ਨਵੀਂ ਦਿੱਲੀ। ਕੇਂਦਰ ਦੇ ਤਿੰਨ ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਨ ਲਈ ਕਿਸਾਨਾਂ ਵੱਲੋਂ ਜੰਤਰ-ਮੰਤਰ ‘ਤੇ ਧਰਨਾ ਪ੍ਰਦਰਸ਼ਨ ਕੀਤਾ ਗਿਆ। ਸੰਸਦ ਦੇ ਮਾਨਸੂਨ ਸੈਸ਼ਨ ਦੇ ਚਲਦੇ 200 ਕਿਸਾਨਾਂ ਨੇ ਜੰਤਰ-ਮੰਤਰ ‘ਤੇ ਆਪਣੀ ਸੰਸਦ ਲਗਾਈ, ਜਿਹਨਾਂ ‘ਚ ਰਾਕੇਸ਼ ਟਿਕੈਤ ਅਤੇ ਯੋਗੇਂਦਰ ਯਾਦਵ ਸਣੇ ਕਈ ਕਿਸਾਨ ਆਗੂ ਸ਼ਾਮਲ ਸਨ। ਕਿਸਾਨ ਆਗੂ ਰਾਕੇਸ਼ ਟਿਕੈਤ ਮੁਤਾਬਕ ਉਹ ਜੰਤਰ-ਮੰਤਰ ‘ਤੇ ਰਹਿ ਕੇ ਵਿਰੋਧੀ ਪਾਰਟੀਆਂ ਉੱਪਰ ਨਜ਼ਰ ਰੱਖ ਰਹੇ ਹਨ ਕਿ ਉਹਨਾਂ ਵੱਲੋਂ ਸੰਸਦ ਅੰਦਰ ਕਿਸਾਨਾਂ ਦੀ ਅਵਾਜ਼ ਚੁੱਕੀ ਜਾਂਦੀ ਹੈ ਜਾਂ ਫਿਰ ਨਹੀਂ।
ਕਾਬਿਲੇਗੌਰ ਹੈ ਕਿ ਮੀਡੀਆ ਨੂੰ ਕਿਸਾਨਾਂ ਦੇ ਇਸ ਪ੍ਰਦਰਸ਼ਨ ਨੂੰ ਕਵਰ ਕੀਤੇ ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ। ਮੀ਼ਡੀਆ ਨੂੰ ਪ੍ਰਦਰਸ਼ਨ ਵਾਲੀ ਥਾਂ ਤੋਂ ਕੁਝ ਦੂਰੀ ‘ਤੇ ਹੀ ਰਹਿਣ ਲਈ ਕਿਹਾ ਗਿਆ ਹੈ।
ਇਸ ਤੋਂ ਇਲਾਵਾ ਸੰਸਦ ਜਾਣ ਵਾਲੇ ਰਸਤੇ ਨੂੰ ਚਾਰੇ ਪਾਸਿਓਂ ਬੈਰੀਕੈਡਿੰਗ ਲਗਾ ਕੇ ਬੰਦ ਕੀਤਾ ਗਿਆ ਹੈ। ਨਾਲ ਹੀ ਅਰਧ ਸੈਨਿਕ ਬਲਾਂ ਦੀ ਵੀ ਤੈਨਾਤੀ ਕੀਤੀ ਗਈ ਹੈ।
ਇੱਕ ਪਾਸੇ ਕਿਸਾਨ ਜੰਤਰ-ਮੰਤਰ ‘ਚ ‘ਸੰਸਦ’ ਲਗਾ ਕੇ ਬੈਠੇ ਹਨ, ਤਾਂ ਇਧਰ ਸੰਸਦ ‘ਚ ਵਿਰੋਧੀ ਪਾਰਟੀਆਂ ਲਗਾਤਾਰ ਸਰਕਾਰ ਨੂੰ ਘੇਰ ਰਹੀਆਂ ਹਨ। ਇਸੇ ਤਹਿਤ ਵੀਰਵਾਰ ਨੂੰ ਕਾਂਗਰਸ ਅਤੇ ਲੈਫਟ ਵੱਲੋਂ ਸੰਸਦ ਦੇ ਬਾਹਰ ਕਿਸਾਨਾਂ ਦੇ ਹੱਕ ‘ਚ ਪ੍ਰਦਰਸ਼ਨ ਕਰਦਿਆਂ ਅਵਾਜ਼ ਬੁਲੰਦ ਕੀਤੀ ਗਈ। ਕਾਂਗਰਸ ਸਾਂਸਦ ਰਾਹੁਲ ਗਾਂਧੀ ਨੇ ਇਸ ਪ੍ਰਦਰਸ਼ਨ ਦੀ ਅਗਵਾਈ ਕੀਤੀ।
ਸੰਸਦ ਪਰੀਸਰ ‘ਚ ਕੀਤੇ ਪ੍ਰਦਰਸ਼ਨ ਦੀ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰਦਿਆਂ ਰਾਹੁਲ ਗਾਂਧੀ ਨੇ ਲਿਖਿਆ, “ਉਹ ਝੂਠ, ਅਨਿਆਂ ਅਤੇ ਹੰਕਾਰ ‘ਤੇ ਅੜੇ ਹਨ। ਅਸੀਂ ਸੱਤਿਆਗ੍ਰਹੀ, ਨਿਡਰ, ਇਕਜੁੱਟ ਇਥੇ ਖੜ੍ਹੇ ਹਾਂ। ਜੈ ਕਿਸਾਨ!”
