ਬਿਓਰੋ। ਕਿਸਾਨ ਅੰਦੋਲਨ ਖਤਮ ਹੋਣ ਤੋਂ ਬਾਅਦ ਹੁਣ ਕਾਂਗਰਸ ਸਰਕਾਰ ਕਿਸਾਨ ਵੋਟ ਬੈਂਕ ਨੂੰ ਭੁਨਾਉਣ ਵਿੱਚ ਜੁਟ ਗਈ ਹੈ। ਵੀਰਵਾਰ ਨੂੰ ਲੁਧਿਆਣਾ ਦੇ ਹਲਕਾ ਰਾਏਕੋਟ ਵਿੱਚ ਆਯੋਜਿਤ ਰੈਲੀ ਦੌਰਾਨ ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੱਧੂ ਨੇ ਕਿਹਾ ਕਿ ਫ਼ਸਲਾਂ ‘ਤੇ MSP ਨੂੰ ਹਰ ਹਾਲ ਵਿੱਚ ਕਾਨੂੰਨੀ ਰੂਪ ਦਿੱਤਾ ਜਾਵੇਗਾ।
ਸਿੱਧੂ ਨੇ ਕਿਹਾ ਕਿ ਮੱਕੀ ‘ਤੇ MSP 1600 ਰੁਪਏ ਹੈ, ਪਰ ਬਜਾਰ ਵਿੱਚ ਕਿਸਾਨਾਂ ਨੂੰ 800 ਰੁਪਏ ਪ੍ਰਤੀ ਕੁਇੰਟਲ ਰੇਟ ਮਿਲਦਾ ਹੈ। ਅਜਿਹੇ ਵਿੱਚ ਬਾਕੀ 800 ਰੁਪਏ ਪੰਜਾਬ ਸਰਕਾਰ ਕਿਸਾਨਾਂ ਨੂੰ ਦੇਵੇਗੀ। ਇਸੇ ਤਰ੍ਹਾਂ ਦਾਲ, ਤੇਲ, ਬੀਜ ਸਮੇਤ ਸਾਰੀਆਂ ਫ਼ਸਲਾਂ ‘ਤੇ ਪੰਜਾਬ ਸਰਕਾਰ ਕਿਸਾਨਾਂ ਨੂੰ MSP ਦੇਵੇਗੀ। ਸਿੱਧੂ ਰਾਏਕੋਟ ਵਿੱਚ ਸਾਂਸਦ ਅਮਰ ਸਿੰਘ ਦੇ ਪੁੱਤਰ ਕਾਮਿਲ ਅਮਰ ਸਿੰਘ ਬੋਪਾਰਾਏ ਵੱਲੋਂ ਆਯੋਜਿਤ ਰੈਲੀ ਵਿੱਚ ਬੋਲ ਰਹੇ ਸਨ।
Addressing public gathering in Dana Mandi, Raikot https://t.co/8gNXmzas4B
— Navjot Singh Sidhu (@sherryontopp) December 16, 2021
ਕਿਸਾਨਾਂ ਨੂੰ ਦਵਾਂਗੇ ਸਰਕਾਰੀ ਗੋਦਾਮ- ਸਿੱਧੂ
ਸਿੱਧੂ ਨੇ ਕਿਹਾ ਕਿ ਪੰਜਾਬ ਸਟੇਟ ਵੇਅਰਹਾਊਸ ਦੇ ਤਹਿਤ ਜਿੰਨੇ ਵੀ ਗੋਦਾਮ ਪੰਜਾਬ ‘ਚ ਹਨ, ਉਹਨਾਂ ‘ਤੇ ਕਿਸਾਨਾਂ ਨੂੰ ਹੱਕ ਦਿੱਤਾ ਜਾਵੇਗਾ। ਕਿਸਾਨ ਜਿਵੇਂ ਹੀ ਆਪਣੀ ਸੁੱਕੀ ਕਣਕ ਇਹਨਾਂ ਗੋਦਾਮਾਂ ਵਿੱਚ ਰੱਖਣਗੇ, ਉਹਨਾਂ ਨੂੰ ਪੰਜਾਬ ਸਰਕਾਰ ਤੁਰੰਤ 80 ਫੀਸਦ ਭੁਗਤਾਨ ਕਰੇਗੀ। ਜੇਕਰ ਇੱਕ ਮਹੀਨੇ ਜਾਂ 2 ਮਹੀਨਿਆਂ ਬਾਅਦ ਬਜਾਰ ਵਿੱਚ ਉਸ ਫਸਲ ਦਾ ਭਾਅ ਵੱਧ ਜਾਂਦਾ ਹੈ, ਤਾਂ ਕਿਸਾਨ ਉਸ ਨੂੰ ਅਸਾਨੀ ਨਾਲ ਵੇਚ ਕੇ ਪੈਸਾ ਕਮਾ ਸਕਦਾ ਹੈ।
