ਬਿਓਰੋ, September 5, 2022
ਭਾਰਤ ‘ਚ ਕ੍ਰਿਕਟ ਦੇ ਚਾਹਵਾਨਾੰ ਨੂੰ ਜੇਕਰ ਕਿਸੇ ਮੈਚ ਦਾ ਬੇਸਬਰੀ ਨਾਲ ਇੰਤਜ਼ਾਰ ਰਹਿੰਦਾ ਹੈ, ਉਹ ਹੈ ਭਾਰਤ-ੱਪਾਕਿਸਤਾਨ ਮੈਚ ਦਾ। ਦੇਸ਼ ਦਾ ਹਰ ਨਾਗਰਿਕ ਇਸ ਮੈਚ ਵਿੱਚ ਪਾਕਿਸਤਾਨ ਨੂੰ ਹਾਰਦੇ ਵੇਖਣਾ ਚਾਹੁੰਦਾ ਹੈ। ਇਸਦੇ ਲਈ ਪਹਿਲਾੰ ਤਾੰ ਭਾਰਤ ਦੇ ਪਲੇਇੰਗ-11 ਤੋੰ ਕਾਫੀ ਆਸ ਲਗਾਈ ਜਾੰਦੀ ਹੈ ਹੈ ਤੇ ਜੇਕਰ ਮੈਚ ਖਤਮ ਹੁੰਦੇ-ਹੁੰਦੇ ਕਿਤੇ ਆਸ ਟੁੱਟ ਜਾਵੇ, ਤਾੰ ਬਿਹਤਰੀਨ ਤੋੰ ਬਿਹਤਰੀਨ ਖਿਡਾਰੀ ਨੂੰ ਵੀ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ ਜਾੰਦਾ ਹੈ।
ਕੁਝ ਅਜਿਹਾ ਹੀ ਏਸ਼ੀਆ ਕੱਪ ‘ਚ ਪਾਕਿਸਤਾਨ ਹੱਥੋੰ ਭਾਰਤ ਨੂੰ ਮਿਲੀ ਹਾਰ ਤੋੰ ਬਾਅਦ ਵੇਖਣ ਨੂੰ ਮਿਲਿਆ। ਐਤਵਾਰ ਨੂੰ ਭਾਰਤੀ ਟੀਮ ਨੂੰ ਪਾਕਿਸਤਾਨ ਦੇ ਖਿਲਾਫ਼ 5 ਵਿਕਟਾੰ ਦੇ ਫਰਕ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਮੈਚ ਦੀ ਹਾਰ ਦਾ ਦੋਸ਼ੀ ਤੇਜ਼ ਗੇੰਦਬਾਜ਼ ਅਰਸ਼ਦੀਪ ਸਿੰਘ ਨੂੰ ਮੰਨਿਆ ਗਿਆ। 23 ਸਾਲਾ ਅਰਸ਼ਦੀਪ ਨੇ 18ਵੇੰ ਓਵਰ ਵਿੱਚ ਆਸਿਫ ਅਲੀ ਦਾ ਅਸਾਨ ਕੈਚ ਛੱਡ ਦਿੱਤਾ, ਜੋ ਮੈਚ ਦਾ ਟਰਨਿੰਗ ਪੁਆਇੰਟ ਸਾਬਿਤ ਹੋਇਆ। ਇਸ ਤੋੰ ਬਾਅਦ ਅਰਸ਼ਦੀਪ ਸਿੰਘ ਸੋਸ਼ਲ ਮੀਡੀਆ ਯੂਜ਼ਰਸ ਦੇ ਨਿਸ਼ਾਨੇ ‘ਤੇ ਆ ਗਏ ਹਨ।
ਅਰਸ਼ਦੀਪ ਨੂੰ ਖਾਲਿਸਤਾਨੀ ਦੱਸਣ ਲੱਗੇ ਲੋਕ
