ਬਿਓਰੋ। ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸੁਨੀਲ ਜਾਖੜ ਵੱਲੋਂ ਆਪਣੀ ਹੀ ਪਾਰਟੀ ਦੇ ਆਗੂਆਂ ‘ਤੇ ਸਿਆਸੀ ਹਮਲੇ ਜਾਰੀ ਹਨ। ਜਾਖੜ ਨੇ ਇੱਕ ਵਾਰ ਫਿਰ ਨਵਜੋਤ ਸਿੱਧੂ ‘ਤੇ ਹਮਲਾ ਬੋਲਿਆ ਹੈ। ਦਰਅਸਲ, ਅਜਿਹੀਆਂ ਖਬਰਾਂ ਹਨ ਕਿ ਪਾਰਟੀ ਦੇ ਵਿਸਥਾਰ ਨੂੰ ਲੈ ਕੇ ਜਾਖੜ ਨੇ ਕੁਝ ਸੁਝਾਅ ਦਿੱਤੇ ਸਨ, ਜਿਹਨਾਂ ਨੂੰ ਸਿੱਧੂ ਨੇ ਨਹੀਂ ਮੰਨਿਆ।
ਜਾਖੜ ਨੇ ਟਵੀਟ ਕਰਕੇ ਸਿੱਧੂ ਨੂੰ ਕਿਸੇ ਤਰ੍ਹਾਂ ਦੇ ਸੁਝਾਅ ਦੇਣ ਦੀ ਗੱਲ ਤੋਂ ਇਨਕਾਰ ਕੀਤਾ ਅਤੇ ਬੇਹੱਦ ਦਿਲਚਸਪ ਅੰਦਾਜ਼ ਵਿੱਚ ਸਿੱਧੂ ‘ਤੇ ਹਮਲਾ ਵੀ ਬੋਲ ਦਿੱਤਾ। ਜਾਖੜ ਨੇ ਕਿਹਾ, “ਤੁਹਾਡੇ ਬੰਦਰ, ਤੁਹਾਡੀ ਸਰਕਸ..ਮੈਂ ਇਸ ਕਹਾਵਤ ਨੂੰ ਫੋਲੋ ਕਰਦਾ ਹਾਂ। ਮੈਂ ਨਾ ਕਿਸੇ ਨੂੰ ਕੁਝ ਸੁਝਾਅ ਦਿੱਤਾ ਹੈ ਅਤੇ ਨਾ ਹੀ ਦੂਜੇ ਦੇ ‘ਸ਼ੋਅ’ ਵਿੱਚ ਦਖਲਅੰਦਾਜੀ ਕੀਤੀ ਹੈ।”
" Your monkey , your circus "
I follow this dictum – neither suggest anything nor interfere in other’s 'show' !
FYI – @kanchan99 @IndianExpress @knath15 @JagranNews— Sunil Jakhar (@sunilkjakhar) November 30, 2021
ਟਵਿਟਰ ‘ਤੇ ਹਮਲਾਵਰ ਹਨ ਸੁਨੀਲ ਜਾਖੜ
ਜਾਖੜ ਲਗਾਤਾਰ ਆਪਣੇ ਟਵੀਟਸ ਨੂੰ ਲੈ ਕੇ ਚਰਚਾ ਵਿੱਚ ਹਨ। ਜਾਖੜ ਨੇ 2 ਦਿਨ ਪਹਿਲਾਂ ਕਿਹਾ ਸੀ ਕਿ ਪੰਜਾਬ ਵਿੱਚ ਸਿਆਸਤ ਡਰਾਮਾ ਹੋ ਗਈ ਹੈ, ਜੋ ਬਿਲਕੁੱਲ ਕ੍ਰਿਪਟੋਕਰੰਸੀ ਵਾਂਗ ਹੈ। ਜੋ ਵਿਕਦੀ ਖੂਬ ਹੈ, ਪਰ ਭਰੋਸੇਯੋਗ ਨਹੀਂ ਹੈ। ਜਾਖੜ ਦਾ ਇਹ ਟਵੀਟ ਸਿੱਧੂ ਨਾਲ ਜੋੜ ਕੇ ਵੇਖਿਆ ਗਿਆ। ਇਸ ਤੋਂ ਪਹਿਲਾਂ ਉਹ ਕੇਦਾਰਨਾਥ ਗਏ ਸਿੱਧੂ ਅਤੇ ਸੀਐੱਮ ਚਰਨਜੀਤ ਚੰਨੀ ਨੂੰ ਸਿਆਸੀ ਤੀਰਥ ਯਾਤਰੀ ਦੱਸ ਚੁੱਕੇ ਹਨ।
