ਬਿਓਰੋ। ਦੇਸ਼ ‘ਚ ਕੋਰੋਨਾ ਦੇ ਨਵੇਂ ਮਾਮਲਿਆਂ ‘ਚ ਬੇਸ਼ੱਕ ਕਮੀ ਆਈ ਹੈ, ਪਰ ਇਸਦਾ ਕਹਿਰ ਹਾਲੇ ਘੱਟ ਨਹੀਂ ਹੋਇਆ ਹੈ। ਮੌਤਾਂ ਦਾ ਅੰਕੜਾ ਲਗਾਤਾਰ ਵੱਧ ਰਿਹਾ ਹੈ। ਕੋਰੋਨਾ ਨਾਲ ਕਈ ਪਰਿਵਾਰ ਤਬਾਹ ਹੋ ਰਹੇ ਹਨ। ਗਰੀਬਾਂ ‘ਤੇ ਇਸਦੀ ਸਭ ਤੋਂ ਵੱਧ ਮਾਰ ਪੈ ਰਹੀ ਹੈ। ਅਜਿਹੇ ‘ਚ ਪੰਜਾਬ ‘ਚ ਕੋਰੋਨਾ ਨਾਲ ਪ੍ਰਭਾਵਿਤ ਲੋਕਾਂ ਲਈ ਰਿਆਇਤ ਦੀ ਮੰਗ ਉਠਣ ਲੱਗੀ ਹੈ।
ਪੀੜਤਾਂ ਨੂੰ ਆਰਥਿਕ ਮਦਦ ਮਿਲੇ- ‘ਆਪ’
ਆਮ ਆਦਮੀ ਪਾਰਟੀ ਨੇ ਕੈਪਟਨ ਸਰਕਾਰ ਤੋਂ ਦਿੱਲੀ ਦੀ ਤਰਜ ‘ਤੇ ਲੋਕਾਂ ਨੂੰ ਰਾਹਤ ਦੇਣ ਦੀ ਮੰਗ ਕੀਤੀ ਹੈ। ‘ਆਪ’ ਆਗੂਆਂ ਨੇ ਚੰਡੀਗੜ੍ਹ ‘ਚ ਇੱਕ ਪ੍ਰੈੱਸ ਕਾਨਫ਼ਰੰਸ ਕਰਕੇ ਕਿਹਾ ਕਿ ਪੰਜਾਬ ਸਰਕਾਰ ਨੂੰ ਲੋਕਾਂ ‘ਤੇ ਰਹਿਮ ਕਰਨਾ ਚਾਹੀਦਾ ਹੈ ਅਤੇ ਮਦਦ ਲਈ ਹੱਥ ਅੱਗੇ ਵਧਾਉਣਾ ਚਾਹੀਦਾ ਹੈ। ‘ਆਪ’ ਦੀ ਮੰਗ ਹੈ ਕਿ ਜ਼ਰੂਰਤਮੰਦ ਲੋਕਾਂ ਨੂੰ ਪੰਜਾਬ ਸਰਕਾਰ ਆਰਥਿਕ ਮਦਦ ਪ੍ਰਦਾਨ ਕਰੇ।
ਪੰਜਾਬ ਦੇ ਲੋਕ ਮਰ ਰਹੇ ਨੇ ਪਰ @capt_amarinder ਸਾਹਿਬ ਆਪਣੇ ਫਾਰਮ ਹਾਊਸ 'ਚ ਅਤੇ ਮੰਤਰੀ ਆਪਣੀ ਕੁਰਸੀ ਦੀ ਲੜ੍ਹਾਈ ਲੜ੍ਹ ਰਹੇ ਨੇ।
ਇੱਕ ਪਾਸੇ ਆਮ ਆਦਮੀ ਪਾਰਟੀ ਹੈ ਜਿਹੜੀ ਲੋਕਾਂ ਦੇ ਦਰਦ ਨੂੰ ਵੀ ਸਮਝਦੀ ਹੈ ਅਤੇ ਲੋਕਾਂ ਦੇ ਨਾਲ਼ ਹਮੇਸ਼ਾ ਖੜ੍ਹਦੀ ਹੈ, ਭਾਵੇਂ ਜਿਹੜੀ ਮਰਜ਼ੀ ਭੀੜ ਪਵੇ- @meet_hayer pic.twitter.com/hYSRllSpIq
— AAP Punjab (@AAPPunjab) May 19, 2021
ਨਿੱਜੀ ਹਸਪਤਾਲਾਂ ‘ਚ ਮੁਫਤ ਇਲਾਜ ਮਿਲੇ- ਸੁਖਬੀਰ
ਬਠਿੰਡਾ ਪਹੁੰਚੇ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਬਿਨ੍ਹਾਂ ਦਿੱਲੀ ਸਰਕਾਰ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਨਿੱਜੀ ਹਸਪਤਾਲਾਂ ‘ਚ ਕੋਰੋਨਾ ਮਰੀਜ਼ਾਂ ਦੇ ਇਲਾਜ ਦਾ ਖਰਚਾ ਪੰਜਾਬ ਸਰਕਾਰ ਨੂੰ ਚੁੱਕਣਾ ਚਾਹੀਦਾ ਹੈ। ਸੁਖਬੀਰ ਨੇ ਕਿਹਾ ਕਿ ਨਿੱਜੀ ਹਸਪਤਾਲ ਇਲਾਜ ਦੇ ਨਾੰਅ ‘ਤੇ ਲੋਕਾਂ ਨੂੰ ਲੁੱਟਣ ਲੱਗੇ ਹਨ। ਪੰਜਾਬ ਸਰਕਾਰ ਨੂੰ ਅਜਿਹੇ ਹਸਪਤਾਲਾਂ ਨੂੰ ਆਪਣੇ ਕੰਟਰੋਲ ‘ਚ ਲੈ ਕੇ ਰਾਹਤ ਦੇਣੀ ਚਾਹੀਦੀ ਹੈ। ਸੁਖਬੀਰ ਬਾਦਲ ਇਥੇ ਅਕਾਲੀ ਦਲ ਵੱਲੋਂ ਖੋਲ੍ਹੇ ਗਏ ਇੱਕ ਆਕਸੀਜ਼ਨ ਸੈਂਟਰ ਦਾ ਉਦਘਾਟਨ ਕਰਨ ਪਹੁੰਚੇ ਸਨ।
#Pandemic should be declared a calamity & Pb govt should offer free treatment in pvt hospitals to all BPL families. It should also ensure adequate supply of #oxygen & medicines to #Covid patients. SAD is committed to upgrading rural health infra once elected to power in 2022. 3/3 pic.twitter.com/Us084ey4G4
— Sukhbir Singh Badal (@officeofssbadal) May 19, 2021
ਬੀਜੇਪੀ ਨੇ ਮੰਗਿਆ ਆਰਥਿਕ ਪੈਕੇਜ
ਪੰਜਾਬ ਬੀਜੇਪੀ ਦੇ ਪ੍ਰਧਾਨ ਅਸ਼ਵਨੀ ਸ਼ਰਮਾ ਨੇ ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਨੂੰ ਖੁੱਲ੍ਹਾ ਪੱਤਰ ਲਿਖਿਆ ਹੈ, ਜਿਸ ‘ਚ ਉਹਨਾਂ ਨੇ ਕੋਰੋਨਾ ਮਰੀਜ਼ਾਂ, ਛੋਟੇ ਉਦਯੋਗਪਤੀਆਂ, ਦੁਕਾਨਦਾਰਾਂ ਅਤੇ ਦਿਹਾੜੀ ਮਜ਼ਦੂਰਾਂ ਲਈ ਆਰਥਿਕ ਪੈਕੇਜ ਦੀ ਮੰਗ ਕੀਤੀ ਹੈ। ਇਸ ਤੋਂ ਇਲਾਵਾ ਉਹਨਾਂ ਵੱਲੋਂ ਮੱਧਮਵਰਗੀ ਪਰਿਵਾਰਾਂ ਨੂੰ ਟੈਕਸ ਅਤੇ ਬਿਜਲੀ-ਪਾਣੀ ਦੇ ਬਿੱਲ ਮੁਆਫ਼ ਕੀਤੇ ਜਾਣ ਦੀ ਵੀ ਮੰਗ ਕੀਤੀ ਗਈ ਹੈ। ਅਸ਼ਵਨੀ ਸ਼ਰਮਾ ਨੇ ਆਪਣੇ ਪੱਤਰ ‘ਚ ਯੂਪੀ ਦੀ ਯੋਗੀ ਸਰਕਾਰ
ਕਾਂਗਰਸ ‘ਚ ਵੀ ਉਠੀ ਰਾਹਤ ਦੀ ਮੰਗ
ਓਧਰ ਕਾਂਗਰਸ ਪਾਰਟੀ ਅੰਦਰ ਵੀ ਕੋਰੋਨਾ ਕਾਲ ‘ਚ ਜ਼ਰੂਰਤਮੰਦਾਂ ਨੂੰ ਰਿਆਇਤ ਦੇਣ ਦੀ ਮੰਗ ਉਠਣ ਲੱਗੀ ਹੈ। ਕਾਂਗਰਸ ਸਾਂਸਦ ਪ੍ਰਤਾਪ ਬਾਜਵਾ ਨੇ ਸੀਐੱਮ ਨੂੰ ਚਿੱਠੀ ਲਿਖ ਕੇ ਮੰਗ ਕੀਤੀ ਕਿ ਕੋਰੋਨਾ ਨਾਲ ਮਰਨ ਵਾਲੇ ਲੋਕਾਂ ਦੇ ਪਰਿਵਾਰਾਂ ਨੂੰ ਸਰਕਾਰ 1-1 ਲੱਖ ਰੁਪਏ ਦੀ ਆਰਥਿਕ ਮਦਦ ਦੇਵੇ। ਨਾਲ ਹੀ ਜਿਹਨਾਂ ਬੱਚਿਆਂ ਦੇ ਮਾਂ-ਬਾਪ ਦੀ ਕੋਰੋਨਾ ਨਾਲ ਮੌਤ ਹੋ ਜਾਵੇ, ਉਹਨਾਂ ਦੀ ਪੜ੍ਹਾਈ ਦਾ ਖਰਚ ਵੀ ਸਰਕਾਰ ਨੂੰ ਚੁੱਕਣਾ ਚਾਹੀਦਾ ਹੈ।
