਨੌਰ ‘ਚ ਦੂਜੀ ਵਾਰ ਦਰਦਨਾਕ ਹਾਦਸਾ ਵਾਪਰਿਆ ਹੈ। ਇਸ ਵਾਰ ਸ਼ਿਮਲਾ-ਕਿੰਨੌਰ ਨੈਸ਼ਨਲ ਹਾਈਵੇ-5 ‘ਤੇ ਨਿਗੋਸਾਰੀ ਅਤੇ ਚੌਰਾ ਵਿਚਕਾਰ ਅਚਾਨਕ ਇੱਕ ਪਹਾੜ ਖਿਸਕਰ ਗਿਆ, ਜਿਸ ਨਾਲ ਚੱਟਾਨਾਂ ਇੱਕ ਬੱਸ ਅਤੇ ਕੁਝ ਗੱਡੀਆਂ ‘ਤੇ ਜਾ ਡਿੱਗੀਆਂ।
ਹਾਦਸੇ ‘ਚ 50 ਤੋਂ ਵੱਧ ਲੋਕ ਮਲਬੇ ਹੇਠਾਂ ਦੱਬ ਗਏ, ਜਿਹਨਾਂ ‘ਚੋਂ ਹੁਣ ਤੱਕ 13 ਮੌਤਾਂ ਦੀ ਪੁਸ਼ਟੀ ਹੋ ਚੁੱਕੀ ਹੈ, ਜਦਕਿ 14 ਨੂੰ ਸੁਰੱਖਿਅਤ ਬਾਹਰ ਕੱਢਿਆ ਗਿਆ ਹੈ। ਇਸਦੇ ਨਾਲ ਹੀ ਕਈ ਲੋਕ ਹਾਲੇ ਵੀ ਲਾਪਤਾ ਹਨ। ਹਾਦਸੇ ਵਾਲੀ ਥਾਂ ‘ਤੇ ਰੈਸਕਿਊ ਅਪਰੇਸ਼ਨ ਜਾਰੀ ਹੈ।
ਹਿਮਾਚਲ ਦੇ ਸੀਐੱਮ ਜੈਰਾਮ ਠਾਕੁਰ ਨੇ ਕਿਹਾ ਕਿ ਮਲਬੇ ‘ਚ ਕਿੰਨੇ ਲੋਕ ਦਬੇ ਹਨ। ਇਸਦੀ ਸਹੀ ਜਾਣਕਾਰੀ ਨਹਂ ਮਿਲ ਸਕੀ ਹੈ। ਉਹਨਾਂ ਮੁਤਾਬਕ, ਦੁਪਹਿਰ ਤੱਕ ਕਾਫੀ ਕੁਝ ਸਪੱਸ਼ਟ ਹੋ ਜਾਵੇਗਾ ਅਤੇ ਜੇਕਰ ਮੌਸਮ ਸਾਫ ਰਿਹਾ, ਤਾਂ ਫੌਜ ਵੀ ਰੈਸਕਿਊ ਅਪਰੇਸ਼ਨ ‘ਚ ਸ਼ਾਮਲ ਹੋਵੇਗੀ।
निगुलसेरी, किन्नौर में रेस्क्यू ऑप्रेशन जारी है,कई लोगों को सुरक्षित निकाला गया है।
इस हादसे में कुछ लोगों की दुःखद मृत्यु भी हुई।
ईश्वर दिवंगत आत्माओं को शांति एवं शोकग्रस्त परिवार को संबल प्रदान करें।
घायलों को स्वास्थ्य लाभ शीघ्र प्राप्त हो, ईश्वर से यही कामना करता हूं। pic.twitter.com/Yy6yRR6Jn4
— Jairam Thakur (@jairamthakurbjp) August 12, 2021
ਪੀਐੱਮ ਨਰੇਂਦਰ ਮੋਦੀ ਨੇ ਕਿੰਨੌਰ ਹਾਦਸੇ ‘ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਉਹਨਾਂ ਵੱਲੋਂ ਮ੍ਰਿਤਕਾਂ ਦੇ ਪਰਿਵਾਰਾਂ ਲਈ 2-2 ਲੱਖ ਰੁਪਏ ਦੇ ਮੁਆਵਜੇ ਦਾ ਐਲਾਨ ਕੀਤਾ ਗਿਆ ਹੈ। ਨਾਲ ਹੀ ਜ਼ਖਮੀਆਂ ਨੂੰ 50-50 ਹਜਾਰ ਰੁਪਏ ਦੀ ਆਰਥਿਕ ਮਦਦ ਦਿੱਤੀ ਜਾਵੇਗੀ।
PM @narendramodi has announced an ex-gratia of Rs. 2 lakh each from PMNRF to the next of kin of those who have lost their lives due to a landslide in Himachal Pradesh. Rs. 50,000 would be given to the injured.
— PMO India (@PMOIndia) August 11, 2021
ਪਿਛਲੇ ਦਿਨੀਂ 9 ਸੈਲਾਨੀਆਂ ਦੀ ਹੋਈ ਸੀ ਮੌਤ
25 ਜੁਲਾਈ ਨੂੰ ਕਿੰਨੌਰ ‘ਚ ਜ਼ਮੀਨ ਖਿਸਕਣ ਤੋਂ ਬਾਅਦ ਪਹਾੜੀ ਤੋਂ ਚੱਟਾਨਾਂ ਇੰਨੀ ਤੇਜੀ ਨਾਲ ਹੇਠਾਂ ਡਿੱਗੀਆਂ ਹਨ ਕਿ ਬਸਪਾ ਨਦੀ ਦਾ ਪੁੱਲ ਟੁੱਟ ਗਿਆ ਸੀ। ਇਸ ਹਾਦਸੇ ‘ਚ 9 ਸੈਲਾਨੀਆਂ ਦੀ ਮੌਤ ਹੋ ਗਈ ਸੀ। ਸੈਲਾਨੀ ਟ੍ਰੈਵਲਰ ਗੱਡੀ ‘ਚ ਛਿਤਕੁਲ ਤੋਂ ਸਾਂਗਲਾ ਵੱਲ ਜਾ ਰਹੇ ਸਨ ਕਿ ਅਚਾਨਕ ਬਟਸੇਰੀ ਦੇ ਗੁੰਸਾ ਕੋਲ ਪੁੱਲ ‘ਤੇ ਚੱਟਾਨਾਂ ਡਿੱਗਣ ਦੇ ਚਲਦੇ ਪੁੱਲ ਟੁੱਟ ਗਿਆ ਅਤੇ ਸੈਲਾਨੀਆਂ ਦੀ ਗੱਡੀ ਵੀ ਚਪੇਟ ‘ਚ ਆ ਗਈ।
