ਬਿਓਰੋ, September 4, 2022
ਸੰਗਰੂਰ ਤੋੰ ਲੁਧਿਆਣਾ ਵੱਲ ਜਾਣ ਲਈ ਰਾਹ ‘ਚ ਆਉੰਦੇ 2 ਟੋਲ ਪਲਾਜ਼ਾ ਬੰਦ ਕਰ ਦਿੱਤੇ ਗਏ ਹਨ। CM ਭਗਵੰਤ ਮਾਨ ਨੇ ਧੁਰੀ ਪਹੁੰਚ ਕੇ ਇਸਦਾ ਐਲਾਨ ਕੀਤਾ। ਮਾਨ ਨੇ ਦਾਅਵਾ ਕੀਤਾ ਕਿ ਰਾਤ 12 ਵਜੇ ਤੋੰ ਬਾਅਦ ਦੋਵੇੰ ਟੋਲ ਪਲਾਜ਼ਾ ਬੰਦ ਹੋ ਜਾਣਗੇ।
‘ਕੰਪਨੀ ਨੇ 6 ਮਹੀਨੇ ਜਾੰ 50 ਕਰੋੜ ਮੰਗੇ ਸਨ’
CM ਮਾਨ ਨੇ ਕਿਹਾ ਕਿ ਕੰਪਨੀ ਨੇ ਉਹਨਾੰ ਤੋੰ 6 ਮਹੀਨਿਆੰ ਦਾ ਸਮਾੰ ਮੰਗਿਆ ਸੀ। ਸਮਾੰ ਨਾ ਦੇਣ ‘ਤੇ 50 ਕਰੋੜ ਦਾ ਮੁਆਵਜ਼ਾ ਮੰਗਿਆ ਗਿਆ ਸੀ। ਕੰਪਨੀ ਇਸਦੇ ਲਈ ਕੋਰੋਨਾ ਅਤੇ ਕਿਸਾਨ ਅੰਦੋਲਨ ਦੌਰਾਨ ਹੋਏ ਨੁਕਸਾਨ ਦਾ ਤਰਕ ਦੇ ਰਹੀ ਸੀ। ਉਹਨਾੰ ਕਿਹਾ, “ਕੋਈ ਹੋਰ ਸਰਕਾਰ ਹੁੰਦੀ, ਤਾੰ 6 ਦੀ ਥਾੰ 10 ਮਹੀਨੇ ਦੇ ਦਿੰਦੀ ਕਿ ਬਾਕੀ ਪੈਸੇ ਸਾਨੂੰ ਦੇ ਦਿਓ। ਪਰ ‘ਆਪ’ ਸਰਕਾਰ ਨੇ ਕੰਪਨੀ ਦੀ ਮੰਗ ਖਾਰਜ ਕਰ ਦਿੱਤੀ।”
‘ਨੁਕਸਾਨ ਸਭ ਨੇ ਝੱਲਿਆ, ਕੰਪਨੀ ਵੀ ਝੱਲੇ’
CM ਮਾਨ ਨੇ ਕਿਹਾ ਕਿ ਕੰਪਨੀ ਨੇ ਜਦੋੰ ਕੋਰੋਨਾ ਦੇ ਚਲਦੇ ਨੁਕਸਾਨ ਹੋਣ ਦੀ ਗੱਲ ਕਹੀ, ਤਾੰ ਮੈੰ ਕਿਹਾ, “ਕੋਰੋਨਾ ਕੁਦਰਤੀ ਆਫਤ ਸੀ, ਜਿਸ ਕਾਰਨ ਪੂਰੀ ਦੁਨੀਆ ਨੂੰ ਨੁਕਸਾਨ ਝੱਲਣਾ ਪਿਆ ਹੈ। ਆਮ ਲੋਕਾੰ ਨੂੰ ਸਭ ਤੋੰ ਵੱਧ ਘਾਟਾ ਪਿਆ। ਜਦੋੰ ਸਾਰਿਆੰ ਨੂੰ ਨੁਕਸਾਨ ਝੱਲਣਾ ਪਿਆ, ਤਾੰ ਕੰਪਨੀ ਵੀ ਝੱਲੇ।” ਉਹਨਾੰ ਕਿਹਾ ਕਿ ਕਿਸਾਨ ਅੰਦੋਲਨ ਇਸ ਲਈ ਹੋਇਆ, ਕਿਉੰਕਿ ਕੇੰਦਰ ਨੇ ਗਲਤ ਕਾਨੂੰਨ ਬਣਾਏ ਸਨ। ਇਸ ਲਈ ਕੰਪਨੀ ਨੂੰ ਕੋਈ ਮੁਆਵਜ਼ਾ ਨਹੀੰ ਦਿੱਤਾ ਜਾਵੇਗਾ।
ਜਿੰਨੇ ਦਾ ਡੀਜ਼ਲ, ਓਨਾ ਟੈਕਸ ਲਗਦਾ- CM
CM ਭਗਵੰਤ ਮਾਨ ਨੇ ਕਿਹਾ ਕਿ ਸੰਗਰੂਰ ਤੋੰ ਲੁਧਿਆਣਾ ਜਾਣ ਵਾਲੀ ਰੋਡ ‘ਤੇ 70 ਕਿੱਲੋਮੀਟਰ ਦੇ ਰਸਤੇ ‘ਚ 2 ਟੋਲ ਪਲਾਜ਼ਾ ਆਉੰਦੇ ਹਨ। ਜਿੰਨੇ ਦਾ ਡੀਜ਼ਲ ਲਗਦਾ ਹੈ, ਓਨਾ ਹੀ ਟੈਕਸ ਭਰਨਾ ਪੈੰਦਾ ਹੈ। ਉਹਨਾੰ ਕਿਹਾ, “ਜਦੋੰ ਸ਼ੋਅਰੂਮ ‘ਚੋੰ ਲੋਕ ਗੱਡੀ ਖਰੀਦਦੇ ਹਨ, ਤਾੰ 8 ਫ਼ੀਸਦ ਰੋਡ ਟੈਕਸ ਦਿੰਦੇ ਹਨ, ਤਾੰ ਫਿਰ ਉਹਨਾੰ ਤੋੰ ਟੋਲ ਟੈਕਸ ਕਿਉੰ ਵਸੂਲਿਆ ਜਾੰਦਾ ਹੈ।”
