December 3, 2022
(Fazilka)
BSF ਅਤੇ ਪੰਜਾਬ ਪੁਲਿਸ ਨੇ ਸਾਂਝੇ ਆਪਰੇਸ਼ਨ ਤਹਿਤ ਪਾਕਿਸਤਾਨ ਦੀ ਨਾਪਾਕ ਕੋਸ਼ਿਸ਼ ਨੂੰ ਇੱਕ ਵਾਰ ਫਿਰ ਨਾਕਾਮ ਕਰ ਦਿੱਤਾ। ਫਾਜ਼ਿਲਕਾ ਵਿੱਚ ਡਰੋਨ ਜ਼ਰੀਏ ਸੁੱਟੀ ਗਈ ਨਸ਼ੇ ਦੀ ਵੱਡੀ ਖੇਪ ਬਰਮਦ ਕੀਤੀ ਗਈ ਹੈ। BSF ਨੇ ਫਾਜ਼ਿਲਕਾ ਪੁਲਿਸ ਦੇ ਨਾਲ ਮਿਲ ਕੇ ਕਰੀਬ 27 ਕਿੱਲੋ ਹੈਰੋਇਨ ਬਰਾਮਦ ਕੀਤੀ ਹੈ, ਜਿਸਦੀ ਕੀਮਤ ਕਰੀਬ 135 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ।
In a major blow to trans-border smuggling networks,#BSF & @FazilkaPolice have jointly recovered 26.850 Kg #Heroin in #Fazilka. An FIR has been registered, & further investigation ongoing@PunjabPoliceInd is committed to make Punjab drug-free as per the vision of CM @BhagwantMann pic.twitter.com/ebq6gKpAw6
— DGP Punjab Police (@DGPPunjabPolice) December 3, 2022
ਜਾਣਕਾਰੀ ਮੁਤਾਬਕ, ਸ਼ਨੀਵਾਰ ਤੜਕੇ BSF ਦੇ ਜਵਾਨਾਂ ਨੇ ਪੰਜਾਬ ਦੇ ਫਾਜ਼ਿਲਕਾ ਜ਼ਿਲ੍ਹੇ ਵਿੱਚ ਚੂਰੀਵਾਲਾ ਚੁਸਤੀ ਪਿੰਡ ਦੇ ਨਜ਼ਦੀਕ ਭਾਰਤ-ਪਾਕਿਸਤਾਨ ਸਰਹੱਦ ‘ਤੇ ਇੱਕ ਡਰੋਨ ਦੀ ਅਵਾਜ਼ ਸੁਣੀ। ਫੌਜੀਆਂ ਨੇ ਡਰੋਨ ਨੂੰ ਗੋਲੀ ਮਾਰ ਕੇ ਰੋਕਣ ਦੀ ਕੋਸ਼ਿਸ਼ ਕੀਤੀ, ਪਰ ਅੱਗੇ ਜਾ ਕੇ ਡਰੋਨ ਕੁਝ ਪੈਕੇਟ ਸੁੱਟ ਕੇ ਪਾਕਿਸਤਾਨ ਦੀ ਸਰਹੱਦ ਵਿੱਚ ਦਾਖਲ ਹੋ ਗਿਆ। ਬਾਅਦ ਵਿੱਚ ਛਾਣਬੀਨ ਕਰਨ ‘ਤੇ ਵੱਖ-ਵੱਖ ਪੈਕਟਾਂ ਵਿਚੋਂ 26.850 ਕਿੱਲੋ ਹੈਰੋਇਨ ਬਰਾਮਦ ਕੀਤੀ ਗਈ। ਇਸਦੇ ਨਾਲ ਹੀ 1 ਪਿਸਟਲ, 2 ਮੈਗਜ਼ੀਨ ਅਤੇ 9 ਐੱਮ.ਐੱਮ. ਦੇ 50 ਰਾਊਂਡ ਬਰਾਮਦ ਕੀਤੇ ਗਏ।
