ਤਰਨਤਾਰਨ, August 31, 2022.
ਕਥਿਤ ਧਰਮ ਪਰਿਵਰਤਨ ਨੂੰ ਲੈ ਕੇ ਚੱਲ ਰਹੇ ਵਿਵਾਦ ਵਿਚਾਲੇ ਤਰਨਤਾਰਨ ਦੇ ਇੱਕ ਚਰਚ ਵਿੱਚ ਜੰਮ ਤੇ ਤੋੜਫੋੜ ਕੀਤੀ ਗਈ। ਪੱਟੀ ਦੇ ਪਿੰਡ ਠਕਰਪੁਰ ‘ਚ ਮੰਗਲਵਾਰ ਰਾਤ ਸਾਢੇ 12 ਵਜੇ ਦੀ ਇਹ ਘਟਨਾ ਹੈ। ਜਾਣਕਾਰੀ ਮੁਤਾਬਕ, 4 ਲੋਕ ਚਰਚ ਵਿੱਚ ਦਾਖਲ ਹੋਏ ਜਿਹਨਾੰ ਨੇ ਚਰਚ ਦੇ ਬਾਹਰ ਲਈ ਪ੍ਰਭੂ ਯੀਸ਼ੂ ਮਸੀਹ ਅਤੇ ਮਾੰ ਮਰੀਅਮ ਦਾ ਸਿਰ ਤੋੜ ਦਿੱਤਾ।
ਇਸ ਦੌਰਾਨ ਚਰਚ ਦੇ ਬਾਹਰ ਖੜ੍ਹੀ ਪਾਦਰੀ ਦੀ ਕਾਰ ਨੂੰ ਵੀ ਅੱਗ ਦੇ ਹਵਾਲੇ ਕਰ ਦਿੱਤਾ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਮੁਲਜ਼ਮਾੰ ਨੇ ਚਰਚ ਦੇ ਗਾਰਡ ਨੂੰ ਬੰਧਕ ਬਣਾ ਕੇ ਇਸ ਪੂਰੀ ਵਾਰਦਾਤ ਨੂੰ ਅੰਜਾਮ ਦਿੱਤਾ।
ਵਿਰੋਧ ‘ਚ ਸੜਕ ‘ਤੇ ਉਤਰਿਆ ਇਸਾਈ ਭਾਈਚਾਰਾ
ਚਰਚ ਵਿੱਚ ਤੋੜਫੋੜ ਦੀ ਜਾਣਕਾਰੀ ਮਿਲਦੇ ਹੀ ਗੁੱਸਾਏ ਇਸਾਈ ਭਾਈਚਾਰੇ ਦੇ ਲੋਕ ਬੁੱਧਵਾਰ ਦੀ ਸਵੇਰ ਸੜਕ ‘ਤੇ ਉਤਰ ਆਏ। ਪ੍ਰਦਰਸ਼ਨਕਾਰੀਆੰ ਨੇ ਪੱਟੀ-ਖੇਮਕਰਨ ਸਟੇਟ ਹਾਈਵੇ ਜਾਮ ਕਰ ਦਿੱਤਾ ਅਤੇ ਮੁਲਜ਼ਮਾੰ ਦੀ ਗ੍ਰਿ਼ਫ਼ਤਾਰੀ ਦੀ ਮੰਗ ‘ਤੇ ਅੜ ਗਏ। ਦੁਪਹਿਰ ਨੂੰ ਪੁਲਿਸ ਦੇ ਆਲਾ ਅਧਿਕਾਰੀ ਧਰਨੇ ਵਾਲੀ ਥਾੰ ‘ਤੇ ਪਹੁੰਚੇ, ਜਿਹਨਾੰ ਵੱਲੋੰ ਕਾਰਵਾਈ ਦੇ ਭਰੋਸੇ ਤੋੰ ਬਾਅਦ ਧਰਨਾ ਚੁੱਕ ਲਿਆ ਗਿਆ।
CM ਵੱਲੋੰ ਜਾੰਚ ਦੇ ਹੁਕਮ
ਸੀਐੱਮ ਭਗਵੰਤ ਮਾਨ ਨੇ ਤਰਨਤਾਰਨ ਵਿੱਚ ਵਾਪਰੀ ਇਸ ਘਟਨਾ ਦੀ ਕਰੜੀ ਨਿੰਦਾ ਕੀਤੀ ਹੈ। ਉਹਨਾੰ ਕਿਹਾ ਕਿ ਕਿਸੇ ਨੂੰ ਵੀ ਸੂਬੇ ਦੀ ਭਾਈਚਾਰਕ ਸਾੰਝ ਭੰਗ ਨਹੀੰ ਕਰਨ ਦਿੱਤੀ ਜਾਵੇਗੀ। ਉਹਨਾੰ ਨੇ ਇਸ ਮਾਮਲੇ ਦੀ ਜਾੰਚ ਦੇ ਆਦੇਸ਼ ਦਿੱਤੇ ਅਤੇ DGP ਨੂੰ ਹੁਕਮ ਦਿੱਤਾ ਕਿ ਉਹ ਖੁਦ ਬਰੀਕੀ ਨਾਲ ਮਾਮਲੇ ਦੀ ਜਾੰਚ ਵੇਖਣ।
