ਬਿਓਰੋ। ਅਮਰੀਕਾ ਦੇ ਨਿਯੂਯਾਰਕ ਵਿੱਚ ਇੱਕ ਭਾਰਤੀ ਮੂਲ ਦੀ 30 ਸਾਲਾ ਸਿੱਖ ਮਹਿਲਾ ਵੱਲੋੰ ਖੁਦਕੁਸ਼ੀ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮਨਦੀਪ ਕੌਰ ਨਾਮੀ ਇਸ ਮਹਿਲਾ ਨੇ ਘਰੇਲੂ ਹਿੰਸਾ ਦੇ ਚਲਦੇ ਮੌਤ ਨੂੰ ਗਲੇ ਲਗਾਇਆ ਹੈ। ਖੁਦ ਮਨਦੀਪ ਨੇ ਆਤਮ ਹੱਤਿਆ ਤੋੰ ਪਹਿਲਾੰ ਸੋਸ਼ਲ ਮੀਡੀਆ ‘ਤੇ ਵੀਡੀਓ ਪੋਸਟ ਕਰਕੇ ਆਪਣੇ 8 ਸਾਲ ਦੀ ਵਿਆਹੁਤਾ ਜ਼ਿੰਦਗੀ ਦੀ ਦਾਸਤਾੰ ਬਿਆਨ ਕੀਤੀ ਹੈ।
ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤੀ ਵੀਡੀਓ ਵਿੱਚ ਮਨਦੀਪ ਕੌਰ ਦੱਸਦੀ ਹੈ ਕਿ ਉਸਦਾ ਪਤੀ ਰਣਜੋਧਬੀਰ ਸੰਧੂ ਪਿਛਲੇ 8 ਸਾਲਾੰ ਤੋੰ ਉਸ ਨਾਲ ਕੁੱਟਮਾਰ ਕਰ ਰਿਹਾ ਸੀ। ਭਾਵੇੰ ਇੰਡੀਆ ਹੋਵੇ, ਜਾੰ ਨਿਊਯਾਰਕ..ਉਸਨੇ ਸਭ ਜਗ੍ਹਾ ਉਸਦੀ ਮਾਰ ਖਾਈ ਹੈ।
ਮਨਦੀਪ ਦੀ ਆਪਬੀਤੀ ਉਸੇ ਦੀ ਜ਼ੁਬਾਨੀ
ਸੁਸਾਈਡ ਤੋੰ ਪਹਿਲਾੰ ਬਣਾਏ ਵੀਡੀਓ ਵਿੱਚ ਮਨਦੀਪ ਕੌਰ ਨੇ ਕਿਹਾ, “ਮੈੰ ਬਹੁਤ ਦੁਖੀ ਹਾੰ। 8 ਸਾਲ ਹੋ ਗਏ। ਮੈੰ ਆਪਣੇ ਵੱਲੋੰ ਪੂਰੀ ਕੋਸ਼ਿਸ਼ ਕੀਤੀ। ਕੁੱਟ ਨਹੀੰ ਖਾਧੀ ਜਾੰਦੀ ਰੋਜ਼-ਰੋਜ਼। 8 ਸਾਲਾੰ ਤੋੰ ਮੈੰ ਇਹਨੂੰ ਤੇ ਇਹਦੀ ਕੁੱਟ ਨੂੰ ਬਰਦਾਸ਼ਤ ਕਰ ਰਹੀ ਸੀ ਕਿ ਚੱਲ ਕੋਈ ਨਹੀੰ, ਇੱਕ ਦਿਨ ਸੁਧਰ ਜਾਏਗਾ। ਪਰ ਨਹੀੰ, 8 ਸਾਲਾੰ ਤੋੰ ਮੈਨੂੰ ਮਾਰਦਾ ਰਿਹਾ। Extra Marital affair ਇਹਦੇ। ਕਿੰਨੀ ਜਨਾਨੀਆੰ ਦੇ ਨਾਲ। ਪਹਿਲਾੰ ਢਾਈ ਸਾਲ ਉਥੇ (ਇੰਡੀਆ) ਰਿਹਾ, ਉਥੇ ਹੀ ਕਦੇ ਕਿਸੇ ਨਾਲ ਕਦੇ ਕਿਸੇ ਨਾਲ ਅਫੇਅਰ ਰਿਹਾ। ਫੇਰ ਅਸੀੰ ਇਥੇ ਆ ਗਏ। ਇਥੇ ਮੈਨੂੰ ਰੋਜ਼ ਮਾਰਦਾ ਸ਼ਰਾਬ ਪੀ ਕੇ ਜਾੰ ਨਾ ਪੀ ਕੇ ਅਤੇ ਦੂਜੀ ਜਨਾਨੀ ਨਾਲ ਰਹਿੰਦਾ। ਮੈਨੂੰ 5 ਦਿਨ ਕਿਡਨੈਪ ਰੱਖਿਆ, ਮੈਨੂੰ ਬਹੁਤ ਮਾਰਿਆ। ਫੇਰ ਮੇਰੇ ਡੈਡੀ ਨੇ ਪੁਲਿਸ ਕੇਸ ਕਰਵਾ ਦਿੱਤਾ। ਉਸ ਤੋੰ ਬਾਅਦ ਹੱਥ ਜੋੜਨ ਲੱਗਿਆ ਕਿ ਮੈਨੂੰ ਬਚਾ ਲੈ ਮੈੰ ਬਚਾ ਲਿਆ। ਮੈੰ ਸਾਰਾ ਕੁਝ ਸਹੀ ਕਰਨ ਦੀ ਕੋਸ਼ਿਸ਼ ਕੀਤੀ। ਪਰ ਮੇਰੀ ਸੱਸ ਤੇ ਸਹੁਰੇ ਨੇ ਵੀ ਮੇਰੀ ਮਦਦ ਨਹੀੰ ਕੀਤੀ। ਇਹਨਾੰ ਸਾਰਿਆੰ ਨੂੰ ਰੱਬ ਦੇਖੇਗਾ। ਮੈੰ ਨਹੀੰ ਕਿਸੇ ਨੂੰ ਕੁਝ ਕਹਿੰਦੀ। ਮੈਨੂੰ ਮਰਨ ਲਈ ਮਰਬੂਰ ਕਰ ਦਿੱਤਾ। ਮੈਨੂੰ ਆਪਣੇ ਬੱਚੇ ਛੱਡ ਕੇ ਜਾਣੇ ਪੈ ਰਹੇ।”
ਦਿੱਲੀ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਸਵਾਤੀ ਮਾਲੀਵਾਲ ਨੇ ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰਦਿਆੰ ਭਾਰਤੀ ਅੰਬੈਸੀ US ਅਤੇ ਨਿਊਯਾਰਕ ਪੁਲਿਸ ਤੋੰ ਕਾਰਵਾਈ ਦੀ ਮੰਗ ਕੀਤੀ ਹੈ।
A Punjabi woman from New York committed suicide after facing extreme domestic violence from her husband for 8 years. It is really depressing and sad. I request @IndianEmbassyUS and @NYPDChiefOfDept to take action. #JusticeforMandeep pic.twitter.com/U6BleAEF2i
— Swati Maliwal (@SwatiJaiHind) August 6, 2022
ਮਨਦੀਪ ਕੌਰ ਦੇ ਇਹਨਾੰ ਇਲਜ਼ਾਮਾੰ ਨੂੰ ਬਿਆਨ ਕਰਦੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ, ਜੋ CCTV ਵਿੱਚ ਕੈਪਚਰ ਹੋਈ ਹੈ। ਇਸ ਵੀਡੀਓ ਵਿੱਚ ਮਨਦੀਪ ਦਾ ਪਤੀ ਉਸ ਨਾਲ ਕੁੱਟਮਾਰ ਕਰਦਾ ਨਜ਼ਰ ਆ ਰਿਹਾ ਹੈ। ਇੰਨਾ ਹੀ ਨਹੀੰ, ਪਿੱਛੋੰ ਬੱਚਿਆੰ ਦੀ ਅਵਾਜ਼ ਵੀ ਸੁਣਾਈ ਦੇ ਰਹੀ ਹੈ, ਜਿਸ ਵਿੱਚ ਉਹ ਆਪਣੇ ਪਿਤਾ ਨੂੰ ਮਾੰ ਦੀ ਕੁੱਟਮਾਰ ਕਰਨ ਤੋੰ ਰੋਕ ਰਹੇ ਹਨ।
