ਐਂਟਰਟੇਨਮੈਂਟ ਡੈਸਕ। ਬਾਲੀਵੁੱਡ ਦੇ ‘ਹੀਮੈਨ’ ਧਰਮਿੰਦਰ ਦਿਓਲ ਸੋਸ਼ਲ ਮੀਡੀਆ ਦੇ ਜ਼ਰੀਏ ਅਕਸਰ ਆਪਣੇ ਫੈਨਸ ਨਾਲ ਜੁੜੇ ਰਹਿੰਦੇ ਹਨ। ਸੋਮਵਾਰ ਨੂੰ ਵੀ ਧਰਮਿੰਦਰ ਨੇ ਇੱਕ ਪੋਸਟ ਸੋਸ਼ਲ ਮੀਡੀਆ ‘ਤੇ ਪਾਈ, ਜੋ ਨਾ ਸਿਰਫ਼ ਉਹਨਾਂ ਦੇ ਚਾਹਵਾਨਾਂ ਬਲਕਿ ਕਾਰਾਂ ਦੇ ਸ਼ੌਕੀਨਾਂ ਲਈ ਵੀ ਬੇਹੱਦ ਖਾਸ ਹੈ। ਦਰਅਸਲ, ਧਰਮਿੰਦਰ ਨੇ ਟਵਿਟਰ ‘ਤੇ ਇੱਕ ਵੀਡੀਓ ਪੋਸਟ ਕੀਤੀ ਹੈ, ਜਿਸ ਵਿੱਚ ਉਹ ਇੱਕ Vintage Fiat ਦੇ ਕੋਲ ਖੜ੍ਹੇ ਨਜ਼ਰ ਆ ਰਹੇ ਹਨ।
ਵੀਡੀਓ ਵਿੱਚ ਧਰਮਿੰਦਰ ਕਹਿੰਦੇ ਹਨ, “ਨਮਸਕਾਰ ਦੋਸਤੋ, ਮੇਰੀ ਪਹਿਲੀ ਕਾਰ। ਮੈਂ ਇਸ ਨੂੰ ਸਿਰਫ਼ 18 ਹਜ਼ਾਰ ਰੁਪਏ ਵਿੱਚ ਖਰੀਦਿਆ ਸੀ। ਉਹਨਾਂ ਦਿਨਾਂ ਵਿੱਚ 18 ਹਜ਼ਾਰ ਰੁਪਏ ਬਹੁਤ ਵੱਡੀ ਗੱਲ ਸੀ। ਮੈਂ ਇਸ ਨੂੰ ਚੰਗੀ ਤਰ੍ਹਾਂ ਰੱਖਿਆ ਹੈ। ਚੰਗੀ ਲੱਗੀ? ਇਸਦੇ ਲਈ ਪ੍ਰਾਰਥਨਾ ਕਰੇੋ, ਇਹ ਹਮੇਸ਼ਾ ਮੇਰੇ ਨਾਲ ਰਹੇ।”
Friends, Fiat 💕 my first car my beloved baby ….Very close to my heart . His great blessings in the life of a struggler 🙏 . pic.twitter.com/JMjKmrDMQX
— Dharmendra Deol (@aapkadharam) October 11, 2021
ਕਾਰ ਦੀ ਕੀਮਤ ਬੇਸ਼ੱਕ ਹੈਰਾਨ ਕਰ ਦੇਣ ਵਾਲੀ ਹੈ, ਪਰ ਉਸਦੇ ਲਈ ਧਰਮਿੰਦਰ ਦਾ ਇੰਨਾ ਪਿਆਰ ਵੀ ਕਾਬਿਲੇਤਾਰੀਫ਼ ਹੈ। ਇਸ ਵਿੰਟੇਜ ਕਾਰ ਨੂੰ ਵੇਖ ਕੇ ਸ਼ਾਇਦ ਹੀ ਕੋਈ ਅੰਦਾਜ਼ਾ ਲਗਾ ਸਕਦਾ ਹੋਵੇ ਕਿ ਇਹ ਦਹਾਕਿਆਂ ਪੁਰਾਣੀ ਹੈ।
