ਬਿਓਰੋ। ਟੋਕਿਓ ਪੈਰਾਲੰਪਿਕ ਖੇਡਾਂ ਵਿੱਚ ਭਾਰਤ ਦਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ। ਭਾਰਤ ਲਈ ਹਰਵਿੰਦਰ ਸਿੰਘ ਨੇ ਆਰਚਰੀ ਵਿੱਚ 13ਵਾਂ ਮੈਡਲ ਹਾਸਲ ਕੀਤਾ ਹੈ। ਉਹਨਾਂ ਨੇ ਬ੍ਰਾਨਜ਼ ਮੈਡਲ ਮੈਚ ਵਿੱਚ ਸ਼ੂਟਆਫ ਵਿੱਚ ਕੋਰੀਆ ਦੇ ਤੀਰੰਦਾਜ਼ ਨੂੰ 6-5 ਦੇ ਫ਼ਰਕ ਨਾਲ ਮਾਤ ਦਿੱਤੀ।
ਦੋਵੇਂ ਖਿਡਾਰੀ ਪੰਜ ਸੈੱਟ ਦੀ ਖੇਡ ਤੋਂ ਬਾਅਦ 5-5 ਦੀ ਬਰਾਬਰੀ ‘ਤੇ ਸਨ। ਇਸ ਤੋਂ ਬਾਅਦ ਸ਼ੂਟ ਆਫ ਸ਼ੁਰੂ ਹੋਇਆ। ਕਿਮ ਨੇ 8 ‘ਤੇ ਨਿਸ਼ਾਨਾ ਲਾਇਆ, ਤਾਂ ਹਰਵਿੰਦਰ ਸਿੰਘ ਨੇ 10 ‘ਤੇ ਨਿਸ਼ਾਨਾ ਲਗਾਇਆ ਅਤੇ ਬ੍ਰਾਨਜ਼ ਮੈਡਲ ਆਪਣੇ ਨਾਂਅ ਕਰ ਲਿਆ। ਉਹ ਇਹਨਾਂ ਖੇਡਾਂ ਵਿੱਚ ਮੈਡਲ ਜਿੱਤਣ ਵਾਲੇ ਪਹਿਲੇ ਭਾਰਤੀ ਤੀਰੰਦਾਜ਼ ਹਨ।
ਰਾਸ਼ਟਰਪਤੀ ਅਤੇ ਪ੍ਰਧਾਨ ਮੰਤਰੀ ਨੇ ਦਿੱਤੀ ਵਧਾਈ
ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਹਰਵਿੰਦਰ ਨੂੰ ਵਧਾਈ ਦਿੰਦਿਆਂ ਟਵਿਟਰ ‘ਤੇ ਲਿਖਿਆ, “ਆਰਚਰੀ ਦੇ ਬੇਹੱਦ ਮੁਸ਼ਕਿਲ ਮੁਕਾਬਲੇ ਵਿੱਚ ਬ੍ਰਾਨਜ਼ ਮੈਡਲ ਘਰ ਲਿਆਉਣ ਲਈ ਹਰਵਿੰਦਰ ਸਿੰਘ ਨੂੰ ਵਧਾਈ। ਤੁਸੀਂ ਬੇਹੱਦ ਚੰਗਾ ਖੇਡਿਆ ਅਤੇ ਪ੍ਰੈਸ਼ਰ ‘ਚ ਵੀ ਧੀਰਜ ਬੰਨ੍ਹੀ ਰੱਖਿਆ। ਭਵਿੱਖ ਵਿੱਚ ਹੋਰ ਉਪਲਬਧੀਆਂ ਲਈ ਮੇਰੀਆਂ ਸ਼ੁਭਕਾਮਨਾਵਾਂ।”
Congratulations to Harvinder Singh for bringing home bronze medal in archery in a closely fought contest. You played very well and maintained calm under pressure. My best wishes for greater accomplishments in the future.
— President of India (@rashtrapatibhvn) September 3, 2021
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਵੀ ਹਰਵਿੰਦਰ ਨੂੰ ਬ੍ਰਾਨਜ਼ ਮੈਡਲ ਜਿੱਤਣ ‘ਤੇ ਵਧਾਈ ਦਿੱਤੀ। ਉਹਨਾਂ ਟਵੀਟ ਕੀਤਾ, “ਹਰਵਿੰਦਰ ਦੀ ਪਰਫਾਰਮੈਂਸ ਬਿਹਤਰੀਨ ਰਹੀ। ਉਹਨਾਂ ਨੇ ਚੰਗੇ ਹੁਨਰ ਅਤੇ ਲਗਨ ਦਾ ਮੁਜਾਹਰਾ ਕੀਤਾ, ਜਿਸਨੇ ਮੈਡਲ ਜਿੱਤਣ ‘ਚ ਮਦਦ ਕੀਤੀ। ਇਤਿਹਾਸਕ ਬ੍ਰਾਨਜ਼ ਮੈਡਲ ਜਿੱਤਣ ਲਈ ਉਹਨਾਂ ਨੂੰ ਵਧਾਈ। ਉਹਨਾਂ ‘ਤੇ ਮਾਣ ਹੈ। ਆਉਣ ਵਾਲੇ ਸਮੇਂ ਲਈ ਉਹਨਾਂ ਨੂੰ ਸ਼ੁਭਕਾਮਨਾਵਾਂ।”
Outstanding performance by @ArcherHarvinder. He displayed great skill and determination, resulting in his medal victory. Congratulations to him for winning a historic Bronze medal. Proud of him. Wishing him the very best for the times ahead. #Paralympics #Praise4Para pic.twitter.com/qiwgMfitVz
— Narendra Modi (@narendramodi) September 3, 2021
ਡੇਢ ਸਾਲ ਦੀ ਉਮਰ ‘ਚ ਹੋਇਆ ਸੀ ਡੇਂਗੂ
ਮੱਧਵਰਗੀ ਕਿਸਾਨ ਪਰਿਵਾਰ ਦੇ ਹਰਵਿੰਦਰ ਸਿੰਘ ਜਦੋਂ ਡੇਢ ਸਾਲਾਂ ਦੇ ਸਨ, ਤਾਂ ਉਹਨਾਂ ਨੂੰ ਡੇਂਗੂ ਹੋ ਗਿਆ ਸੀ। ਉਸ ਵਕਤ ਹਰਵਿੰਦਰ ਨੂੰ ਸਥਾਨਕ ਡਾਕਟਰ ਨੇ ਇੱਕ ਇੰਜੈਕਸ਼ਨ ਲਾਇਆ ਸੀ, ਜਿਸਦਾ ਗਲਤ ਅਸਰ ਹੋਇਆ, ਉਦੋਂ ਤੋਂ ਉਹਨਾਂ ਦੇ ਪੈਰਾਂ ਨੇ ਠੀਕ ਤਰੀਕੇ ਨਾਲ ਕੰਮ ਕਰਨਾ ਬੰਦ ਕਰ ਦਿੱਤਾ ਸੀ।
