ਅੰਮ੍ਰਿਤਸਰ। ਕਰਨਾਲ ਤੋੰ ਬਰਾਮਦ IED-RDX ਮਾਮਲੇ ‘ਚ ਅੱਤਵਾਦੀ ਹਰਵਿੰਦਰ ਸਿੰਘ ਸੰਧੂ ਉਰਫ ਰਿੰਦਾ NIA ਦੇ ਰਡਾਰ ‘ਤੇ ਹੈ। ਕੌਮੀ ਜਾੰਚ ਏਜੰਸੀ (NIA) ਨੇ ਰਿੰਦਾ ‘ਤੇ 10 ਲੱਖ ਰੁਪਏ ਦਾ ਇਨਾਮ ਐਲਾਨਿਆ ਗਿਆ ਹੈ। ਇਸ ਤੋੰ ਪਹਿਲਾੰ NIA ਅੱਤਵਾਦੀ ਜਸਵਿੰਦਰ ਮੁਲਤਾਨੀ ਅਤੇ ਹਰਦੀਪ ਨਿੱਜਰ ‘ਤੇ ਵੀ 10 ਲੱਖ ਰੁਪਏ ਦਾ ਇਨਾਮ ਐਲਾਨ ਚੁੱਕੀ ਹੈ।
ਬੰਬ ਧਮਾਕਿਆੰ ਦੀ ਜਾੰਚ ਕਰ ਰਹੀ ਏਜੰਸੀ ਨੇ ਕਿਹਾ ਹੈ ਕਿ ਰਿੰਦਾ ਦਾ ਸੁਰਾਗ ਦੇਣ ਵਾਲੇ ਦਾ ਨਾੰਅ ਗੁਪਤ ਰੱਖਿਆ ਜਾਵੇਗਾ। ਇਸਦੇ ਲਈ ਮੋਬਾਈਲ ਨੰਬਰ- 7743002947, 8585931100 ਜਾਰੀ ਕੀਤਾ ਗਿਆ ਹੈ। ਚੰਡੀਗੜ੍ਹ ਪੁਲਿਸ ਨੇ ਵੀ ਰਿੰਦਾ ‘ਤੇ 50 ਹਜ਼ਾਰ ਰੁਪਏ ਦਾ ਇਨਾਮ ਐਲਾਨਿਆ ਹੋਇਆ ਹੈ, ਜਦਕਿ ਮਹਾੰਰਾਸ਼ਟਰ ਪੁਲਿਸ ਨੇ ਰਿੰਦਾ ਨੂੰ ਵਾੰਟੇਡ ਐਲਾਨ ਕੇ ਇਨਾਮ ਰੱਖਿਆ ਹੋਇਆ ਹੈ।
ਕਰਨਾਲ ‘ਚ ਭਾਰੀ ਮਾਤਰਾ ‘ਚ ਮਿਲਿਆ ਸੀ ਵਿਸਫੋਟਕ
ਇਸੇ ਸਾਲ 5 ਮਈ ਨੂੰ ਹਰਿਆਣਾ ਪੁਲਿਸ ਨੇ ਕਰਨਾਲ ਤੋੰ ਭਾਰੀ ਮਾਤਰਾ ‘ਚ ਵਿਸਫੋਟਕ (RDX) ਦੇ ਨਾਲ 4 ਦਹਿਸ਼ਤਗਰਦਾੰ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਇਹ ਸਾਰੇ ਇਨੋਵਾ ਕਾਰ ‘ਚ ਸਵਾਰ ਸਨ ਅਤੇ ਇਹਨਾੰ ਕੋਲੋੰ ਹਥਿਆਰ ਵੀ ਬਰਾਮਦ ਹੋਏ ਸਨ। ਪੁੱਛਗਿੱਛ ਵਿੱਚ ਪਤਾ ਲੱਗਿਆ ਸੀ ਕਿ ਸਾਰੇ ਵਿਸਫੋਟਕ ਤੇ ਹਥਿਆਰ ਪਾਕਿਸਤਾਨ ‘ਚ ਬੈਠੇ ਹਰਵਿੰਦਰ ਰਿੰਦਾ ਨੇ ਸਪਲਾਈ ਕੀਤੇ ਸਨ ਅਤੇ ਇਹ ਸਾਰੇ ਤੇਲੰਗਾਨਾ ਦੇ ਆਦਿਲਾਬਾਦ ‘ਚ ਭੇਜੇ ਜਾਣੇ ਸਨ। ਇਸ ਤੋੰ ਪਹਿਲਾੰ ਪੁਲਿਸ ਨੇ ਬਸਤਾੜਾ ਟੋਲ ਪਲਾਜ਼ਾ ‘ਤੇ ਨਾਕਾ ਲਗਾ ਕੇ ਇਸ ਸਾਜ਼ਿਸ਼ ਦਾ ਪਰਦਾਫਾਸ਼ ਕਰ ਦਿੱਤਾ।
ਅੱਤਵਾਦੀ ਘਟਨਾਵਾੰ ‘ਚ ਸ਼ਾਮਲ ਹੈ ਰਿੰਦਾ
ਪੰਜਾਬ ‘ਚ ਇੱਕ ਅੱਤਵਾਦੀ ਮੋਡਿਊਲ ਦਾ ਭੰਡਾਫੋੜ ਕੀਤਾ ਗਿਆ, ਤਾੰ ਫੜੇ ਗਏ ਮੁਲਜ਼ਮਾੰ ‘ਚੋੰ ਇੱਕ ਨੇ ਕਬੂਲ ਕੀਤਾ ਸੀ ਕਿ ਉਸਨੇ ਹਰਵਿੰਦਰ ਸਿੰਘ ਉਰਫ ਰਿੰਦਾ ਦੇ ਨਿਰਦੇਸ਼ ‘ਤੇ ਆਪਣੇ ਹੋਰ ਸਾਥੀਆੰ ਦੀ ਮਦਦ ਨਾਲ ਨਵਾੰਸ਼ਹਿਰ CIA ਦਫ਼ਤਰ ‘ਤੇ ਬੰਬ ਸੁੱਟਿਆ ਸੀ। ਨਾਲ ਹੀ ਮੋਹਾਲੀ ‘ਚ ਪੰਜਾਬ ਪੁਲਿਸ ਦੇ ਇੰਟੈਲੀਜੈੰਸ ਦਫ਼ਤਰ ‘ਤੇ ਗ੍ਰਨੇਡ ਨਾਲ ਹੋਏ ਅੱਤਵਾਦੀ ਹਮਲੇ ‘ਚ ਵੀ ਰਿੰਦਾ ਦਾ ਨਾੰਅ ਸਾਹਮਣੇ ਆਇਆ।
2017 ‘ਚ ਸ਼ਰੇਆਮ ਗੋਲੀਆੰ ਚਲਾਈਆੰ ਸਨ
9 ਅਪ੍ਰੈਲ, 2017 ਨੂੰ ਚੰਡੀਗੜ੍ਹ ਦੇ ਸੈਕਟਰ-38 ਗੁਰਦੁਆਰੇ ਦੇ ਬਾਹਰ ਹੁਸ਼ਿਆਰਪੁਰ ‘ਚ ਸਰਪੰਚ ਸਤਨਾਮ ਸਿੰਘ ਦਾ 7 ਗੋਲੀਆੰ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਰਿੰਦਾ ਨੇ ਗੈੰਗਸਟਰ ਦਿਲਪ੍ਰੀਤ ਸਿੰਘ ਉਰਫ ਬਾਵਾ ਦੇ ਨਾਲ ਮਿਲ ਕੇ ਸਰਪੰਚ ਦਾ ਕਤਲ ਕੀਤਾ ਸੀ।
