ਅੰਮ੍ਰਿਤਸਰ। ਯੂਨਾਈਟੇਡ ਕਿੰਗਡਮ (UK) ਸਥਿਤ ਬਰਮਿੰਘਮ ਵਿੱਚ ਕਾਮਨਵੈਲਥ ਗੇਮਸ (CWG) ਵਿੱਚ ਤਮਗਾ ਜਿੱਤ ਕੇ ਭਾਰਤ ਪਰਤੇ ਦੇਸ਼ ਦੇ ਵੇਟਲਿਫਟਰ ਖਿਡਾਰੀ ਅੰਮ੍ਰਿਤਸਰ ਏਅਰਪੋਰਟ ‘ਤੇ ਪਹੁੰਚੇ, ਜਿਥੇ ਲੋਕਾੰ ਨੇ ਉਹਨਾੰ ਦਾ ਸ਼ਾਨਦਾਰ ਸੁਆਗਤ ਕੀਤਾ। ਖਿਡਾਰੀ ਦੇ ਸੁਆਗਤ ਵਿੱਚ ਏਅਰਪੋਰਟ ‘ਤੇ ਜਸ਼ਨ ਦਾ ਮਾਹੌਲ ਨਜ਼ਰ ਆਇਆ। ਸਾਰੇ ਖਿਡਾਰੀ ਜਿਵੇੰ ਹੀ ਅੰਮ੍ਰਿਤਸਰ ਹਵਾਈ ਅੱਡੇ ਤੋੰ ਬਾਹਰ ਨਿਕਲੇ, ਤਾੰ ਉਹਨਾੰ ਦਾ ਸੁਆਗਤ ਢੋਲ ਦੇ ਨਾਲ ਕੀਤਾ ਗਿਆ। ਉਹਨਾੰ ‘ਤੇ ਫੁੱਲ ਬਰਸਾਏ ਗਏ।
ਪੰਜਾਬ ਦੇ ਸਾਰੇ 4 ਮੈਡਲ ਜੇਤੂ ਪਹੁੰਚੇ
ਏਅਰ ਇੰਡੀਆ ਦੀ ਫਲਾਈਟ AI118 ਰਾਹੀੰ ਖਿਡਾਰੀ ਸਵੇਰੇ 8.30 ਵਜੇ ਅੰਮ੍ਰਿਤਸਰ ਦੇ ਸ੍ਰੀ ਗੁਰੂ ਰਾਮਦਾਸ ਜੀ ਕੌਮਾੰਤਰੀ ਹਵਾਈ ਅੱਡੇ ‘ਤੇ ਲੈੰਡ ਹੋਏ। ਅੰਮ੍ਰਿਤਸਰ ਏਅਰਪੋਰਟ ‘ਤੇ ਖਿਡਾਰੀਆੰ ਦੀ ਅਗਵਾਈ ਗੋਲਡ ਮੈਡਲਿਸਟ ਮੀਰਾਬਾਈ ਚਾਨੂ ਕਰਦੀ ਨਜ਼ਰ ਆਈ। ਉਹਨਾੰ ਦੇ ਨਾਲ ਬਾਕੀ ਸਾਰੇ 9 ਵੇਟਲਿਫਟਰ, ਜਿਹਨਾੰ ਵਿੱਚ ਪੰਜਾਬ ਦੇ 4 ਖਿਡਾਰੀ ਵਿਕਾਸ ਠਾਕੁਰ, ਹਰਜਿੰਦਰ ਕੌਰ, ਲਵਪ੍ਰੀਤ ਸਿੰਘ, ਗੁਰਦੀਪ ਸਿੰਘ ਅਤੇ ਸੰਕੇਤ ਮਹਾਦੇਵ, ਗੁਰੂਰਾਜਾ ਪੁਜਾਰੀ, ਬਿੰਦੀਆ ਰਾਣੀ ਦੇਵੀ, ਜੇਰੇਮੀ ਲਾਲਰਿਨੁੰਗਾ, ਅੰਚਿਤਾ ਸ਼ਿਓਲੀ ਵੀ ਨਾਲ ਸਨ।
ਅੰਮ੍ਰਿਤਸਰ ਵਿੱਚ ਲੈੰਡ ਹੋਣ ਤੋੰ ਬਾਅਦ ਸਾਰੇ ਖਿਡਾਰੀਆੰ ਦੇ ਚਿਹਰਿਆੰ ‘ਤੇ ਇੱਕ ਵੱਖਰੀ ਖੁਸ਼ੀ ਸੀ। ਅੰਮ੍ਰਿਤਸਰ ਏਅਰਪੋਰਟ ‘ਤੇ ਲੈੰਡ ਹੁੰਦੇ ਹੀ ਖਿਡਾਰੀਆੰ ਦਾ ਸਵਾਗਤ ਸਭ ਤੋੰ ਪਹਿਲਾੰ ਕਸਟਮ ਵਿਭਾਗ ਦੇ ਅਧਿਕਾਰੀਆੰ ਨੇ ਤਾਲੀਆੰ ਵਜਾ ਕੇ ਕੀਤਾ। ਇਸ ਤੋੰ ਬਾੰਅਦ ਸਾਰਿਆੰ ਨੇ ਗਰੁੱਪ ਫੋਟੋ ਖਿਚਵਾਈ। ਇਸ ਤੋੰ ਬਾਅਦ ਪੰਜਾਬ ਦੇ ਸੀਨੀਅਰ ਅਧਿਕਾਰੀ, DC ਹਰਪ੍ਰੀਤ ਸਿੰਘ ਸੂਦਨ ਉਹਨਾੰ ਦਾ ਸਵਾਗਤ ਕਰਨ ਲਈ ਖੜ੍ਹੇ ਸਨ। ਸਾਰੇ ਖਿਡਾਰੀਆੰ ਦਾ ਤਿਲਕ ਲਗਾ ਕੇ ਅਤੇ ਫੁੱਲ ਮਾਲਾਵਾੰ ਪਹਿਨਾ ਕੇ ਸੁਆਗਤ ਕੀਤਾ ਗਿਆ।
ਲਵਪ੍ਰੀਤ ਸਿੰਘ ਦੇ ਪਿਤਾ ਦੀ ਵਿਗੜੀ ਤਬੀਅਤ
ਇਸ ਪੂਰੇ ਜਸ਼ਨ ਦੇ ਮਾਹੌਲ ਦੌਰਾਨ ਧੱਕਾਮੁੱਕੀ ਅਤੇ ਮੌਸਮ ਦੀ ਵਜ੍ਹਾ ਨਾਲ ਲਵਪ੍ਰੀਤ ਸਿੰਘ ਦੇ ਪਿਤਾ ਕਿਰਪਾਲ ਿਸੰਘ ਦੀ ਤਬੀਅਤ ਵਿਗੜ ਗਈ। ਉਹਨਾੰ ਨੂੰ ਤੁਰੰਤ ਕਾਰ ਵਿੱਚ ਬਿਠਾ ਕੇ ਡਾਕਟਰ ਕੋਲ ਲਿਜਾਇਆ ਗਿਆ। ਇਹ ਵੇਖ ਲਵਪ੍ਰੀਤ ਸਿੰਘ ਵੀ ਥੋੜ੍ਹਾ ਬੇਚੈਨ ਹੋ ਗਏ ਅਤੇ ਉਹਨਾੰ ਨੇ ਇਸ ਤੋੰ ਬਾਅਦ ਕਿਸੇ ਨਾਲ ਗੱਲ ਨਹੀੰ ਕੀਤੀ।