"Papa, Naa maro mumma nu"
These words by that little girl is breaking my heart 💔💔#JusticeforMandeep#justiceformandeepkaur pic.twitter.com/HEyCJkUN4P
— Sukhmeet Pannu (@SukhmeetP) August 6, 2022
ਇੱਕ ਆਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਰਣਜੋਧਬੀਰ ਸੰਧੂ ਦੀ ਅਵਾਜ਼ ਦੱਸਿਆ ਜਾ ਰਿਹਾ ਹੈ। ਇਸ ਵਿੱਚ ਰਣਜੋਧਬੀਰ ਕਥਿਤ ਤੌਰ ‘ਤੇ ਮਨਦੀਪ ਨੂੰ ਮੁੰਡਾ ਨਾ ਜੰਮ ਸਕਣ ਲਈ ਸੁਣਾ ਰਿਹਾ ਹੈ।
So sad, this is what our Punjabi women still have to go through… domestic violence is common in our Society and needs to stop. #JusticeforMandeep #justiceformandeepkaur #Punjab pic.twitter.com/6F8KFsqkfv
— Saman (@ghuman_saman) August 5, 2022
ਭਾਰਤੀ ਫਿਲਮਮੇਕਰ ਵਿਨੋਦ ਕਾਪਰੀ ਨੇ ਵੀ ਇਸ ਘਟਨਾ ਦੀ ਨਿੰਦਾ ਕੀਤੀ ਹੈ ਅਤੇ ਇਸ ਨੂੰ ਬੇਹੱਦ ਪਰੇਸ਼ਾਨ ਕਰਨ ਵਾਲਾ ਦੱਸਿਆ ਹੈ।
This is so so DISTURBING & HEARTBREAKING 💔 #JusticeforMandeep https://t.co/Va8ZnAr0LD
— Vinod Kapri (@vinodkapri) August 6, 2022
ਕਾਬਿਲੇਗੌਰ ਹੈ ਕਿ ਮਨਦੀਪ ਕੌਰ ਉੱਤਰ ਪ੍ਰਦੇਸ਼ ਦੇ ਬਿਜਨੌਰ ਦੀ ਰਹਿਣ ਵਾਲੀ ਸੀ। ਪਿਛਲੇ ਕਰੀਬ 6 ਸਾਲਾੰ ਤੋੰ ਉਹ ਆਪਣੇ ਪਤੀ ਅਤੇ ਦੋਵੇੰ ਧੀਆੰ ਨਾਲ ਰਿਚਮੰਡ ਹਿੱਲ, ਨਿਊਯਾਰਕ ਵਿੱਚ ਰਹਿ ਰਹੀ ਸੀ। ਮਨਦੀਪ ਕੌਰ ਵੱਲੋੰ ਖੁਦਕੁਸ਼ੀ ਕੀਤੇ ਜਾਣ ਅਤੇ ਇਸਦੇ ਪਿੱਛੇ ਦੀ ਵਜ੍ਹਾ ਸਾਹਮਣੇ ਆਉਣ ਤੋੰ ਬਾਅਦ ਲਗਾਤਾਰ ਉਸ ਲਈ ਇਨਸਾਫ਼ ਦੀ ਮੰਗ ਉਠ ਰਹੀ ਹੈ। ਇਸਦੇ ਲਈ ਬਕਾਇਦਾ ਨਿਊਯਾਰਕ ਦੇ ਰਿਚਮੰਡ ਹਿੱਲ ਵਿੱਚ ਪ੍ਰਦਰਸ਼ਨ ਵੀ ਹੋ ਰਹੇ ਹਨ।