18 ਸਾਲ ਦੀ ਉਮਰ ‘ਚ ਕਰ ਦਿੱਤਾ ਸੀ ਰਿਸ਼ਤੇਦਾਰ ਦਾ ਕਤਲ
ਦਰਅਸਲ, ਹਰਵਿੰਦਰ ਸਿੰਘ ਉਰਫ ਰਿੰਦਾ ਪੰਜਾਬ ਦੇ ਤਰਨਤਾਰਨ ਦਾ ਰਹਿਣ ਵਾਲਾ ਹੈ, ਪਰ 11 ਸਾਲ ਦੀ ਉਮਰ ਵਿੱਚ ਉਹ ਪਰਿਵਾਰ ਦੇ ਨਾਲ ਮਹਾੰਰਾਸ਼ਟਰ ਦੇ ਨਾੰਦੇੜ ਸਾਹਿਬ ਚਲਾ ਗਿਆ ਸੀ। ਪੁਲਿਸ ਰਿਕਾਰਡ ਦੇ ਮੁਤਾਬਕ, ਰਿੰਦਾ ਨੇ 18 ਸਾਲ ਦੀ ਉਮਰ ‘ਚ ਪਰਿਵਾਰਕ ਵਿਵਾਦ ਦੇ ਚਲਦੇ ਤਰਨਤਾਰਨ ‘ਚ ਆਪਣੇ ਇੱਕ ਰਿਸ਼ਤੇਦਾਰ ਦਾ ਕਤਲ ਕਰ ਦਿੱਤਾ ਸੀ। ਇਸ ਤੋੰ ਬਾਅਦ ਹਰਵਿੰਦਰ ਸਿੰਘ ਨੇ ਨਾੰਦੇੜ ‘ਚ ਜ਼ਬਰਨ ਵਸੂਲੀ ਸ਼ੁਰੂ ਕਰ ਦਿੱਤੀ ਅਤੇ 2 ਲੋਕਾੰ ਦਾ ਕਤਲ ਕਰ ਦਿੱਤਾ। ਇਥੇ ਉਸ ‘ਤੇ 2016 ਵਿੱਚ 2 ਮਾਮਲੇ ਦਰਜ ਸਨ ਅਤੇ ਦੋਵਾੰ ‘ਚ ਉਸ ਨੂੰ ਭਗੌੜਾ ਐਲਾਨਿਆ ਜਾ ਚੁੱਕਿਆ ਹੈ।
ਪੰਜਾਬ ਪੁਲਿਸ ਨੂੰ ਚਕਮਾ ਦੇ ਕੇ ਹੋ ਗਿਆ ਸੀ ਫਰਾਰ
2017 ਵਿੱਚ ਪੰਜਾਬ ਪੁਲਿਸ ਦੇ ਹੱਥ ਇਨਪੁੱਟ ਲੱਗਿਆ ਸੀ ਕਿ ਰਿੰਦਾ ਬੈੰਗਲੁਰੂ ਵਿੱਚ ਹੈ। ਉਹ ਆਪਣੀ ਪਤਨੀ ਦੇ ਨਾਲ ਇੱਕ ਹੋਟਲ ‘ਚ ਰੁਕਿਆ ਹੈ। ਪੰਜਾਬ ਪੁਲਿਸ ਨੇ ਬੈੰਗਲੁਰੂ ਦੇ ਹੋਟਲ ‘ਚ ਛਾਪਾ ਮਾਰਿਆ, ਪਰ ਰਿੰਦਾ ਹੋਟਲ ਦੇ ਕਮਰੇ ਦੀ ਖਿੜਕੀ ਤੋੰ ਨਿਕਲ ਕੇ ਫਰਾਰ ਹੋ ਗਿਆ। ਹਾਲਾੰਕਿ ਪੁਲਿਸ ਨੇ ਰਿੰਦਾ ਦੀ ਪਤਨੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ।
