ਚੰਡੀਗੜ੍ਹ। ਪੰਜਾਬ ਕਾਂਗਰਸ ‘ਚ ਚੱਲ ਰਹੇ ਕਲੇਸ਼ ਨੂੰ ਸੁਲਝਾਉਣ ਦੀ ਕਵਾਇਦ ਤੇਜ਼ ਹੋ ਗਈ ਹੈ, ਜਿਸਦੇ ਲਈ ਪੰਜਾਬ ਤੋਂ ਲੈ ਕੇ ਦਿੱਲੀ ਤੱਕ ਹਲਚਲ ਹੈ। ਨਵਜੋਤ ਸਿੱਧੂ ਨੂੰ ਪ੍ਰਧਾਨ ਬਣਾਏ ਜਾਣ ਦੀਆਂ ਖ਼ਬਰਾਂ ਤੋਂ ਨਰਾਜ਼ ਚੱਲ ਰਹੇ ਸੀਐੱਮ ਕੈਪਟਨ ਨੂੰ ਮਿਲਣ ਲਈ ਸ਼ਨੀਵਾਰ ਨੂੰ ਕਾਂਗਰਸ ਇੰਚਾਰਜ ਹਰੀਸ਼ ਰਾਵਤ ਚੰਡੀਗੜ੍ਹ ਪਹੁੰਚੇ।
ਇੱਕ ਘੰਟੇ ਤੋਂ ਜ਼ਿਆਦਾ ਤੱਕ ਚੱਲੀ ਇਸ ਮੁਲਾਕਾਤ ਦੌਰਾਨ ਕੈਪਟਨ ਨੇ ਸਿੱਧੂ ਦੀ ਸੰਭਾਵੀ ਨਿਯੁਕਤੀ ਨੂੰ ਲੈ ਕੇ ਫਿਰ ਇਤਰਾਜ਼ ਜ਼ਾਹਿਰ ਕੀਤਾ। ਹਾਲਾਂਕਿ ਕੈਪਟਨ ਵੱਲੋਂ ਇਹ ਬਿਆਨ ਵੀ ਸਾਹਮਣੇ ਆਇਆ ਕਿ ਉਹਨਾਂ ਨੂੰ ਹਾਈਕਮਾਂਡ ਦਾ ਹਰ ਫ਼ੈਸਲਾ ਮਨਜ਼ੂਰ ਹੋਵੇਗਾ।
ਮੀਟਿੰਗ ਤੋਂ ਬਾਅਦ ਕੈਪਟਨ ਦੇ ਮੀਡੀਆ ਸਲਾਹਕਾਰ ਰਵੀਨ ਠੁਕਰਾਲ ਨੇ ਟਵੀਟ ਕਰਕੇ ਕਿਹਾ, “ਹਰੀਸ਼ ਰਾਵਤ ਨਾਲ ਸੀਐੱਮ ਕੈਪਟਨ ਦੀ ਬੇਹੱਦ ਸੁਖਾਵੇਂ ਮਾਹੌਲ ‘ਚ ਗੱਲਬਾਤ ਹੋਈ। ਕਾਂਗਰਸ ਪ੍ਰਧਾਨ ਦਾ ਹਰ ਫ਼ੈਸਲਾ ਸਾਰਿਆਂ ਨੂੰ ਮਨਜ਼ੂਰ ਹੋਵੇਗਾ। ਕੁਝ ਮੁੱਦੇ ਵੀ ਚੁੱਕੇ ਗਏ, ਜਿਹਨਾਂ ਨੂੰ ਹਰੀਸ਼ ਰਾਵਤ ਨੇ ਸੋਨੀਆ ਗਾਂਧੀ ਦੇ ਸਾਹਮਣੇ ਰੱਖਣ ਦਾ ਭਰੋਸਾ ਦਿੱਤਾ ਹੈ।”
.”Had a fruitful meeting with @harishrawatcmuk. Reiterated that any decision of @INCIndia Presìdent will be acceptable to all. Raised certain issues which he said he’ll take up with @INCIndia president”, @capt_amarinder pic.twitter.com/UGOrSbJbeR
