ਬਿਓਰੋ। ਕਦੇ ਇੱਕ-ਦੂਜੇ ਦੀ ਤਾਰੀਫ਼ ਵਿੱਚ ਕਸੀਦੇ ਪੜ੍ਹਨ ਵਾਲੇ ਕੇਜਰੀਵਾਲ ਤੇ ਸਿੱਧੂ ਹੁਣ ਖੁੱਲ੍ਹ ਕੇ ਹਮਲਾਵਰ ਹੋ ਗਏ ਹਨ। ਹਾਲੇ ਤੱਕ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਹੀ ‘ਆਪ’ ਕਨਵੀਨਰ ਅਰਵਿੰਦ ਕੇਜਰੀਵਾਲ ‘ਤੇ ਹਮਲੇ ਬੋਲ ਰਹੇ ਹਨ, ਪਰ ਹੁਣ ਕੇਜਰੀਵਾਲ ਨੇ ਵੀ ਸਿੱਧੂ ਦੀ ਘੇਰਾਬੰਦੀ ਸ਼ੁਰੂ ਕਰ ਦਿੱਤੀ ਹੈ।
ਕੇਜਰੀਵਾਲ ਨੇ ਸਿੱਧੂ ਦੇ ਇੱਕ ਪੁਰਾਣੇ ਟਵੀਟ ਨੂੰ ਸ਼ੇਅਰ ਕਰਦੇ ਹੋਏ ਕਿਹਾ ਕਿ CM ਦੇ ਰੇਤ ਮਾਫੀਆ ਨਾਲ ਸਬੰਧ ਦੱਸੇ ਜਾ ਰਹੇ ਹਨ। ਸੀਐੱਮ ਕੋਈ ਐਕਸ਼ਨ ਵੀ ਨਹੀਂ ਲੈ ਰਹੇ। ਬਾਦਲ ਅਤੇ ਕੈਪਟਨ ਵੀ ਇਸ ‘ਤੇ ਚੁੱਪ ਹਨ। ਤੁਸੀਂ ਵੀ ਚੁੱਪ ਹੋ, ਕਿਉਂ? ਕੇਜਰੀਵਾਲ ਨੇ ਕਿਹਾ ਕਿ ਸੀਐੱਮ ਤੋਂ ਲੈ ਕੇ ਥੱਲੇ ਤੱਕ ਦੇ ਲੋਕ ਰੇਤ ਚੋਰੀ ਵਿੱਚ ਸ਼ਾਮਲ ਹਨ। ਜੇਕਰ ਇਸ ਨੂੰ ਰੋਕਾਂਗੇ, ਤਾਂ 20 ਹਜਾਰ ਕਰੋੜ ਆ ਜਾਣਗੇ।
अख़बार/TV वालों ने आपके CM के हल्के में रेता चोरी पकड़ी है। उनका कहना है CM के रेता माफिया से सम्बंध हैं। CM कोई ऐक्शन नहीं ले रहे।बादल जी और कैप्टन साहिब दोनों इस पर चुप हैं। आप भी चुप हैं। क्यों? CM से लेकर नीचे तक रेता चोरी हो रहा है।इसे रोकेंगे तो 20 हज़ार करोड़ रुपए आ जाएँगे https://t.co/DRMaDuXvtp
— Arvind Kejriwal (@ArvindKejriwal) December 18, 2021
ਸਿੱਧੂ ਦਾ ਕੇਜਰੀਵਾਲ ‘ਤੇ ਕਰਾਰਾ ਪਲਟਵਾਰ
ਸਿੱਧੂ ਨੇ ਕੇਜਰੀਵਾਲ ਨੂੰ ਟਵਿਟਰ ‘ਤੇ ਹੀ ਜਵਾਬ ਦਿੱਤਾ। ਹਾਲਾਂਕਿ ਕਥਿਤ ਰੇਤ ਮਾਈਨਿੰਹ ‘ਤੇ ਆਪਣੀ ਚੁੱਪੀ ‘ਤੇ ਤਾਂ ਉਹ ਕੁਝ ਨਹੀਂ ਬੋਲੇ, ਪਰ ਕੇਜਰੀਵਾਲ ਦੇ ਅੰਕੜਿਆਂ ‘ਤੇ ਸਵਾਲ ਚੁੱਕ ਦਿੱਤੇ। ਉਹਨਾਂ ਨੇ ਕੇਜਰੀਵਾਲ ਦੀ Liquor Policy ‘ਤੇ ਵੀ ਸਵਾਲ ਖੜ੍ਹੇ ਕੀਤੇ। ਉਹਨਾਂ ਟਵਿਟਰ ‘ਤੇ ਲਿਖਿਆ, “”