ਖਾਸ ਗੱਲ ਇਹ ਵੀ ਹੈ ਕਿ ਸੀਐੱਮ ਕੈਪਟਨ ਤੋਂ ਕੀਤੀ ਗਈ ਇਸ ਮੰਗ ਬਾਰੇ ਟਵੀਟ ਕਰਦਿਆਂ ਪ੍ਰਤਾਪ ਬਾਜਵਾ ਨੇ ਰਾਹੁਲ ਗਾਂਧੀ ਨੂੰ ਵੀ ਟੈਗ ਕੀਤਾ ਹੈ। ਮਤਲਬ ਸਾਫ਼ ਹੈ ਕਿ ਪੰਜਾਬ ਕਾਂਗਰਸ ਅੰਦਰ ਜਾਰੀ ਕਾਟੋ-ਕਲੇਸ਼ ਵਿਚਾਲੇ ਉਹ ਸਰਗਰਮ ਸਿਆਸਤ ‘ਚ ਆਪਣੀ ਸ਼ਮੂਲੀਅਤ ਕਾਂਗਰਸ ਹਾਈਕਮਾਨ ਕੋਲ ਦਰਜ ਕਰਵਾਉਣਾ ਚਾਹੁੰਦੇ ਹਨ।
Urge Govt of Punjab under @capt_amarinder ji to release Rs 1 Lakh to families who have lost members to pandemic.I have also suggested steps to take care of children who have lost their parents to COVID19. Punjab must be a leader in ensuring social welfare for all. @RahulGandhi ji pic.twitter.com/ivbgtDpzkD
— Partap Singh Bajwa (@Partap_Sbajwa) May 18, 2021
ਕੀ ਹੈ ਕੇਜਰੀਵਾਲ ਦਾ ‘ਹੈਲਪ ਮਾਡਲ’ ?
- ਦਿੱਲੀ ਸਰਕਾਰ 72 ਲੱਖ ਲੋਕਾਂ ਨੂੰ ਇਸ ਮਹੀਨੇ 10 ਕਿੱਲੋ ਰਾਸ਼ਨ ਦੇਵੇਗੀ। ਇਸਦੇ ਲਈ ਰਾਸ਼ਨ ਕਾਰਡ ਜ਼ਰੂਰੀ ਨਹੀਂ ਹੋਵੇਗਾ।
- ਜਿਸ ਵੀ ਪਰਿਵਾਰ ‘ਚ ਕੋਰੋਨਾ ਨਾਲ ਕਿਸੇ ਦੀ ਮੌਤ ਹੋਈ ਹੈ, ਉਸ ਨੂੰ ਦਿੱਲੀ ਸਰਕਾਰ 50 ਹਜ਼ਾਰ ਦੀ ਆਰਥਿਕ ਮਦਦ ਦੇਵੇਗੀ।
- ਜਿਸ ਪਰਿਵਾਰ ‘ਚ ਕਮਾਉਣ ਵਾਲੇ ਸ਼ਖਸ ਦੀ ਕੋਰੋਨਾ ਨਾਲ ਮੌਤ ਹੋਈ ਹੈ, ਉਸ ਪਰਿਵਾਰ ਨੂੰ 50 ਹਜ਼ਾਰ ਮੁਆਵਜ਼ੇ ਦੇ ਨਾਲ-ਨਾਲ 2500 ਰੁਪਏ ਮਹੀਨਾ ਪੈਨਸ਼ਨ ਦਿੱਤੀ ਜਾਵੇਗੀ।
- ਦਿੱਲੀ ‘ਚ ਕੋਰੋਨਾ ਨਾਲ ਅਨਾਥ ਹੋਣ ਵਾਲੇ ਬੱਚਿਆਂ ਨੂੰ 25 ਸਾਲ ਦੀ ਉਮਰ ਤੱਕ ਦਿੱਲੀ ਸਰਕਾਰ 2500 ਰੁਪਏ ਪੈਨਸ਼ਨ ਦੇਵੇਗੀ। ਇਸ ਤੋਂ ਇਲਾਵਾ ਉਹਨਾਂ ਦੀ ਪੜ੍ਹਾਈ ਦਾ ਵੀ ਸਾਰਾ ਖਰਚ ਸਰਕਾਰ ਚੁੱਕੇਗੀ।