— Raveen Thukral (@RT_MediaAdvPBCM) July 17, 2021
ਓਧਰ ਕਾਂਗਰਸ ਇੰਚਾਰਜ ਹਰੀਸ਼ ਰਾਵਤ ਨੇ ਟਵੀਟ ਕਰਕੇ ਸਭ ਕੁਝ ਠੀਕ ਹੋਣ ਦਾ ਦਾਅਵਾ ਕੀਤਾ। ਉਹਨਾਂ ਕਿਹਾ, “ਕੈਪਟਨ ਨੇ ਹਾਈਕਮਾਂਡ ਦਾ ਹਰ ਫ਼ੈਸਲਾ ਮਨਜ਼ੂਰ ਹੋਣ ਵਾਲੇ ਆਪਣੇ ਮਹੱਤਵਪੂਰਣ ਬਿਆਨ ਨੂੰ ਮੁੜ ਦੋਹਰਾਇਆ ਹੈ ਅਤੇ ਇਸਦੇ ਲਈ ਮੈਂ ਉਹਨਾਂ ਦਾ ਸ਼ੁੱਕਰਗੁਜ਼ਾਰ ਹਾਂ।”
जिसमें उन्होंने कहा है कि माननीया कांग्रेस #अध्यक्ष, पंजाब के विषय में अध्यक्ष के पद को लेकर के जो भी निर्णय करेंगी वो निर्णय मुझे स्वीकार्य होगा, मैं उसका आदर करूंगा।#Thankyou_Captain for your great statement.@INCIndia @SoniyaGandhinc @RahulGandhi @INCPunjab @kcvenugopalmp
— Harish Rawat (@harishrawatcmuk) July 17, 2021
ਸੋਨੀਆ ਨੂੰ ਲਿਖੀ ਸੀ ਬਗਾਵਤੀ ਚਿੱਠੀ !
ਕਾਬਿਲੇਗੌਰ ਹੈ ਕਿ ਨਵਜੋਤ ਸਿੰਘ ਸਿੱਧੂ ਨੂੰ ਪੰਜਾਬ ਕਾਂਗਰਸ ਦਾ ਪ੍ਰਧਾਨ ਬਣਾਉਣ ਦੀ ਕੈਪਟਨ ਸ਼ੁਰੂ ਤੋਂ ਹੀ ਖਿਲਾਫਤ ਕਰ ਰਹੇ ਹਨ, ਪਰ ਵਿਵਾਦ ਉਸ ਵੇਲੇ ਵੱਧ ਗਿਆ, ਜਦੋਂ ਕੈਪਟਨ ਨੇ ਸਿੱਧੂ ਦੇ ਖਿਲਾਫ਼ ਬਕਾਇਦਾ ਕਾਂਗਰਸ ਪ੍ਰਧਾਨ ਨੂੰ ਚਿੱਠੀ ਲਿਖ ਦਿੱਤੀ ਅਤੇ ਉਹਨਾਂ ਨੂੰ ਸਿੱਧੂ ਨੂੰ ਪ੍ਰਧਾਨਗੀ ਵਰਗਾ ਅਹੁਦਾ ਨਾ ਦੇਣ ਦੀ ਸਲਾਹ ਦੇ ਦਿੱਤੀ। ਇਸ ਚਿੱਠੀ ‘ਚ ਕੈਪਟਨ ਨੇ ਇਥੋਂ ਤੱਕ ਕਿਹਾ ਕਿ ਜੇਕਰ ਸਿੱਧੂ ਨੂੰ ਪ੍ਰਧਾਨ ਬਣਾਇਆ ਗਿਆ, ਤਾਂ ਪੰਜਾਬ ਕਾਂਗਰਸ 2 ਹਿੱਸਿਆਂ ‘ਚ ਵੰਡੀ ਜਾਵੇਗੀ।
