ਬਿਓਰੋ। ਕੋਰੋਨਾ ਦੇ ਕਹਿਰ ਵਿਚਾਲੇ ਹੁਣ ਬਲੈਕ ਫੰਗਸ ਨੇ ਟੈਂਸ਼ਨ ਵਧਾ ਦਿੱਤੀ ਹੈ। ਪੰਜਾਬ ‘ਚ ਵੀ ਇਸਦਾ ਕਹਿਰ ਨਜ਼ਰ ਆਉਣ ਲੱਗਿਆ ਹੈ। ਪਟਿਆਲਾ ‘ਚ ਬਲੈਕ ਫੰਗਸ ਨਾਲ 2 ਲੋਕਾਂ ਦੀ ਮੌਤ ਹੋ ਗਈ। ਦੱਸਿਆ ਜਾਂਦਾ ਹੈ ਕਿ ਦੋਵੇਂ ਮਰੀਜ਼ ਰਜਿੰਦਰਾ ਹਸਪਤਾਲ ‘ਚ ਭਰਤੀ ਸਨ। ਪਟਿਆਲਾ ‘ਚ ਹੀ 4 ਹੋਰ ਲੋਕਾਂ ‘ਚ ਬਲੈਕ ਫੰਗਸ ਦੀ ਪੁਸ਼ਟੀ ਹੋਈ ਹੈ, ਜਿਹਨਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ।
ਬਲੈਕ ਫੰਗਸ ਕੀ ਹੈ ?
ਇਹ ਇੱਕ ਦੁਰਲਭ ਅਤੇ ਜਾਨਲੇਵਾ ਫੰਗਲ ਇਨਫੈਕਸ਼ਨ ਹੈ। ਜੇਕਰ ਇਸਦਾ ਸਹੀ ਸਮੇਂ ‘ਤੇ ਇਲਾਜ ਨਾ ਕੀਤਾ ਜਾਵੇ, ਤਾਂ ਅਁਖਾਂ ਦੀ ਰੋਸ਼ਨੀ ਜਾਣ ਤੋਂ ਇਲਾਵਾ ਮੌਤ ਵੀ ਹੋ ਸਕਦੀ ਹੈ। ਸਾਈਨਸ ਤੋਂ ਹੁੰਦੇ ਹੋਏ ਅਁਖਾਂ ਨੂੰ ਆਪਣੀ ਚਪੇਟ ‘ਚ ਲੈਣ ਵਾਲੇ ਇਸ ਫੰਗਲ ਇਨਫੈਕਸ਼ਨ ਨੂੰ ਸਰੀਰ ‘ਚ ਹੋਰ ਫੈਲਣ ਤੋਂ ਰੋਕਣ ਲਈ ਡਾਕਟਰ ਨੂੰ ਸਰਜਰੀ ਕਰਕੇ ਇਨਫੈਕਟੇਡ ਅੱਖ ਜਾਂ ਜਬੜੇ ਦਾ ਉੱਪਰੀ ਹਿੱਸਾ ਕੱਢਣਾ ਪੈਂਦਾ ਹੈ।
ਕਿਸ ‘ਤੇ ਜ਼ਿਆਦਾ ਖ਼ਤਰਾ ?
ਕੋਰੋਨਾ ਨੂੰ ਹਰਾਉਣ ਦੇ 14 ਤੋਂ 15 ਦਿਨ ਬਾਅਦ ਫਲੈਕ ਫੰਗਸ ਦੇ ਮਾਮਲੇ ਵੇਖੇ ਜਾ ਰਹੇ ਹਨ। ਹਾਲਾਂਕਿ ਕੁਝ ਮਰੀਜ਼ਾਂ ਦੇ ਪਾਜ਼ੀਟਿਵ ਹੋਣ ਦੌਰਾਨ ਵੀ ਇਹ ਪਾਇਆ ਗਿਆ ਹੈ। ਇਹ ਬਿਮਾਰੀ ਸਿਰਫ਼ ਉਹਨਾਂ ਨੂੰ ਹੁੰਦੀ ਹੈ, ਜਿਹਨਾਂ ਦੇ ਸਰੀਰ ਦੀ ਪ੍ਰਤੀਰੋਧਕ ਸਮਰੱਥਾ ਘੱਟ ਹੁੰਦੀ ਹੈ। ਹੁਣ ਤੱਕ ਇਹ ਦੇਸ਼ ਦੇ 10 ਤੋਂ ਵੱਧ ਸੂਬਿਆਂ ‘ਚ ਫੈਲ ਚੁੱਕਿਆ ਹੈ।
ਬਲੈਕ ਫੰਗਸ ਦੇ ਲੱਛਣ ਕੀ ਹਨ ?
