ਨਿਊਜ਼ ਡੈਸਕ। ਤਮਿਲਨਾਡੂ ਦੇ ਕੁੰਨੂਰ ਵਿੱਚ ਹੋਏ ਹੈਲੀਕਾਪਟਰ ਕ੍ਰੈਸ਼ ਵਿੱਚ CDS ਬਿਪਿਨ ਰਾਵਤ ਸਣੇ 13 ਲੋਕਾਂ ਦੀ ਮੌਤ ਹੋ ਗਈ। ਫੌਜ ਦਾ ਜਿਹੜਾ Mi17V-5 ਹੈਲੀਕਾਪਟਰ ਹਾਦਸਾਗ੍ਰਸਤ ਹੋਇਆ ਹੈ, ਉਸਨੂੰ ਜਨਰਲ ਬਿਪਿਨ ਰਾਵਤ ਦੇ ਨਾਲ-ਨਾਲ ਪੀਐੱਮ ਮੋਦੀ ਸਣੇ ਕਈ VVIP ਵੀ ਇਸਤੇਮਾਲ ਕਰਦੇ ਸਨ। ਆਓ ਜਾਣਦੇ ਹਾਂ ਕਿ ਆਖਰ ਇਸ ਹੈਲੀਕਾਪਟਰ ਦੀ ਖਾਸੀਅਤ ਕੀ ਹੈ? ਤੇ ਕਿਉਂ ਇਹ ਦੁਨੀਆ ਦੇ ਸਭ ਤੋਂ ਮਾਡਰਨ ਹੈਲੀਕਾਪਟਰਾਂ ਵਿੱਚੋਂ ਇੱਕ ਹੈ?
ਰੂਸੀ ਕੰਪਨੀ ਵੱਲੋਂ ਕੀਤਾ ਗਿਆ ਹੈ ਨਿਰਮਾਣ
Mi-17V-5 ਰੂਸ ਵੱਲੋਂ ਬਣਾਇਆ ਗਿਆ ਇੱਕ Twin Engine Multipurpose ਹੈਲੀਕਾਪਟਰ ਹੈ। Mi-17V-5 (Domestic Designation Mi-8MTV-5) ਹੈਲੀਕਾਪਟਰਾਂ ਦੇ Mi-8/17 ਫੈਮਿਲੀ ਦਾ ਇੱਕ ਮਿਲਟਰੀ ਟਰਾਂਸਪੋਰਟ ਵੈਰੀਏਂਟ ਹੈ। ਇਹ ਰੂਸੀ ਹੈਲੀਕਾਪਟਰਾਂ ਦੀ ਸਹਾਇਕ ਕੰਪਨੀ ਕਜਾਨ ਹੈਲੀਕਾਪਟਰ ਵੱਲੋਂ ਤਿਆਰ ਕੀਤਾ ਜਾਂਦਾ ਹੈ। ਇਸਦਾ ਉਤਪਾਦਨ ਰੂਸੀ ਕੰਪਨੀ ਮਿਲ ਮੌਸਕੋ ਹੈਲੀਕਾਪਟਰ ਪਲਾਂਟ, ਕਜਾਨ ਹੈਲੀਕਾਪਟਰ ਪਲਾਂਟ ਅਚੇ ਉਲਾਨ-ਉੜੇ ਐਵੀਏਸ਼ਨ ਪਲਾਂਟ ਵੱਲੋਂ ਕੀਤਾ ਜਾਂਦਾ ਹੈ। Mi-17V-5 ਹੈਲੀਕਾਪਟਰ Mi-8 ਹੈਲੀਕਾਪਟਰ ਦਾ Upgraded Version ਹੈ।
ਬੇਹੱਦ ਖਰਾਬ ਮੌਸਮ ‘ਚ ਵੀ ਕਰਦਾ ਹੈ ਬਿਹਤਰ ਕੰਮ
