ਟੋਕਿਓ। ਓਲੰਪਿਕ ‘ਚ ਭਾਰਤ ਦਾ ਇੱਕ ਹੋਰ ਮੈਡਲ ਪੱਕਾ ਹੋ ਗਿਆ ਹੈ। ਭਲਵਾਨ ਰਵੀ ਦਹੀਆ ਨੇ 57 ਕਿੱਲੋਗ੍ਰਾਮ ਭਾਰ ਵਰਗ ਦੇ ਸੈਮੀਫਾਈਨਲ ‘ਚ ਕਜਾਕਿਸਤਾਨ ਦੇ ਨੂਰੀਸਲਾਮ ਸਨਾਯੇਵ ਨੂੰ ਹਰਾ ਕੇ ਫਾਈਨਲ ‘ਚ ਐੰਟਰੀ ਕਰ ਲਈ ਹੈ। ਹੁਣ ਵੀਰਵਾਰ ਨੂੰ ਫਾਈਨਲ ਮੁਕਾਬਲਾ ਹੋਵੇਗਾ, ਜਿਸ ‘ਚ ਜੇਤੂ ਰਹਿਣ ‘ਤੇ ਰਵੀ ਗੋਲਡ ਮੈਡਲ ਭਾਰਤ ਦੇ ਨਾਂਅ ਕਰ ਸਕਣਗੇ।
ਜਦੋਂ 1 ਮਿੰਟ ‘ਚ ਰਵੀ ਨੇ ਪਲਟ ਦਿੱਤਾ ਮੈਚ
ਸੈਮੀਫਾਈਨਲ ‘ਚ ਇੱਕ ਵਕਤ ‘ਤੇ ਰਵੀ 8 ਪੁਆਇੰਟ ਪਿੱਛੇ ਚੱਲ ਰਹੇ ਸਨ, ਜਿਸ ਤੋਂ ਅੰਦਾਜਾ ਲਾਇਆ ਜਾ ਰਿਹਾ ਸੀ ਕਿ ਉਹ ਹਾਰ ਜਾਣਗੇ। ਪਰ ਇੱਕ ਮਿਨਟ ਬਾਕੀ ਰਹਿੰਦੇ ਹੋਏ ਰਵੀ ਨੇ ਕਜਾਕਿਸਤਾਨ ਦੇ ਪਹਿਲਵਾਨ ਨੂੰ ਕਰਾਰੀ ਮਾਤ ਦਿੰਦੇ ਹੋਏ ਮੁਕਾਬਲੇ ਤੋਂ ਹੀ ਬਾਹਰ ਕਰ ਦਿੱਤਾ। ਉਹਨਾਂ ਨੂੰ ਵਿਕਟਰੀ ਬਾਏ ਫੌਲ ਰੂਲ ਦੇ ਤਹਿਤ ਜੇਤੂ ਐਲਾਨਿਆ ਗਿਆ।
ਰਵੀ ਨੇ ਸ਼ਾਨਦਾਰ ਕਮਬੈਕ ਕੀਤਾ- ਖੇਡ ਮੰਤਰੀ
ਕੇਂਦਰੀ ਖੇਡ ਮੰਤਰੀ ਅਨੁਰਾਗ ਠਾਕੁਰ ਨੇ ਵੀ ਰਵੀ ਦਹੀਆ ਨੂੰ ਵਧਾਈ ਦਿੰਦੇ ਹੋਏ ਟਵਿਟਰ ‘ਤੇ ਲਿਖਿਆ, “ਰਵੀ ਕੁਮਾਰ ਦਹੀਆ, ਕੀ ਸ਼ਾਨਦਾਰ Comeback ਕੀਤਾ ਤੁਸੀਂ। ਤੁਸੀਂ ਫਾਈਟਰ ਹੋ। ਆਪਣੇ Power play ਨਾਲ ਤੁਸੀਂ ਸਾਨੂੰ ਆਪਣੀਆਂ ਸੀਟਾਂ ਨਾਲ ਬੰਨ੍ਹ ਕੇ ਰੱਖਿਆ। ਫਾਈਨਲ ਲਈ ਸ਼ੁਭਕਾਮਨਾ। ਭਾਰਤ ਤੁਹਾਡੇ ਲਈ cheer ਕਰ ਰਿਹਾ ਹੈ।”
What a brilliant comeback Ravi Kumar Dahiya!
You’re a fighter!
You had us on the edge of our seat with your power play!
All the best for the final!
India 🇮🇳 is cheering for you !#Cheer4India pic.twitter.com/pwevoimBC5
— Anurag Thakur (@ianuragthakur) August 4, 2021
ਹਰਿਆਣਾ CM ਨੇ ਫਾਈਨਲ ਲਈ ਕਿਹਾ ‘Good luck’
ਸੋਨੀਪਤ ਦੇ ਰਵੀ ਦਹੀਆ ਨੂੰ ਹਰਿਆਣਾ ਦੇ ਮੁੱਖ ਮੰਤਰੀ ਨੇ ਇਸ ਕਾਮਯਾਬੀ ‘ਤੇ ਵਧਾਈ ਦਿੱਤੀ ਅਤੇ ਫਾਈਨਲ ਲਈ Good luck ਵੀ ਕਿਹਾ
कजाकिस्तान के पहलवान को अपने दाँव-पेच से पटखनी देकर भारत के लिए एक और पदक पक्का करते हुए #Tokyo2020 के पुरुषों के 57 किलोग्राम फ्रीस्टाइल कुश्ती फाइनल में स्थान बनाने वाले हरियाणवी पहलवान रवि कुमार दहिया को ढेर सारी बधाई और शुभकामनाएं। #Cheer4India pic.twitter.com/F9CV4WtzwM
— Manohar Lal (@mlkhattar) August 4, 2021
ਕਿਸਾਨ ਪਰਿਵਾਰ ਨਾਲ ਸਬੰਧਤ ਹਨ ਰਵੀ ਦਹੀਆ
ਓਲੰਪਿਕ ਦੇ ਫਾਈਨਲ ‘ਚ ਪਹੁੰਚਣ ਵਾਲੇ ਰਵੀ ਭਾਰਤ ਦੇ ਦੂਜੇ ਭਲਵਾਨ ਹਨ। ਇਸ ਤੋਂ ਪਹਿਲਾਂ 2012 ‘ਚ ਸੁਸ਼ੀਲ ਕੁਮਾਰ ਓਲੰਪਿਕ ਦੇ ਫਾਈਨਲ ‘ਚ ਪਹੁੰਚੇ ਸਨ। ਮੂਲ ਰੂਪ ਨਾਲ ਸੋਨੀਪਤ ਦੇ ਰਹਿਣ ਵਾਲੇ ਰਵੀ ਕਿਸਾਨ ਪਰਿਵਾਰ ਨਾਲ ਸਬੰਧ ਰਖਦੇ ਹਨ। ਓਲੰਪਿਕ ਤੱਕ ਪਹੁੰਚਣ ਦਾ ਰਵੀ ਦਾ ਸਫਰ ਅਸਾਨ ਨਹੀਂ ਰਿਹਾ ਹੈ। ਰਵੀ ਅਤੇ ਉਹਨਾਂ ਦੇ ਪਿਤਾ ਨੇ ਇਸ ਕਾਮਯਾਬੀ ਨੂੰ ਹਾਸਲ ਕਰਨ ਲਈ ਕਈ ਸਾਲਾਂ ਤੱਕ ਸੰਘਰਸ਼ ਕੀਤਾ ਹੈ।
