ਬਿਓਰੋ। ਗੁਆਂਢੀ ਮੁਲਕ ਪਾਕਿਸਤਾਨ ਦੀ ਇੱਕ ਹੋਰ ਨਾਪਾਕ ਸਾਜ਼ਿਸ਼ ਨੂੰ ਭਾਰਤ ਨੇ ਨਾਕਾਮ ਕੀਤਾ ਹੈ। ਫ਼ਿਰੋਜ਼ਪੁਰ ‘ਚ BSF ਨੇ ਪਾਕਿਸਤਾਨ ਤੋਂ ਆਏ ਡਰੋਨ ਨੂੰ ਗਿਰਾਉਣ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਖਦਸਾ ਹੈ ਕਿ ਇਹ ਡਰੋਨ ਹੈਰੋਇਨ ਜਾਂ ਹਥਿਆਰ ਦੀ ਖੇਪ ਸੁੱਟ ਕੇ ਵਾਪਸ ਪਰਤ ਰਿਹਾ ਸੀ। ਪੰਜਾਬ ਵਿੱਚ ਇਹ ਪਹਿਲਾ ਅਜਿਹਾ ਮੌਕਾ ਹੈ, ਜਦੋਂ ਪਾਕਿਸਤਾਨ ਤੋਂ ਆਏ ਡਰੋਨ ਨੂੰ ਗਿਰਾਉਣ ਵਿੱਚ ਸਫਲਤਾ ਮਿਲੀ ਹੈ।
ਜਾਣਕਾਰੀ ਮੁਤਾਬਕ, ਸ਼ੁੱਕਰਵਾਰ ਰਾਤ 11 ਵਜੇ ਦੇ ਕਰੀਬ BSF ਬਟਾਲੀਅਨ 103 ਦੇ ਜਵਾਨ ਅਮਰਕੋਟ ਇਲਾਕੇ ਵਿੱਚ ਪੈਟ੍ਰੋਲਿੰਗ ਕਰ ਰਹੇ ਸਨ। ਇਸੇ ਦੌਰਾਨ ਉਨ੍ਹਾਂ ਨੂੰ BOP ਵੌਨ ਦੇ ਨਜ਼ਦੀਕ ਡਰੋਨ ਦੀ ਅਵਾਜ਼ ਸੁਣੀ। BSF ਦੀ ਪੈਟ੍ਰੋਲਿੰਗ ਟੀਮ ਨੇ ਅਵਾਜ਼ ਵੱਲ ਨਿਸ਼ਾਨਾ ਲਗਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਡਰੋਨ ਗਿਰਾਉਣ ਵਿੱਚ ਕਾਮਯਾਬੀ ਮਿਲੀ। ਪਾਕਿਸਤਾਨੀ ਸਰਹੱਦ ਤੋਂ 300 ਮੀਟਰ ਭਾਰਤ ਵੱਲ ਡਰੋਨ ਡਿੱਗਿਆ ਮਿਲਿਆ।
ਚਾਈਨਾ ਮੇਡ ਹੈ ਪਾਕਿਸਤਾਨ ਤੋਂ ਆਇਆ ਡਰੋਨ
ਮਿਲੀ ਜਾਣਕਾਰੀ ਮੁਤਾਬਕ, ਰਿਕਵਰ ਕੀਤਾ ਗਿਆ ਡਰੋਨ ਚਾਈਨਾ ਮੇਡ ਹੈ। ਕਾਲੇ ਰੰਗ ਦੇ ਇਸ ਡਰੋਨ ‘ਤੇ ਕਾਲੀਆਂ ਪੱਟੀਆਂ ਲਾਈਆਂ ਗਈਆਂ ਸਨ, ਤਾਂ ਜੋ ਇਸ ‘ਤੇ ਲੱਗੀਆਂ ਲਾਈਟਸ ਹਨੇਰੇ ਵਿੱਚ ਨਾ ਵੇਖੀਆਂ ਜਾ ਸਕਣ। 6 ਪੱਖਿਆਂ ਵਾਲਾ ਇਹ ਡਰੋਨ ਕਰੀਬ 5 ਫੁੱਟ ਤੱਕ ਚੌੜਾ ਹੈ, ਜੋ ਆਪਣੇ ਨਾਲ 8 ਤੋਂ 10 ਕਿੱਲੋਮੀਟਰ ਤੱਕ ਦਾ ਭਾਰ ਚੁੱਕ ਕੇ ਇੱਕ ਥਾਂ ਤੋਂ ਦੂਜੀ ਥਾਂ ਲਿਜਾ ਸਕਦਾ ਹੈ।
ਸਾਬਕਾ CM ਨੇ ਚੰਨੀ-ਸਿੱਧੂ ‘ਤੇ ਬੋਲਿਆ ਹਮਲਾ
ਸੁਰੱਖਿਆ ਦੇ ਮੁੱਦੇ ‘ਤੇ ਚੰਨੀ ਸਰਕਾਰ ਨੂੰ ਗੈਰ-ਜਿੰਮੇਵਾਰਾ ਦੱਸਣ ਵਾਲੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਇਸ ਘਟਨਾ ਦੇ ਸਾਹਮਣੇ ਆਉਣ ਤੋਂ ਬਾਅਦ ਸੀਐੱਮ ਚੰਨੀ ‘ਤੇ ਵੱਡਾ ਹਮਲਾ ਬੋਲਿਆ। ਉਹਨਾਂ ਤੰਜ ਕਸਦੇ ਹੋਏ ਕਿਹਾ ਕਿ ਸੀਐੱਮ ਨੂੰ ਸਾਰਾ ਦਿਨ ਭੰਗੜਾ ਪਾਉਣ ਦੀ ਬਜਾਏ ਇਸ ਵੱਲ ਧਿਆਨ ਦੇਣਾ ਚਾਹੀਦਾ ਹੈ ਅਤੇ ਆਪਣੇ ਗ੍ਰਹਿ ਮੰਤਰੀ (ਸੁਖਜਿੰਦਰ ਰੰਧਾਵਾ) ਨੂੰ ਐਕਟਿਵ ਹੋ ਕੇ ਡਿਨਾਇਲ ਮੋਡ ਤੋਂ ਬਾਹਰ ਆਉਣ ਲਈ ਕਹਿਣਾ ਚਾਹੀਦਾ ਹੈ।