ਅਰਸ਼ਦੀਪ ਸਿੰਘ ਤੋੰ ਇੱਕ ਕੈਚ ਕੀ ਛੁੱਟਿਆ, ਸੋਸ਼ਲ ਮੀਡੀਆ ‘ਤੇ ਲੋਕ ਉਹਨਾੰ ਨੂੰ ਖਾਲਿਸਤਾਨੀ ਦੱਸਣ ਲੱਗੇ। ਉਹਨਾੰ ਨੂੰ ਦੇਸ਼ਧ੍ਰੋਹੀ ਦੱਸ ਕੇ ਖੇਡ ਤੋੰ ਬਾਹਰ ਕੀਤੇ ਜਾਣ ਦੀ ਮੰਗ ਕਰਨ ਲੱਗੇ। ਅਜਿਹਾ ਸਿਰਫ਼ ਇਸ ਲਈ, ਕਿਉੰਕਿ ਉਹ ਸਿੱਖ ਭਾਈਚਾਰੇ ਨਾਲ ਸਬੰਧਤ ਹਨ। ਚਰਚਾ ਹੈ ਕਿ ਅਰਸ਼ਦੀਪ ਨੂੰ ਨੀਚਾ ਵਿਖਾਉਣ ਲਈ ਇਹ ਏਜੰਡਾ ਪਾਕਿਸਤਾਨ ਦੀ ਧਰਤੀ ਤੋੰ ਚਲਾਇਆ ਗਿਆ, ਜਿਸਦਾ ਕਈ ਭਾਰਤੀਆੰ ਨੇ ਵੀ ਸਮਰਥਨ ਕੀਤਾ।
ਵਿਰਾਟ ਕੋਹਲੀ ਨੇ ਕਹੀ ਦਿਲ ਜਿੱਤਣ ਵਾਲੀ ਗੱਲ
ਸੋਸ਼ਲ ਮੀਡੀਆ ‘ਤੇ ਅਰਸ਼ਦੀਪ ਦੀ ਅਲੋਚਨਾ ਹੋਣ ਤੋੰ ਬਾਅਦ ਦੇਸ਼ ਦੇ ਕਈ ਨੌਜਵਾਨਾੰ ਖਾਸਕਰ ਟੀਮ ਇੰਡੀਆ ਦੇ ਖਿਡਾਰੀ ਅਰਸ਼ਦੀਪ ਦੇ ਬਚਾਅ ‘ਚ ਉਤਰੇ। ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਦਾ ਕਹਿਣਾ ਹੈ ਕਿ ਪ੍ਰੈਸ਼ਰ ਵਿੱਚ ਅਜਿਹਾ ਕਿਸੇ ਵੀ ਖਿਡਾਰੀ ਨਾਲ ਹੋ ਸਕਦਾ ਹੈ। ਵੱਡੇ ਮੈਚ ਦਾ ਪ੍ਰੈਸ਼ਰ ਵੱਖਰਾ ਹੁੰਦਾ ਹੈ। ਇਥੇ ਸਿਚੁਏਸ਼ਨ ਵੀ ਥੋੜ੍ਹੀ ਟਾਈਟ ਸੀ।
ਆਪਣੇ ਪ੍ਰਦਰਸ਼ਨ ਦੀ ਮਿਸਾਲ ਦਿੰਦਿਆੰ ਉਹਨਾੰ ਕਿਹਾ, “ਮੈੰ ਵੀ ਚੈੰਪੀਅਨਜ਼ ਟਰਾਫੀ ‘ਚ ਪਾਕਿਸਤਾਨ ਦੇ ਖਿਲਾਫ਼ ਆਪਣੇ ਪਹਿਲੇ ਮੈਚ ਵਿੱਚ ਖਰਾਬ ਸ਼ਾਟ ਖੇਡ ਕੇ ਆਊਟ ਹੋ ਗਿਆ ਸੀ, ਮੈਨੂੰ ਬਹੁਤ ਬੁਰਾ ਲੱਗਿਆ ਸੀ। ਮੈਨੂੰ ਨੀੰਦ ਨਹੀੰ ਆ ਰਹੀ ਸੀ। ਮੈੰ ਸਵੇਰੇ 5 ਤੱਕ ਲਗਾਤਾਰ ਛੱਤ ਨੂੰ ਵੇਖੀ ਜਾ ਰਿਹਾ ਸੀ। ਮੈਨੂੰ ਲੱਗਿਆ ਕਿ ਮੇਰਾ ਕਰੀਅਰ ਤਾੰ ਖਤਮ ਹੋ ਗਿਆ, ਮੁੜ ਕਦੇ ਚਾੰਸ ਨਹੀੰ ਮਿਲੇਗਾ।” ਉਹਨਾੰ ਕਿਹਾ ਕਿ ਇਸ ਸਭ ਦੇ ਵਿਚਾਲੇ ਚੰਗੀ ਗੱਲ ਇਹ ਹੈ ਕਿ ਪ੍ਰਬੰਧਕਾੰ ਅਤੇ ਕੈਪਟਨ ਨੇ ਟੀਮ ਦਾ ਮਾਹੌਲ ਇੰਨਾ ਸ਼ਾਨਦਾਰ ਬਣਾਇਆ ਹੋਇਆ ਹੈ ਕਿ ਤੁਸੀੰ ਗਲਤੀ ਸਵੀਕਾਰ ਕਰਕੇ ਵਾਪਸ ਉਸੇ ਪ੍ਰੈਸ਼ਰ ਵਿੱਚ ਖੇਡਣ ਲਈ ਖੁਦ ਨੂੰ ਤਿਆਰ ਕਰ ਸਕਦੇ ਹੋ। ਇਸ ਲਈ ਘਬਰਾਉਣ ਦੀ ਨਹੀੰ, ਬਲਕਿ ਗਲਤੀ ਤੋੰ ਸਬਕ ਲੈਣ ਦੀ ਲੋੜ ਹੈ।
ਅਰਸ਼ਦੀਪ ਸੋਨਾ ਹੈ- ਹਰਭਜਨ ਸਿੰਘ
ਹਰਭਜਨ ਸਿੰਘ ਵੀ ਅਰਸ਼ਦੀਪ ਸਿੰਘ ਦੇ ਬਚਾਅ ਵਿੱਚ ਉਤਰੇ ਅਤੇ ਟਵੀਟ ਕਰਕੇ ਕਿਹਾ, “ਅਰਸ਼ਦੀਪ ਸਿੰਘ ਦੀ ਅਲੋਚਨਾ ਬੰਦ ਕਰੋ। ਕੋਈ ਜਾਣ-ਬੁੱਝ ਕੇ ਕੈਚ ਨਹੀੰ ਛੱਡਦਾ। ਸਾਨੂੰ ਸਾਡੇ ਮੁੰਡਿਆੰ ‘ਤੇ ਮਾਣ ਹੈ। ਪਾਕਿਸਤਾਨ ਨੇ ਬਿਹਤਰ ਖੇਡਿਆ। ਅਜਿਹੇ ਲੋਕਾੰ ‘ਤੇ ਸ਼ਰਮ ਆਉੰਦੀ ਹੈ, ਜੋ ਇਸ ਪਲੇਟਫਾਰਮ ‘ਤੇ ਅਰਸ਼ਦੀਪ ਅਤੇ ਟੀਮ ਨੂੰ ਚੀਪ ਗੱਲਾੰ ਕਹਿ ਕੇ ਸਾਡੇ ਹੀ ਲੋਕਾੰ ਨੂੰ ਨੀਚਾ ਵਿਖਾਉੰਦੇ ਹਨ। ਅਰਸ਼ ਸੋਨਾ ਹੈ…”
Stop criticising young @arshdeepsinghh No one drop the catch purposely..we are proud of our 🇮🇳 boys .. Pakistan played better.. shame on such people who r putting our own guys down by saying cheap things on this platform bout arsh and team.. Arsh is GOLD🇮🇳
— Harbhajan Turbanator (@harbhajan_singh) September 4, 2022
ਇਰਫਾਨ ਪਠਾਨ ਨੇ ਵੀ ਅਰਸ਼ਦੀਪ ਦੇ ਹੱਕ ‘ਚ ਟਵੀਟ ਕੀਤਾ ਅਤੇ ਕਿਹਾ, “ਅਰਸ਼ਦੀਪ ਇੱਕ ਮਜਬੂਤ ਸ਼ਖਸੀਅਤ ਹੈ। ਉਸੇ ਤਰ੍ਹਾੰ ਹੀ ਡਟੇ ਰਹੋ।”
