ਬਿਓਰੋ। ਪੰਜਾਬ ਵਿੱਚ ED ਦੀ ਛਾਪੇਮਾਰੀ ਤੋਂ ਬਾਅਦ ਵਿਰੋਧੀਆਂ ਦੇ ਨਿਸ਼ਾਨੇ ‘ਤੇ ਆਏ ਸੀਐੱਮ ਚਰਨਜੀਤ ਚੰਨੀ ਹੁਣ ਪੂਰੇ ਅਟੈਕਿੰਗ ਮੋਡ ਵਿੱਚ ਹਨ। ਚੰਨੀ ਨੇ ਸਭ ਤੋਂ ਪਹਿਲਾਂ ਕੇਜਰੀਵਾਲ ਦੇ ਖ਼ਿਲਾਫ਼ ਮੋਰਚਾ ਖੋਲ੍ਹਿਆ ਹੈ। ਦਿੱਲੀ ਸੀਐੱਮ ਦੀ ਬਿਆਨਬਾਜ਼ੀ ਤੋਂ ਨਾਰਾਜ਼ ਚੰਨੀ ਨੇ ਉਨ੍ਹਾਂ ਦੇ ਖਿਲਾਫ ਮਾਨਹਾਨੀ ਦਾ ਕੇਸ ਕਰਨ ਦਾ ਐਲਾਨ ਕਰ ਦਿੱਤਾ ਹੈ। ਚੰਨੀ ਨੇ ਕਿਹਾ ਕਿ ਬਿਆਨਬਾਜ਼ੀ ਦੀ ਵੀ ਇੱਕ ਹੱਦ ਹੈ, ਜਿਸਨੂੰ ਕੇਜਰੀਵਾਲ ਨੇ ਲੰਘਣ ਦਾ ਕੰਮ ਕੀਤਾ ਹੈ।
ਮੁਆਫੀ ਮੰਗ ਕੇ ਭੱਜ ਜਾਂਦੇ ਹਨ ਕੇਜਰੀਵਾਲ- ਚੰਨੀ
ਸੀਐੱਮ ਚੰਨੀ ਨੇ ਕਿਹਾ ਕਿ ਕੇਜਰੀਵਾਲ ਦੀ ਆਦਤ ਹੈ ਕਿ ਪਹਿਲਾਂ ਵੱਡੇ ਇਲਜਾਮ ਲਗਾਉਂਦੇ ਹਨ ਅਤੇ ਚੋਣਾਂ ਖਤਮ ਹੋਣ ਤੋਂ ਬਾਅਦ ਮੁਆਫੀ ਮੰਗ ਕੇ ਭੱਜ ਜਾਂਦੇ ਹਨ। ਪਹਿਲਾਂ ਵੀ ਨਿਤਿਨ ਗਡਕਰੀ, ਅਰੁਣ ਜੇਟਲੀ ਅਤੇ ਬਿਕਰਮ ਮਜੀਠੀਆ ਦੇ ਮਾਮਲੇ ਵਿੱਚ ਕੇਜਰੀਵਾਲ ਅਜਿਹਾ ਕਰ ਚੁੱਕੇ ਹਨ। ਪਰ ਉਹ ਉਨ੍ਹਾਂ ਨੂੰ ਮੁਆਫ ਨਹੀਂ ਕਰਨਗੇ ਅਤੇ ਕੇਜਰੀਵਾਲ ਦੇ ਖਿਲਾਫ਼ ਸਿਆਸੀ ਅਤੇ ਕਾਨੂੰਨੀ ਲੜਾਈ ਲੜਨ ਨੂੰ ਤਿਆਰ ਹਨ।
ਬੇਈਮਾਨ ਕਹਿਣ ‘ਤੇ ਗੁੱਸੇ ਵਿੱਚ ਹਨ ਚੰਨੀ
ਦਰਅਸਲ, ED ਦੀ ਛਾਪੇਮਾਰੀ ਤੋਂ ਬਾਅਦ ਚੰਨੀ ਕੇਜਰੀਵਾਲ ਦੇ ਨਿਸ਼ਾਨੇ ‘ਤੇ ਹਨ। ਕੇਜਰੀਵਾਲ ਉਨ੍ਹਾਂ ਨੂੰ ਬੇਈਮਾਨ ਅਤੇ ਚੋਰ ਤੱਕ ਕਹਿ ਚੁੱਕੇ ਹਨ। ਚੰਨੀ ਦੇ ਰਿਸ਼ਤੇਦਾਰ ਦੇ ਘਰ 10 ਕਰੋੜ ਮਿਲਣ ਦੇ ਮਾਮਲੇ ਦਾ ਕੇਜਰੀਵਾਲ ਜੰਮ ਕੇ ਲਾਹਾ ਲੈ ਰਹੇ ਹਨ ਅਤੇ ਇਸ ਰਕਮ ਨੂੰ ਸੀਐੱਮ ਦੀ ਗੈਰ-ਕਾਨੂੰਨੀ ਕਮਾਈ ਦੱਸ ਰਹੇ ਹਨ। ਆਪਣੇ ਤਾਜ਼ਾ ਟਵੀਟ ਵਿੱਚ ਤਾਂ ਕੇਜਰੀਵਾਲ ਨੇ ਚਮਕੌਰ ਸਾਹਿਬ ਵਿੱਚ ਚੰਨੀ ਦੀ ਹਾਰ ਦਾ ਦਾਅਵਾ ਤੱਕ ਕਰ ਦਿੱਤਾ।
