ਅੰਮ੍ਰਿਤਸਰ। ਪੰਜਾਬ ਦੇ ਮੁੱਖ ਮੰਤਰੀ ਵਜੋਂ ਕਾਰਜਭਾਰ ਸੰਭਾਲਣ ਤੋਂ ਬਾਅਦ ਚਰਨਜੀਤ ਸਿੰਘ ਚੰਨੀ ਬੁੱਧਵਾਰ ਨੂੰ ਪਹਿਲੀ ਵਾਰ ਸੱਚਖੰਡ ਸ੍ਰੀ ਹਰਿਮੰਦਿਰ ਸਾਹਿਬ ਪਹੁੰਚੇ ਅਤੇ ਗੁਰੂ ਚਰਨਾਂ ਵਿੱਚ ਸੀਸ ਨਵਾਇਆ। ਸੂਬਾ ਕਾਂਗਰਸ ਪ੍ਰਧਾਨ ਨਵਜੋਤ ਸਿੱਧੂ, ਡਿਪਟੀ ਸੀਐੱਮ ਸੁਖਜਿੰਦਰ ਸਿੰਘ ਰੰਧਾਵਾ ਅਤੇ ਓਪੀ ਸੋਨੀ ਵੀ ਉਹਨਾਂ ਦੇ ਨਾਲ ਮੌਜੂਦ ਰਹੇ। ਇਸ ਦੌਰਾਨ ਮਾਝੇ ਦੇ ਵਧੇਰੇਤਰ ਵਿਧਾਇਕ ਵੀ ਉਹਨਾਂ ਦੇ ਨਾਲ ਨਜ਼ਰ ਆਏ।
Blessings of our Gurus will steer us on our course to further enrich our state with resilience to fight any challenge. Blessed to have paid my obesiance at Sri Darbar Sahib, Sri Durgiana Mandir and Bhagwan Valmiki Tirath Sthal Amritsar today. pic.twitter.com/yGwy2fLnQD
— Charanjit S Channi (@CHARANJITCHANNI) September 22, 2021
ਇਹ ਸਾਰੇ ਆਗੂ ਤੜਕ ਸਵੇਰੇ ਸਾਢੇ 4 ਵਜੇ ਹੀ ਦਰਬਾਰ ਸਾਹਿਬ ਪਹੁੰਚ ਗਏ ਹਨ। ਸੀਐੱਮ ਚੰਨੀ ਨੇ ਗੁਰੂ ਘਰ ਦੀ ਪਰੀਕਰਮਾ ਕੀਤੀ ਅਤੇ ਫਿਰ ਪਾਲਕੀ ਸਾਹਿਬ ਦੀ ਸੇਵਾ ਵੀ ਕੀਤੀ। ਕਰੀਬ 40 ਮਿੰਟਾਂ ਤੱਕ ਉਹ ਦਰਬਾਰ ਸਾਹਿਬ ਵਿਖੇ ਬੈਠੇ ਅਤੇ ਗੁਰਬਾਣੀ ਸਰਵਣ ਕੀਤਾ। ਅਰਦਾਸ ਤੋਂ ਬਾਅਦ ਚੰਨੀ ਨੇ ਪੰਜਾਬੀਆਂ ਲਈ ਸੁਨੇਹਾ ਦਿੱਤਾ ਕਿ ਹੁਣ ਧਰਮ ਹੇਠਾਂ ਰਹਿ ਕੇ ਰਾਜ਼ ਹੋਵੇਗਾ ਅਤੇ ਹਰ ਧਰਮ ਦਾ ਸਤਿਕਾਰ ਹੋਵੇਗਾ। ਧਰਮ ਦੀ ਜੈ-ਜੈਕਾਰ ਹੋਵੇਗਾ।