Arshdeep is a strong character. Stay that way boy. @arshdeepsinghh
— Irfan Pathan (@IrfanPathan) September 4, 2022
ਖੇਡਾੰ ‘ਚ ਨਫਰਤ ਦੀ ਥਾੰ ਨਹੀੰ- ਮੀਤ ਹੇਅਰ
ਪੰਜਾਬ ਦੇ ਖੇਡ ਮੰਤਰੀ ਗੁਰਮੀਤ ਸਿੰਘ ਮੀਤ ਹੇਅਰ ਵੀ ਅਰਸ਼ਦੀਪ ਸਿੰਘ ਦੇ ਹੱਕ ‘ਚ ਨਿਤਰੇ। ਉਹਨਾੰ ਕਿਹਾ, “ਖੇਡ ‘ਚ ਹਾਰ-ਜਿੱਤ ਬਣੀ ਆਈ ਹੈ। ਅਰਸ਼ਦੀਪ ਸਿੰਘ ਉੱਭਰਦਾ ਸਿਤਾਰਾ ਹੈ। ਪਾਕਿਸਤਾਨ ਖਿਲਾਫ ਮੈਚ ਵਿੱਚ ਵੀ ਅਰਸ਼ਦੀਪ ਸਿੰਘ ਦਾ ਪ੍ਰਦਰਸ਼ਨ ਬਿਹਤਰੀਨ ਰਿਹਾ ਹੈ। ਸਿਰਫ ਇਕ ਕੈਚ ਛੁੱਟਣ ਉੱਤੇ ਆਲੋਚਨਾ ਕਰਨੀ ਗਲਤ ਹੈ। ਪ੍ਰਤਿਭਾਵਾਨ ਅਰਸ਼ਦੀਪ ਦੇਸ਼ ਦਾ ਭਵਿੱਖ ਹੈ ਤੇ ਨੌਜਵਾਨਾਂ ਲਈ ਪ੍ਰੇਰਨਾ ਸ੍ਰੋਤ ਹੈ। ਖੇਡਾਂ ਵਿੱਚ ਨਫ਼ਰਤ ਦੀ ਕੋਈ ਥਾਂ ਨਹੀਂ।”
ਖੇਡ ਚ ਹਾਰ-ਜਿੱਤ ਬਣੀ ਆਈ ਹੈ। ਅਰਸ਼ਦੀਪ ਸਿੰਘ ਉੱਭਰਦਾ ਸਿਤਾਰਾ ਹੈ। ਪਾਕਿਸਤਾਨ ਖਿਲਾਫ ਮੈਚ ਵਿੱਚ ਵੀ @arshdeepsinghh ਦਾ ਪ੍ਰਦਰਸ਼ਨ ਬਿਹਤਰੀਨ ਰਿਹਾ ਹੈ। ਸਿਰਫ ਇਕ ਕੈਚ ਛੁੱਟਣ ਉੱਤੇ ਆਲੋਚਨਾ ਕਰਨੀ ਗਲਤ ਹੈ। ਪ੍ਰਤਿਭਾਵਾਨ ਅਰਸ਼ਦੀਪ ਦੇਸ਼ ਦਾ ਭਵਿੱਖ ਹੈ ਤੇ ਨੌਜਵਾਨਾਂ ਲਈ ਪ੍ਰੇਰਨਾ ਸ੍ਰੋਤ ਹੈ। ਖੇਡਾਂ ਵਿੱਚ ਨਫ਼ਰਤ ਦੀ ਕੋਈ ਥਾਂ ਨਹੀਂ। pic.twitter.com/vbQfVVd32N
— Gurmeet Singh Meet Hayer (@meet_hayer) September 5, 2022
ਅਰਸ਼ਦੀਪ ਦਾ ਲੰਮਾ ਤੇ ਸ਼ਾਨਦਾਰ ਕਰੀਅਰ- ਕੈਪਟਨ
