ਬਿਓਰੋ। ਆਮ ਆਦਮੀ ਪਾਰਟੀ ਦੇ ਕਨਵੀਨਰ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਇੱਕ ਵਾਰ ਫਿਰ ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਦੀ ਤਾਰੀਫ਼ ਕੀਤੀ ਹੈ। ਮੰਗਲਵਾਰ ਨੂੰ ਅੰਮ੍ਰਿਤਸਰ ਪਹੁੰਚੇ ਕੇਜਰੀਵਾਲ ਨੇ ਕਿਹਾ ਕਿ ਸਿੱਧੂ ਦੀ ਹਿੰਮਤ ਦੀ ਦਾਦ ਦਿੰਦਾ ਹਾਂ ਕਿ ਉਹ ਚੰਨੀ ਦੇ ਸਾਹਮਣੇ ਉਹਨਾਂ ਦੇ ਝੂਠ ਦੀ ਪੋਲ ਖੋਲ੍ਹ ਰਹੇ ਹਨ। ਕੇਜਰੀਵਾਲ ਨੇ ਇਥੋਂ ਤੱਕ ਕਿਹਾ ਕਿ ਸਿੱਧੂ ਜਨਤਾ ਦੇ ਮੁੱਦੇ ਚੁੱਕ ਰਹੇ ਹਨ, ਪਰ ਕਾਂਗਰਸ ਉਹਨਾਂ ਨੂੰ ਦਬਾ ਰਹੀ ਹੈ। ਪਹਿਲਾਂ ਕੈਪਟਨ ਅਮਰਿੰਦਰ ਸਿੰਘ ਤੇ ਹੁਣ ਚੰਨੀ ਉਹਨਾਂ ਨੂੰ ਦਬਾ ਰਹੇ ਹਨ।
ਦਰਅਸਲ, ਸਿੱਧੂ ਨੇ ਸੋਮਵਾਰ ਨੂੰ ਕਾਂਗਰਸ ਦੀ ਲੁਧਿਆਣਾ ਰੈਲੀ ਵਿੱਚ ਸੀਐੱਮ ਦੀ ਮੌਜੂਦਗੀ ‘ਚ ਕਿਹਾ ਸੀ ਕਿ ਰੇਤ ਅਜੇ ਵੀ ਸਸਤੀ ਨਹੀਂ ਹੋਈ ਹੈ। ਜੇਕਰ ਰੇਤ ਸਸਤੀ ਨਾ ਹੋਈ, ਤਾਂ ਉਹ ਮੁੜ ਅਸਤੀਫਾ ਦੇ ਦੇਣਗੇ। ਸਿੱਧੂ ਦੇ ਇਸ ਬਿਆਨ ਨੂੰ ਅਧਾਰ ਬਣਾ ਕੇ ਕੇਜਰੀਵਾਲ ਨੇ ਚੰਨੀ ‘ਤੇ ਹਮਲਾ ਬੋਲਿਆ ਅਤੇ ਸਿੱਧੂ ਦੀ ਤਾਰੀਫ਼ ਕਰ ਦਿੱਤੀ। ਕੇਜਰੀਵਾਲ ਦਾ ਸਿੱਧੂ ਪ੍ਰੇਮ ਇਸ ਲਈ ਅਹਿਮ ਹੈ, ਕਿਉਂਕਿ ਹਾਲੇ ਤੱਕ ਪੰਜਾਬ ਵਿੱਚ ‘ਆਪ’ ਨੇ ਸੀਐੱਮ ਚਿਹਰੇ ਦਾ ਐਲਾਨ ਨਹੀਂ ਕੀਤਾ ਹੈ। ਚਰਚਾ ਇਹ ਹੈ ਕਿ ਪਾਰਟੀ ਨੂੰ ਅਜੇ ਕੋਈ ਵੱਡਾ ਚਿਹਰਾ ਮਿਲਿਆ ਹੀ ਨਹੀਂ ਹੈ।
ਸੀਐੱਮ ਫੇਸ ‘ਤੇ ਨਹੀਂ ਖੋਲ੍ਹੇ ਪੱਤੇ