ਸਿੱਧੂ ਦੇ ਬਿਆਨ ਨਾਲ ਵਧੀ ਤਕਰਾਰ
ਪਿਛਲੇ ਦਿਨੀਂ ਸਿੱਧੂ ਨੇ ਜਾਖੜ ਦੇ ਟਵੀਟਸ ਨੂੰ ਲੈ ਕੇ ਸਵਾਲ ਚੁੱਕੇ ਸਨ ਅਤੇ ਕਿਹਾ ਸੀ ਕਿ ਅੱਜਕੱਲ੍ਹ ਪੁਰਾਣੇ ਪ੍ਰਧਾਨ ਖੂਬ ਟਵੀਟ ਕਰਦੇ ਹਨ। ਪਰ ਕੀ ਉਹਨਾਂ ਨੇ ਮੇਰੀ ਤਰ੍ਹਾਂ ਮੁੱਦੇ ਚੁੱਕੇ ਹਨ। ਜਾਖੜ ਨੇ ਬਕਾਇਦਾ ਸਿੱਧੂ ਦੇ ਬਿਆਨ ਦੀ ਵੀਡੀਓ ਟਵੀਟ ਕੀਤੀ ਅਤੇ ਲਿਖਿਆ, “ਬੁੱਤ ਹਮਕੋ ਕਹੇ ਕਾਫਿਰ, ਅੱਲ੍ਹਾ ਕੀ ਮਰਜੀ ਹੈ, ਸੂਰਜ ਮੇਂ ਲਗੇ ਧੱਬਾ, ਫਿਤਰਤ ਕੇ ਕਰਿਸ਼ਮੇ ਹੈਂ..ਬਰਕਤ ਜੋ ਨਹੀਂ ਹੋਤੀ, ਨੀਅਤ ਕੀ ਖਰਾਬੀ ਹੈ।” ਹਾਲਾਂਕਿ ਇਸ ਤੋਂ ਬਾਅਦ ਸਿੱਧੂ ਨੇ ਇਸ ‘ਤੇ ਕੋਈ ਜਵਾਬ ਨਹੀਂ ਦਿੱਤਾ।
बुत हम को कहे काफ़िर, अल्लाह की मर्जी है
सूरज में लगे धब्बा, फ़ितरत के करिश्में हैं I
……….
बरकत जो नहीं होती, नीयत की खराबी है। pic.twitter.com/pzdVQeB9wA— Sunil Jakhar (@sunilkjakhar) November 26, 2021
ਪਹਿਲਾਂ ਪ੍ਰਧਾਨਗੀ ਗਈ, ਫਿਰ CM ਬਣਦੇ-ਬਣਦੇ ਰਹਿ ਗਏ
ਕਾਂਗਰਸ ਨੇ ਸੁਨੀਲ ਜਾਖੜ ਨੂੰ ਹਟਾ ਕੇ ਨਵਜੋਤ ਸਿੱਧੂ ਨੂੰ ਪੰਜਾਬ ਪ੍ਰਧਾਨ ਬਣਾ ਦਿੱਤਾ। ਉਸ ਵੇਲੇ ਉਹਨਾਂ ਦੇ ਨਾਲ ਕੋਈ ਵੀ ਵਿਵਾਦ ਨਹੀਂ ਸੀ। ਇਸ ਤੋਂ ਬਾਅਦ ਪਾਰਟੀ ਹਾਈਕਮਾਂਡ ਜਾਖੜ ਨੂੰ CM ਬਣਾਉਣ ਲੱਗੀ, ਪਰ ਆਖਰੀ ਸਮੇਂ ਵਿੱਚ ਸਿੱਖ ਸਟੇਟ ਸਿੱਖ ਸੀਐੱਮ ਦੇ ਮੁੱਦੇ ਨੇ ਜੋਰ ਫੜ ਲਿਆ। ਇਸਦੇ ਚਲਦੇ ਚਰਨਜੀਤ ਚੰਨੀ ਨੂੰ ਸੂਬੇ ਦੀ ਕਮਾਨ ਸੌਂਪ ਦਿੱਤੀ ਗਈ। ਉਦੋਂ ਤੋਂ ਹੀ ਸੁਨੀਲ ਜਾਖੜ ਪਾਰਟੀ ਤੋਂ ਨਰਾਜ਼ ਚੱਲ ਰਹੇ ਹਨ।
