ਟੋਕਿਓ। ਆਪਣੀ ਜਿੰਦਗੀ ਦਾ ਪਹਿਲਾ ਓਲੰਪਿਕ ਇਵੈਂਟ ਖੇਡਣ ਵਾਲੀ 23 ਸਾਲਾ ਭਾਰਤੀ ਮਹਿਲਾ ਬਾਕਸਰ ਲਵਲੀਨਾ ਬੋਰਗੋਹੇਨ ਨੇ ਬ੍ਰਾਨਜ਼ ਮੈਡਲ ਆਪਣੇ ਨਾਂਅ ਕੀਤਾ ਹੈ। 69 ਕਿੱਲੋਗ੍ਰਾਮ ਭਾਰ ਵਰਗ ਦਾ ਸੈਮੀਫਾਈਨਲ ਮੁਕਾਬਲਾ ਹਾਰਨ ਦੇ ਬਾਵਜੂਦ ਲਵਲੀਨਾ ਨੇ ਇਤਿਹਾਸ ਰਚ ਦਿੱਤਾ। ਅਜਿਹਾ ਕਰਨ ਵਾਲੀ ਉਹ ਦੂਜੀ ਮਹਿਲਾ ਬਾਕਸਰ ਹਨ, ਇਸ ਤੋਂ ਪਹਿਲਾਂ ਮੈਰੀਕਾਮ ਨੇ 2012 ਚ ਬ੍ਰਾਨਜ਼ ਜਿੱਤਿਆ ਸੀ।
ਦਰਅਸਲ, ਸੈਮੀਫਾਈਨਲ ‘ਚ ਲਵਲੀਨਾ ਦਾ ਮੁਕਾਬਲਾ ਤੁਰਕੀ ਦੀ ਮੁੱਕੇਬਾਜ਼ ਤੇ ਵਿਸ਼ਵ ਦੀ ਨੰਬਰ-1 ਬਾਕਸਰ ਬੁਸੇਨਾਜ ਸੁਰਮੇਲੀ ਨਾਲ ਸੀ। ਦੋਵੇਂ ਹੀ ਖਿਡਾਰੀਆਂ ਕੋਲ ਇੱਕ-ਦੂਜੇ ਨਾਲ ਲੜਨ ਦਾ ਤਜ਼ਰਬਾ ਨਹੀਂ ਸੀ, ਪਰ ਬੁਸੇਨਾਜ ਤਜ਼ਰਬੇ ‘ਚ ਭਾਰੀ ਪਈ। ਬੁਸੇਨਾਜ ਨੂੰ ਪਰਖ ਰਹੀ ਲਵਲੀਨਾ ਨੇ ਅਟੈਕ ਕਰਨ ‘ਚ ਦੇਰ ਕਰ ਦਿੱਤੀ।
PM ਨੇ ਲਵਲਿਨਾ ਨਾਲ ਫੋਨ ‘ਤੇ ਕੀਤੀ ਗੱਲ
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਬ੍ਰਾਨਜ਼ ਮੈਡਲ ਜਿੱਤਣ ਤੇ ਲਵਲੀਨਾ ਨੂੰ ਫੋਨ ਕਰਕੇ ਵਧਾਈ ਦਿੱਤੀ। ਪੀਐੱਮ ਨੇ ਕਿਹਾ ਕਿ ਲਵਲੀਨਾ ਦੀ ਸਫਲਤਾ ‘ਤੇ ਹਰ ਭਾਰਤੀ ਮਾਣ ਮਹਿਸੂਸ ਕਰ ਰਿਹਾ ਹੈ। ਪੀਐੱਮ ਨੇ ਲਵਲੀਨਾ ਨੂੰ ਵਧਾਈ ਦਿੰਦਿਆਂ ਟਵੀਟ ਵੀ ਕੀਤਾ, ਜਿਸ ‘ਚ ਉਹਨਾਂ ਲਿਖਿਆ, “ਵਧੀਆ ਲੜੀ। ਬਾਕਸਿੰਗ ਰਿੰਗ ‘ਚ ਉਹਨਾੰ ਦੀ ਸਫਲਤਾ ਕਈ ਭਾਰਤੀਆਂ ਨੂੰ ਪ੍ਰੇਰਿਤ ਕਰਦੀ ਹੈ। ਉਹਨਾਂ ਦੀ ਦ੍ਰਿੜ੍ਹਤਾ ਅਤੇ ਸੰਕਲਪ ਕਾਬਿਲੇਤਾਰੀਫ਼ ਹੈ। ਬ੍ਰਾਨਜ਼ ਜਿੱਤਣ ਲਈ ਉਹਨਾਂ ਨੂੰ ਵਧਾਈ। ਉਹਨਾਂ ਦੇ ਭਵਿੱਖ ਦੇ ਯਤਨਾਂ ਲਈ ਸ਼ੁਭਕਾਮਨਾਵਾਂ।”
Well fought @LovlinaBorgohai! Her success in the boxing ring inspires several Indians. Her tenacity and determination are admirable. Congratulations to her on winning the Bronze. Best wishes for her future endeavours. #Tokyo2020
— Narendra Modi (@narendramodi) August 4, 2021
ਤੁਸੀਂ ਸੈਮੀਫਾਈਨਲ ‘ਚ ਬਹਾਦਰੀ ਨਾਲ ਲੜੇ- ਕੈਪਟਨ
ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਲਵਲੀਨਾ ਨੂੰ ਮੈਡਲ ਜਿੱਤਣ ‘ਤੇ ਵਧਾਈ ਦਿੱਤੀ ਅਤੇ ਕਿਹਾ, “ਲਵਲੀਨਾ ਬੋਰਗੋਹੇਨ ਨੇ ਆਪਣੇ ਡੈਬਿਊ ਓਲੰਪਿਕ ‘ਚ ਸ਼ਾਨਦਾਰ ਪਰਫਾਰਮੈਂਸ ਨਾਲ ਭਾਰਤ ਲਈ ਬ੍ਰਾਨਜ਼ ਮੈਡਲ ਜਿੱਤਿਆ। ਸੈਮੀਫਾਈਨਲ ‘ਚ ਤੁਸੀਂ ਵਿਸ਼ਵ ਚੈਂਪੀਅਨ ਖਿਲਾਫ਼ ਬਹਾਦਰੀ ਨਾਲ ਲੜੇ। ਸਾਨੂੰ ਸਾਰਿਆਂ ਨੂੰ ਤੁਹਾਡੇ ‘ਤੇ ਮਾਣ ਹੈ।”
Incredible performance by Lovlina Borgohain in her debut at the #Olympics to win a #Bronze Medal for India. You fought valiantly in the semifinals too against a World Champion. We are all proud of you!🇮🇳 pic.twitter.com/3ir6TGtjjg
— Capt.Amarinder Singh (@capt_amarinder) August 4, 2021