ਮਨਦੀਪ ਕੌਰ ਲਈ ਇਨਸਾਫ਼ ਮੰਗਦਿਆੰ ਟਵਿਟਰ ‘ਤੇ #JusticeForMandeep ਵੀ ਟ੍ਰੈੰਡ ਕਰ ਰਿਹਾ ਹੈ। ਹਰ ਕੋਈ ਮਨਦੀਪ ਦੀਆੰ ਤਸਵੀਰਾੰ ਤੇ ਵੀਡੀਓਜ਼ ਸ਼ੇਅਰ ਕਰਕੇ ਉਸ ਲਈ ਇਨਸਾਫ਼ ਮੰਗ ਰਿਹਾ ਹੈ।
ਇਸਦੇ ਨਾਲ ਹੀ ਕਈ ਲੋਕ ਅਜਿਹੇ ਵੀ ਹਨ, ਜੋ ਭਾਰਤੀ ਪਰਵਰਿਸ਼ ‘ਤੇ ਸਵਾਲ ਚੁੱਕ ਰਹੇ ਹਨ। ਕਈ ਲੋਕ ਲਿਖ ਰਹੇ ਹਨ ਕਿ ਸਾਡੇ ਇਥੇ ਮਹਿਲਾਵਾੰ ਨੂੰ ਹਿੰਸਾ ਅਤੇ ਖਤਮ ਹੋ ਚੁੱਕੇ ਰਿਸ਼ਤਿਆੰ ‘ਚ ਰਹਿਣਾ ਕਿਉੰ ਸਿਖਾਇਆ ਜਾੰਦਾ ਹੈ। ਪੰਜਾਬੀ ਅਦਾਕਾਰਾ ਹਿਮਾੰਸ਼ੀ ਖੁਰਾਨਾ ਨੇ ਵੀ ਟਵਿਟਰ ‘ਤੇ ਕੁਝ ਅਜਿਹਾ ਹੀ ਲਿਖਿਆ ਹੈ। ਹਿਮਾੰਸ਼ੀ ਲਿਖਦੇ ਹਨ, “ਇੱਕ ਤਲਾਕਸ਼ੁਦਾ ਧੀ ਮਰੀ ਹੋਈ ਧੀ ਨਾਲੋੰ ਕਿਤੇ ਚੰਗੀ ਹੈ।”
Divorce is better than a dead daughter 💔💔 #JusticeforMandeep
— Himanshi khurana (@realhimanshi) August 5, 2022
ਪੰਜਾਬੀ ਗਾਇਕ ਤੇ ਅਦਾਕਾਰ ਐਮੀ ਵਿਰਕ ਨੇ ਵੀ ਟਵੀਟ ਕਰਦਿਆੰ ਕਿਹਾ, “ਆਪਣੀਆੰ ਧੀਆੰ ਨੂੰ ਸਿਖਾਓ ਕਿ ਵਿਆਹ ਇੱਕ ਖੂਬਸੂਰਤ ਚੀਜ਼ ਹੈ, ਪਰ ਨਾਲ ਹੀ ਇਹ ਵੀ ਸਿਖਾਓ ਕਿ ਜਦੋੰ ਇਹ ਜ਼ਹਿਰੀਲਾ ਬਣ ਜਾਵੇ, ਤਾੰ ਇਸ ‘ਚੋੰ ਨਿਕਲਣਾ ਵੀ ਠੀਕ ਹੈ। ਉਹਨਾੰ ਨੂੰ ਸਿਖਾਓ ਕਿ ਦਰਦ ਅਤੇ ਜਿੱਲਤ ਸਹਿਣ ‘ਚ ਕੁਝ ਵੀ ਆਕਰਸ਼ਤ ਨਹੀੰ। ਉਹਨਾੰ ਨੂੰ ਸਿਖਾਓ ਕਿ ਉਹ ਕਿਸੇ ਵੀ ਬੇਕਾਰ ਇਨਸਾਨ ਲਈ ਡੰਪਿੰਗ ਮੈਦਾਨ ਨਹੀੰ ਹਨ।”
— Ammy Virk (@AmmyVirk) August 5, 2022