ਸਾਬਕਾ CM ਕੈਪਟਨ ਅਮਰਿੰਦਰ ਸਿੰਘ ਨੇ ਟਵਿਟਰ ‘ਤੇ ਲਿਖਿਆ, “ਇਹ ਬਹੁਤ ਮੰਦਭਾਗਾ ਹੈ ਕਿ ਅਰਸ਼ਦੀਪ ਸਿੰਘ ਨੂੰ ਸਿਰਫ਼ ਇੱਕ ਕੈਚ ਛੱਡਣ ‘ਤੇ ਉਸਦਾ ਇਹਨਾਂ ਮਜ਼ਾਕ ਉਡਾਇਆ ਜਾ ਰਿਹਾ ਹੈ। ਅਜਿਹੀਆਂ ਚੀਜ਼ਾਂ ਖੇਡਾਂ ਵਿੱਚ ਖਾਸ ਤੌਰ ‘ਤੇ ਅਜਿਹੇ ਬਹੁਤ ਦਬਾਅ ਵਾਲੇ ਹਾਲਾਤਾਂ ਹੇਠ ਵਾਪਰ ਜਾਂਦੀਆਂ ਹਨ। ਸਾਨੂੰ ਆਪਣੇ ਖੇਡ ਨਾਇਕਾਂ ਦਾ ਸਮਰਥਨ ਅਤੇ ਉਨ੍ਹਾਂ ਨੂੰ ਉਤਸ਼ਾਹਿਤ ਕਰਨਾ ਚਾਹੀਦਾ ਹੈ। ਅਰਸ਼ਦੀਪ, ਨਿਰਾਸ਼ ਨਾ ਹੋਵੋ। ਤੁਹਾਡੇ ਅੱਗੇ ਇੱਕ ਲੰਮਾ ਅਤੇ ਸ਼ਾਨਦਾਰ ਕੈਰੀਅਰ ਹੈ।”
ਆਨਲਾਈਨ trolls ਨੂੰ ਖੁਦ ‘ਤੇ ਹਾਵੀ ਨਾ ਹੋਣ ਦਿਓ- ਬਾਜਵਾ
ਵਿਰੋਧੀ ਧਿਰ ਦੇ ਲੀਡਰ ਪ੍ਰਤਾਪ ਸਿੰਘ ਬਾਜਵਾ ਨੇ ਕਿਹਾ, “ਅਰਸ਼ਦੀਪ ਸਿੰਘ, ਸਾਨੂੰ ਤੁਹਾਡੇ ‘ਤੇ ਮਾਣ ਹੈ। ਮੈਨੂੰ ਯਕੀਨ ਹੈ ਕਿ ਤੁਸੀੰ ਭਵਿੱਖ ‘ਚ ਦੇਸ਼ ਲਈ ਬਹੁਤ ਸਾਰਾ ਮਾਣ ਲਿਆਓਗੇ। ਆਨਲਾਈਨ trolls ਨੂੰ ਆਪਣੀ ਸਕਾਰਤਮਕ ਸੋਚ ਅਤੇ ਊਰਜਾ ‘ਤੇ ਹਾਵੀ ਨਾ ਹੋਣ ਦਿਓ। ਅਗਲੇ ਮੈਚ ‘ਚ ਦੇਸ਼ ਤੁਹਾਡੀ ਸ਼ਾਨਦਾਰ ਪਰਫਾਰਮੈੰਸ ਦੇਖਣ ਲਈ ਬੇਤਾਬ ਹੈ।”
We are proud of you @arshdeepsinghh I am sure you will bring many laurels for the nation in near future. Don’t let online trolls effect your positivity and energy. Next match the nation will look forward to an amazing performance by you.