वे असत्य, अन्याय, अहंकार पर अड़े हैं,
हम सत्याग्रही, निर्भय, एकजुट यहाँ खड़े हैं।जय किसान!#FarmersParliament pic.twitter.com/y9xGdvgT3T
— Rahul Gandhi (@RahulGandhi) July 22, 2021
ਓਧਰ ਸ਼੍ਰੋਮਣੀ ਅਕਾਲੀ ਦਲ ਦੇ ਸਾਂਸਦਾਂ ਨੇ ਵੀ ਸੰਸਦ ਪਰੀਸਰ ਦੇ ਬਾਹਰ ਤਖਤੀਆਂ ਫੜ ਕੇ ਖੇਤੀ ਕਾਨੂੰਨ ਰੱਦ ਕੀਤੇ ਜਾਣ ਦੀ ਮੰਗ ਕੀਤੀ। 
.@Akali_Dal_ won't give up till the Centre repeals the three #FarmLaws.@nstomar #ParliamentSession #FarmersProtest pic.twitter.com/CPubHNKFKW
— Sukhbir Singh Badal (@officeofssbadal) July 22, 2021
ਆਮ ਆਦਮੀ ਪਾਰਟੀ ਵੀ ਖੇਤੀ ਕਾਨੂੰਨ ਰੱਦ ਕਰਵਾਉਣ ਲਈ ਲਗਾਤਾਰ ਕਿਸਾਨਾਂ ਦਾ ਸਮਰਥਨ ਕਰ ਰਹੀ ਹੈ। ‘ਆਪ’ ਵੱਲੋਂ ਲਗਾਤਾਰ ਤੀਜੇ ਦਿਨ ਸੰਸਦ ‘ਚ Adjournment Motion ਨੋਟਿਸ ਦਿੱਤਾ ਗਿਆ ਹੈ ਅਤੇ ਮੰਗ ਕੀਤੀ ਜਾ ਰਹੀ ਹੈ ਕਿ ਸਾਰੇ ਦੂਜੇ ਕੰਮ ਛੱਡ ਕੇ ਸਭ ਤੋਂ ਪਹਿਲਾਂ ਕਿਸਾਨਾਂ ਦਾ ਮੁੱਦਾ ਹੱਲ ਕੀਤਾ ਜਾਵੇ।
ਤੀਜੇ ਦਿਨ ਲੋਕ ਸਭਾ 'ਚ Adjournment Motion ਨੋਟਿਸ ਦਿੱਤਾ‼️
ਸਾਰੇ ਕੰਮ ਛੱਡ ਕੇ Sarkar ਤਿੰਨੋਂ ਖੇਤੀ ਕਾਨੂੰਨਾਂ ਨੂੰ ਵਾਪਸ ਲਵੇ।
ਕਿਸਾਨਾਂ ਦਾ ਮੁੱਦਾ Priority 'ਤੇ ਹੋਣ ਚਾਹੀਦਾ ਸਰਕਾਰ ਲਈ।
ਮੈਂ ਆਪਣਾ ਫ਼ਰਜ਼ Kisana ਲਈ ਪੂਰਾ ਕਰਦਾ ਰਹਾਂਗਾ।
─ State President & MP, @BhagwantMann #FarmersParliament pic.twitter.com/cuZPS1McL2
— AAP Punjab (@AAPPunjab) July 22, 2021
9 ਅਗਸਤ ਤੱਕ ਚੱਲੇਗਾ ਪ੍ਰਦਰਸ਼ਨ
ਕਾਬਿਲੇਗੌਰ ਹੈ ਕਿ ਕਿਸਾਨਾਂ ਦਾ ਜੰਤਰ-ਮੰਤਰ ‘ਤੇ ਧਰਨਾ ਪ੍ਰਦਰਸ਼ਨ 9 ਅਗਸਤ ਤੱਕ ਚੱਲੇਗਾ। ਪ੍ਰਦਰਸ਼ਨ ਦਾ ਸਮਾਂ ਰੋਜ਼ਾਨਾ ਸਵੇਰੇ 11 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਦਾ ਰਹੇਗਾ, ਜਿਸ ‘ਚ 200 ਤੋਂ ਵੱਧ ਕਿਸਾਨ ਸ਼ਾਮਲ ਨਹੀਂ ਹੋ ਸਕਣਗੇ। ਦੱਸ ਦਈਏ ਕਿ ਪਹਿਲਾਂ ਕਿਸਾਨ ਸੰਸਦ ਦਾ ਘੇਰਾਓ ਕਰਨਾ ਚਾਹੁੰਦੇ ਸਨ, ਪਰ ਕੋਰੋਨਾ ਅਤੇ ਸੁਰੱਖਿਆ ਕਾਰਨਾਂ ਦਾ ਹਵਾਲਾ ਦੇ ਕੇ ਦਿੱਲੀ ਪੁਲਿਸ ਨੇ ਉਹਨਾਂ ਨੂੰ ਸੰਸਦ ਕੂਚ ਦੀ ਇਜਾਜ਼ਤ ਨਹੀਂ ਦਿੱਤੀ।