ਕੈਪਟਨ ਨੇ ਸਿੱਧੂ ਨੂੰ ਵੀ ਨਹੀਂ ਬਖਸ਼ਿਆ। ਉਹਨਾਂ ਨੇ ਚੰਨੀ ਨੂੰ ਟਵਿਟਰ ‘ਤੇ ਕਿਹਾ, “ਜੇਕਰ ਤੁਹਾਡੇ ਪਾਰਟੀ ਪ੍ਰਧਾਨ ਤੁਹਾਡੀ ਸੁਣਦੇ ਹੋਣ, ਤਾਂ ਉਹਨਾਂ ਨੂੰ ਕਹੋ ਕਿ ਉਹ ਆਪਣੇ ਵੱਡੇ ਭਰਾ ਇਮਰਾਨ ਖਾਨ (ਪਾਕਿਸਤਾਨੀ ਪ੍ਰਧਾਨ ਮੰਤਰੀ) ਨੂੰ ਕਹਿਣ ਕਿ ਪੰਜਾਬ ‘ਚ ਗੜਬੜੀ ਫੈਲਾਉਣ ਦੀ ਕੋਸ਼ਿਸ਼ ਨਾ ਕਰਨ।”
Instead of doing Bhangra all day CM Punjab should advice his home minister to get active and come out of denial mode. Also tell your party president (if he listens to you) to ask his elder brother Imran Khan to stop trying to disturb our border state of Punjab! https://t.co/oLBNydBPH2
— Capt.Amarinder Singh (@capt_amarinder) December 18, 2021
2 ਦਿਨ ਪਹਿਲਾਂ CM ਨੇ ਪਾਇਆ ਸੀ ਭੰਗੜਾ
ਚੰਨੀ ਜਦੋਂ ਤੋਂ ਸੀਐੱਮ ਬਣੇ ਹਨ, ਉਦੋਂ ਤੋਂ ਲਗਾਤਾਰ ਕਈ ਜਨਤੱਕ ਮੰਚਾਂ ‘ਤੇ ਭੰਗੜਾ ਪਾਉਂਦੇ ਹੋਏ ਨਜ਼ਰ ਆ ਚੁੱਕੇ ਹਨ। ਸਭ ਤੋਂ ਪਹਿਲਾਂ ਉਹਨਾਂ ਨੂੰ ਫਗਵਾੜਾ ‘ਚ PTU ਯੂਨੀਵਰਸਿਟੀ ਵਿੱਚ ਸਟੇਜ ‘ਤੇ ਭੰਗੜਾ ਪਾਉਂਦੇ ਹੋਏ ਵੇਖਿਆ ਗਿਆ ਸੀ। ਇਸ ਤੋਂ ਬਾਅਦ ਵੀ ਉਹ ਕਈ ਜਗ੍ਹਾ ਥਿਰਕੇ। ਦਿੱਲੀ ਵਿੱਚ ਇੱਕ ਨਿਊਜ਼ ਚੈਨਲ ਦੇ ਪ੍ਰੋਗਰਾਮ ਵਿੱਚ ਹੀ ਉਹ ਖੁਦ ਨੂੰ ਥਿਰਕਣ ਤੋਂ ਰੋਕ ਨਹੀਂ ਸਕੇ। 2 ਦਿਨ ਪਹਿਲਾਂ ਉਹ ਚੰਡੀਗੜ੍ਹ ਯੂਨੀਵਰਸਿਟੀ ਵਿੱਚ ਆਯੋਜਿਤ ਪੰਜਾਬੀ ਕਲਾਕਾਰਾਂ ਦੇ ਸਨਮਾਨ ਸਮਾਰੋਹ ਵਿੱਚ ਗਏ, ਤਾਂ ਉਥੇ ਉਹ ਮਾਸਟਰ ਸਲੀਮ, ਗਿੱਪੀ ਗਰੇਵਾਲ, ਯੋਗਰਾਜ ਸਿੰਘ, ਗੁਰਪ੍ਰੀਤ ਘੁੱਗੀ ਅਤੇ ਸਿੱਧੂ ਮੂਸੇਵਾਲਾ ਦੇ ਨਾਲ ਭੰਗੜਾ ਕਰਦੇ ਹੋਏ ਨਜ਼ਰ ਆਏ।