Punjab Model is built on extensive research, not on empty promises & estimates like yours. Sand Mining has potential of 2000 crore, not 20,000 crore. While there's 30,000 crore potential in liquor, which you privatised in Delhi & gave a free run to likes of Deep Malhotra & Chadha https://t.co/arNUeXh4gf
— Navjot Singh Sidhu (@sherryontopp) December 18, 2021
ਸਿੱਧੂ ਨੇ ਕੇਜਰੀਵਾਲ ਦੇ ਐਲਾਨਾਂ ‘ਤੇ ਚੁੱਕੇ ਸਨ ਸਵਾਲ
ਦਰਅਸਲ, ਕੁਝ ਦਿਨ ਪਹਿਲਾਂ ਸਿੱਧੂ ਨੇ ਕੇਜਰੀਵਾਲ ਨੂੰ ਨਿਸ਼ਾਨੇ ‘ਤੇ ਲੈਂਦੇ ਹੋਏ ਪੁੱਛਿਆ ਸੀ ਕਿ ਉਹ ਮੁਫਤ ਦੇ ਐਲਾਨਾਂ ਨੂੰ ਪੂਰਾ ਕਿਵੇਂ ਕਰਨਗੇ? ਸਿੱਧੂ ਨੇ ਕਿਹਾ ਕਿ ਲੋਕਾਂ ਨੂੰ ਮੂਰਖ ਬਣਾਉਣਾ ਬੰਦ ਕਰੋ। ਪੰਜਾਬੀ ਇਨਕਮ ਚਾਹੁੰਦੇ ਹਨ, ਭੀਖ ਨਹੀਂ। ਸਿੱਧੂ ਨੇ ਆਪਣੇ ਪੰਜਾਬ ਮਾਡਲ ਦੀ ਗੱਲ ਕਰਦੇ ਹੋਏ ਕਿਹਾ ਸੀ ਕਿ ਇਸ ਨਾਲ ਪੰਜਾਬੀਆਂ ਨੂੰ ਇਨਕਮ ਦੇ ਹੋਰ ਮੌਕੇ ਮਿਲਣਗੇ। ਇਸੇ ਟਵੀਟ ਨੂੰ ਸ਼ੇਅਰ ਕਰਦੇ ਹੋਏ ਕੇਜਰੀਵਾਲ ਨੇ ਹਮਲਾ ਬੋਲਿਆ।
ਦੋਵਾਂ ਵਿਚਕਾਰ ਇਸ ਤਰ੍ਹਾਂ ਵਧੀ ਤਕਰਾਰ
ਦਿਲਚਸਪ ਹੈ ਕਿ ਕੇਜਰੀਵਾਲ ਅਜੇ ਤੱਕ ਸਿੱਧੂ ਦੀ ਤਾਰੀਫ਼ ਕਰਦੇ ਸਨ। ਉਹ ਕਹਿੰਦੇ ਸਨ ਕਿ ਸਿੱਧੂ ਹਿੰਮਤ ਵਾਲੇ ਹਨ, ਜੋ ਸਟੇਜ ‘ਤੇ ਹੀ ਸੀਐੱਮ ਚੰਨੀ ਦੇ ਸਾਹਮਣੇ ਕਹਿੰਦੇ ਹਨ ਕਿ ਉਹ ਸਸਤੀ ਰੇਤ ‘ਤੇ ਝੂਠ ਬੋਲ ਰਹੇ ਹਨ। ਅਫਸਰਾਂ ਨੂੰ ਹਟਾਉਣ ਦੇ ਮੁੱਦੇ ‘ਤੇ ਵੀ ਕੇਜਰੀਵਾਲ ਨੇ ਸਿੱਧੂ ਦੀ ਤਾਰੀਫ਼ ਕੀਤੀ ਸੀ ਉਹ ਸਹੀ ਗੱਲ ਕਹਿ ਰਹੇ ਹਨ। ਉਦੋਂ ਤੱਕ ਸਿੱਧੂ ਵੀ ਕੇਜਰੀਵਾਲ ‘ਤੇ ਵਾਰ ਨਹੀਂ ਕਰਦੇ ਸਨ।
ਇਸ ਸਭ ਦੇ ਵਿਚਾਲੇ ਕੇਜਰੀਵਾਲ ਨੇ ਇੱਕ ਚੈਨਲ ਦੇ ਇੰਟਰਵਿਊ ਵਿੱਚ ਕਿਹਾ ਕਿ ਸਿੱਧੂ ਦੇ ਨਾਲ ਉਨ੍ਹਾਂ ਦੀ ਗੱਲ ਚੱਲ ਰਹੀ ਸੀ ਅਤੇ ਪਾਰਟੀ ਛੱਡਣ ਨੂੰ ਤਿਆਰ ਬੈਠੇ ਹਨ। ਇਸ ਤੋਂ ਬਾਅਦ ਜਿਵੇਂ ਹੀ ਕੇਜਰੀਵਾਲ ਨੇ ਸਿੱਖਿਆ ਦੇ ਮੁੱਦੇ ‘ਤੇ ਸਿੱਧੂ ਦੇ ਕਰੀਬੀ ਮੰਤਰੀ ਪਰਗਟ ਸਿੰਘ ਨੂੰ ਘੇਰਨਾ ਸ਼ੁਰੂ ਕੀਤਾ, ਤਾਂ ਸਿੱਧੂ ਹਮਲਾਵਰ ਹੋ ਗਏ ਅਤੇ ਕੇਜਰੀਵਾਲ ਦੇ ਖਿਲਾਫ਼ ਖੁੱਲ੍ਹ ਕੇ ਬੋਲਣ ਲੱਗੇ। ਸਿੱਧੂ ਨੇ ਦਿੱਲੀ ਜਾ ਕੇ ਕੇਜਰੀਵਾਲ ਦੇ ਘਰ ਦੇ ਬਾਹਰ ਧਰਨਾ ਵੀ ਦਿੱਤਾ ਸੀ।