Paid obeisance at Shri Harmandir Sahib, Shri Durgiana Mandir & Bhagwan Valmiki Tirath Sthal, Amritsar Sahib with our CM @CHARANJITCHANNI Bai, Dy CMs @Sukhjinder_INC Bhaji & O.P. Soni Ji along with @INCPunjab MLAs, while stopping by at the famous Giani tea stall !! pic.twitter.com/8goxVvTw9q
— Navjot Singh Sidhu (@sherryontopp) September 22, 2021
ਬੇਅਦਬੀ ਦਾ ਇਨਸਾਫ਼ ਜਲਦ ਮਿਲੇਗਾ- ਚੰਨੀ
ਦਰਬਾਰ ਸਾਹਿਬ ਪਹੁੰਚੇ ਮੁੱਖ ਮੰਤਰੀ ਚਰਨਜੀਤ ਚੰਨੀ ਦੀ ਜੁਬਾਨ ‘ਤੇ ਬੇਅਦਬੀ ਦਾ ਜਿਕਰ ਵੀ ਰਿਹਾ। ਉਹਨਾਂ ਕਿਹਾ ਕਿ ਬੇਅਦਬੀ ਦਾ ਜੋ ਇਨਸਾਫ਼ ਮਿਲਣਾ ਚਾਹੀਦਾ ਹੈ, ਉਹ ਜਲਦ ਦਵਾਇਆ ਜਾਵੇਗਾ।
ਸਿੱਧੂ ਦੀ ਜੁਬਾਨ ‘ਤੇ ਚੰਨੀ ਦੀ ਤਾਰੀਫ਼
ਇਸ ਮੌਕੇ ਨਵਜੋਤ ਸਿੱਧੂ ਦੀ ਜੁਬਾਨ ‘ਤੇ ਚਰਨਜੀਤ ਚੰਨੀ ਦਾ ਹੀ ਨਾਂਅ ਰਿਹਾ। ਸਿੱਧੂ ਨੇ ਕਿਹਾ ਕਿ ਇਸ ਸ਼ਖਸ ਨਾਲ ਉਹਨਾਂ ਨੇ ਹਾਲੇ 2 ਹੀ ਦਿਨ ਬਿਤਾਏ ਹਨ, ਪਰ ਇਹਨਾਂ 2 ਦਿਨਾਂ ਦਾ ਤਜ਼ਰਬਾ ਅਜਿਹਾ ਰਿਹਾ, ਜਿਵੇਂ ਉਹਨਾਂ ਨੂੰ 17 ਸਾਲਾਂ ਦੀ ਸਿਆਸਤ ਵਿੱਚ ਕਦੇ ਨਹੀਂ ਹੋਇਆ।
ਜਲ੍ਹਿਆਂਵਾਲਾ ਬਾਗ, ਰਾਮ ਤੀਰਥ ਤੇ ਦੁਰਗਿਆਣਾ ਮੰਦਰ ਵੀ ਟੇਕਿਆ ਮੱਥਾ
ਦਰਬਾਰ ਸਾਹਿਬ ਤੋਂ ਬਾਅਦ ਸੀਐੱਮ ਚੰਨੀ ਤੇ ਹੋਰ ਆਗੂ ਜਲ੍ਹਿਆਂਵਾਲਾ ਬਾਗ ਪਹੁੰਚੇ, ਜਿਥੇ ਉਹਨਾਂ ਨੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਦਿੱਤੀ। ਇਸ ਤੋਂ ਬਾਅਦ ਉਹਨਾਂ ਦਾ ਕਾਫਲਾ ਰਾਮ ਤੀਰਥ ਵੱਲ ਗਿਆ, ਜਿਥੇ ਉਹਨਾਂ ਨੇ ਗੁਰੂ ਰਵੀਦਾਸ ਦੇ ਚਰਨਾਂ ਵਿੱਚ ਸੀਸ ਨਵਾਇਆ ਅਤੇ ਸਮਾਜ ਨੂੰ ਏਕਤਾ ਦਾ ਸੁਨੇਹਾ ਦਿੱਤਾ। ਇਸ ਉਪਰੰਤ ਮੁੱਖ ਮੰਤਰੀ ਦੁਰਗਿਆਣਾ ਮੰਦਰ ਵਿਖੇ ਪਹੁੰਚ ਕੇ ਵੀ ਨਤਮਸਤਕ ਹੋਏ।
