ਅੰਮ੍ਰਿਤਸਰ। ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਲੰਮੇ ਸਮੇਂ ਬਾਅਦ ਅੰਮ੍ਰਿਤਸਰ ‘ਚ ਮੁੜ ਸਰਗਰਮ ਹੋਏ ਹਨ। 2 ਦਿਨਾਂ ਤੋਂ ਸਿੱਧੂ ਲਗਾਤਾਰ ਅੰਮ੍ਰਿਤਸਰ ‘ਚ ਕਾਂਗਰਸੀ ਆਗੂਆਂ ਨਾਲ ਬੈਠਕਾਂ ਕਰ ਰਹੇ ਹਨ ਅਤੇ ਆਪਣੇ ਗੜ੍ਹ ਨੂੰ ਮੁੜ ਮਜਬੂਤ ਕਰਨ ‘ਚ ਲੱਗੇ ਹਨ।
Holy City Amritsar | The abode of the Great Guru | The eternal bond | 9 August 2021 pic.twitter.com/9WrMtKH1Jx
— Navjot Singh Sidhu (@sherryontopp) August 12, 2021
ਅੰਮ੍ਰਿਤਸਰ ਮੇਰੀ ਕਰਮਭੂਮੀ- ਸਿੱਧੂ
ਦਰਅਸਲ, ਸਿੱਧੂ ਨੇ ਪਿਛਲੇ ਕਾਫੀ ਸਮੇਂ ਤੋ ਪਟਿਆਲਾ ‘ਚ ਡੇਰਾ ਜਮਾਇਆ ਹੋਇਆ ਹੈ। ਅਜਿਹੇ ‘ਚ ਅਗਾਮੀ ਚੋਣਾਂ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਅਟਕਲਾਂ ਲਗਾਈਆਂ ਜਾ ਰਹੀਆਂ ਸਨ। ਪਰ ਹੁਣ ਸਿੱਧੂ ਨੇ ਸਾਫ ਕਰ ਦਿੱਤਾ ਹੈ ਕਿ ਉਹ ਅੰਮ੍ਰਿਤਸਰ ਨੂੰ ਛੱਡਣ ਵਾਲੇ ਨਹੀਂ ਹਨ। ਸਿੱਧੂ ਨੇ ਕਿਹਾ ਕਿ ਪਟਿਆਲਾ ਉਹਨਾਂ ਦੀ ਜਨਮਭੂਮੀ ਹੈ, ਪਰ ਅੰਮ੍ਰਿਤਸਰ ਉਹਨਾਂ ਦੀ ਕਰਮਭੂਮੀ ਹੈ ਅਤੇ ਇਸ ਨੂੰ ਉਹ ਛੱਡ ਨਹੀਂ ਸਕਦੇ। ਸਿੱਧੂ ਨੇ ਕਿਹਾ ਕਿ ਗੁਰੂ ਨਗਰੀ ਦਾ ਵਿਸ਼ਵਾਸ ਕਿਸੇ ਵੀ ਕੀਮਤ ‘ਤੇ ਨਹੀਂ ਟੁੱਟਣ ਦੇਣਗੇ। ਇਸਦੇ ਲਈ ਉਹਨਾਂ ਨੂੰ ਚਾਹੇ ਸਭ ਕੁਝ ਤਿਆਗਣਾ ਪਵੇ।