ਕੇਜਰੀਵਾਲ ਨੇ ਆਪਣੇ ਟਵੀਟ ਵਿੱਚ ਲਿਖਿਆ, “ਸਾਡਾ ਸਰਵੇ ਵਿਖਾ ਰਿਹਾ ਹੈ ਕਿ ਚੰਨੀ ਚਮਕੌਰ ਸਾਹਿਬ ਸੀਟ ਤੋਂ ਹਾਰ ਰਹੇ ਹਨ। ਟੀਵੀ ‘ਤੇ ED ਦੇ ਅਫ਼ਸਰਾਂ ਨੂੰ ਨੋਟਾਂ ਦੀਆਂ ਇੰਨੀਆਂ ਮੋਟੀਆਂ ਗੱਡੀਆਂ ਗਿਣਦੇ ਵੇਖ ਕੇ ਲੋਕ ਸਦਮੇ ਵਿੱਚ ਹਨ।
हमारा सर्वे दिखा रहा है कि चन्नी जी चमकौर साहिब से हार रहे हैं। TV पर ED के अफ़सरों द्वारा इतनी मोटी मोटी नोटों की गड्डियाँ गिनते देख लोग सदमे में हैं। https://t.co/Ret9DDiUGP
— Arvind Kejriwal (@ArvindKejriwal) January 21, 2022
ਕੀ ਹੈ ਪੂਰਾ ਮਾਮਲਾ?
ਦਰਅਸਲ, ਗੈਰ-ਕਾਨੂੰਨੀ ਮਾਈਨਿੰਗ ਦੇ ਮਾਮਲੇ ਵਿੱਚ ED ਨੇ ਸੀਐੱਮ ਦੇ ਭਾਣਜੇ ਦੇ ਠਿਕਾਣਿਆਂ ‘ਤੇ ਛਾਪੇਮਾਰੀ ਕੀਤੀ ਅਤੇ 10 ਕਰੋੜ ਤੋਂ ਵੱਧ ਕੈਸ਼ ਬਰਾਮਦ ਕੀਤਾ। ਸੀਐੱਮ ਦੇ ਭਾਣਜੇ ਅਤੇ ਉਨ੍ਹਾਂ ਦੇ ਸਾਥੀਆਂ ਤੋਂ ED ਨੇ 10 ਕਰੋੜ ਕੈਸ਼, 12 ਲੱਖ ਦੀ ਰੋਲੈਕਸ ਘੜੀ, 21 ਲੱਖ ਦਾ ਸੋਨਾ ਅਤੇ ਕੁਝ ਅਹਿਮ ਦਸਤਾਵੇਜ਼ ਬਰਾਮਦ ਕਰਨ ਦਾ ਦਾਅਵਾ ਕੀਤਾ ਹੈ। ਹਾਲਾਂਕਿ ਸੀਐੱਮ ਚੰਨੀ ED ਦੀ ਰੇਡ ਨੂੰ ਸਿਆਸੀ ਬਦਲਾਖੋਰੀ ਦੱਸ ਰਹੇ ਹਨ। ਇਸ ਮਾਮਲੇ ਵਿੱਚ ਕਾਂਗਰਸ ਚੋਣ ਕਮਿਸ਼ਨ ਕੋਲ ਸ਼ਿਕਾਇਤ ਵੀ ਕਰ ਚੁੱਕੀ ਹੈ