Mi-17V-5 ਹੈਲੀਕਾਪਟਰ ਦੀ ਸਭ ਤੋਂ ਵੱਡੀ ਖਾਸੀਅਤ ਹੈ ਕਿ ਇਹ ਵੱਧ ਤੋਂ ਵੱਧ ਉਚਾਈ ਅਤੇ ਖਰਾਬ ਤੋਂ ਖਰਾਬ ਮੌਸਮ ਵਿੱਚ ਹੀ ਬਿਹਤਰ ਕਰੀਕੇ ਨਾਲ ਕੰਮ ਕਰ ਸਕਦਾ ਹੈ। ਇਸ ਨੂੰ ਖਾਸ ਤੌਰ ‘ਤੇ ਵੱਧ ਉਚਾਈ ਅਤੇ ਗਰਮ ਮੌਸਮ ਦੀ ਸਥਿਤੀ ਵਿੱਚ ਬਿਹਤਰ ਤਰੀਕੇ ਨਾਲ ਆਪਰੇਟ ਕਰਨ ਲਈ ਡਿਜਾਈਨ ਕੀਤਾ ਗਿਆ ਹੈ।
VVIP ਤੋਂ ਹੈ ਆਰਮੀ ਤੱਕ ਕਰਦੀ ਹੈ ਇਸਤੇਮਾਲ
ਦੁਨੀਆ ਦਾ ਸਭ ਤੋਂ ਐਡਵਾਂਸ ਟਰਾਂਸਪੋਰਟ ਹੈਲੀਕਾਪਟਰ ਹੋਣ ਦੇ ਚਲਦੇ Mi-17V-5 ਨੂੰ ਫੌਜ ਅਤੇ ਹਥਿਆਰਾਂ ਦੇ ਟਰਾਂਸਪੋਰਟ, ਫਾਇਰ ਸੁਪੋਰਟ, ਸੁਰੱਖਿਆ ਦਸਤੇ ਦੀ ਗਸ਼ਤ ਅਤੇ ਸਰਚ-ਐਂਡ-ਰੈਸਕਿਊ (SAR) ਮਿਸ਼ਨ ਵਿੱਚ ਵੀ ਤੈਨਾਤ ਕੀਤਾ ਜਾ ਸਕਦਾ ਹੈ। ਨਾਲ ਹੀ ਇਸ ਨੂੰ ਕਾਰਗੋ ਟਰਾਂਸਪੋਰਟ ਲਈ ਵੀ ਡਿਜਾਈਨ ਕੀਤਾ ਗਿਆ ਹੈ। ਇਸਦਾ ਇਸਤੇਮਾਲ PM ਨਰੇਂਦਰ ਮੋਦੀ, ਯਾਨੀ VVIP ਦੇ ਮੂਵਮੈਂਟ ਤੋਂ ਲੈ ਕੇ ਆਰਮੀ ਆਪਰੇਸ਼ਨ ਤੱਕ ਵਿੱਚ ਹੁੰਦਾ ਹੈ।
ਇਹ ਹਨ Mi-17 ਹੈਲੀਕਾਪਟਰ ਦੀਆਂ ਖਾਸ ਗੱਲਾਂ
- ਇਹ ਇੱਕ ਮੀਡੀਅਮ ਟਵਿਨ ਟਰਬਾਈਨ ਹੈਲੀਕਾਪਟਰ ਹੈ।
- ਇਸਦਾ ਇਸਤੇਮਾਲ ਹੈਵੀ ਲਿਫਟ, ਟਰਾਂਸਪੋਰਟੇਸ਼ਨ, VVIP ਮੂਵਮੈਂਟ ਅਤੇ ਰੈਸਕਿਊ ਮਿਸ਼ਨ ਵਿੱਚ ਕੀਤਾ ਜਾਂਦਾ ਹੈ।
- ਇਹ ਹੈਲੀਕਾਪਟਰ ਮਿਲਟਰੀ ਲਈ 3 Crew Members ਦੇ ਨਾਲ ਹੀ 36 ਫੌਜੀਆਂ ਨੂੰ ਲਿਜਾ ਸਕਦਾ ਹੈ।
- ਇਹ 36 ਹਜਾਰ ਕਿੱਲੋ ਤੱਕ ਦਾ ਭਾਰ ਚੁੱਕਣ ਵਿੱਚ ਸਮਰੱਥ ਹੈ।
- ਹਾਲਾਂਕਿ VVIP ਲਈ ਤਿਆਰ ਕੀਤੇ ਗਏ ਵਿਸ਼ੇਸ਼ ਹੈਲੀਕਾਪਟਰ ਵਿੱਚ ਵਧੇਰੇਤਰ 20 ਲੋਕ ਹੀ ਸਵਾਰ ਹੋ ਸਕਦੇ ਹਨ।