— Partap Singh Bajwa (@Partap_Sbajwa) September 5, 2022
ਅਸੀੰ ਸਭ ਤੋੰ ਪਹਿਲਾੰ ਭਾਰਤੀ ਹਾੰ- ਸੁਖਬੀਰ
ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਵੀ ਅਰਸ਼ਦੀਪ ਸਿੰਘ ਨੂੰ ਟ੍ਰੋਲ ਕੀਤੇ ਜਾਣ ਦੀ ਨਿੰਦਾ ਕੀਤੀ। ਉਹਨਾੰ ਕਿਹਾ, “ਅਸੀੰ ਸਭ ਤੋੰ ਪਹਿਲਾੰ ਅਤੇ ਪ੍ਰਮੁੱਖ ਤੌਰ ‘ਤੇ ਭਾਰਤੀ ਹਾੰ। ਹਿੰਦੂ, ਮੁਸਲਿਮ, ਸਿੱਖ ਤੇ ਇਸਾਈ ਬਾਅਦ ਵਿੱਚ। ਸਿੱਖ ਭਾਈਚਾਰਾ ਸਭ ਤੋੰ ਵੱਧ ਧਾਰਮਿਕ ਅਤੇ ਦੇਸ਼ਭਗਤ ਹੈ। ਮਹਿਜ਼ ਇੱਕ ਕੈਚ ਛੱਡਣ ਦੇ ਚਲਦੇ ਅਰਸ਼ਦੀਪ ਨੂੰ ਖਾਲਿਸਤਾਨੀ ਦਾ ਲੇਬਲ ਦੇਣਾ ਸਾਡੇ ਕੌਮੀ ਮਾਨਸਿਕਤਾ ਅਤੇ ਖੇਡ ਭਾਵਨਾ ਦੇ ਵਿਰੁੱਧ ਹੈ।”
We are 1st & foremost Indian. Hindu,Muslim,Sikh & Christians later. Sikhs are the most patriotic & nationalist community. To label @arshdeepsinghh Khalistani just because of a dropped catch is against the essence of our national psyche&spirit of sports.#IStandWithArshdeepSingh pic.twitter.com/PfJPoZPbkM
— Sukhbir Singh Badal (@officeofssbadal) September 5, 2022
ਨਫਰਤ ਤੋੰ ਨਹੀੰ ਹਾਰੇਗਾ ਕਮਾਲ ਦਾ ਹੁਨਰ- ਰਾਘਵ
‘ਆਪ’ ਸਾੰਸਦ ਰਾਘਵ ਚੱਢਾ ਨੇ ਕਿਹਾ, “23 ਸਾਲ ਦੇ ਨੌਜਵਾਨ ਅਰਸ਼ਦੀਪ ਨੂੰ ਸਿਰਫ ਉਸਦੇ ਧਰਮ ਕਰਕੇ ਜਿਸ ਤਰ੍ਹਾਂ ਨਫਰਤ ਦਾ ਸ਼ਿਕਾਰ ਬਣਾਇਆ ਜਾ ਰਿਹਾ ਹੈ,ਓਹ ਬੇਹੱਦ ਦੁਖਦਾਇਕ ਹੈ। ਅਰਸ਼ਦੀਪ ਕੋਲ ਕਮਾਲ ਦਾ ਹੁਨਰ ਹੈ ਅਤੇ ਆਉਣ ਵਾਲੇ ਸਾਲਾਂ ਦੇ ਵਿੱਚ ਭਾਰਤੀ ਟੀਮ ਦੀ ਹਮਲਾਵਰ ਗੇਂਦਬਾਜ਼ੀ ਸਾਂਭੇਗਾ। ਨਫਰਤ ਇਸ ਹੁਨਰ ਨੂੰ ਪਿੱਛੇ ਨਹੀ ਖਿੱਚ ਸਕਦੀ।”