ਅਰਵਿੰਦ ਕੇਜਰੀਵਾਲ ਤੋਂ ਜਦੋਂ ਸੀਐੱਮ ਚਿਹਰੇ ਦੇ ਬਾਰੇ ਪੁੱਛਿਆ ਗਿਆ, ਤਾਂ ਉਹਨਾਂ ਦਾ ਸਪੱਸ਼ਟ ਕਹਿਣਾ ਸੀ ਕਿ ਉਹ ਕਦੇ ਪੰਜਾਬ ਦੇ ਮੁੱਖ ਮੰਤਰੀ ਦਾ ਚਿਹਰਾ ਨਹੀਂ ਹਨ, ਪਰ ਜਦੋਂ ਸਮਰਥਕਾਂ ਨੇ ਭਗਵੰਤ ਮਾਨ ਦੇ ਹੱਕ ਵਿੱਚ ਉੱਚੇ-ਉੱਚੇ ਨਾਅਰੇ ਲਗਾਉਣੇ ਸ਼ੁਰੂ ਕਰ ਦਿੱਤੇ, ਤਾਂ ਉਹਨਾਂ ਨੂੰ ਟੋਕ ਦਿੱਤਾ ਗਿਆ ਅਤੇ ਕਿਹਾ ਕਿ ਕਿਸੇ ਵੀ ਪਾਰਟੀ ਨੇ ਅਜੇ ਤੱਕ ਸੀਐੱਮ ਚਿਹਰੇ ਦਾ ਐਲਾਨ ਨਹੀਂ ਕੀਤਾ ਹੈ। ਉਹਨਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਸੀਐੱਮ ਦਾ ਚਿਹਰਾ ਦਵੇਗੀ ਅਤੇ ਦੂਜੀਆਂ ਪਾਰਟੀਆਂ ਤੋਂ ਪਹਿਲਾਂ ਉਸ ਚਿਹਰੇ ਦਾ ਨਾਂਅ ਦੱਸ ਦਿੱਤਾ ਜਾਵੇਗਾ।
ਕਾਂਗਰਸ ਦੇ ਕਈ ਵਿਧਾਇਕ ਸੰਪਰਕ ‘ਚ
ਕੇਜਰੀਵਾਲ ਨੇ ਪਾਰਟੀ ਛੱਡ ਰਹੇ ਆਗੂਆਂ ਦੇ ਬਹਾਨੇ ਕਾਂਗਰਸ ‘ਤੇ ਹਮਲਾ ਬੋਲਿਆ। ਉਹਨਾਂ ਕਿਹਾ ਕਿ ਕਾਂਗਰਸ ਦੇ 25 ਵਿਧਾਇਕ ਅਤੇ 2-3 ਸਾਂਸਦ ‘ਆਪ’ ਦੇ ਸੰਪਰਕ ਵਿੱਚ ਹਨ ਅਤੇ ਸ਼ਾਮ ਤੱਕ ਉਹ ‘ਆਪ’ ਵਿੱਚ ਸ਼ਾਮਲ ਵੀ ਹੋ ਸਕਦੇ ਹਨ। ਪਰ ਉਹ ਕਾਂਗਰਸ ਦਾ ਕਚਰਾ ਨਹੀਂ ਲੈਣਾ ਚਾਹੁੰਦੇ। ਹਾਲਾਂਕਿ ਜਦੋਂ ਮੀਡੀਆ ਨੇ ਉਹਨਾਂ ਤੋਂ ਪੁੱਛਿਆ ਕਿ…ਕੀ ਇਹਨਾਂ 25 ਵਿਧਾਇਕਾਂ ਵਿੱਚ ਸਿੱਧੂ ਵੀ ਸ਼ਾਮਲ ਹਨ, ਤਾਂ ਉਹ ਸਵਾਲ ਨੂੰ ਹੱਸ ਕੇ ਟਾਲ ਗਏ।
Congress ਦੇ ਬਹੁਤ ਸਾਰੇ ਲੋਕ ਸਾਡੇ ਸੰਪਰਕ ਵਿੱਚ ਹੈ।
"ਪਰ ਅਸੀਂ ਕਾਂਗਰਸ ਦਾ ਕਚਰਾ ਲੈਣਾ ਨਹੀਂ ਚਾਹੁੰਦੇ, ਨਹੀਂ ਤਾਂ ਅੱਜ ਸ਼ਾਮ ਤਕ ਕਾਂਗਰਸ ਦੇ 25 MLA ਤੇ ਦੋ ਤਿੰਨ MP 'ਆਪ' ਵਿੱਚ ਆ ਜਾਣ"‼️
: ਸ਼੍ਰੀ @ArvindKejriwal pic.twitter.com/q0J1ovIIPo