- VVIP ਲਈ ਮੋਡੀਫਾਈ ਕੀਤੇ ਗਏ ਹੈਲੀਕਾਪਟਰ ਵਿੱਚ ਟਾਇਲਟ ਵੀ ਹੁੰਦਾ ਹੈ।
- ਦੁਨੀਆ ਦੇ ਕਰੀਬ 60 ਦੇਸ਼ 12 ਹਜਾਰ ਤੋਂ ਵੱਧ Mi-17 ਹੈਲੀਕਾਪਟਰ ਦਾ ਇਸਤੇਮਾਲ ਕਰਦੇ ਹਨ।
250 ਕਿੱਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ
- Mi-17 ਹੈਲੀਕਾਪਟਰ 8 ਮੀਟਰ/ਸੈਕੰਡ ਦੀ ਰਫ਼ਤਾਰ ਨਾਲ ਉਚਾਈ ‘ਤੇ ਜਾ ਸਕਦਾ ਹੈ।
- ਹੈਲੀਕਾਪਟਰ ਦੀ ਵੱਧ ਤੋਂ ਵੱਧ ਰਫ਼ਤਾਰ ਅਤੇ ਕਰੂਜ਼ ਦੀ ਰਫ਼ਤਾਰ ਕ੍ਰਮਵਾਰ 250 ਕਿੱਲੋਮੀਟਰ/ਘੰਟਾ ਅਚੇ 225 ਕਿੱਲੋਮੀਟਰ/ਘੰਟਾ ਹੈ।
- ਹੈਲੀਕਾਪਟਰ ਦੀ ਰੇਂਜ 465 ਕਿੱਲੋਮੀਟਰ ਹੈ ਅਤੇ ਸਰਵਿਸ ਸੀਲਿੰਗ 6000 ਮੀਟਰ ਹੈ।
- ਹੈਲੀਕਾਪਟਰ ਦਾ ਵਜ਼ਨ ਕਰੀਬ 7,489 ਕਿੱਲੋ ਹੈ ਅਤੇ ਇਸਦਾ ਵੱਧ ਤੋਂ ਵੱਧ ਵਜ਼ਨ 13,000 ਕਿੱਲੋਗ੍ਰਾਮ ਹੈ।
2008 ‘ਚ ਹੋਇਆ ਸੀ ਸੌਦਾ, 2018 ‘ਚ ਮਿਲੀ ਆਖਰੀ ਖੇਪ
ਭਾਰਤ ਦੇ ਰੱਖਿਆ ਮੰਤਰਾਲੇ ਨੇ 80 Mi ਹੈਲੀਕਾਪਟਰਾਂ ਲਈ ਦਸੰਬਰ 2008 ਵਿੱਚ ਰੂਸ ਦੇ ਨਾਲ 1.3 ਅਰਬ ਡਾਲਰ ਦਾ ਸੌਦਾ ਕੀਤਾ ਸੀ। ਭਾਰਤੀ ਏਅਰਫੋਰਸ ਨੂੰ Mi ਹੈਲੀਕਾਪਟਰਾਂ ਦੀ ਡਿਲੀਵਰੀ 2011 ਵਿੱਚ ਸ਼ੁਰੂ ਹੋਈ ਸੀ ਅਤੇ 2013 ਵਿੱਚ 36 Mi ਸੀਰੀਜ਼ ਦੇ ਹੈਲੀਕਾਪਟਰ ਮਿਲੇ ਸਨ। ਹਾਲਾਂਕਿ ਰੱਖਿਆ ਮੰਤਰਾਲੇ ਨੇ 2012-13 ਦੇ ਦੌਰਾਨ 71 Mi-17V-5 ਹੈਲੀਕਾਪਟਰਾਂ ਦਾ ਆਰਡਰ ਦਿੱਤਾ ਸੀ। ਭਾਰਤ ਨੂੰ ਇਸਦੀ ਆਖਰੀ ਖੇਪ ਜੁਲਾਈ 2018 ਵਿੱਚ ਮਿਲੀ ਸੀ।
