ਫਰੀਦਕੋਟ। ਪੰਜਾਬ ਦੇ ਸਿਹਤ ਮੰਤਰੀ ਚੇਤਨ ਸਿੰਘ ਜੌੜਾਮਾਜਰਾ ਪੂਰੇ ਐਕਸ਼ਨ ਮੋਡ ਵਿੱਚ ਹਨ। ਉਹ ਲਗਾਤਾਰ ਪੰਜਾਬ ਦੇ ਸਰਕਾਰੀ ਹਸਪਤਾਲਾੰ ਦਾ ਦੌਰਾ ਕਰ ਰਹੇ ਹਨ। ਸ਼ੁੱਕਰਵਾਰ ਨੂੰ ਜੌੜਾਮਾਜਰਾ ਫਰੀਦਕੋਟ ਦੇ ਮੈਡੀਕਲ ਕਾਲਜ ਦਾ ਅਚਨਚੇਤ ਦੌਰਾ ਕਰਨ ਪਹੁੰਚੇ, ਤਾੰ ਉਥੋੰ ਦੇ ਹਾਲਾਤ ਵੇਖ ਕੇ ਉਹ ਭੜਕ ਉਠੇ।
ਸਿਹਤ ਮੰਤਰੀ ਜਦੋੰ ਹਸਪਤਾਲ ਦੇ ਚਮੜੀ ਰੋਗ ਵਿਭਾਗ ‘ਚ ਪਹੁੰਚੇ, ਤਾੰ ਉਥੇ ਬੈੱਡ ‘ਤੇ ਵਿਛੇ ਗੱਦਿਆੰ ਦੀ ਹਾਲਤ ਵੇਖ ਕੇ ਉਹਨਾੰ ਦਾ ਗੁੱਸਾ ਫੁੱਟ ਪਿਆ।
ਗੁੱਸਾਏ ਮੰਤਰੀ ਨੇ ਕੁਲਪਤੀ ਡਾ. ਰਾਜ ਬਹਾਦੁਰ ਨੂੰ ਖਰੀ-ਖੋਟੀ ਸੁਣਾਈ ਅਤੇ ਉਹਨਾੰ ਨੂੰ ਖਰਾਬ ਗੱਦਿਆੰ ‘ਤੇ ਹੀ ਲਿਟਾ ਦਿੱਤਾ।
ਸਿਹਤ ਮੰਤਰੀ ਨੇ ਕੁਲਪਤੀ ਡਾ. ਰਾਜ ਬਹਾਦੁਰ ਨੂੰ ਝਾੜ ਪਾਉੰਦੇ ਹੋਏ ਹਸਪਤਾਲ ਦੇ ਹਾਲਾਤ ਲਈ ਉਹਨਾੰ ਨੂੰ ਜ਼ਿੰਮੇਵਾਰ ਠਹਿਰਾਇਆ। ਉਹਨਾੰ ਨੇ ਕਿਹਾ ਕਿ ਤੁਹਾਡੇ ਵਰਗੇ ਲੋਕਾੰ ਦੀ ਲਾਪਰਵਾਹੀ ਦੇ ਚਲਦੇ ਹੀ ਅਜਿਹੇ ਹਾਲਾਤ ਵੇਖਣ ਨੂੰ ਮਿਲ ਰਹੇ ਹਨ।
ਸਿਹਤ ਮੰਤਰੀ ਨੇ ਹਸਪਤਾਲ ਦੇ ਬਾਥਰੂਮ ਦਾ ਵੀ ਨਿਰੀਖਣ ਕੀਤਾ ਅਤੇ ਗੰਦਗੀ ਨੂੰ ਲੈ ਕੇ ਸਟਾਫ ਨੂੰ ਝਾੜ ਪਾਈ।
ਸਿਹਤ ਮੰਤਰੀ ਨੇ ਖੁਦ ਹਸਪਤਾਲ ਦੇ ਰਜਿਸਟਰ ਵੀ ਚੈੱਕ ਕੀਤੇ। ਉਹਨਾੰ ਕਿਹਾ ਕਿ ਕੰਮ ਵਿੱਚ ਲਾਪਰਵਾਹੀ ਵਰਤਣ ਵਾਲੇ ਕਿਸੇ ਵੀ ਸਟਾਫ ਨੂੰ ਬਖਸ਼ਿਆ ਨਹੀੰ ਜਾਵੇਗਾ।
ਸਿਹਤ ਮੰਤਰੀ ਨੇ ਮਰੀਜ਼ਾੰ ਨਾਲ ਗੱਲ ਕਰਕੇ ਉਹਨਾੰ ਦੀਆੰ ਮੁਸ਼ਕਿਲਾੰ ਸੁਣੀਆੰ ਅਤੇ ਹੱਲ ਦੇ ਆਦੇਸ਼ ਦਿੱਤੇ। ਮੰਤਰੀ ਨੇ ਕਿਹਾ ਕਿ ਉਹ ਸਿਹਤ ਸੁਵਿਧਾਵਾੰ ਦੀਆੰ ਕਮੀਆੰ ਲੱਭਣ ਲਈ ਨਹੀੰ, ਬਲਕਿ ਹਸਪਤਾਲਾੰ ਦੀ ਲੋੜ ਨੂੰ ਵੇਖਣ ਆਏ ਹਨ।
ਆਪਣੇ ਦੌਰੇ ਦੌਰਾਨ ਸਿਹਤ ਮੰਤਰੀ ਹਸਪਤਾਲ ਵਿੱਚ ਹੀ ਪ੍ਰਦਰਸ਼ਨ ਕਰ ਰਹੇ ਮੁਲਾਜ਼ਮਾੰ ਨੂੰ ਵੀ ਮਿਲੇ ਅਤੇ ਉਹਨਾੰ ਦੀਆੰ ਮੰਗਾੰ ਪੂਰੀਆੰ ਕਰਨ ਦਾ ਭਰੋਸਾ ਦਿੱਤਾ।
ਚੇਤਨ ਸਿੰਘ ਜੌੜਾਮਾਜਰਾ ਨੇ ਪੱਤਰਕਾਰਾੰ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਸਾਡੀ ਸਰਕਾਰ ਸਿਹਤ ਸਹੂਲਤਾੰ ਂ’ਤੇ ਕੰਮ ਕਰ ਰਹੀ ਹੈ। ਜਿਥੇ ਡਾਕਟਰਾੰ ਦੀ ਕਮੀ ਹੈ, ਉਸ ਨੂੰ ਪੂਰਾ ਕੀਤਾ ਜਾਵੇਗਾ।