ਘਟਨਾ ਪਿੱਛੇ ਦੁਸ਼ਮਣ ਤਾਕਤਾੰ ਦਾ ਹੱਥ- CM
CM ਨੇ ਕਿਹਾ ਕਿ ਇਸ ਘਟਨਾ ਪਿੱਛੇ ਸੂਬੇ ਦੀ ਸ਼ਾਂਤੀ, ਖੁਸ਼ਹਾਲੀ ਅਤੇ ਤਰੱਕੀ ਦੀਆਂ ਦੁਸ਼ਮਣ ਤਾਕਤਾਂ ਦਾ ਹੱਥ ਹੈ। ਭਗਵੰਤ ਮਾਨ ਨੇ ਕਿਹਾ ਕਿ ਇਸ ਮੰਦਭਾਗੀ ਘਟਨਾ ਦਾ ਮਕਸਦ ਸੂਬੇ ਦੇ ਸ਼ਾਂਤਮਈ ਮਾਹੌਲ ਨੂੰ ਖਰਾਬ ਕਰਨਾ ਅਤੇ ਪੰਜਾਬ ਦੀ ਫਿਰਕੂ ਸਦਭਾਵਨਾ ਤੇ ਭਾਈਚਾਰਕ ਸਾਂਝ ਨੂੰ ਲੀਹੋਂ ਲਾਹੁਣਾ ਸੀ। ਮੁੱਖ ਮੰਤਰੀ ਨੇ ਸਪੱਸ਼ਟ ਤੌਰ ਉਤੇ ਕਿਹਾ ਕਿ ਸੂਬਾ ਸਰਕਾਰ ਅਜਿਹੇ ਨਾਪਾਕ ਮਨਸੂਬਿਆਂ ਨੂੰ ਕਾਮਯਾਬ ਨਹੀਂ ਹੋਣ ਦੇਵੇਗੀ।
2 ਦਿਨ ਪਹਿਲਾੰ ਜੰਡਿਆਲਾ ‘ਚ ਹੋਇਆ ਸੀ ਵਿਵਾਦ
ਐਤਵਾਰ ਨੂੰ ਜੰਡਿਆਲਾ ਗੁਰੂ ਦੇ ਪਿੰਡ ਡੱਡੂਆਣਾ ਵਿੱਚ ਇਸਾਈ ਭਾਈਚਾਰੇ ਦੇ ਸਮਾਗਮ ਨੂੰ ਨਿਹੰਗਾੰ ਨੇ ਰੁਕਵਾ ਦਿੱਤਾ ਸੀ ਅਤੇ ਤੋੜਫੋੜ ਵੀ ਕੀਤੀ ਸੀ। ਇਸ ਦੌਰਾਨ ਦੋਵੇੰ ਭਾਈਚਾਰਿਆੰ ਵਿੱਚ ਝੜੱਪ ਵੀ ਹੋਈ। ਬਾਅਦ ਵਿੱਚ ਪੁਲਿਸ ਨੇ 150 ਦੇ ਕਰੀਬ ਨਿਹੰਗਾੰ ‘ਤੇ ਕੇਸ ਦਰਜ ਕਰ ਲਿਆ ਸੀ, ਜਿਸਦਾ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਸਖਤ ਵਿਰੋਧ ਕੀਤਾ ਸੀ। ਜਥੇਦਾਰ ਨੇ ਕਿਹਾ ਸੀ ਕਿ ਸਰਕਾਰ ਦੀ ਇਹ ਕਾਰਵਾਈ ਪੂਰੀ ਤਰ੍ਹਾੰ ਨਾਲ ਗਲਤ ਹੈ। ਉਹਨਾੰ ਇਲਜ਼ਾਮ ਲਾਇਆ ਸੀ ਕਿ ਇਸਾਈ ਭਾਈਚਾਰੇ ਦੇ ਲੋਕ ਸਿੱਖਾੰ ਦਾ ਜਬਰੀ ਧਰਮ ਪਰਿਵਰਤਨ ਕਰਵਾ ਰਹੇ ਹਨ ਅਤੇ ਭਾਈਚਾਰਕ ਸਾੰਝ ਵਿਗਾੜਨ ਲਈ ਇਹ ਸਭ ਕੀਤਾ ਜਾ ਰਿਹਾ ਹੈ।