ਅੱਖਾਂ ‘ਚ ਲਾਲੀ ਜਾਂ ਦਰਦ, ਬੁਖਾਰ, ਖੰਘ, ਸਿਰਦਰਦ, ਸਾਹ ਲੈਣ ‘ਚ ਤਕਲੀਫ਼, ਸਾਫ-ਸਾਫ ਨਜ਼ਰ ਨਾ ਆਉਣਾ, ਉਲਟੀ ‘ਚ ਖੂਨ ਆਉਣਾ ਜਾਂ ਮਾਨਸਿਕ ਸਥਿਤੀ ‘ਚ ਬਦਲਾਅ ਫਲੈਕ ਫੰਗਸ ਦੇ ਲੱਛਣ ਹੋ ਸਕਦੇ ਹਨ।
ਸਟੇਰਾਈਡ ਨਾਲ ਬਲੈਕ ਫੰਗਸ ਦਾ ਖ਼ਤਰਾ
ਕੋਰੋਨਾ ਨਾਲ ਠੀਕ ਹੋਣ ਵਾਲੇ ਜਾਂ ਸੰਕ੍ਰਮਣ ਦੇ ਦੌਰਾਨ ਮਰੀਜ਼ ਬਲੈਕ ਫੰਗਸ ਦੀ ਚਪੇਟ ‘ਚ ਆ ਰਹੇ ਹਨ। ਇਸਦੇ ਚਲਦੇ ਮਰੀਜ਼ਾਂ ਦੀ ਮੌਤ ਤੱਕ ਹੋ ਰਹੀ ਹੈ। ਏਮਜ਼ ਦਿੱਲੀ ਦੇ ਡਾਇਰੈਕਟਰ ਡਾ. ਰਣਦੀਪ ਗੁਲੇਰੀਆ ਦੇ ਮੁਤਾਬਕ, ਆਮ ਤੌਰ ‘ਤੇ 5 ਤੋਂ 10 ਦਿਨ ਤੱਕ ਹੀ ਸਟੇਰਾਈਡ ਦੀ ਲੋੜ ਪੈਂਦੀ ਹੈ। ਇਸ ਤੋਂ ਵੱਧ ਦਿਨਾਂ ਤੱਕ ਮਰੀਜ਼ ਨੂੰ ਇਹ ਦਵਾਈਆਂ ਦਿੱਤੀਆਂ ਜਾਣ, ਤਾਂ ਬਲੈਕ ਫੰਗਸ ਦਾ ਖਦਸ਼ਾ ਕਾਫੀ ਵੱਧ ਜਾਂਦਾ ਹੈ।
ਐੰਟੀ-ਫੰਗਲ ਦਵਾਈਆਂ ਨਾਲ ਇਲਾਜ
ਬਲੈਕ ਫੰਗਸ ਦਾ ਇਲਾਜ ਐਂਟੀ-ਫੰਗਲ ਦਵਾਈਆਂ ਨਾਲ ਹੁੰਦਾ ਹੈ। ਸਰਜਰੀ ਵੀ ਕਰਾਉਣੀ ਪੈ ਸਕਦੀ ਹੈ। ਡਾਕਟਰ ਮੁਤਾਬਕ, ਇਸ ‘ਚ ਡਾਇਬਿਟੀਜ਼ ਕੰਟਰੋਲ ਕਰਨਾ ਬੇਹੱਦ ਜ਼ਰੂਰੀ ਹੈ। ਮਰੀਜ਼ ਦੀ ਸਟੇਰਾਈਡ ਵਾਲੀਆਂ ਦਵਾਈਆਂ ਘੱਟ ਕਰਨੀਆਂ ਪੈਣਗੀਆਂ ਅਤੇ ਇਮਿਊਨ ਮੌਡਿਊਲੇਟਿੰਗ ਡਰੱਗਜ਼ ਬੰਦ ਕਰਨੇ ਪੈਣਗੇ।
ਬਲੈਕ ਫੰਗਸ ਨਵਾਂ ਇਨਫੈਕਸ਼ਨ ਨਹੀਂ
ਮਿਊਕੋ ਮਾਈਕੋਸਿਸ ਯਾਨੀ ਬਲੈਕ ਫੰਗਸ ਕੋਈ ਨਵਾਂ ਇਨਫੈਕਸ਼ਨ ਨਹੀਂ ਹੈ। ਇਹ ਮਾਈਕਰੋਮਾਏਸੀਟਸ ਨਾੰਅ ਦੇ ਫੰਗਸ ਕਾਰਨ ਹੁੰਦਾ ਹੈ ਅਤੇ ਇਹ ਸਰੀਰ ‘ਚ ਤੇਜ਼ੀ ਨਾਲ ਫੈਲਣ ਲਈ ਜਾਣਿਆ ਜਾੰਦਾ ਹੈ। ਇਸ ਤੋਂ ਪਹਿਲਾਂ ਇਸ ਨੂੰ ਜਾਈਗੋਮਾਈਕੋਸਿਸ ਨਾੰਅ ਨਾਲ ਜਾਣਿਆ ਜਾਂਦਾ ਸੀ। ਇਹਨੀਂ ਦਿਨੀਂ ਕੋਵਿਡ ਜਾਂ ਪੋਸਟ ਕੋਵਿਡ ਮਰੀਜ਼ਾਂ ‘ਚ ਬਲੈਕ ਫੰਗਸ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ।