23 ਸਾਲ ਦੇ ਨੌਜਵਾਨ ਅਰਸ਼ਦੀਪ ਨੂੰ ਸਿਰਫ ਉਸਦੇ ਧਰਮ ਕਰਕੇ ਜਿਸ ਤਰ੍ਹਾਂ ਨਫਰਤ ਦਾ ਸ਼ਿਕਾਰ ਬਣਾਇਆ ਜਾ ਰਿਹਾ ਹੈ,ਓਹ ਬੇਹੱਦ ਦੁਖਦਾਇਕ ਹੈ। ਅਰਸ਼ਦੀਪ ਕੋਲ ਕਮਾਲ ਦਾ ਹੁਨਰ ਹੈ ਅਤੇ ਆਉਣ ਵਾਲੇ ਸਾਲਾਂ ਦੇ ਵਿੱਚ ਭਾਰਤੀ ਟੀਮ ਦੀ ਹਮਲਾਵਰ ਗੇਂਦਬਾਜ਼ੀ ਸਾਂਭੇਗਾ। ਨਫਰਤ ਇਸ ਹੁਨਰ ਨੂੰ ਪਿੱਛੇ ਨਹੀ ਖਿੱਚ ਸਕਦੀ।#IStandWithArshdeep pic.twitter.com/ZhAk5Kd0Df
— Raghav Chadha (@raghav_chadha) September 5, 2022
ਪਾਕਿ ਦੀ ਨਾਪਾਕ ਸਾਜ਼ਿਸ਼ ਕਾਮਯਾਬ ਨਹੀੰ ਹੋਵੇਗੀ- ਸਿਰਸਾ
DSGMC ਦੇ ਸਾਬਕਾ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਨੇ ਵੀ ਇਸ ਟ੍ਰੇੰਡ ਦੀ ਕਰੜੀ ਨਿੰਦਾ ਕੀਤੀ। ਉਹਨਾੰ ਕਿਹਾ, “ਅਰਸ਼ਦੀਪ ਸਿੰਘ ਦੇ ਖਿਲਾਫ਼ ਪਾਕਿਸਤਾਨ ਅਤੇ ISI ਵੱਲੋੰ ਟਵਿਟਰ ‘ਤੇ ਚਲਾਏ ਜਾ ਰਹੇ ਖਾਲਿਸਤਾਨੀ ਟ੍ਰੇੰਡ ਦੀ ਮੈੰ ਕਰੜੀ ਨਿੰਦਾ ਕਰਦਾ ਹਾੰ। ਹਰ ਭਾਰਤੀ ਅਰਸ਼ਦੀਪ ਸਿੰਘ ਦੇ ਨਾਲ ਖੜ੍ਹਿਆ ਹੈ ਅਤੇ ਭਾਰਤ ‘ਚ ਸਿੱਖਾੰ ਨੂੰ ਅਲੱਗ-ਥਲੱਗ ਕਰਨ ਦੀ ਪਾਕਿਸਤਾਨ ਦੀ ਨਾਪਾਕ ਕੋਸ਼ਿਸ਼ ਕਦੇ ਕਾਮਯਾਬ ਨਹੀੰ ਹੋਵੇਗੀ।”
अर्शदीप सिंह के ख़िलाफ़ पाकिस्तान और ISI द्वारा ट्विटर पर चलाए जा खालिस्तानी ट्रेंड की मैं कड़ी निंदा करता हूँ। हर भारतीय #arshdeepsingh के साथ खड़ा है और भारत में सिखों को अलग-थलग करने की पाकिस्तान की नापाक़ कोशिश कभी क़ामयाब नहीं होगी@PTI_News @republic @ANI @News18India pic.twitter.com/nwfeEuBhLr
— Manjinder Singh Sirsa (@mssirsa) September 5, 2022
ਅਰਸ਼ਦੀਪ ਖਾਲਿਸਤਾਨੀ, ਤਾੰ ਬਾਕੀਆੰ ਨੂੰ ਕੀ ਕਹੋਗੇ..?
