December 3, 2022
(Chandigarh)
ਪੰਜਾਬ ਪੁਲਿਸ ਵੱਲੋਂ ਗੈਂਗਸਟਰਾਂ ਦੇ ਖਿਲਾਫ਼ ਲਗਾਤਾਰ ਕਾਰਵਾਈ ਕੀਤੀ ਜਾ ਰਹੀ ਹੈ। ਹੁਣ ਮੋਹਾਲੀ ਪੁਲਿਸ ਨੇ ਭੁੱਪੀ ਰਾਣਾ ਗੈਂਗ ਦੇ ਸਰਗਨਾ ਅੰਕਿਤ ਰਾਣਾ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੰਜਾਬ ਪੁਲਿਸ ਦੀ ਐਂਟੀ ਗੈਂਗਸਟਰ ਟਾਸਕ ਫੋਰਸ ਨੇ ਅੰਕਿਤ ਨੂੰ ਹਰਿਆਣਾ ਦੇ ਬਰਵਾਲਾ ਤੋਂ ਗ੍ਰਿਫ਼ਤਾਰ ਕੀਤਾ ਹੈ।
ਅੰਕਿਤ ਪੰਜਾਬ ਅਤੇ ਹਰਿਆਣਾ ਵਿੱਚ ਹੋਟਲ ਮਾਲਕਾਂ ਤੋਂ ਵਸੂਲੀ ਦਾ ਰੈਕੇਟ ਚਲਾ ਰਿਹਾ ਸੀ। ਉਹ ਗੁਰਗਿਆਂ ਦੇ ਜ਼ਰੀਏ ਵੱਡੇ ਹੋਟਲ ਮਾਲਕਾਂ ਤੋਂ ਰੰਗਦਾਰੀ ਵਸੂਲ ਕਰਦਾ ਸੀ।
In a major breakthrough, #AGTF Punjab, in coordination with @sasnagarpolice has arrested Gangster Ankit Rana, wanted for Baltana Encounter Case & many other criminal cases. Ankit is one of the main Kingpins of extortion rackets in #Punjab–#Haryana. (1/2) pic.twitter.com/bT3VXlVZ3i
— DGP Punjab Police (@DGPPunjabPolice) December 3, 2022
ਜੁਲਾਈ ਮਹੀਨੇ ਵਿੱਚ ਅੰਕਿਤ ਜ਼ੀਰਕਪੁਰ ਦੇ ਬਲਟਾਨਾ ਵਿੱਚ ਆਪਣੇ ਗੁਰਗਿਆਂ ਦੇ ਨਾਲ ਹੋਟਲ ਸੰਚਾਲਕ ਤੋਂ ਰੰਗਦਾਰੀ ਮੰਗਣ ਲਈ ਪਹੁੰਚਿਆ ਸੀ। ਗੈਂਗਸਟਰ ਅੰਕਿਤ ਰਾਣਾ ਨੇ ਉਸ ਵਕਤ ਹੋਟਲ ਮਾਲਕ ਨੂੰ ਧਮਕੀ ਦਿੱਤੀ ਸੀ ਅਤੇ ਕਿਹਾ ਸੀ ਕਿ ਜੇਕਰ ਰੰਗਦਾਰੀ ਨਹੀਂ ਦਿੱਤੀ, ਤਾਂ ਹੋਟਲ ਚੱਲਣ ਨਹੀਂ ਦੇਣਗੇ। ਇਸ ਤੋਂ ਬਾਅਦ ਹੋਟਲ ਸੰਚਾਲਕ ਨੇ 11 ਜੁਲਾਈ ਨੂੰ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ।
ਇਸ ਤੋਂ ਬਾਅਦ ਮੋਹਾਲੀ ਪੁਲਿਸ ਹਰਕਤ ਵਿੱਚ ਆਈ ਅਤੇ ਗੈਂਗਸਟਰ ਅੰਕਿਤ ਰਾਣਾ ਸਮੇਤ ਉਸਦੇ ਗੁਰਗਿਆਂ ਨੂੰ ਗ੍ਰਿਫ਼ਤਾਰ ਕਰਨ ਲਈ ਪਲਾਨ ਤਿਆਰ ਕਰਕੇ ਜਾਲ ਵਿਛਾਇਆ। ਗੁਰਗੇ ਤਾਂ ਜਾਲ ਵਿੱਚ ਫਸ ਗਏ, ਪਰ ਰਾਣਾ ਹੱਥ ਨਹੀਂ ਲੱਗਿਆ ਅਤੇ ਉਹ ਭੱਜਣ ਵਿੱਚ ਕਾਮਯਾਬ ਰਿਹਾ। ਹੁਣ ਕਰੀਬ 5 ਮਹੀਨੇ ਬਾਅਦ ਉਹ ਪੁਲਿਸ ਦੀ ਗ੍ਰਿਫ਼ਤ ਵਿੱਚ ਆਇਆ ਹੈ।
