ਬਿਓਰੋ। ਐਤਵਾਰ ਨੂੰ ਪੰਜਾਬ ਨੇ ਨਵੀਂ ਸਰਕਾਰ ਚੁਣਨ ਲਈ ਵੋਟ ਕੀਤਾ। ਇਸ ਦੌਰਾਨ ਵੱਡੀ ਗਿਣਤੀ ਵੋਟਰ ਆਪਣੇ ਘਰਾਂ ਤੋਂ ਬਾਹਰ ਨਿਕਲੇ ਅਤੇ ਪੋਲਿੰਗ ਬੂਥਾਂ ‘ਤੇ ਜਾ ਕੇ ਆਪਣੇ ਜਮਹੂਰੀ ਹੱਕ ਦਾ ਇਸਤੇਮਾਲ ਕੀਤਾ। ਸੋਮਵਾਰ ਸ਼ਾਮ ਨੂੰ ਚੋਣ ਕਮਿਸ਼ਨ ਵੱਲੋਂ ਵੋਟਿੰਗ ਦੇ ਅੰਕੜੇ ਜਾਰੀ ਕੀਤੇ ਗਏ, ਜਿਸ ਮੁਤਾਬਕ ਪੰਜਾਬ ਦੇ 71.95 ਫੀਸਦ ਲੋਕਾਂ ਨੇ ਲੋਕਤੰਤਰ ਦੇ ਮਹਾਂਕੁੰਭ ਵਿੱਚ ਵੱਧ-ਚੜ੍ਹ ਕੇ ਹਿ੍ੱਸਾ ਲਿਆ।
ਵੋਟਿੰਗ ‘ਚ ਗਿੱਦੜਬਾਹਾ ਨੇ ਮਾਰੀ ਬਾਜ਼ੀ
ਪੰਜਾਬ ਦੇ ਮਾਲਵਾ ਖੇਤਰ ਵਿੱਚ ਸਭ ਤੋਂ ਵੱਧ ਵੋਟਿੰਗ ਦਰਜ ਕੀਤੀ ਗਈ ਹੈ। ਮੁਕਤਸਰ ਦਾ ਹਲਕਾ ਗਿੱਦੜਬਾਹਾ ਵੋਟਿੰਗ ਵਿੱਚ ਸਭ ਤੋਂ ਮੋਹਰੀ ਰਿਹਾ।
ਸਭ ਤੋਂ ਵੱਧ ਵੋਟਿੰਗ ਵਾਲੇ 10 ਹਲਕੇ
ਗਿੱਦੜਬਾਹਾ- 84.93%
ਤਲਵੰਡੀ ਸਾਬੋ- 83.70%
ਸਰਦੂਲਗੜ੍ਹ- 83.64%
ਬੁਢਲਾਡਾ- 81.52%
ਮੌੜ ਮੰਡੀ- 81.35%
ਗੁਰੂ ਹਰਸਹਾਏ- 81.08%
ਫਾਜਿਲਕਾ- 80.87%
ਮੌੜ ਮੰਡੀ- 80.57%
ਜੀਰਾ- 80.47%
ਭੁੱਚੋਂ ਮੰਡੀ- 80.40%
ਇਸਦੇ ਉਲਟ ਪੰਜਾਬ ਦੇ ਵੱਡੇ ਜ਼ਿਲ੍ਹਿਆਂ ਖਾਸਕਰ ਅੰਮ੍ਰਿਤਸਰ ਅਤੇ ਲੁਧਿਆਣਾ ਵਿੱਚ ਇਸ ਵਾਰ ਘੱਟ ਵੋਟਿੰਗ ਦਰਜ ਕੀਤੀ ਗਈ। ਸਭ ਤੋਂ ਘੱਟ ਵੋਟਿੰਗ ਵਾਲੇ 8 ਹਲਕੇ ਅਜਿਹੇ ਹਨ, ਜੋ ਅੰਮ੍ਰਿਤਸਰ ਅਤੇ ਲੁਧਿਆਣਾ ਦੇ ਹਨ। ਹੋਰਨਾਂ ਵੱਡੇ ਜ਼ਿਲ੍ਹਿਆਂ ਵਿੱਚ ਵੀ ਵੋਟ ਫ਼ੀਸਦ ਘੱਟ ਦਰਜ ਕੀਤੀ ਗਈ।
ਸਭ ਤੋਂ ਘੱਟ ਵੋਟਿੰਗ ਵਾਲੇ 10 ਹਲਕੇ
ਅੰਮ੍ਰਿਤਸਰ ਪੱਛਮੀ- 55.40%
ਲੁਧਿਆਣਾ ਦੱਖਣੀ- 59.04%
ਅੰਮ੍ਰਿਤਸਰ ਕੇਂਦਰੀ- 59.19%
ਅੰਮ੍ਰਿਤਸਰ ਦੱਖਣੀ- 59.48%
ਜਲੰਧਰ ਕੇਂਦਰੀ- 60.65%
ਅੰਮ੍ਰਿਤਸਰ ਉੱਤਰੀ- 60.97%
ਆਤਮ ਨਗਰ- 61.25%
ਲੁਧਿਆਣਾ ਉੱਤਰੀ- 61.26%
ਲੁਧਿਆਣਾ ਕੇਂਦਰੀ- 61.77%
ਪਟਿਆਲਾ- 63.48%
10 ਮਾਰਚ ਨੂੰ ਖੁੱਲ੍ਹੇਗਾ ਕਿਸਮਤ ਦਾ ਪਿਟਾਰਾ
ਬਹਿਰਹਾਲ, ਹੁਣ ਉਮੀਦਵਾਰਾਂ ਦੀ ਕਿਸਮਤ EVM ਵਿੱਚ ਕੈਦ ਹੋ ਚੁੱਕੀ ਹੈ। ਉਮੀਦਵਾਰ ਦਾ ਕਿਸਮਤ ਦਾ ਪਿਟਾਰਾ 10 ਮਾਰਚ ਨੂੰ ਖੁੱਲ੍ਹੇਗਾ, ਜਿਸ ਤੋਂ ਬਾਅਦ ਤਸਵੀਰ ਸਾਫ ਹੋ ਸਕੇਗੀ ਕਿ ਇਸ ਵਾਰ ਪੰਜਾਬ ਵਿੱਚ ਕਿਹੜੀ ਪਾਰਟੀ ਨੂੰ ਬਹੁਮਤ ਮਿਲਦਾ ਹੈ ਜਾਂ ਕਿਹੜੀ ਪਾਰਟੀ ਸਭ ਤੋਂ ਵੱਡੀ ਪਾਰਟੀ ਬੰਨ੍ਹ ਕੇ ਉੱਭਰਦੀ ਹੈ।