ਇਸ ਸਭ ਦੇ ਵਿਚਾਲੇ ਸਵਾਲ ਇਹ ਵੀ ਉਠਦਾ ਹੈ ਕਿ ਕਿਸੇ ਖਿਡਾਰੀ ਤੋੰ ਕੈਚ ਛੁੱਟਣ ‘ਤੇ ਜੇਕਰ ਉਹ ਖਾਲਿਸਤਾਨੀ ਜਾੰ ਦੇਸ਼ਧ੍ਰੋਹੀ ਹੋ ਜਾੰਦਾ ਹੈ, ਤਾੰ ਦੇਸ਼ਧ੍ਰੋਹੀ ਸਿਰਫ਼ ਅਰਸ਼ਦੀਪ ਹੀ ਕਿਉੰ? ਖਰਾਬ ਗੇੰਦਬਾਜ਼ੀ ਕਰਨ ਵਾਲੇ ਭੁਵਨੇਸ਼ਵਰ ਅਤੇ ਹਾਰਦਿਕ ਪੰਡਿਆ ਕਿਉੰ ਨਹੀੰ? ਵੱਡਾ ਸਕੋਰ ਨਾ ਬਣਾ ਸਕਣ ਵਾਲੇ ਰੋਹਿਤ ਸ਼ਰਮਾ, 60 ਦੌੜਾੰ ਲਈ 44 ਗੇੰਦਾੰ ਖੇਡਣ ਵਾਲੇ ਕੋਹਲੀ, ਖਰਾਬ ਸ਼ਾਟ ਖੇਡ ਕੇ ਆਊਟ ਹੋਣ ਵਾਲੇ ਰਿਸ਼ਭ ਪੰਤ, ਓਪਨਿੰਗ ਦੀ ਜ਼ਿੰਮੇਵਾਰੀ ਨਿਭਾਉਣ ‘ਚ ਨਾਕਾਮ ਰਹਿਣ ਵਾਲੇ ਕੇ.ਐੱਲ. ਰਾਹੁਲ ਵੀ ਤਾੰ ਇਸੇ ਕੈਟੇਗਰੀ ਵਿੱਚ ਆਉੰਦੇ ਹਨ।
ਲੇਫਟ ਹੈੰਡ ਬੈਟਸਮੈਨ ਅਰਸ਼ਦੀਪ ਨਾ ਤਾੰ ਪਾਕਿਸਤਾਨ ਦੇ ਖਿਲਾਫ਼ ਪਹਿਲਾ ਮੈਚ ਖੇਡ ਰਿਹਾ ਸੀ ਅਤੇ ਉਮੀਦ ਕਰਾੰਗੇ ਕਿ ਇਹ ਆਖਰੀ ਮੈਚ ਵੀ ਨਾ ਹੋਵੇ। ਅਰਸ਼ਦੀਪ ਵਿੱਚ ਕਾਫੀ ਸੰਭਾਵਨਾਵਾੰ ਹਨ ਅਤੇ ਜਿਸ ਤਰ੍ਹਾੰ ਦੀ ਗਲਤੀ ਉਹਨਾੰ ਤੋੰ ਹੋਈ, ਉਹ ਕਿਸੇ ਤੋੰ ਵੀ ਹੋ ਸਕਦੀ ਹੈ।
