ਬਿਓਰੋ। ਅੰਮ੍ਰਿਤਸਰ ‘ਚ ਪੁਲਿਸ ਇੰਸਪੈਕਟਰ ਦੀ ਗੱਡੀ ‘ਚ ਬੰਬ ਲਗਾਏ ਜਾਣ ਦੇ ਮਾਮਲੇ ਵਿੱਚ ਦੋਵੇੰ ਮੁਲਜ਼ਮਾੰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਦੋਵੇੰ ਮੁਲਜ਼ਮ ਤਰਨਤਾਰਨ ਦੇ ਪੱਟੀ ਦੇ ਰਹਿਣ ਵਾਲੇ ਹਨ। ਮੁਲਜ਼ਮਾੰ ਦੀ ਪਛਾਣ ਹਰਪਾਲ ਸਿੰਘ ਅਤੇ ਫਤਿਹਵੀਰ ਸਿੰਘ ਦੇ ਰੂਪ ‘ਚ ਹੋਈ ਹੈ।
ਮੁਲਜ਼ਮ ਹਰਪਾਲ ਸਿੰਘ ਪੰਜਾਬ ਪੁਲਿਸ ‘ਚ ਵੀ ਤੈਨਾਤ ਹੈ। ਪੁਲਿਸ ਹੁਣ ਉਸਦਾ ਰਿਕਾਰਡ ਖੰਗਾਲਣ ਵਿੱਚ ਲੱਗੀ ਹੈ। ਸੂਤਰਾੰ ਮੁਤਾਬਕ, ਦੋਵੇੰ ਮੁਲਜ਼ਮ ਵਿਦੇਸ਼ ਭੱਜਣ ਦੀ ਫਿਰਾਕ ਵਿੱਚ ਸਨ। ਪੁਲਿਸ ਨੇ ਦੋਵਾੰ ਨੂੰ ਦਿੱਲੀ ਤੋੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਕੁੱਤੇ ਨੇ ਨਾਕਾਮ ਕੀਤੀ ਸਾਜ਼ਿਸ਼
ਦੱਸ ਦਈਏ ਕਿ ਅੰਮ੍ਰਿਤਸਰ ਦੀ CIA ਸੈੱਲ ‘ਚ ਤੈਨਾਤ ਪੁਲਿਸ ਇੰਸਪੈਕਟਰ ਦਿਲਬਾਗ ਸਿੰਘ ਦੀ ਗੱਡੀ ਵਿੱਚ ਬੰਬ ਰੱਖਿਆ ਗਿਆ ਸੀ। ਇਸ ਮਾਮਲੇ ਵਿੱਚ ਹੁਣ ਇੱਕ ਹੋਰ CCTV ਫੁਟੇਜ ਸਾਹਮਣੇ ਆਈ ਹੈ। ਇਸ ਫੁਟੇਜ ਦੇ ਮੁਤਾਬਕ, ਸਬ-ਇੰਸਪੈਕਟਰ ਦਾ ਪਾਲਤੂ ਕੁੱਤਾ ਕੁਝ ਖਾਣ ਲਈ ਗੱਡੀ ਦੇ ਹੇਠਾੰ ਗਿਆ ਅਤੇ ਬੰਬ ਵਿੱਚ ਲੱਗੀ ਤਾਰ ਨੂੰ ਮੂੰਹ ਨਾਲ ਖਿੱਚਣ ਲੱਗਿਆ। ਇੰਨੇ ‘ਚ ਗੱਡੀ ਹੇਠਾੰ ਲੱਗਿਆ ਬੰਬ ਜ਼ਮੀਨ ‘ਤੇ ਡਿੱਗ ਪਿਆ।
ਅੱਤਵਾਦੀ ਸਾਜ਼ਿਸ਼ ਤੋੰ ਇਨਕਾਰ ਨਹੀੰ
ਪੰਜਾਬ ਪੁਲਿਸ ਇਸ ਮਾਮਲੇ ‘ਚ ਟੇਰਰ ਦੇ ਪਹਿਲੂ ਨਾਲ ਵੀ ਜਾੰਚ ਕਰ ਰਹੀ ਹੈ। ਬੁੱਧਵਾਰ ਨੂੰ ਸਬ-ਇੰਸਪੈਕਟਰ ਦੇ ਘਰ ਪਹੁੰਚੇ ADGP ਨੇ ਕਿਹਾ ਕਿ ਇਸ ਮਾਮਲੇ ਵਿੱਚ ਅੱਤਵਾਦੀ ਸਾਜ਼ਿਸ਼ ਤੋਂ ਇਨਕਾਰ ਨਹੀੰ ਕੀਤਾ ਜਾ ਸਕਦਾ। ਉਹਨਾੰ ਮੁਤਾਬਕ, ਇਸ ਪੂਰੀ ਸਾਜ਼ਿਸ਼ ਦੇ ਪਿੱਛੇ ਇੱਕ ਵੱਡੇ ਨੱੈਟਵਰਕ ਦਾ ਹੱਥ ਹੋ ਸਕਦਾ ਹੈ। ਪੁਲਿਸ ਨੂੰ ਮੌਕੇ ਤੋੰ ਇੱਕ ਫੋਨ ਵੀ ਬਰਾਮਦ ਹੋਇਆ ਹੈ। ਪੁਲਿਸ ਇਸ ਮਾਮਲੇ ਵਿੱਚ ਜਲਦ ਹੀ ਵੱਡੇ ਖੁਲਾਸੇ ਕਰੇਗੀ।