— AAP Punjab (@AAPPunjab) November 23, 2021
‘ਆਮ ਆਦਮੀ’ ਵਾਲੇ ਬਿਆਨ ‘ਤੇ ਚੰਨੀ ਦੀ ਲਈ ਚੁਟਕੀ
ਇਸ ਦੌਰਾਨ ਕੇਜਰੀਵਾਲ ਨੇ ਚੰਨੀ ਵੱਲੋਂ ਖੁਦ ਨੂੰ ਅਸਲੀ ਆਮ ਆਦਮੀ ਦੱਸਣ ‘ਤੇ ਵੀ ਹਮਲਾ ਬੋਲਿਆ ਅਤੇ ਕਿਹਾ ਕਿ ਉਹ ਚੰਨੀ ਵਰਗੇ ਆਮ ਆਦਮੀ ਨਹੀਂ ਹਨ। ਉਹ ਸੀਐੱਮ ਚੰਨੀ ਵਾਂਗ ਗੁੱਲੀ-ਡੰਡਾ ਖੇਡਣਾ ਨਹੀਂ ਜਾਣਦੇ। ਕੇਜਰੀਵਾਲ ਨੇ ਕਿਹਾ ਕਿ ਉਹ ਸਕੂਲ ਖੋਲ੍ਹਣ ਵਾਲੇ, ਹਸਪਤਾਲ ਬਣਵਾਉਣ ਵਾਲੇ ਅਤੇ ਨਾਗਰਿਕਾਂ ਦੀਆਂ ਮੁਸ਼ਕਿਲਾਂ ਦਾ ਹੱਲ ਕੱਢਣ ਵਾਲੇ ਆਮ ਆਦਮੀ ਹਨ।
🔸ਮੈਨੂੰ ਚੰਨੀ ਸਾਬ ਵਾਂਗ ਗਿੱਲੀ ਡੰਡਾ, ਕੰਚੇ ਖੇਡਣਾ 'ਤੇ ਧਾਰਾਂ ਚੋਣੀਆਂ ਨਹੀਂ ਆਉਂਦੀਆਂ
🔹ਮੈਨੂੰ ਬੱਚਿਆਂ ਦੇ ਵਧੀਆ ਸਕੂਲ ਤੇ ਮੁਹੱਲਾ ਕਲੀਨਿਕ ਬਣਾਉਣਾ ਤੇ ਬਿਜਲੀ ਮੁਫ਼ਤ ਕਰਨਾ ਆਉਂਦਾ ਹੈ
ਹੁਣ ਪੰਜਾਬ ਤੈਅ ਕਰੇਗਾ: "ਉਨ੍ਹਾਂ ਨੂੰ ਨੌਟੰਕੀ ਸਰਕਾਰ ਚਾਹੀਦੀ ਹੈ, ਜਾਂ ਕੰਮ ਕਰਨ ਵਾਲੀ ਸਰਕਾਰ"-@ArvindKejriwal pic.twitter.com/ytlLrtkMA2
— AAP Punjab (@AAPPunjab) November 23, 2021
ਖਾਲੀ ਖਜਾਨੇ ਦੇ ਮੁੱਦੇ ‘ਤੇ SAD-ਕਾਂਗਰਸ ਨੂੰ ਘੇਰਿਆ
ਕੇਜਰੀਵਾਲ ਨੇ ਕਿਹਾ, “ਸਾਰੇ ਲੀਡਰ ਕਹਿ ਰਹੇ ਹਨ ਪੰਜਾਬ ਦਾ ਖਜਾਨਾ ਖਾਲੀ ਹੋ ਗਿਆ। ਮੈਂ ਪੁੱਛਣਾ ਚਾਹੁੰਦਾ ਹਾਂ ਕਿ ਕਿਸਨੇ ਖਾਲੀ ਕੀਤਾ ਖਜਾਨਾ। 5 ਸਾਲਾਂ ਤੋਂ ਤਾਂ ਕਾਂਗਰਸ ਦੀ ਸਰਕਰ ਸੀ, ਉਸ ਤੋਂ ਪਹਿਲਾਂ ਅਕਾਲੀ ਦਲ ਦੀ ਸਰਕਾਰ ਸੀ। ਜੋ ਸਰਕਾਰ ਚਲਾ ਨਹੀਂ ਸਕਦੇ, ਉਹ ਖਜਾਨਾ ਖਾਲੀ ਹੋਣ ਦੀ ਗੱਲ ਕਰਦੇ ਹਨ।”
